عصام شرف: أواجه عرقلة لمحاولة النهوض بمصر !

[م تيمور المراغي]

Essam Sharaf - عصــــام شرف

تقدير البعض منكم لما أواجهه من صعوبات تعرقل أدائي ولا ترغب في نهضة مصر هو أكثر شيء يخفف عني. كل ما يهمني الأن ان تثقوا ان كل قرار أخذته وهأخذه هدفه مصر ... مصر بس وليست البطولة الزائفة. شكراً لكل من إهتم بالسؤال عن صحتي.

الرباط الخاص بي

[م تيمور المراغي]

السؤال هو ,,

من الذي يحاول عرقلة د. عصام شرف

من هو المقصود !

[Alattar]

السؤال هو ,,

من الذي يحاول عرقلة د. عصام شرف

من هو المقصود !

مفيش غيرك طبعا...ارحم الراجل شوية بأه..مش كفاية اللي عملتوا فينا

التصريح ده ان صح طبعا..يبقي كلام خطير جدا..و ما أعتقدش انه يقصد المجلس العسكري..لأنه مش هيقدر يقولها علي الملأ كده..ممكن يكون يقصد رجال الأعمال في النظام المخلوع..و اللي ليهم مصالح في البلد و مش عاوزنها تنضرب

[م تيمور المراغي]

التصريح صحيح يا عطار من صفة دكتور عصام الشخصية ع الفيس و الرابط محطوط عندك

وبعدين

هو حد جاب سيرة المجلس العسكري ;)

[فريح]

Essam Sharaf - عصــــام شرف

تقدير البعض منكم لما أواجهه من صعوبات تعرقل أدائي ولا ترغب في نهضة مصر هو أكثر شيء يخفف عني. كل ما يهمني الأن ان تثقوا ان كل قرار أخذته وهأخذه هدفه مصر ... مصر بس وليست البطولة الزائفة. شكراً لكل من إهتم بالسؤال عن صحتي.

الرباط الخاص بي

بخصوص سؤال حضرتك مين بقة اللى بيعرقل أدائة

الإجابة حضرتك كاتبها فى مداخلتك فى كلامه و تم تكبير الخط للإيضاح

و نفسر أكتر يقصد الناس اللى مش واثقه فية و مش واثقة فى قراراتة اللى أخذها و الى سيأخذها أى أنه مقتنع أن قرارته ايجابية

و فى مصلحة البلد بس الناس تفهم كده

و الإجابة بوضوح الناس اللى مش عاجبة أى حاجة ( لحسابات خاصة أو لبطولة زائفة زى ما قال بالظبط )

مجبتش حاجه من عندى خالص

تم تعديل 20 يوليو 2011 بواسطة فريح

[م تيمور المراغي]

مش راكبه يا فريح

حاولت والله اركبها

مش راكبه

[Alattar]

التصريح صحيح يا عطار من صفة دكتور عصام الشخصية ع الفيس و الرابط محطوط عندك

وبعدين

هو حد جاب سيرة المجلس العسكري ;)

يا تيمور أنا لما قلت المجلس العسكري ما قلتش كده لأي غرض في نفسي..أنا لا بحب أمدح في المجلس أوي..ولا برضه أفضل أشتم فيه علطول..أنا بحاول أبص من بعيد لحد ما أشوف ان شاء الله هترسي معاهم علي ايه

لكن أنا لما قلت المجلس العسكري ..قلت كده لأن هما دول أعلي حاجة حاليا في البلد,,يعني لما مثلا رئيس الوزراء ييجي يقوللك أنا عاوز أعمل كذا و مش عارف..يبقي أكيد في حد أعلي منه سلطه و صلاحيات هو اللي منعه..

[عشتار]

من المؤكد أن المسئولية كبيرة جدا على الرجل

وخاصة فى هذا الوقت القياسى

ومن الضرورى كذلك ن نتوقع أن الأمور لن تسير باليسر وبالسلام المتوقعين

هناك .. لازال يوجد المتربص الذى ينتظر الفرصة السانحة للنفاذ

وبدون تخصيص ..أو كشف هويات و تحديد

المخاطر المحيقة بمصر كبيرة جدا ومتشعبة

من الداخل ومن الخارج

ونحن قد لا نكون ملمين بأبعاد الرؤية واضحة ..

