الف مبروك .. نشوى اصبحت أم

[kfaya]

خبر سعيد أخر يتواكب مع جملة الأحداث السعيدة التى يمر بها عدد كبير من أعضاء المحاورات .......

ألعزيزة نشوة ربنا رزقها بطفل و هذا هو سبب ابتعادها الفترة الماضية ....

ألف مليون مبروك و جعله الله قرة عينك و يعوضك به عن كل الأيام الصعبة الماضية .....

كيس السبوع ياريت يكون مكسرات ..... يعنى بلاش سودانى و حمص ....

:blink: ........ :blink: ........ mf( ........ :blink: ........ rs:

[حشيش]

عزيزتى نشوى

حمداً لله على سلامتك...بارك الله لكى فى ما رزق وجعله قرة عين لكىٍ...أسأل الله تعالى أن يحفظه لكى من كل سوء وأن يكتبه من الصالحين البارين...ححاول أدور لك على أغنية شادية (حلقاتك برجالاتك)...مش تعرفينا بقى على الأخ / الأخت...يعنى إسمه / إسمها...هواياته...كده يعنى وألف مبروك :blink: :blink: :blink:

[حشيش]

:blink: :blink: :blink:

[G.G]

هي نشوى انجبت فعلا؟؟ eey:: eey::

بس هي ما قالتش كده في أخر رد لها في "أعضاء نفتقدهم"!!

انتم متأكدين؟ :blink:

عامة, لو حقيقي..يبقى ألف ألف مبروك يا نشوى..و ربنا يكبره بسرعة و يجعله ابن بار لك إن شاء الله.. :blink:

[فــيــروز]

ماشاء الله :blink:

الف مبروك يا نشوى .. بارك الله فيما رزق ..

متخيله ان البيبى نزل ماسك فرشه و الوان ووشه باين عليه اثر الفن :blink:

[disappointed]

mf( :blink: rs: :blink:

ألف مبروك

ويتربّى فى عزّك , ويالاّ بقى شدّى حيلك علشان ييجى اليوم اللى نسمع صوتكم فيه و إنتم بتعملوا مداخلة مشتركة فى الــبى بى سى :blink:

rs: rs:

[Contra Mundum]

الف مبروك ... :blink: :blink:

[se_ Elsyed]

الف الف مبروك يا أم أحمد ( إنتب وعدتيني هاتسميه أحمد )

يتربى في عزك إن شاء الله .

عايز بقى المنتدى يتملي سبوع ومغات إنجليزي .

[DARWEEN]

أختنا العزيزه نشوى

بارك الله لك فيه وجعله لك خير ولد

ألف ألف مبروك ويتربى في عزك

[Sherief AbdelWahab]

مبروك للعزيزة نشوى..يتربى بإذن الله في عزها ابناً باراً في الصغر و سنداً في الكبر..ألف مبرووك..

خلص الكلام

[amir]

الف مبروك

ربنا يخليكم لبعض

http://www.geocities.com/Heartland/Hills/9703/baby.html

تم تعديل 30 سبتمبر 2004 بواسطة amir

[Salwa]

ياجماعة ........

فيه سوء تفاهم كبير هنا .......

فى موضوع آخر ..........ردت نشوى على من سالوا عنها وقالت انا كويسة انا والبيبى .....

ردت فريدة قالت اذن لازم تاكلى فرخة ......وباقى المداخلة ..

لأن فريدة ظنت ان نشوى وضعت بالسلامة ...

ياجماعة لسة بدرى ......لسة اكتر من ثلاثة شهور .......

اعمل ايه ؟؟؟؟؟؟

ايه رايكم نلغى الموضوع قبل ما نشوى تشوفه ؟؟

سلام مؤقت .....قولوا حاجة

[Modest]

أختنا العزيزة نشوى :blink:

ألف ألف ألف مبروك .. يارب تكوني بصحة جيدة و ربنا يبارك في البيبي و يجعله من الصالحين البارين.

[Modest]

ياجماعة ........

فيه سوء تفاهم كبير هنا .......

فى موضوع آخر ..........ردت نشوى على من سالوا عنها وقالت انا كويسة انا والبيبى .....

