حواديت رمضانية

[مغتربة]

حالو يا حالو رمضان كريم يا حالو

يالله فوكوا الكيس و ادونى حواديت

لا اروح و ماجيش يا حالو

يوم من يوم بيقربنا لشهر الصوم

تحلى لمتنا و تكتر حواديتنا

و النهارده عايزين نحكى و نفتكر مع بعض

اول مره كونا فيها نصوم

يالله نسلى انتظارنا

لغايه ما رمضان يخبط على دارنا

و كل واحد او واحده تدخل

يحكى و يقولنا

اول مره صام كان سنه اد ايه

و عمل ايه ;)

و كمل اليوم كله و لا صام لغايه ما صحى من النوم بس :P

لا بجد ايه حكايات الصيام معاكم

و ايه اصعب يوم صيام مر عليك من اول ما بدات تصوم

و ايه الموقف الى معلق معاك فى دماغك بشهر الصوم و اول ما سيره رمضات تيجى تفتكره على طول

و ايه ........زو لا بلاش لتقولوا عليا رغايه

كفايه لغايه كدا

[رضوي]

وحوي ياوحوي ايوحا

اول سنة اصوم كان سني صغير اوي ....... مش فاكرة بالظبط اد ايه ...... بس ماكنتش لسة دخلت المدرسة

وبابا قالي صومي لحد الضهر وكفاية عليكي

بس انا صممت اني اكمل صيام ...... وفعلاً كملته لحد المغرب

وكملت صيام الشهر كامل

الحمد لله

رمضان من صغري معلق معايا بالفانوس

لازم كل سنة يجيلي فانوس ........... والسنة اللي مايجيش فيها الفانوس ازعل اوي ......... ماما شايلة كمية فوانيس بتاعتي وبحبها اوي ....... ماما بتحب تحتفظ اوي بالحاجات دي

( لحد دلوقتي علي فكرة ......... ازعل اوي لو الفانوس ماجاش )

ولسة ماما بتسألني امبارح بتقولي ......... ها يارودي عايزة الفانوس السنة دي شكلة اييييييييييييه ؟؟؟؟؟ ههههههههههه

عمو فؤاد مرتبط معايا اوي برمضان ......... كنت اقعد استناه بعد بوجي وطمطم

ولما كبرت شوية بقي فيه بكار ....... ( بس لسة عمو فؤاد وفوازير نيلي وبوجي وطمطم ليهم احساس مختلف خالص )

السحور بقي ولما ماما تصحينا ويلا علشان نتسحر .......... علي الرغم اني اصلا كبيري كوباية زبادي ....... بس لازم اصحى علشان احس بالجو دة

كل سنة وانتوا طيبين

ورمضان كريم