بترفعوا صوركم علي الفيس بوك

[لماضة مصرية جدا]

السلام عليكم و رحمة الله و بركاته

هو السؤال اللي فوق دوت

يا تري بتحطوا صوركم علي الفيس بوك؟

هل دي فيها حاجة....و خصوصا لو بنتكلم علي صور عادية بالحجاب؟

طب هل فيه مشكلة يعني لو البنت حطت صورتها علي الفيس بوك...(و ده بمناسبة اني لاول مرة حطيت صورتي الشخصية بس لقيت اعتراض من بعض الجهات الامنية...وش حد لسه متهزق علي غيار الريق..:)

هل دايما عندنا هاجس ان البنت لو حطت صورتها علي الفيس بوك تبقي معذرة في اللفظ "صيدة " سهلة و كدهوت

هل نفضل ان احنا "نستخبي" ورا افكارنا و لا افكارنا تصاحب صورنا عادي يعني

هل بيطغي علينا ان احنا نفترض السيء قبل الكويس...لغاية ما يثبت العكس

من الاخر

ايه رايكم

في الصور....الحياة الخاصة...اللي بعض الناس بتتشاركها من خلال الفيس بوك

و بشكل شخصي مش مثالي....انتوا بتعملوا ايه؟؟

دمتم بكل الخير

صباحكم.....نادي

[dongol]

أنا شخصيا لا أفضل أن تضع البنت صورتها علي النت

وذلك ليس لسوء ظن لا سمح الله

ولكن لان بعض ضعاف النفوس ممكن يستخدموها استخدام سيئ

و الفوتوشوب الايام ده ممكن تعملي بيه حاجات فظيعة وتبان كأنها طبيعية جدا

لذلك درء المفاسد أولي من جلب المنافع

[لماضة مصرية جدا]

أنا شخصيا لا أفضل أن تضع البنت صورتها علي النت

وذلك ليس لسوء ظن لا سمح الله

ولكن لان بعض ضعاف النفوس ممكن يستخدموها استخدام سيئ

و الفوتوشوب الايام ده ممكن تعملي بيه حاجات فظيعة وتبان كأنها طبيعية جدا

لذلك درء المفاسد أولي من جلب المنافع

طب اصلا الفوتو شوب هيبان...طب انا مش منكن اعمل كده في صورة ولد برضه و اجيبله مصيبة...مثلا

مش الاحتمال وارد علي الاتنين

هو حضرتك متاكد ان احنا لو شيلنا الصورة هو كده هيبقي درء للمفاسد؟؟؟ طب ما انا ممكن اكون قاعدة في اي حتة و حد ياخد صورة ليا برضه بالتكنولوجيا المتقدمة و يعمل فيها اللي هو عايزه

المفاسد فين بالظبط؟؟؟؟

في دماغ اللي قدامنا

و لا فينا

و لا فين؟؟؟

[أمل حياتي]

يسعدني اكون اول وحده ارد عليكي في موضوع سبق واتكلمت

انا فيه مع عدد كبير من اللي بيطلبوا اضافتي وبعد فتره باضطر احذفهم من صفحتي

اعتقد ان الفيس بوك هوه موقع للتواصل الاجتماعي وهذا يعني ان الشخص يجب

ان يكون واضح في تعريفه لنفسه .....

وقد صادفني كثير من الذين يطلبون اضافتي متخفين تحت اسماء وصور وهميه

مما يضطرني لطلب المزيد من المعلومات حتى اقرر الإضافة من عدمها....

ولا يوجد في ذلك اي مشكله بل على العكس ان تعريف الإنسان لنفسه

سيضفى مزيدا من الامان والاحترام له عكس لو تخفي لان المتخفي قد يكشف عن اطباعه اذا

كانت سيئه وتعليقاته الحرجه دون ان يهتم بردة فعل الاطراف الاخرى دام هو متخفيا

وهو ما شاهدته بالتجربه .....

بالنسبة لي احب الوضوح والصراحه مهما تكن .....