وأنا من المحبذين لأن يسير عصام شرف بسفينته للأمام

دون التوقف أمام كل كلمة وكل مطلب وكل هرطقة

وإلا فإن سفينته لن تتحرك أبدا

وطالما وضعنا ثقتنا فيه وفى نزاهته كشخص

يجب علينا أن نؤخر قليلا مصالحنا الشخصية والخاصة

فى سبيل مصالح أكثر موضوعية وشمولا

وحتى وان لم تبد مجهودات الرجل واضحة لنا

فلما القلق ؟

والضمانة فى كل الأحوال هو وعى الشعب المصرى

وحده الوعى واستمرار صوته الجمعى عاليا

وليس الفردى و حتى الحزبى

لندع إذن الأقنعة تسقط بالمضى

والأوراق تنكشف

فلن نعرف الصالح من الطالح إذا لم يتحرك الكل فى اتجاهاته بحرية

فيصلح أو يتعثر ..

ومن ثم نتخذ القرار

تحياتى

[ابراهيم عبد العزيز]

نعلم ان المسئولية كبيرة وضخمة على الدكتور شرف ونقدر له تحمله المسئولية فى هذا الظرف الحساس من تاريخ مصر

و نزاهة وشرف وامانة دكتور عصام ليست محل نقاش او اختلاف ويتفق فى ذلك غالبية الشعب المصري

ولو صح هذا التصريح فإننا نلوم دكتور عصام شرف فى شيء واحد فقط :

طالما أن هناك قوى تحاول عرقلة نهوض مصر فلما السكوت عنها ؟؟

ولما لا يخرج الدكتور عصام شرف فى مؤتمر صحفي ويحدد هذه القوى بالاسم لكي يفضحها ؟؟ سواء اكانوا من فلول النظام أو أى قوى اخرى

لما يعطيهم ستر لا يستحقونه ؟؟

من يعرقل مسيرة نهوض مصر يجب أن يتم الاعلان عنه بلا مواربة ولا مجاملة

تم تعديل 20 يوليو 2011 بواسطة ابراهيم عبد العزيز

[لماضة مصرية جدا]

السلام عليكم و رحمة الله و بركاته

أنا بشوف ان دكتور شرف فعلا ابتدي يتعافي من "الازمة" اللي مر بيها

و هي مش بس أزمة صحية...(علي حدود معلوماتي يعني)

و انما هي "ازمة" انها يرجع ياخد موقف واضح و صريح

انا كنت بشوف انه يستقيل و خصوصا في الفترة اللي طلع فيها البيانات الحلزونية ديت لكن دلوقتي شايفة انه نوعا ما بيقول بشكل واضح و بيحاول يترجم ده لافعال علي ارض الواقع لتحقيق هدف أكبر هو مصر

يمكن الراجل كان محتاج "انعاش" للروح الثورية

يجوز

الف سلامة يا دكتورو اجر و عافية ان شاء الله

--------------------------------------

باشمهندس اركتيكت

هو حضرتك لما بتسال السؤال "هو يقصد مين" انت عايز اجابة و لا بتسال علشان "نتشكك"

ع فكرة انا اؤيد "الشك" اللي بيوصلنا لليقين في النهاية

بس في نفس الوقت

متتخيل نفسك مكانه(يعني هو يبقي اركتيكت المحاورات و حضرتك تبقي شرف).....لو حد سالك السؤال بتاع اركتيكت ..

هترد عليه هتقوله ايه؟؟؟

ده مش سؤال "تشكيكي" علي فكرة

ده سؤال "تثبيتي"

تحياتي

[م تيمور المراغي]

حقول المجلس العسكري

على قولة العطار ,,

مين يقدر يعرقل رئيس وزراء مصر الا قوة اعلى منه !

