ممدوح حمزة : الإخوان آخر من شارك في الثورة وأول من غادر الميدان !

[م تيمور المراغي]

جريدة الدستور \\ اضغط هنا !

أكد الدكتورممدوح حمزه الإستشاري الهندسي العالمي أن الإخوان المسلمين كانوا أخر من شاركوا في الثورة،وأول من غادروا ميدان التحرير.

وأضاف في لقائه مع الإعلامي عمرو الليثي في برنامج في الميدان علي قناة التحرير،أنه لايعارض وصول الإخوان للسلطه طالما إرتضينا الديقراطية أسلوبا للحكم، ولكنه توقع عدم نجاحهم في حل مشاكل المجتمع ،خاصة الإقتصاديه لعدم وجود برامج تنمويه لديهم،وإعتمادهم في النشاط الإقتصادي علي التجارة فقط،تماشيا مع الحديث النبوي الشريف أن" 9أعشار الرزق في التجارة"،الذي فهموه خطأ.

واستهجن حمزة التحالف القائم الأن بين الإخوان وحزب الوفد،نظرآ لاختلاف مبادىء وأفكار الفريقين، رافضآ فكرة خوض الانتخابات بقائمة موحدة لأنها من وجهة نظره ضد الديمقراطية ومصادرة علي حق الشعب في إختيار من يمثله،و أن التنسيق بين القوى المتفقه في التوجهات والرؤي أمر مقبول، مؤكدآ أن هذا الذي تم طرحه في مؤتمر مصر الأول.

ورفض تمامآ فكرة ترشحه لمنصب رئاسة الجمهورية ،وقال أنه لايحب العمل في مجال السياسة، وأنه علي إستعداد أن يعمل في خدمة الشعب في أي موقع يتماشى مع مجال تخصصه.

وتمني أن يكون رئيس مصر القادم قدعاش بين الشعب المصري خلال ال25 عامآ الماضية ،ويعرف هموم الشعب وكيفية حل مشاكله.

[م تيمور المراغي]

الله يسلمك ابراهيم حبيبي والنور نورك يا جميل ,,

ده جزء من لقاء المهندس الاستشاري العالمي ممدوح حمزة للاسف مش لقيت كل الحلقة ع التيوب بس لو حد يقدر يجيبها كامله اكون ممنون جدا

http://www.youtube.com/watch?v=00Tquj7jm1k

[عنبو]

انا بس عاوز اعرف ايه هى الاليه اليى عرف منها ان الاخوان اخر من شارك فى الثوره واول من غادر

[Alattar]

انا مش عارف ايه ﻻزمة التصريحات دي دلوقتي يعني؟

رجعنا تاني لنغمة التشكيك في كل حاجة

وبعدين هما الاخوان كانوا بيكتبوا مثلا علي ظهرهم احنا اخوان..ولا بيلبسوا تي شيرتات عليها صورة المرشد؟

وفيه واحد لف الميدان كله حتة حتة لحد ما لقي الميدان مفيهوش ولا واحد منهم؟

أنا شايف ان الاخبار والتصريحات دي مالهاش اي لازمة دلوقتي غير انها بتقلب الناس علي بعضها وبس

[tarek hassan]

طيب إيه المطلوب يعني

يعني المفروض إحنا نعمل إيه

حتى لو صحيح الكلام الأهبل ده

هل المقياس هو الذهاب للميدان

ممكن يكون فيه شرفاء لم يذهبوا للميدان

وممكن يكون في الميدان بعض من الجواسيس والخونة

مش قاعدة يعني

يعني لا نستطيع الجزم بأن

كل من ذهب للميدان شريف

وكل من لم يذهب للميدان خائن

تم تعديل 28 يونيو 2011 بواسطة tarek hassan

[Alshiekh]

الإخوان مثلهم مثل فصائل كثيرة ، وكثير من الجماهير أيضا رأوا في البداية أنها ستكون مظاهرات اعتادت على الخروج للمطالبة بالإصلاح ثم تنصرف لحال سبيلهم ، لم يصل لخيال الناس ولا تلك الفصائل ولا حتى الأمن أن تتحول تلك المظاهرات إلى ثورة تزلزل معظم ميادين مصر وتغير النظام.