[mekkawy]

موضوع لذيذ و الحمد لله ع السلامة

و الله ما بأكتب الا للعزيز الغالي بس الغالي يرخصلك يا ست لماضة

انا مع رأي أخويا دونجول .. بلاش أحسن و إن كنت أضع صوري الشخصية و معرض نفسي لمخاطر الفوتو شوب بس زي بعضه عشان الجماهير و كدة

يا ستي الباب اللي يجيلك منه الريح .. أو عندك اوبشن اقتصار الصورة على ناس معينة اللي هم في محيط الفاميلي مثلاً

و تحياتي

[ozoozo]

تحبي تحطي صورتك هنا في منتدي عام طبعا لا

طيب لو رحت جبتها دلوقتي وقلتلهم دي صوره لماضه؟

طيب لو عملت بروفايل مش كويس وحطيت صورتك عليه باعتبارك انك انتي اللي عاملاه

طيب لو بنت بتكلم ولد وعايز صورتها قامت جايبه صورت لماضه وبعتهاله

كل ده لسه ماتكلمناش عن اي فوتوشوب

[لماضة مصرية جدا]

صباح الفل استاذة امل

و صباح الرضا استاذنا مكاوي...(الله يسلم حضرتك يا رب...نسالك صالح الدعوات)

نيجي بقي لاستاذنا اوز اوز اللي هيلبسني السلطانية في دماغي :closedeyes:

تحبي تحطي صورتك هنا في منتدي عام طبعا لا

طب هو فيه مشكلة....مش انت ممكن تشوفني في الحياة بحجابي و نفس الحوار اللي احنا بنقوله هنا هنقوله برضه في الحياة الحقيقية؟؟؟

طيب لو رحت جبتها دلوقتي وقلتلهم دي صوره لماضه؟

طيب لو عملت بروفايل مش كويس وحطيت صورتك عليه باعتبارك انك انتي اللي عاملاه

المشكلة في اللي عمل و لا اللي اتعمل فيه؟؟؟ يعني اذا حد عمل مصيبة هتحاسبه هو و لا هتحاسب اللي اتعمل فيه

طيب لو بنت بتكلم ولد وعايز صورتها قامت جايبه صورت لماضه وبعتهاله

طب ما ده ممكن برضه يحصل و احنا بناخد الصورة الجماعية بتاعت التخرج صح..طب امتنع عن التصوير و لا ايه؟؟؟

كل ده لسه ماتكلمناش عن اي فوتوشوب

يا لهوي ياانا...اتفضل معاك المكرفون و كلي اذان صاغية

[mekkawy]

يا ابن الايه يا شرير يا اوزو

ايه يا ابني الاجرام اللي في دماغك ده

لماضة طول ما أوزو موجود في على سطح الكرة الأرضية لا أنصحك بوضع صورتك الشخصية

[ozoozo]

صباح الفل استاذة امل

و صباح الرضا استاذنا مكاوي...(الله يسلم حضرتك يا رب...نسالك صالح الدعوات)

نيجي بقي لاستاذنا اوز اوز اللي هيلبسني السلطانية في دماغي :closedeyes:

تحبي تحطي صورتك هنا في منتدي عام طبعا لا

طب هو فيه مشكلة....مش انت ممكن تشوفني في الحياة بحجابي و نفس الحوار اللي احنا بنقوله هنا هنقوله برضه في الحياة الحقيقية؟؟؟

لا مفيش مشكله خالص بس احنا هنا اشخاص اعتباريه بمعرفات رمزيه الا اذا حد عايز يحط صورته دي حاجه ترجعله

طيب لو رحت جبتها دلوقتي وقلتلهم دي صوره لماضه؟

طيب لو عملت بروفايل مش كويس وحطيت صورتك عليه باعتبارك انك انتي اللي عاملاه

المشكلة في اللي عمل و لا اللي اتعمل فيه؟؟؟ يعني اذا حد عمل مصيبة هتحاسبه هو و لا هتحاسب اللي اتعمل فيه

والناس هاتعرف ازاي انك مش انتي اللي عاملاها لسه من اسبوعين بالظبط طالب خد صوره واحده وعمل بيها جروي لسب الرسول :pbuh:

طيب لو بنت بتكلم ولد وعايز صورتها قامت جايبه صورت لماضه وبعتهاله

طب ما ده ممكن برضه يحصل و احنا بناخد الصورة الجماعية بتاعت التخرج صح..طب امتنع عن التصوير و لا ايه؟؟؟

صور التخرج بتكون في دايره ضايقه جدا 10 او 100 او 1000 لكن مش ملايين ممكن يستغلوا صورتك

كل ده لسه ماتكلمناش عن اي فوتوشوب

يا لهوي ياانا...اتفضل معاك المكرفون و كلي اذان صاغية

يعني مثلا ممكن اركبلك صوره وانتي بتبوسي ايد حسني او ايد سوزان

[ozoozo]

يا ابن الايه يا شرير يا اوزو

ايه يا ابني الاجرام اللي في دماغك ده

لماضة طول ما أوزو موجود في على سطح الكرة الأرضية لا أنصحك بوضع صورتك الشخصية

ماتحرجنيش ياميكو اكتر من كده

انا كنت هاطلع شيطان بس للاسف ماجبتش مجموع

انت عارف لو ابن المخلوعه كان اتبناني مكان ابنه العبيط ده كان زماني مررتلكم موضوع التوريث ده زي شكه الدبوس وكان زماني الريس دلوقتي

بس اييييه نصيب

تم تعديل 26 يونيو 2011 بواسطة ozoozo

[MZohairy]

متهيألي الحكايه دي بتعتمد على ثقافة و عادات و تقاليد المجتمع اللي فيه صاحبة الصوره

يعني لو حنفترض بنت من الصعيد او من منطقة نجد في السعوديه

و بنت تانيه من جاردن سيتي مثلا و بتروح نادي الجزيره

و الاتنين محترمين و مؤدبين جدا

حتلاقي غالبا بتاعة الصعيد من الصعب جدا تحط صورتها تخوفا من الاف الاحتمالات الوحشه

و حتلاقي غالبا البنت بتاعة جاردن سيتي حتحط صورتها بكل سهوله و يمكن تضحك لو سمعت الاحتمالات الوحشه اللي خافت منها البنت الصعيديه

مفيش قاعده ينفع تطبيقها على كل البنات في الموضوع ده

[MohamedAli]

انا رأيي ان الافضل يكون للشخص اكثر من حساب

حساب باسمه للاصدقاء الحقيقيين والاسره فقط ومن يعرفهم ويثق فيهم وينشر صورة العادية (المحتشمة) بشكل طبيعي ان اراد

وحساب لزملاء العمل وللغرباء والاصدقاء الجدد ولأي استخدام اخر عام لاينشر فيها اي معلومات شخصية مهمه او صور

اما بالنسبة للفوتوشوب وفبركة الصور فبتكون ظاهره بشكل واضح جداً فليس الامر بهذه السهولة التي يتصورها الهواه وكل الصور التي يقال انها مفبركة بتكون صور حقيقية لكن ماذا ستقول الضحية لأهلها وقد تورطت ؟!!

[عبير يونس]

انا رأيي ان الافضل يكون للشخص اكثر من حساب

حساب باسمه للاصدقاء الحقيقيين والاسره فقط ومن يعرفهم ويثق فيهم وينشر صورة العادية (المحتشمة) بشكل طبيعي ان اراد

وحساب لزملاء العمل وللغرباء والاصدقاء الجدد ولأي استخدام اخر عام لاينشر فيها اي معلومات شخصية مهمه او صور

اما بالنسبة للفوتوشوب وفبركة الصور فبتكون ظاهره بشكل واضح جداً فليس الامر بهذه السهولة التي يتصورها الهواه وكل الصور التي يقال انها مفبركة بتكون صور حقيقية لكن ماذا ستقول الضحية لأهلها وقد تورطت ؟!!