ردت فريدة قالت اذن لازم تاكلى فرخة ......وباقى المداخلة ..

لأن فريدة ظنت ان نشوى وضعت بالسلامة ...

ياجماعة لسة بدرى ......لسة اكتر من ثلاثة شهور .......

اعمل ايه ؟؟؟؟؟؟

ايه رايكم نلغى الموضوع قبل ما نشوى تشوفه ؟؟

سلام مؤقت .....قولوا حاجة

:blink:

إذا كان كده؟ ممكن حد من المشرفين يخبيه في أي مكان و يظهره بعد الولادة بإذن الله :blink:

على العموم ربنا يكتب لها ولادة سهلة بإذنه تعالى إذا كان الحدث السعيد لم يتم بعد.

[se_ Elsyed]

خبر سعيد أخر يتواكب مع جملة الأحداث السعيدة التى يمر بها عدد كبير من أعضاء المحاورات .......

إطلع لي بقى من ورا الكيبورد يا كفاية .... وتعالى لي

وإنزل حالاً الشارع وإتصرف في أي عيل نعمله سبوع... مش مشكلتنا ...

بقى عاوز الواد يبقى إبن ستة شهور وتسلقه بدري بدري ... يا اخ عيب .

طفيت الشمع ... رميت السبوع .. يا حبيبي .

الله يسامحك يا كفاية .

[nashwa]

وش واحده حولانه فى عنيها الاتنين .. وبقها مفتوح من ودنها الاتنين :blink: :blink:

انتو بتتكلموا عليه ولا دى نشوى حامل تانيه ... البيبى لسه فى بطنى وعمال او عماله يخبط وغالبا فرحان بالاستقبال الشعبى الجارف من شعوب الله فى بلاد الله وعايز (ة) ينزل يسلم واحد واحد ... فرحتوا قلبى الله يسعد ايامكم ...

كلام حبيبتى سلوى صحيح ... ان شاء الله التشريفه الكبيرة فى منتصف يناير فى عز البرد ... cbyb: ... حد يعرف يبعتلى مغات ... :blink:

لسة ماعرفتش نوع البيبى .. بس اقدر اعرف فى اى وقت لو حبيت لان اخر مره ذهبت للمستشفى لرؤيه حبه عينى بيتحرك على الشاشه .. الممرضه سالتنى عايزه تعرفى ولد ولا بنت ... علشان ده احتمال يكون اخر سكان قبل الولاده ... صمت وصمت وفكرت وامعنت .. وجتلى فكرة ... سالتها تكتبلى النوع على ورقة وتطبقها كويس ... وانا اعرف وقت مااحب الست بصتلى شذرا ... وافتكرت انى بهزز ... وشويه وحتقولى ايه شغل العرب دة ... المهم كتبت والورقة معايا بقالها 3 اسابيع ... ايه رايكم ابص من خرم الباب واشوف مين اللى عمال يلعب متشات كورة وملاكمة

ولا نسيبها لوقتها

عل العموم اسعدتم قلبى ... وكفايه عليه لمتكم حواليه ...

محبتى العميقة للجميع

mf( rs: rs: :

[فــيــروز]

يا خبر ابيض rs:

انا بردو مش عارفه ليه كان عندى انطباعات من كتابات نشوى فى بداية انضمامها للمنتدى انه لسه بدرى شويه :blink:

بس قلت احنا هنعرف اكتر من الحكومه !! rs: البيبى وصل يبقى خلاص وصل :blink:

بس كان نفسى فعلا يكون وصل عشان يبقى متزامن مع الايام المفترجه التى ننتظرها قريبا mf( ما علينا كأنه وصل يا نشوى بالظبط .. بس انا بردو اؤيدك فى موضوع الانتظار وعدم معرفة نوع الجنين .. دى حتى تبقى مفاجأه لذيذه :blink: وربنا يقومك بالسلامه rs:

[mohamed]

الف الف مبروك

بورك فى المولود وشكرتم الواهب

[مواطنين]

[amir]

نطالب السيد/ كفايه بنعويض فورى عن كل الشموع و الورود و الكروت و المغات !!

:blink: