اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

New System - CMA® Certified Management Accountant النظام الجديد مراجع كتب أسئلة إستفسارات وغيرها متجدد


Recommended Posts

بسم الله الرحمن الرحيم

أخوانى نجتمع اليوم لنتحدث مثلما تعودنا بصراحه و شجاعة و أقدام ،و ان كنا قد فقدنا عماد - فمصر فيها 80 مليون عمااااااااااااد - نعم كلنا عماد - نعم كلنا عماد - عماد للوطن و عماد للدين و عماد حمدي إن لزم الأمر

طب والله لو كان ( عصام شرف ) عمل الحركتين دول فى البيان كان زمان هو اللى مسك الرئاسة و الدنيا بقت 10/10 المهم

نرجع للبيان رقم 1 :WelEgTks:

لقد قررت و بصدق أن لا أبخل عليكم بمعلومة أو مرجع أو أستفساراً فى محله و أن أقدم كل ماعندى ( منكم و لكم) لكى نحقق حلما طالما كان يراودنا و هو الحصول على شهادة ال CMA

وفقنا الله و أياكم لما يحب و يرضى .... والسلام عليكم و رحمه الله و بركاته

عاشت مصر حره مستقلة :egyflag: عاشت مصر حره ستقلة

رابط هذا التعليق
شارك

:malta:

ما أنا موجود أهو ياعم :Head: قوام كدة طلعتلي قرار إقالة ...

تشرفت بيك أستاذ محمد ،،

شوفت خليتك ترجع أزاى ، رجع بقى اللينكات علشان نعمل Download و نعيد الزمن الجميع و انا بطلب من المشرفين بحذف موضوعى فى حاله أستمرار الموضوع الخاص بك مع اللينكات :give_rose:

رابط هذا التعليق
شارك

والله القصة مش إني أرجع أو لا ..

أنا إنقطعت عن بيتي ( المحاورات ) بخصوص الموضوع دا .. لاني إتفهمت غلط ويعلم الله ذلك ..

ومش عايز أفتح الموضوع دا تاني .. علشان ميحصلش شد و جذب بيني وبين الإدارة ..

خاصة أني أنا اللي طلبت إني أرجع المنتدي تاني ، وحذف الإنذار بتاعي ..

أنا ليا منهجية معينه بخصوص الـCMA وطريقة عرضها للأعضاء لكي يستفاد الجميع ..

طريقة التنظيم و تقسيم المنتدي هنا لا تصلح لذلك ،

ويمكن الإدارة هنا عندها حق ان المنتدي هنا مش تخصصه محاسبة و مالية ..

ومع ذلك انا لا أبخل علي أي عضو يحب يسأل او يستفسر عن أي شيء يخص الـCMA وأنا حاضر ليه ..

وإذا حبيت أنته تبتدي المسيرة من جديد فليوفقك الله ، وأخوك معاك متقلقش ..

أرق تحيــاتي ،،

رابط هذا التعليق
شارك

عارف بقا المشكلة في إية ان كل الماتيريال الموجوده مرفوعه بالفعل باسم المنتدي بتاعي ..

وشايف ان من الخطأ أن أكرر خطأي و أعلن عن المنتدي الخاص بي هنا بطريقة غير مباشرة ..

السبب ان الملفات المرفوعه بها ملف تيكست به عنوان الموقع بتاعي ..

أتمني كدة بقا تكون فهمت أنا أقصد اية ..

رابط هذا التعليق
شارك

الحلقة الأولى

ده تعريف الشهادة و اى معلومات مشابهة ممكن نلاقيها على أكتر من موقع مثل

Wikipedia,facebook ....