[Alattar]

حقول المجلس العسكري

على قولة العطار ,,

مين يقدر يعرقل رئيس وزراء مصر الا قوة اعلى منه !

و ممكن يكون رجال أعمال من النظام القديم..و مازال ليهم نفوذ كبير و سلطات في أماكنهم و بيحاولوا يعملوا أي حاجة يثبتوا بيها نفسهم

و ما ننساش برضه ان الحيتان الكبيرة بس و الرؤوس هي اللي اتقبض عليها..لكن من أقل منهم ..يعني الحيتان المتوسطة و الصغيرة..لسه زي ما هم في أماكنهم

[فريح]

مش راكبه يا فريح

حاولت والله اركبها

مش راكبه

هى مش راكبة لأن حضرتك مش عايزه تركب

و بصراحه أنا لا أشك فى ذكائك فأكيد انت رجعت و حللت الجملة تانى فكلامة واضح

لو هو يقصد ما تريد كان قال كلام غير ده خالص

و قال مثلاً أنه يود أن يعلم الجميع أنه يبذل كل ما فى وسعه و لا يألو جهداً فى أنجاز مهماتة و أنه مثلاً يقدر طموحات كل الناس

و هكذا ....

ميجيش يقول أن كل الإجراءات التى قام بها كانت لمصلحة مصر و أنا عايز الناس تثق فية و أنه ليس من دعاة البطولة الزائفة

الكلام كده يتجه لما قولتة فى مداخلتى السابقة

و هو أنا بتكلم كميا يا باشمهندس و اله أية

أنا عايز الأمور تكون فى أطار مصلحة مصر فقط بدون ما كل واحد يريد الأنتصار لتوجهاته و افكاره فقط مهما كان الثمن

[عادل أبو عمر]

السؤال هو ,,

من الذي يحاول عرقلة د. عصام شرف

من هو المقصود !

أتفق مع السؤال ؟

الدكتور شرف .. لا يسعى لكتابة اسمه في التاريخ و لكنه تكليف من الشعب ارتضى به ... ويكفيه شهادة الجميع قبل و بعد هذا المنصب بكل أعبائه ..

و أدعو الله لنا و له بالعفو و العافية في الدنيا و الآخرة

لكن الوقت الحرج الآن و جميع تيارات و أحزاب مصر بيجتمعوا عشان يتفقوا ... محتاج منه يتكلم كلام واضح و محدد

في رايي إن ده مش موقف تصريحات تصدر بحسن نية ... لكنها في الوضع الحالي بهذا الشكل تعتبر تصريحات نارية من رئيس وزارء

ومش من الطبيعي في المرحلة دي تكون فيه تصريحات رمادية ... ما هو يا أبيض يا أسود

لأنه على افتراض المجلس العسكري طاهر اليد ... و على افتراض التيارات السياسية مطالبها مشروعة .. و مع ذلك الصدام مستمر و الاتهامات لا تنتهي ..

يبقى تصريح الدكتور شرف خطير جدا لأنه يصدر من حلقة الوصل بين المجلس و الشعب و الاعتراف بوجود معوقات .. مش في صالحه و لا في صالح أي طرف آخر .. أولا مش في صالحه لأنه كدة بيدينه بالسكوت طول الفترة دي و عدم كشف الأمور لمعالجتها أو لمحاسبة من تسبب فيها ..

وثانيا وهو الأهم بيشعلل الدنيا لأن كل طرف هيترجم الكلام على طول إنه مش موجه ليه و لكن الاتهام موجه لطرف لآخر

و يبقى عمل زي اللي طفى النار بالبنزين

[م تيمور المراغي]

طيب ننتقل لنقطه تانيه

مش ملاحظين الراجل رقد من 4 شهور من كثرة الهموم و المشاكل ربنا يشفيه ويعافيه

امال الجبله ده اللي كبس على نفسنا 30 سنه زي القرد وهو ضعف سنه !!

لا ولسه كان ناوي يترشح لفتره جديده كمان قبل ما نخلعه !

