ياللعار

[tarek hassan]

الشعب المصري يدرك تماما يا أخي العزيز طارق حسن أن فساد ثلاثون عاما لن يتم اصلاحه فى اشهر وهذا شىء لا خلاف عليه

ولكن الشعب المصري كل ما يريده أن يرى طريق الاصلاح والتطهير قد بدأ

وعندما يحدث هذا فكلنا سنكون مطمئنين , لأن الامر وقتها سيكون مسألة وقت لا أكثر , ولا يهم وقتها كم من الوقت تحتاج عملية الاصلاح والتطهير طالما أن الامور تسير فى الطريق الصحيح

هذا هو المطلوب يا سيد طارق

لكن بالله عليك عندما يتم تكليف شخص ما بحقبة وزارية فى حكومة الثورة وهذا الشخص كان من النظام القديم , فهل تعتقد أن هذا الشخص سيسير فى طريق الاصلاح والتطهير ؟؟؟

يا أخي بديهيا أن الأشخاص الذين تسببوا فى معاناة الشعب المصري وثار الشعب المصري ضدهم لا يعقل ابدا أنهم من سيقوموا بالاصلاح أليس كذلك ؟؟

الخلاصة : الاحتجاجات الحالية يا أخ طارق الغرض منها وضع الأمور على بداية الطريق الصحيح لكى تبدأ السير فيه , وليس علاج السلبيات أو التطهير بكبسة زر

إحنا متفقين يا أستاذ إبراهيم

ولكن المجلس العسكري لو فعل ما تقوله لكان قد وصل لدرجة الكمال ولكن ليس هناك كمال وكل واحد فيه عيوب وما علينا إلا إننا نسرع في التسليم لحكومة مدنية تكمل المسيرة وتحقق مطالب الشعب كاملة لأن المجلس العكسري أنا حاسس إنه مهنج مننا من كثرة المطالبات

تحياتي إبراهيم بيه

[أبو محمد]

هكذا بدأت المذابح و حفلات فصل الرؤوس بالمقصلة فى الثورة الفرنسية

وهكذا بدأت "البلطجة" تتحول عندنا من مجرد "جريمة" إلى "ثقافة"

[abobakr]

اولا يا استاذ طارق انا مش شايف فين العار

الفيديوهات اللي جبتها مش شايف ناس بتضرب بالعكس شايف ناس بتتعالج من اصابات

هاتقولي الاصابات دي جت منين اكيد يعني واحد جاي يضربك مش هاتسلم عليه وتاخده بالحضن اكيد هتدافع عن نفسك بضربه

ثانيا لو الناس دي كانت اتسلمت للشرطة العسكرية ايه اللي كان هايحصل؟؟

ياترى كام بلطجي اتمسك في الميدان واتسلم للشرطة العسكرية؟؟

ياترى البلطجية اللي ناس اصحابي مسكوهم بنفسهم من التحرير وسلموهم فين؟؟؟

ياترى الجيش عرف مين اللي كان وراهم ودفعلهم؟؟

ولو عرف مين وراهم ودفعلهم محدش اعلن عن حاجة ليه؟؟

اهم حاجة انا مع قتلهم مش تعليقهم كده ده حد الحرابة يا استاذ طارق

( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَاداً أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآخِرَةِ عَذَابٌ عَظِيمٌ) (المائدة:33)

[ابو محمود]

الى كل العقلاء هناك من يريد ان يتحول ميدان التحرير من رمز قوى وعلامة مضيئة فى جبين مصر الى جرح غائر ورمز سيء نعيش بة ونراة على وجة مصر افيقو يرحمكم الله هناك من يريد تفتيت مصر والانتقام من شبابها وهم يعيشون بيننا ويرهنون اموالهم لتضييع مكاسب الثورة العظيمة انتبهو ايها المصريين الميدان يرجع الى الخلف

[se_ Elsyed]

أنا أتفق تماماً مع الزميل Bakarbeko

وسؤال لجميع الزملاء الوطنيين اللي يهمهم يعرفوا الحقائق كمصريين يعيشون على ارض هذه البلد

من يوم موقعة الجحش حتى الأن .. وظهور ظاهرة البلطجة وقلة الأدب على السطح .. يعني منذ إعتداء البلطجية على المتظاهرين ودي كانت أكتر أيام مات فيها ناس من المولوتوف والطلقات الحية اللي كانت بتُطلق وفي اليوم ده تم القبض على 120 شخص وإتحاكموا أمام محاكم عسكرية - حسب كلام العسكر - وأخدوا ما بين 5 إلى 7 سنوات - أنا مش عارف إزاي ودي تهم بالقتل العمد مع سبق الأصرار والترصد - والمفروض إنهم إعترفوا بجرايمهم .. والمفروض إنهم مش ناس ماشيه في الشارع فقالت تعالوا نضرب بتوع التحرير .... والمفروض إن معظمهم غلابة لا يفقهوا شيء في أي شيء وبيشتغلوا للي يدفع لأن لا هما يعرفوا مين اللي في التحرير ولا عاوزين إيه ..

أه صحيح قبل ما أنسى .. هو ليه لحد دلوقت الكل بيتسائل عن القناصة اللي شوفناهم بيقتلوا الناس على الكوبري .... هو مين المفروض يحقق اللي إتقتل ولا جهات التحقيق المعنية ؟

جهات التحقيق اللي أنكرت على لسان وزير الداخلية إن مافيش قناصة أبداً في الداخلية وكان شكله مش ظريف لإن عندنا وحدة كاملة في إدارة مكافحة الإرهاب الدولي إسمها " القناصة " .... ده شكل وزير داخلية يا جماعة بيُدير ويغير ويطهر ؟

هنا السؤال .... مش من حقنا نعرف مين اللي ورا البلطجية دول ومين اللي دفع لهم ؟

سيبكوا من التهريج اللي بيحصل والـ 25 شخص اللي هايتحولوا لمحاكمة وعلى رأسهم صفوت الشريف وفتحي سرور بتمهة التحريض على موقعة الجمل

الموضوع أكبر من كده بكتير ... واتحدى من هنا حتى أخر الكون إن ما كان وراء ذلك وزارة الداخلية نفسها كمخطط ومحرض ومُحرك .. وذلك لما لها من سجل إجرامي طويل في تشغيل البلطجية لحسابها

لكن إحنا عاوزين نحافظ على إستقرار البلد يا ولاد ..

ومش عاوزين تهييج تاني على الشرطة الحلوه

وعاوزين تطهير بقى وحركة تنفلات وكده يعني

وعلى هذا الأساس الموضوع إتردم عليه ... وأنا أهو وإنتوا أهو وتذكروا الكلام ده جيداً إن ما خرج الجميع من اول جلسة براءة وعلى رأسهم فطاحل القانون زي مرتضى منصور وفتحي سرور لإنهم كانوا كبش فداء ومُسكن عشان الناس تهدا شويه .. لكن الموضوع غير ذلك تماماً ..

لإن لو كان عندك هذه العدد مسجون وواخد أحكام ... فليه كل التأخير ده اللي إمتد لـ 5 شهور عشان توجه التهم لـ 25 واحد ؟

[MZohairy]

مش عارف ليه بعض الردود محسساني ان البلطجي ده راجل كان رايح يفطر و ماشي كافي خيره شره و راح هووووووب اتلم عليه اشرار التحرير و نزلوا فيه ضرب

شوية عدل يا اخوان و حاولوا تعيشوا الحاله و تفهموا ابعادها حتلاقي نفسك بعدها ستلتمس لأخوانك الف عذر على ما اقترفوه من خطأ