أهم شيئ الأن هى أننا نحط خطه عمل باليوم و الأسبوع و الشهر ل ( خطة الدراسة ) ،مع مراعاه توقيتات الأمتحانات

فى أنتظار تقديم أقتراحات من الأخوه و الأخوات و اتمنى أننا نقدر نوصل لافضل خطة تناسب الجميع علشان نبدء بتطبيقها

مع السلامة

post-25808-0-60230600-1310908435_thumb.p

،

رابط هذا التعليق
شارك

المنهج الجديد :

تم اجراء تعديلات على منهج السى ام ايه والمواد بحيث أصبح هناك أمتحانين فقط بدلاً من أربعة أجزاء وهما :

Part 1 Financial Plannning,Performance and control

Part 2 Financial Decision Making

ويحتوى كل امتحان على 100 سؤال multiple choice

وعدد 2 مقال مدة كل مقالة 30 دقيقة والزمن الكلى لكل امتحان 4 ساعات بدلا من 3 ساعات وعلى ان يتم اكمال الامتحانين خلال 3 سنوات

الجزء الأول

Financial Planning, Performance and Control

( مدة الاختبار : 4 ساعات)

(100 سؤال اختياري من متعدد - 3 ساعات)

(2 سؤال مقال - 1 ساعة - بمعدل 30 دقيقة لكل سؤال)

محتوي الجزء الأول :

Planning, Budgeting and Forecasting (30%)

Performance Management (25%)

Cost Management (25%)

Internal Controls (15%)

Professional Ethics (5%)

الجزء الثاني

- Financial Decision Making

( مدة الاختبار : 4 ساعات)

(100 سؤال اختياري من متعدد - 3 ساعات)

(2 سؤال مقال - 1 ساعة - بمعدل 30 دقيقة لكل سؤال)

محتوي الجزء الثانى :

Financial Statement Analysis (25%)

Corporate Finance (25%)

Decision Analysis and Risk Management (25%)

Investment Decisions (20%)

Professional Ethics (5%)

رابط هذا التعليق
شارك

:cheer: الحلقة الثانية : الصدمة الكبري

الحقيقة انى لاحظت أن 99% من الناس اللى أتكلمت فى موضوع ال السى ام ايه كان حديثها من منطلق ( أنا معايا الماتريل يا جدعان ) :give_rose: تلاقى الناس تدخل تحمل و تنزل و التهانى و التبريكات و الدعاء كأنهم أخدوا ال سي أم ايه لكن الصدمة لسه ما جتش !!!!!!!

الصدمة تبدء لما يطبعوا الماتريل و يلاقوا ان كتاب بارت 1 بس بيتلكم فى 480 صفحة ، المشكلة بقى مش فى عدد الصفحات ( واحد ذكي شويا يقولك ولا يهمنى :closedeyes: ، أنا قسم الكتاب سيكشن ... سيكشن .

تمام قسمنا الكتاب اللى هو عبارة عن 480 صفحة ل 5 كتب اللى هما عبارة عن 5 سيكشن فى البارت رقم 1 هتلاقى ان كل عنوان فى السيكشن كتاب لوحده و هتلاقى نفسك عمال تقرء العنوان و انت فاتح بقك و عنيك طالعه لبره و بيتقول ( يا بوى ) هى ال سى أم ايه حلوه كده :cheer: ( يا بوى )

الصدمة دى والحاله النفسية دى شيئ طبيعي و من واقع خبرتى هتلاقى نفسك أمام طريقين ومش هقول ثلاثة :

الطريق الأول : تدفع لك مبلغ محترم و تدخل مركز تدريس وربنا يوعدك بمدرس ( سوادنى ، هندى ، سوري ، مصري ..... إلخ ) أنت و نصيبك و غير انه هيدمر لك الأنجليزي بسب اللهجة ، يوم ما نقول عليه أنه فنان و محصلش و مدرس فلته هتلاقيه بيقرء من البوربويت اللى على السبوره العناوين و المحاضرة تتحول لحصه قراءة أو نقاش فردى و أحياناً خلاف جماعى و هتقول لنفسك من ثالث حصة بتحضرها أنا ايه اللى عملته فى نفسى حرام عليا الفلوس اللى راحت bsh:)

الطريق التانى : تبدء بعمل خطة دراسة مع نفسك ( بشوقك وبراحتك ، يالله شوف مصلحتك و بشوقك يا معلم و بقيت تعرف تتكلم ) smk:

