تحبوا تعرفوا اية اللى حصل ؟؟

[Salwa]

صباح الخير ياصاحبة قلب من ذهب فعلا.

صباح الخير ياذهبية المشاعر .

مفيش كلام يتقال بعد كل اللى قالوه الأخوة الأفاضل.

هما بس كلمتين عايزة اقولهم لك..

لاتندمى ابدااا.

لاتندمى على أى خير بتعمليه سواء بالفعل او القول او حتى الصمت .

(( اوقات كتير لما بنسكت بنكون عملنا خير لأننا لو اتكلمنا او ردينا على اللى ظلمنا حانخسره للأبد ))..

يابنتى فيه ناس عايشة وبتفكر بس ف دنيتها...دنيتها هى .

انا اقصد...

حاولى مع اخاك على دخول الشهر الكريم وربنا يهديه.

انتى لازم تفتكرى ان اخوكى بالنسبة لك هو صلة رحم..لكن؟؟

زوجته مش صلة رحم...

لو مردتش على مكالمتك ...لاتتنازلى ولا تكونى لحوحة ..يعنى لاتطلبيها هى شخصيا ..

ممكن تسلمى عليها تانى ف مكالمتك التانية لأخوكى ..

ولو اتحججت تانى بأنها مش فاضية ؟؟ يبقى خلاص ..

وقتها حاتبقى مسألة كرامة ...

فاهمة قصدى يابنتى ؟؟

وربنا يهدى ..

اوعى تندمى ياذهبية وان شاء الله ربنا حايهديه .

صباح الخيرات.. :clappingrose:

[Folana]

السلام عليكم ورحمة الله...

ياااذهبية الغالية....

حضرتك لما بتعملى حاجة لوجه الله ..أو بتطبقى شرع الله ..بتعمليها بدون مقابل لا تريدين جزاءا ولا شكورا؟...ولا بتعمليها علشان منتظرة الجزاء هنا والأن؟؟..نحن نطبق كلام الله بدون مّن أو تكبر ..ومش بنقول " ادينى عملت اللى ربنا قال عليه أهو ..وأدى النتيجة"....حتى لايضيع أجرنا يا اختى العزيزة...

لما ربنا سبحانه وتعالى يقول لنا فى كتابه الحكيم :

"((يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيباً)) (النساء:1).

((فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ * أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ)) (محمد:23).

((وَالَّذِينَ يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ وَيُفْسِدُونَ فِي الْأَرْضِ أُولَئِكَ لَهُمُ اللَّعْنَةُ وَلَهُمْ سُوءُ الدَّارِ)) (الرعد:25).

ولما رسولنا الكريم عليه وعلى الانبياء جميعا أفضل الصلاة والسلام يوصينا بصلة الارحام...وأن نصل من قطعنا ونعطى من حرمنا ونعفو عمن ظلمنا ...

حننسى كل ده ونتوقف عند الكرامة؟؟...يعنى مثلا كأنى أقيم الصلاة وأدعو ربى..ثم أقول" هاا..ادينى دعيت اهو ومافيش استجابة ...شاهدين بقى ؟"

لايجوز يا عزيزتى ذهبية أن نتقرب إلى الله بكبرياء واستعلاء....بمعنى ان ربنا أمرنا ان نصل ارحامنا ..يبقى نفعل هذا برضا نفس راجين رضا ربنا علينا ومش رضا من قاطعنا ...

إهدأى لان يدك هى العليا هنا ..وتصرفك هذا ستجازى عليه بالخير ان شاء الله...

ولا تكلى أو تيأسى...خلى بالك إن دى أول مكالمة بعد القطيعة..وده رد فعل طبيعى من أخوك...يعنى ماكانش متوقع انه يقولك يا أهلا بالحبايب...لان نفسه لسه شايلة زى مابيقولوا...لكن فى قرارة نفسه هو سعيد بمكالمتك وحيراجع نفسه ..والا كان حيقفل السكة فى وشك ويقولك ماتتصليش هنا تانى..ولكنه لم يفعل..هو بس رد بشوية كرامة كده لأن الموقف مازال به شوائب....

