لو حصل ده بعد الثورة يبقى ايه العمل؟

[مروان]

http://www.almesryoon.com/news.aspx?id=67645

الخبر على المصريون ومش مكتوب التاريخ بالضبط الا انه اشار الى انه حدث في عام 2011

يارب ميكونش الخبر حقيقي

لاني اصبت بالاحباط

[ذهبية]

معروف ان جهاز الشرطة لة تجاوزات كتيرة فى خرق القانون و اهدار حقوق الانسان

قبل و بعد الثورة الجهاز دة عايز يتفلتر من جديد و يتعاد بنائة تانى نفسيا قبل ما يكون عمليا

بس برضة من ناحية تانية مش اى حد يطلع يقول اى كلام يتصدق

مش يمكن كيون الضباط برىء

المفروض ان الكلام اللى بنسمعة ما نتعامل معاة على انة امر مسلم بة و انة حقيقى مية فى المية

مش اى حد يطلع يرمى تهمة على اى ضباط نصدقة لمجرد اننا بنكرة تصرفات الشرطة

الامر لازم يكون فى القضاء لو المووضع دة صحيح وهو اللى يحكم مين اللى اخطا

و بلاش نزود الفجوة بينا و بين ضباط الشرطة ما ننسى اننا مجتاجين لهم و فيهم ناس شرفاء بلاش نظلم الكل

[طارق مصرى]

قبلها او بعدها الثورة مش حتغير اخلاق الشرطة و اللى اتربوا عليه فى يوم و ليلة

[لماضة مصرية جدا]

السلام عليكم و رحمة الله و بركاته

بصيت للخبر من ناحيتين

الاولانية انه اصلا مش صحيح و ده علي افتراض ان المفروض يبقي فيه تحقيق قبل النشر لاي قضية

التانية انه صحيح و شفت انه جزء من حملة تعبئة الناس ضد الشرطة و الضغط عليهم و بالتالي الشرطة برضه راح ترد و تقول انا هسحب نفسي

الخلاصة

الوضع كله فاسد....لا التعبئة و الحشد ضد الشرطة ده حل

و لا تدليل الشرطة و عدم فضح ممارساتهم برضه يعتبر حل

محدش لغاية دلوقتي عايز ياخد خطوات جدية في جهاز حيوي زي ده

و مينفعشي حد يضحك علينا بشوية اعلانات تلفزيون عن الشرطة

امتي هيغربلوه و بنبني علي نضيف

مش عارفة