ان كنت متجوز وعندك عيال ف ربنا معاك ، أن نويت تنزل العيال و توقعد لوحدك ربنا برضه معاك و في النهاية هتلاقي الأسبوع ورا التانى و لماتحصل على 3 ساعات مذاكرة هتقول أنك فارس زمانك

مع العلم أنى برجع أأكد على موضوع أن العنوان الواحد فى أى سيكشن كتاب لوحده ( هو اه أحنا مش ملزمين بالتعمق فيه ، بس المعرفة حلوة ومحتاجه مجهووووووود ووقت وقت وقت )

الثالت ربنا ما يكتب على حد تقعد تتفرج على نفسك و انت قاعد بتجمع ماتريال السى ام ايه الأصدار ال 7 ألاف و تبقى ال اى ام ايه بتغير مناهج و انت يا معلم قاعد تجمع المناهج و تقارن تحلل لحد ما تبقى المعلم كفته صاحب أكبر مكتبة لل سى ام ايه و تفتح فرع ليك فى الفجاله :P

القرار :

قرر المجلس العسكري الأتى :

1-وضع جدول زمني واضح وصريح ( سامعنى يا هيكل ) على ان يتم الأنتهاء من البارت الأول خلال 5 شهور لبدء التسجيل والأمتحان فى دور يناير أو فبراير 2012 ( إن شاء الله )

2- تخصيص الموضوع هنا فى المنتدى بمناقشة محتويات البارت الأول بالكامل وتقديم كل ما يمكن من ترجمه فعليه و توجيهات دراسية مفيده و ليست متكرره للحصول على اقصى فائدة و هى ( فهم و معرفة) محتويات البارت الأول

وفقنا الله و أياكم لما يحب و يرضى

عاشت مصر حره مستقله ..... عاشت مصر حره مستقله

رابط هذا التعليق
شارك

الحلقة الثالثة :

أنا شايف أننا نبدء بالترتيب الطبيعى الموجود فى بارت الاول وهو موضوع التخطيط . الموازنات . التنبؤ

لأسباب كتيره مش هنوجع راسنا بيها لكن أهمها بحكم الترتيب الطبيعى فى المنهج و أنه اكتر موضوع أهمية و أكتر درجات عليه ثلاثون فى المائة

طيب خلينا نبدء على بركه الله و نشوف أول موضوع فى بارت الاول

نسيت أقول كل سنة و انتم طيبين ورمضان مبارك معانا لحد عشرين رمضان نكون خلصنا السيكشن والتمارين انا عارف انه جنون لكن خلينا نشوف

بسم الله

مفهوم التخطيط و الموازنات

هنبدء من كتاب هوك من صفحة أربعة حتى صفحة ثلاثة و عشرين هناخد موضوع ال

Planning and Budgeting Concepts

ملزمة كمان فى المرفقات هتفيدنا فى القراءة

رابط هذا التعليق
شارك

  • 2 weeks later...

كل عام وانتم بخير حتى الأن لا توجد مشاركات بخصوص موضوع التخطيط . الموازنات . التنبؤ

اللى هو بارت 1 فى شهادة السي أم ايه ( ماهو انا مش فاتح القهوة ودافع فواتير كهرباء ومياه و عمال و فى الاخر مافيش زباين ) ياريت ياعنى عدى يطلب كوبايه شاي نستفتح منه عموماً أنتظرونا تجدوا كل جديد و على بركة الله

عاشت مصر حرة مستقلة ..... :egyflag: عاشت مصر حرة مستقلة

رابط هذا التعليق
شارك

  • 2 weeks later...

كل عام وانتم بخير حتى الأن لا توجد مشاركات بخصوص موضوع التخطيط . الموازنات . التنبؤ

اللى هو بارت 1 فى شهادة السي أم ايه ( ماهو انا مش فاتح القهوة ودافع فواتير كهرباء ومياه و عمال و فى الاخر مافيش زباين ) ياريت ياعنى عدى يطلب كوبايه شاي نستفتح منه عموماً أنتظرونا تجدوا كل جديد و على بركة الله