الشق الأول من كلام حضرتك أوافقك عليه تماما

و لكن آلمني تعميم حضرتك المتمثل في كلمة " كل "

و رغم أنني لم أرى صورا مفبركة حتى أعرف الفرق تقنيا

ألا أنني هالني تأكيد حضرتك مما لا يدع مجالا للشك

و لا يسعني إلا أن أقول

يا ما في الحبس مظاليم

نسأل الله العافية

اللهم احفظنا و احفظ بناتنا

آمين

[ابراهيم عبد العزيز]

أنا اتفق مع الاخوان دنجل وأوزوز فى رأيهم

فلا أحفز أن تضع البنت صورتها الحقيقية على صفحتها على الفيسبوك

فالأفضل إتقاء الشبهات وغلق باب قد ياتى منه ضرر ويستغله ضعاف النفوس

وأنا دعمت رأى بأية فى القرأن الكريم

فقال الله سبحانه وتعالى عندما خاطب أمهات المؤمنين رضي الله عنهم(( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ))

فأمهات المؤمنين هم أكمل نساء العالمين وحاشاهم من اى سوء

ولكن الله سبحانه وتعالى حماية لهم من مرضى القلوب أمرهم ان يتخذوا التدابير اللازمة لذلك

فهذا لأمهات المؤمنين , فما بالنا بغيرهم من النساء ؟؟

[لماضة مصرية جدا]

متهيألي الحكايه دي بتعتمد على ثقافة و عادات و تقاليد المجتمع اللي فيه صاحبة الصوره

يعني لو حنفترض بنت من الصعيد او من منطقة نجد في السعوديه

و بنت تانيه من جاردن سيتي مثلا و بتروح نادي الجزيره

و الاتنين محترمين و مؤدبين جدا

حتلاقي غالبا بتاعة الصعيد من الصعب جدا تحط صورتها تخوفا من الاف الاحتمالات الوحشه

و حتلاقي غالبا البنت بتاعة جاردن سيتي حتحط صورتها بكل سهوله و يمكن تضحك لو سمعت الاحتمالات الوحشه اللي خافت منها البنت الصعيديه

مفيش قاعده ينفع تطبيقها على كل البنات في الموضوع ده

السلام عليكم و رحمة الله و بركاته

طب انا بنت "صعيدية" و الراي اللي جالي المفروض من كما حضرتك صنفت "جاردن سيتي"

ايه بقي؟؟؟؟

اتفق مع حضرتك انها مسالة قناعات لكني بختلف مع حضرتك في فكرة انها بترجع انا عايشة فين

مالهاش دعوة

اتربيت في الصعيد و هعيش هناك بس قناعاتي تخضع للمنطق اللي بيتعدي مجرد منطقة سكنية اتواجد فيها

صباح حضرتك قناعات...اديني بحاول اكونها اهوت...(قابلة للتغيير بشرط انها تخاطب عقلي)

[MZohairy]

متهيألي الحكايه دي بتعتمد على ثقافة و عادات و تقاليد المجتمع اللي فيه صاحبة الصوره

يعني لو حنفترض بنت من الصعيد او من منطقة نجد في السعوديه

و بنت تانيه من جاردن سيتي مثلا و بتروح نادي الجزيره

و الاتنين محترمين و مؤدبين جدا

حتلاقي غالبا بتاعة الصعيد من الصعب جدا تحط صورتها تخوفا من الاف الاحتمالات الوحشه

و حتلاقي غالبا البنت بتاعة جاردن سيتي حتحط صورتها بكل سهوله و يمكن تضحك لو سمعت الاحتمالات الوحشه اللي خافت منها البنت الصعيديه

مفيش قاعده ينفع تطبيقها على كل البنات في الموضوع ده

السلام عليكم و رحمة الله و بركاته

طب انا بنت "صعيدية" و الراي اللي جالي المفروض من كما حضرتك صنفت "جاردن سيتي"

ايه بقي؟؟؟؟

اتفق مع حضرتك انها مسالة قناعات لكني بختلف مع حضرتك في فكرة انها بترجع انا عايشة فين

مالهاش دعوة

اتربيت في الصعيد و هعيش هناك بس قناعاتي تخضع للمنطق اللي بيتعدي مجرد منطقة سكنية اتواجد فيها

صباح حضرتك قناعات...اديني بحاول اكونها اهوت...(قابلة للتغيير بشرط انها تخاطب عقلي)