اتصلى تانى قبل رمضان...وقولى له كل سنة وانت طيب...وان لم تجدى قبول يبقى انت عملت اللى عليك..وبرضه فى كل مناسبة اتصلى به....انت بتتعاملى مع الله وبتتاجرى مع الله لان كل العبادات وكل المعاملات الشرعية هى تجارة مع الله..وهى تجارة رابحة لن تبور إن شاء الله....

استعيذى بالله من الشيطان و إهدأى وخلى عندك حسن ظن بالله ....

تحياتى

[ام محمد]

اختنا ذهبية اذهب الله همك وفرج كربك وازال حزنك مع اني حزنت جدا من الحوار اللي قرأته الا اني متأكدة ان ربنا سيجزيك كل خير ...واكيد اخوك سيندم بينه وبين نفسه ...ارسلي له رسالة بالموبايل قبل رمضان بيوم للتهنئة برمضان ..وتكون رسالة رقيقة ليس بها اي عتاب يمكن ربنا يهديه ...وقلوبنا كلنا معاك

[ابراهيم عبد العزيز]

هناك مثل شعبي رائع فى مصر يا أخت ذهبية , وهو على الرغم من بساطته لكن معانية جميلة , بيقول:

( إعمل الخير وإرميه البحر )

وطالما انك قمتي بالخير وبادرتي به فلا تحزني من ردة الفعل , لأنك لم تخسري شيئا , بل على العكس نلتي رضا الله وثوابه

وطبعا مع كامل تقديري لصعوبة الموقف على النفس

تم تعديل 22 يوليو 2011 بواسطة ابراهيم عبد العزيز

[ذهبية]

اشكركم جميعا على ردودكم التى اثلجت صدرى و بردت قلبى بجد

و شعوركم الطيب اللى بجد كل كلمة فية من كل واحد فيكم اتحفرت جوة قلبى

و قريتها اكتر من مرة

لكم الفضل بعد الله عز و جل ان اهدى جداااا و ان امسح دمعتى و اشعر بالفرح بعد الحزن انى الان قريبة من ربنا قوىىى

الان انا حاسة ان ضميرى مرتاح لانى عملت اللى عليا

وكنت هندم لو ماعملت كدةة

و اتمنى ان ياتى الشهر الكريم و يرجع اخويا لطيبة قلبة و حنيتة الدائمة

اعرف ان طبيعة نفسة وتربيتة السليمةونقاء نفسة سوف تغلب علية فى النهاية

فالبيت الصالح اللى اتربينا فية و دعاء امى الله يرحمها لنا لن يضيع ابدااااا

[عماد حمدي]

اشكركم جميعا على ردودكم التى اثلجت صدرى و بردت قلبى بجد

و شعوركم الطيب اللى بجد كل كلمة فية من كل واحد فيكم اتحفرت جوة قلبى

و قريتها اكتر من مرة

لكم الفضل بعد الله عز و جل ان اهدى جداااا و ان امسح دمعتى و اشعر بالفرح بعد الحزن انى الان قريبة من ربنا قوىىى

الان انا حاسة ان ضميرى مرتاح لانى عملت اللى عليا

وكنت هندم لو ماعملت كدةة

و اتمنى ان ياتى الشهر الكريم و يرجع اخويا لطيبة قلبة و حنيتة الدائمة

اعرف ان طبيعة نفسة وتربيتة السليمةونقاء نفسة سوف تغلب علية فى النهاية

فالبيت الصالح اللى اتربينا فية و دعاء امى الله يرحمها لنا لن يضيع ابدااااا

أسأل الله العلي العظيم بحق هذه الأيام الصالحة أن يهدي لك أخوكي ، ويقرب ما بينكم ، و يجمعكم دائماً علي الخير و الطاعة

و إن شاء الأمور تتعدل و يرجع الحال أحلي من الأول و تدخلي تبشرينا :)

و متنسيش طبعاً الحلاوة ( طبقي إيدك بحته بخمساية كدة ;) )

تم تعديل 22 يوليو 2011 بواسطة omda2006