مش قلتلكم والدي قال لي انه انسان غير طبيعي في كفائته الجسديه والذهنيه

[ابوهنا]

ربنا يشفيه

ولكنى ارى انه رئيس وزراء فاشل

ايه الانجازات اللى سعادته عملها عشان يكون ناجح

الامن صفر

لما الشخص لايأمن فى بلده على نفسه وهله يبقى مها عمل عمل اى رئيس وزراء يبقى فاشل

[عادل أبو عمر]

طيب ننتقل لنقطه تانيه

مش ملاحظين الراجل رقد من 4 شهور من كثرة الهموم و المشاكل ربنا يشفيه ويعافيه

امال الجبله ده اللي كبس على نفسنا 30 سنه زي القرد وهو ضعف سنه !!

لا ولسه كان ناوي يترشح لفتره جديده كمان قبل ما نخلعه !

مش قلتلكم والدي قال لي انه انسان غير طبيعي في كفائته الجسديه والذهنيه

بالعكس مبارك شخصية ضعيفة و غباؤه مستحكم

ومفيش دليل على أكتر من فشله في قراءة أحداث الثورة و تضييع الفرص مرة بعد المرة و في كل خطاب

لم يفهم ان الشعب لم يعد يخاف منه و لا عليه

الفارق في نظري

عصام شرف .. ليس ضعيفا ..

و لكنه لا يجد على الخير أعوانا في من حوله ..

و كفاية يحي الجميل اللي كلنا شربنا فيه مقلب ...

والتيارات السياسية اللي مش راحماه ..

والمجلس اللي خلاه يظهر بهذا الضعف أمام الشعب عندما رفض استقالة يحي الجمل بعد توقيعه عليها ..

وتركة الفساد اللي تركها من قبله

مبارك ضعيف ..

كانت حاشيته عونا له على الشر .. و كان الشيطان يستحي أن يدخل تلميذا بين حاشية مبارك ..

وليس دليل من فجور هذه الحاشية من منظر أحمد عز مع صفوت الشريف في شرح استراتيجية الفوز بالانتخابات في المرحلة الأولى

ثم الاستهزاء بالشعب و الخروج من الكنترول و إعلان نتيجة المرحلة الثانية التي لم تبدأ أصلا

[فريح]

حقول المجلس العسكري

على قولة العطار ,,

مين يقدر يعرقل رئيس وزراء مصر الا قوة اعلى منه !

و ممكن يكون رجال أعمال من النظام القديم..و مازال ليهم نفوذ كبير و سلطات في أماكنهم و بيحاولوا يعملوا أي حاجة يثبتوا بيها نفسهم

و ما ننساش برضه ان الحيتان الكبيرة بس و الرؤوس هي اللي اتقبض عليها..لكن من أقل منهم ..يعني الحيتان المتوسطة و الصغيرة..لسه زي ما هم في أماكنهم

بصراحة رأيك يا عطار معقول جداً و ده أحتمال يضاف الى أحتمال من هم مازالوا غير راضيين عن أى شئ تم أنجازه

[م تيمور المراغي]

ربنا يشفيه

ولكنى ارى انه رئيس وزراء فاشل

ايه الانجازات اللى سعادته عملها عشان يكون ناجح

الامن صفر

لما الشخص لايأمن فى بلده على نفسه وهله يبقى مها عمل عمل اى رئيس وزراء يبقى فاشل

المجلس العسكري هو السبب في التقصير الامني

لانه كف ايد دكتور عصام عن تطوير اداء وزارة الداخلية بحجة انها وزارة سيادية

واصر على بقاء العيسوي رغما عن انف دكتور شرف الذي رغب في اقالته ,,

[م تيمور المراغي]

و ما ننساش برضه ان الحيتان الكبيرة بس و الرؤوس هي اللي اتقبض عليها..لكن من أقل منهم ..يعني الحيتان المتوسطة و الصغيرة..لسه زي ما هم في أماكنهم

ومين اللي مخللي الحيتان المتوسطة والصغيره تخرج من جحورها وتبجح فينا وتتجمع في مصطفى محمود وروكسي وتحضر كل اجتماعات الحوار الوطني !