لكن أعتقد مايقوله الدكتور ممدوح حمزة يقصد به أن الإخوان المسلمين بما اكتسبته من الثورة أرادت أن تسرق الثورة مثلما فعل السلفيون وبعض الأحزاب ، الكل يريد أن ينسب نجاح الثورة لنفسه ، على الرغم من أنهم قد أعلنوا قبل الثورة عدم مشاركتهم في المظاهرات.

عموما هذا الكلام قد لايقدم ولايؤخر ولكنه على الأقل يظهر الحقائق حتى لاينسى الشعب تحت زخم الدعاية الدينية التي تملا الشوارع والفضائيات.

[Alrefaey]

الاخوان لم يبدؤا من اول يوم (يوم 25 )بشكل جماعى ولكن من يوم 28 لهم دور فعال ووجودهم كان من اقوى العوامل فى نجاح الثورة تنظيميا وحضورا

انا لست من الاخوان ومختلف مع اصدقاء لى منهم دوما ولكن لى شهادة يجب ان تقال

فى يوم 27 اتصلت على صديق لى منهم كى اعرف اخبار الثورة ,وجدته فى التحرير بالرغم انه امام مسجد بالمنصورة

واستنتجت ان التوجيهات صدرت لاعضاء الجماعة بالذهاب الى التحرير والمكث به حتى تتحقق المطالب

ظل صديقى فى ميدان التحرير الى يوم 12 فبراير

اتذكر يوم 25و26و27 كلنا كنا نقول اين الاخوان ياريت ينزلوا ,لو نزلوا سوف يتغير الوضع واستجاب الاخوان ونزلوا بقل ثقلهم

[عبير يونس]

الاخوان لم يبدؤا من اول يوم (يوم 25 )بشكل جماعى ولكن من يوم 28 لهم دور فعال ووجودهم كان من اقوى العوامل فى نجاح الثورة تنظيميا وحضورا

انا لست من الاخوان ومختلف مع اصدقاء لى منهم دوما ولكن لى شهادة يجب ان تقال

فى يوم 27 اتصلت على صديق لى منهم كى اعرف اخبار الثورة ,وجدته فى التحرير بالرغم انه امام مسجد بالمنصورة

واستنتجت ان التوجيهات صدرت لاعضاء الجماعة بالذهاب الى التحرير والمكث به حتى تتحقق المطالب

ظل صديقى فى ميدان التحرير الى يوم 12 فبراير

اتذكر يوم 25و26و27 كلنا كنا نقول اين الاخوان ياريت ينزلوا ,لو نزلوا سوف يتغير الوضع واستجاب الاخوان ونزلوا بقل ثقلهم

شباب الإخوان نحسبهم على خيرو لانزكي على الله أحدا

المشكلة في القيادات

اللي يا إما باعونا عشان يوصلوا للحكم

يا إما مضحوك عليهم

و في الحالتين حيودونا في ستين داهية

و لن تنفعنا نواياهم الطيبة

[وجهة نظر شخصية]

ما اهمنى من حوار دكتور ممدوح حمزة نقطتين وهم من نصيب xxxxx الامريكية الصهيونية

اولا انه لن ينتخب من ليس منا ولابد ان يكون رئيس عاش بنا 25 سنة ورأى ما شاهده الشعب وعانى ما عانه الشعب وتلك طعنة فى هذا البرادعى الذى يدعى الوطنية والشعور بما يشعر به المواطن لا وايه مش اى مواطن بل المواطن الفقير يا سلام هذا النمساوى يشعر بالفقير المصرى

ثانيا ان الوثيقة لحقوق الانسان الذى قدمها ذاك xxxxx قال عنها حمزة ان بها قصور شديد وانهم المصريين على حق قاموا بوثيقة افضل منها بمراحل ، فيا حرام طلع البرادعى غير متلعثم بس وصهيونى بس وعلمانى ومخلص للعلمانية بس وبيخاف ينزل الشارع لينضرب بل طلع كمان متفذلك على الفاضى ، اتمنى منه ان يكتفى بتلك اللعبة السخيفة ويذهب من حيث هبط علينا وكفى مساخر منه

