بـيـانـا هـامـا اخــر لـلدكـتـور \ عـصـام شـرف بــعــد قــلــيــل

[raouf]

بسم الله الرحمن الرحيم السلام عليكم و رحمة الله و بركاته

سـوف يـلـقـي الـدكـتـور \ عـصـام شـرف رئـيـس مـجـلـس الـوزراء

بـيـان هـام بـعـد قـلـيـل الـي الـشـعـب الـمـصـري

المصدر : الصفحة الرسمية لرئاسة مجلس الوزراء

اتوقع انه هيتضمن تعديل وزاري

[Dreamwithme]

من صفحة د/عصام شرف علي الفايسبوك:

سيذاع البيان بعد نشرة التاسعة...هذا البيان بما يحمله هو مجرد بداية لقرارت أخري ستحقق مطالب المصريين.

[رضوي]

أتمنى ان البيان يكون قوي المرة دي ويتضمن تغييرات فعلية مش وعود ....... سئمنا من كثرة الوعود

[raouf]

اتوقع والله اعلم انه تغييرات وزارية وده فى حاله مساندة المجلس العسكرى له فى معركته اللى بدات مع العيسوى

او الله لا يقدر يكونوا ساندوا العيسوى فيهقدم استقالته

بس لو استمر اصبح مسئولا عن وعده بانهاء عمل الظباط المتهمين بقتل المتظاهرين

كيف ستدار المعركة القادمة مع الشرطة الله اعلم لانها عتكون عنيفه وخصوصا ان البلطحية مع شياطين الشرطة

[ابراهيم عبد العزيز]

كنت ساكون سعيدا جدا بهذا التغير لو أنه تم بناء على خطة أو برنامج موضوع من حكومة الثورة ( اى انه نابع عن قناعة شخصية )

اما التغير الناتج عن الضغط الجماهيري فهو غالبا يأتى لارضاء الشعب وليس لما تقتضيه خطة الحكومة أو برنامجها ويكون ناتج كرد فعل وليس كفعل

كنت أتمني لو خرج بيان قبل اسبوعين فقط من الان (قبل بدء هذه الاضرابات ) ليعلن عن قرار بتغير عدد من الوزراء لأن هناك عدد من الوزراء وجدت حكومة الثورة أنهم غير متلائمين ولا مسايرين لمصر الثورة

[نورالعين]

كنت ساكون سعيدا جدا بهذا التغير لو أنه تم بناء على خطة أو برنامج موضوع من حكومة الثورة ( اى انه نابع عن قناعة شخصية )

اما التغير الناتج عن الضغط الجماهيري فهو غالبا يأتى لارضاء الشعب وليس لما تقتضيه خطة الحكومة أو برنامجها ويكون ناتج كرد فعل وليس كفعل

كنت أتمني لو خرج بيان قبل اسبوعين فقط من الان (قبل بدء هذه الاضرابات ) ليعلن عن قرار بتغير عدد من الوزراء لأن هناك عدد من الوزراء وجدت حكومة الثورة أنهم غير متلائمين ولا مسايرين لمصر الثورة

بالعكس يا أستاذ ابراهيم

عشان مش يقولوا الثوار بلطجية وعايزين خراب البلد

عشان يتأكدوا ان الثورة في الميدان بس

والثوار عندهم حق في كل شئ

حتى لو وصل لعصيان مدنى

مادام هناك تقصير تبقى الثورة لازم تستمر

ومطالب الثوار تزداد يوم بعد يوم

حتى يتم التطهير

لن نقبل بأنصاف حلول او مسكنات

[زهرة الجبل]

ليه تعديل وزاري خلال اسبوع؟

يعني ما المانع من إجراء هذا التعديل الآن ؟

و ما الجديد في المطالبه بالإسراع بإجراء حركة التنقلات في وزارة الداخليه متضمناً استبعاد الضباط المتورطين في قتل الثوار ؟

مهو طلب منه الكلام ده اول امبارح و الراجل طلع قال له عفواً يا رئيس الوزراء أنا وزير مستقل و لن أنفذ القرار !!!

و هل هذه المطالبه لوزير الداخليه توحي بإن العيسوي لن تشمله التعديلات الوزاريه القادمه؟

بصراحه لم أجد في البيان بند جيد سوى ترأسه بنفسه لإدارة صندوق اعانة المصابين و الشهداء

تم تعديل 11 يوليو 2011 بواسطة زهرة الجبل

[نورالعين]

واضح ان هناك اختلاف في الرؤية بينه وبين المجلس العسكري

واعطاء هذا الوقت لتغيير وزراء كدنا نعلم عددهم واسماءهم

ما هو الا تعبيرا عن التخبط وعدم الموافقة بين الطرفين

زمان قالوا المركب اللى ليها ريسين....