عاشت مصر حرة مستقلة ..... :egyflag: عاشت مصر حرة مستقلة

المهم فى الموضوع ده يا عزيزى هو الصبر والمداومة والنفس الطويل

للنجاح فى السى ام ايه المعهد بيتطلب منك ممارسة المادة العلمية

بمعنى انك كل وقت بتقضيه فى المذاكرة كفاءتك فى التحصيل وحل الاسئلة بتزيد

والعكس صحيح يعنى كل وقت بتبعد فيه عن المذاكرة كفاءتك بتقل ولا كانك ذاكرت حاجة

يعنى ايه المطلوب؟

المطلوب انك لما تبدا مذاكرة متوقفش ولا يوم

يعنى كل يوم لازم تفتح الكتاب ولو عالاقل ساعة

طب ليه؟

لانك لما بتوقف عن المذاكرة يوم بتخرج عن مود المذاكرة وبدل مكانت الصفحة بتاخد منك خمس دقايق ممكن ترجع تاخد منك نص ساعة زى اول يوم بدات فيه مذاكرة

بجد يا شباب مهم جدا الاستمرارية فى الماكرة وعدم التوقف عشان متهدش المجهود بتاع اللى فاتت

--------------------

من المغالطات اللى موجودة واللى الجماعة الخواجات دول ضحكوا علينا فيها(وسمعتها كذا مرة منهم لحد معرفت انهم هدفهم الاساسى تسويقى مش اكتر) وكنت بشوف السمنار بتاعهم واشوف تعليق بعض المدربين المصريين اللى مش عايزين يخالفوا ضميرهم ويبيعوا الوهم للناس

ان مرتبك بيزيد بمعدل من 50% لحد 70% اول متاخد الشهادة وده مش صحيح

المرتب ممكن يزيد 30% فقط وده فى حالة واحدة واللى هى الوظايف الادارية العليا

لكن بالنسبة للناس حديثى التخرج واللى خبرتهم بتتراوح من 3 حتى عشر سنوات الشهادة مش بتفيد معاهم اوى غير انه تمميز فى التعيين من قبل شركات معينة لكن فى الغالب هتلاقيك فى نفس رينج المرتبات

حاجة كمان الشهادة مش مقياس للكفاءة يعنى ممكن تلاقى مدير مالى ممعهوش شهادة انجح بكتير من مدير مالى معاه سى بى ايه

رابط هذا التعليق
شارك

السلام عليكم ورحمه الله و بركاتة ... وكل عام وأنتم بخير

أشكر مرور الزميل hOuSsAm و أنا سعيد جدا بقرأه التعليق الواحد حس أن في حد معاه فى الدنيا دي .. و شكراً مره أخرى على النصيحة الجميلة الخاصة بالاستمرار و المذاكرة و الصبر و المداومة

إن شاء الله أحنا ااتفقنا على اننا نبدء فى البارت رقم 1 و نهتم باول موضوع فى اليارت ده و هو موضوع التخطيط و الموازنة و التنبؤ و على فكرة بمجرد دراستنا لكل عنوان من العناوين السابقه هنلاقى أن الموضوع شيق و جميل و بالأخص موضوع الموازنة

أتمنى نبدء بأضافة معلوماتنا اللى تخص الجزئية دى وكل عام و أنتم بخير

عاشت مصر حره مستقلة .... عاشت مصر حره مستقله

رابط هذا التعليق
شارك

  • 2 weeks later...

السلام عليكم ورحمه الله و بركاتة

موضوع الموازنات ... مهم جدا المفاجأة أنى بحثت كتير فى مكتبة جرير و كتب الهيئة السعودية للمحاسبين القانونين و الأنترنت لقيت معظم الكتب تتحدث عن الإدارة المالية بالنسبة للكتب الأجنبية باللغة الأنجليزية الموضوع مشروح بشكل رائع ةخاصة على الويكيبديا المشلكة أن الواحد يلاقى الموضوع بالعربية عموماً اللى يقدر يا شباب يرفع مذكرة بأسلوب جيد تخص الموازنات هيكون شيئ جميل و انا من طرفي هرفع ملف يحتوي على شرح ممتاز للموازنات

كل عام وأنتم بخير ... عاشت مصر حرة مستقلة

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...