أمضاء : xxxxx

الفاضل / الفاضلة

برجاء انتقاء الألفاظ التي تكتبها بعناية

محاورات المصريين ليست منبرا للسب والشتيمة

يرجى مراعاة ذلك مستقبلا

الإدارة

تم تعديل 29 يونيو 2011 بواسطة Mohammad
إختيار الفاظ غير لائقة

[se_ Elsyed]

ما اهمنى من حوار دكتور ممدوح حمزة نقطتين وهم من نصيب xxxxx الامريكية الصهيونية

اولا انه لن ينتخب من ليس منا ولابد ان يكون رئيس عاش بنا 25 سنة ورأى ما شاهده الشعب وعانى ما عانه الشعب وتلك طعنة فى هذا البرادعى الذى يدعى الوطنية والشعور بما يشعر به المواطن لا وايه مش اى مواطن بل المواطن الفقير يا سلام هذا النمساوى يشعر بالفقير المصرى

ثانيا ان الوثيقة لحقوق الانسان الذى قدمها ذاك xxxxx قال عنها حمزة ان بها قصور شديد وانهم المصريين على حق قاموا بوثيقة افضل منها بمراحل ، فيا حرام طلع البرادعى غير متلعثم بس وصهيونى بس وعلمانى ومخلص للعلمانية بس وبيخاف ينزل الشارع لينضرب بل طلع كمان متفذلك على الفاضى ، اتمنى منه ان يكتفى بتلك اللعبة السخيفة ويذهب من حيث هبط علينا وكفى مساخر منه

أمضاء : xxxxx

لا حول ولا قوة إلا بالله

بقى عشان لك وجهة نظر مخالفة يبقى الراجل بقى بردعة وعميل صهيوني وكل الإتهامات دي ؟؟؟

خلي بالك .. لو مشينا في سكة التشكيك والإتهامات المتبادلة يبقى مهما كان المرشح اللي هتاختاره هاتلاقي إتهامات من الطرف الأخر من نفس النوع .. مهما يكون إن شالله لو ملك من السما ... لإن إنت اللي بدأت وبالتالي البادي أظلم

تم تعديل 29 يونيو 2011 بواسطة Mohammad
إختيار الفاظ غير لائقة

[kevoxy]

لماذا الخوف من الاخوان

اولا انا مصري وللعلم لست عضو ولا في جماعتهم ولا في الحزب ولكني اراهم في الشارع المصري طول عمرهم ناس ملتزمين ومحترمين ومشفناش منهم شيء وحش

هذا مع كل ما كانوا يتعرضو له على مسمع من الجميع اما الان فالقرار السياسي هو للشعب

ولابد ان لا تتدخل القوى السياسيه في اختيارات الشعب فمش معقول الف واحد هما اللي فاهمين وعاوزين يمشو دولة زي مصر و80 مليون بتوع فول وطعميه - سيبو الشعب في حاله وخلوه يقرر مصيره سواء اختار الاخوان او اختار ناس مستقلين او اهتار اي كان هذا يرجع للشعب

ومفيش داعي لفرض اجندات وتشويه المفاهيم لصالح اي مجموعه او قله ويا ريت محدش يتكلم باسم الشعب لانه ملوش 80 مليون عقل ولا يصح سلب الاخرين حريتهم

[Nileman]

مش مهم مين الأول و مين الأخر المهم نختار اللي فيه مصلحة بلدنا و نحترم كلنا هذا الاختيار يعني اللي يخسر مايزعلش و يحترم رأي الأغلبية

[طارق مصرى]

طيب ممكن أعرف ايه دور سيادة المهندس الاستشاري العالمي فى الثورة؟ وشارك فيها من امتى ده لو كان شارك فيها

[محمد عبدالعزيز]

طيب ممكن أعرف ايه دور سيادة المهندس الاستشاري العالمي فى الثورة؟ وشارك فيها من امتى ده لو كان شارك فيها

اتعب نفسك شوية وا بحث وحضرتك تعرف دوره كان إيه بالظبط وشارك من إمتى.