[م تيمور المراغي]

كنت ساكون سعيدا جدا بهذا التغير لو أنه تم بناء على خطة أو برنامج موضوع من حكومة الثورة ( اى انه نابع عن قناعة شخصية )

اما التغير الناتج عن الضغط الجماهيري فهو غالبا يأتى لارضاء الشعب وليس لما تقتضيه خطة الحكومة أو برنامجها ويكون ناتج كرد فعل وليس كفعل

كنت أتمني لو خرج بيان قبل اسبوعين فقط من الان (قبل بدء هذه الاضرابات ) ليعلن عن قرار بتغير عدد من الوزراء لأن هناك عدد من الوزراء وجدت حكومة الثورة أنهم غير متلائمين ولا مسايرين لمصر الثورة

حصل يا استاذ بس المجلس الجمبري هو اللي ماوافقش

كان يوم 27 يونيو على ما اعتقد

لكن الان بعد ما قابل الشباب وتاكد من جديتهم

راح يتفاوض مع المجلس من موقع القوة وضهره هو الميدان

دي اولى حسنات الاعتصام والبقية تاتي

ان شاء الله ,,

[رضوي]

الصفحة الرسمية لرئاسة مجلس الوزراء

د. عصام شرف : أطالب الشعب المصري العظيم بالعمل معي من أجل تحقيق ذلك ومنح الحكومة الجديدة الفرصة الكاملة للعمل من أجل مستقبل مصر وتحقيق أهداف الثورة. وسوف تشهد الفترة القريبة القادمة مجموعة من القرارات التي تلبي كافة مطالب الشعب وأهداف الثورة.

د. عصام شرف : قررت أن أتولى بنفسي رئاسة مجلس إدارة صندوق رعاية ضحايا ثورة 25 يناير واسرهم،للإسراع بتلبية احتياجات أسر الشهداء والمصابين

د. عصام شرف : اصلاح هياكل المؤسسات الصحفية والإعلامية في اسرع وقت ممكن.

د. عصام شرف : اناشد المجلس الأعلي للقضاء – الموقر- بتطبيق مبدأ العلانية علي جميع محاكمات رموز النظام السابق وقتلة الثوار، على أن تكون المحاكمات منجزة، ليطمئن الشعب، وترتاح أسر الشهداء. كما اناشد الشعب تمكين القضاء من ممارسة عمله في ظروف طبيعية تتيح للعدالة أن تأخذ مجراها.

د. عصام شرف : تكليف السيد وزير الداخلية بالإسراع في إعلان حركة وزارة الداخلية متضمنا استبعاد قيادات هيئة الشرطة اللذين تورطوا في جرائم ضد الثوار. في موعد أقصاه 15/7/2011. كما كلفت السيد وزير الداخلية بسرعة استعادة الأمن والإنضباط للشارع المصري، مع دعمنا الكامل وثقتنا في جموع الشرفاء من قيادات وضباط الشرطة.

د. عصام شرف : إجراء حركة محافظين تتفق وتطلعات الشعب قبل نهاية الشهر الجاري

د. عصام شرف : إجراء تعديل وزاري خلال اسبوع يحقق أهداف الثورة ويعكس الإرادة الحقيقية للشعب.

[رضوي]

من وجهه نظري الشخصية ....... شايفة ان د/ عصام شرف يحتاج لقوة تسانده ........ وشايفة ان الخطاب كله عبارة عن وعود محتاج قوة لتحقيقها

شيء يجري في الخفاء ...... لانفهمه ....... يلقي امامنا بالكثير من علامات الاستفهام

بس اللي واضح وضوح الشمس ....... ان حالة الفوض في البلد ................ مرغوب فيها ...... وهادفة

ومقصوده

ربنا يحمي مصرنا الغالية

[عصام أبوالفتح]

يا شعب مصر . . اعملوا معه

يا شعب مصر . . اعملوا معه

[لماضة مصرية جدا]

السلام عليكم و رحمة الله و بركاته

انا مكنتش عايزة اشوفه علشان انا عيانةو الحاجات دي مش كويسة علي اللي صحته علي اده زيي

يا قوي يا رب

الصفحة الرسمية لرئاسة مجلس الوزراء

د. عصام شرف : أطالب الشعب المصري العظيم بالعمل معي من أجل تحقيق ذلك ومنح الحكومة الجديدة الفرصة الكاملة للعمل من أجل مستقبل مصر وتحقيق أهداف الثورة. وسوف تشهد الفترة القريبة القادمة مجموعة من القرارات التي تلبي كافة مطالب الشعب وأهداف الثورة.

دكتور شرف طب لغاية دلوقتي حضرتك محطتشي خطة واضحة لتحقيق أهداف الثورة و لا انت مش واخد بالك؟؟؟

د. عصام شرف : قررت أن أتولى بنفسي رئاسة مجلس إدارة صندوق رعاية ضحايا ثورة 25 يناير واسرهم،للإسراع بتلبية احتياجات أسر الشهداء والمصابين.

هو بس الشهداء حقهم في فلوس و شقق....مش فيه حاجة اهم و هي العدالة....تطبيق العدالة يا دكتور اهم مليون مرة من صندوق اعانة

د. عصام شرف : اصلاح هياكل المؤسسات الصحفية والإعلامية في اسرع وقت ممكن.

هو بيكلمنا احنا....ده علي اساس ان احنا اللي المفروض نصلح و لا نجيب ناس من بره....ايه الالية و اسرع وقت ممكن دي تبقي من انهي اتجاه و اصلا لسه اسامة هيكل حالف اليمين بتاع وزارة الاعلام؟؟؟؟؟؟؟؟؟؟؟؟؟؟؟؟؟؟؟؟؟؟

د. عصام شرف : اناشد المجلس الأعلي للقضاء – الموقر- بتطبيق مبدأ العلانية علي جميع محاكمات رموز النظام السابق وقتلة الثوار، على أن تكون المحاكمات منجزة، ليطمئن الشعب، وترتاح أسر الشهداء. كما اناشد الشعب تمكين القضاء من ممارسة عمله في ظروف طبيعية تتيح للعدالة أن تأخذ مجراها.

د. عصام شرف : تكليف السيد وزير الداخلية بالإسراع في إعلان حركة وزارة الداخلية متضمنا استبعاد قيادات هيئة الشرطة اللذين تورطوا في جرائم ضد الثوار. في موعد أقصاه 15/7/2011. كما كلفت السيد وزير الداخلية بسرعة استعادة الأمن والإنضباط للشارع المصري، مع دعمنا الكامل وثقتنا في جموع الشرفاء من قيادات وضباط الشرطة.

حلو...كده لبس العيسوي في الحيط....بكرة العيسوي يقول دولم رجالتي....و يرجع ابوك عند اخوك....(طب ما بدل التراشق اللفظي بينهم كده ما يحطووا الية تنم عن تحقيق العدالة)

د. عصام شرف : إجراء حركة محافظين تتفق وتطلعات الشعب قبل نهاية الشهر الجاري

د. عصام شرف : إجراء تعديل وزاري خلال اسبوع يحقق أهداف الثورة ويعكس الإرادة الحقيقية للشعب.

طب بتقولنا عليه من دلوقتي ليه لما هو بعد اسبوع.....؟؟؟؟

سؤال تاني

في ظرف يويمن....دكتور شرف عمل بيانين

تفتكروا ليه؟؟؟

لسه شاكين ان الثورة لسه مخلصتشي؟؟؟

حد يغطيني بقي...علشان انا هاخد الدوا و هنام و هبطل اتكلم في السياسة....العمر مش بعزقة

تصبحوا علي .......وطن

[زهرة الجبل]

بس اللي واضح وضوح الشمس ....... ان حالة الفوض في البلد ................ مرغوب فيها ...... وهادفة

ومقصوده

ربنا يحمي مصرنا الغالية

تمام هو ده الشعور المسيطر على تفكيري

و اعتقد ايضا تفكير الكثيرين غيري و غيرك حالياً

ربنا يستر

[Ahmed Anwer]

البيان الأول ، البيان الثاني

بيفكرني بذكريات قديمة

خايف البيان الثالث يلقيه يحيي الجمل أعلن السيد رئيس الوزراء تخليه عن كافة مناصبه

[مغتربة]

الشقاق واضح و لا جدال فيه

السؤال لمن ستكون الغلبه

[م تيمور المراغي]

لعصام شرف ,,

[م تيمور المراغي]

https://www.youtube.com/watch?v=gvBjGG7DPnM&feature=player_embedded

[Dreamwithme]

أنا بصراحة يا جماعة صعب عليا جدا د/عصام شرف لأني حسيت أنه بين نارين

هو فعليا غير مسئول عن شئ وغير قادر عن فعل شئ ومن يدير الأمور فعليا هو المجلس العسكري

وبالتالي لا مكان ولا احتمالية لوجود قرارات ثورية .....ولا وجود للثورة من أساسه

وبالرغم من كده فهو لا يقدر علي تقديم استقالته ونزول ميدان التحرير لأن ده هيكون إشارة البدء لأن البلد تولع رسميا

فأي حد مننا لو حط نفسه مكانه .....قرار مش سهل أنه يتأخد إن الواحد يكون مسئول عن توليع البلد

لكن أنا نفسي أقول له إن بياناته بتولع البلد برضه وإن الحقيقة أصبحت ظاهرة لكل الناس وربنا يستر

[Ahmed Anwer]

للأمانة الخطاب كويس

بس عناوين

و إحنا في مرحلة محتاجة تفاصيل عشان تهدي الناس