ماهو ده اللي اقصده

الموضوع يخضع للعادات و التقاليد المجتمعيه لكل فتاه زي السلام بالإيد من عدمه او الاختلاط من عدمه و ما شابه

اذا حبت تتمرد بقى على العادات دي هي حره بس حتتعب

[لماضة مصرية جدا]

طب اللي فهمته من حضراتكم انه مش كويس ان البنت تحط صورتها الشخصية "اللي هي زي بتاعت الباسبور مثلا" علي الفيس بوك و تنوعت الاراء بس اجمعت في معظمها علي النقطة دي

طب السؤال

ما الاولاد تشيل كمان صورها من ع الفيس بوك

مش هو برضه المبدا واحد؟؟؟

و لا اتنين؟؟؟

و نتعامل كلنا ان الفيس بوك ده عالم افتراضي نختار صور رمزية زي ما احنا عاملين هنا في المنتدي و خلاص و بلاش نتعامل معاه زي ما بعض الناس بتتعامل معاه كانه بيتها مثلا

بس اللي ينطبق هنا مع البنت ينطبق برضه مع الولد

هينفع...؟؟؟

[MohamedAli]

انا رأيي ان الافضل يكون للشخص اكثر من حساب

حساب باسمه للاصدقاء الحقيقيين والاسره فقط ومن يعرفهم ويثق فيهم وينشر صورة العادية (المحتشمة) بشكل طبيعي ان اراد

وحساب لزملاء العمل وللغرباء والاصدقاء الجدد ولأي استخدام اخر عام لاينشر فيها اي معلومات شخصية مهمه او صور

اما بالنسبة للفوتوشوب وفبركة الصور فبتكون ظاهره بشكل واضح جداً فليس الامر بهذه السهولة التي يتصورها الهواه وكل الصور التي يقال انها مفبركة بتكون صور حقيقية لكن ماذا ستقول الضحية لأهلها وقد تورطت ؟!!

الشق الأول من كلام حضرتك أوافقك عليه تماما

و لكن آلمني تعميم حضرتك المتمثل في كلمة " كل "

و رغم أنني لم أرى صورا مفبركة حتى أعرف الفرق تقنيا

ألا أنني هالني تأكيد حضرتك مما لا يدع مجالا للشك

و لا يسعني إلا أن أقول

يا ما في الحبس مظاليم

نسأل الله العافية

اللهم احفظنا و احفظ بناتنا

آمين

صحيح التعميم خطأ مني

شكراً على التنبية

[rewsha]

سبحان الله

زي ماتكوني كنتي قاعده معايا امبارح يا لماضه

لسه امبارح كنت بافكر احط صورتي على الفيس (اصلي لسه راجعه من يومين مصيف وكده وفرحانه بصورتي مع البحر )

كنت عاوزه اغيظ الناس اللي لسه ماصيفتش ومش هاتصيف السنه دي ....(وش اوزوزو)بافكاره الشريره

وبعدين قلت يابت بلاش تستعجلي .قبل ما تحطي الصوره فكري كويس الاول

مع مراعاة ان الصور بتاعتي مع جوزي وكنت بالحجاب

بس برضو كنت بادور الفكره في دماغي الاول

وجيت لقيتك انت كاتبه الموضوع ده النهارده

بس عاوزه اقول ان راْيي من راْي الناس اللي قالت بلاش تحطي صورك

لكن لو الاُبشن بتاع ان الصوره ماحدش يشوفها الا اللي انتي تسمحي انهم يشوفوها بس ده موجود ...يبقى توكلنا على الله

لان انا اصلا الفيس عندي مافيهوش حد غريب كلهم يا اخواتي يا ولاد اخواتي يا صديقات عُمري الانتيم

واي حد يعد كده باكون حاطاه في قائمه الممنوع من مشاهدة مشاركاتي

يعني اصل لو في طلب صداقه جالي من اصدقاء الاصدقاء (ممكن اقبله ) علشان انا اشوف همه بيكتبوا ايه

لكن في نفس الوقت باحطهم في قائمه الممنوعين من مشاهده مشاركاتي

اصل انا قلبي رُهيف ومش باحب اكسف حد ;)

[Alrefaey]

حطى صورتك براحتك واختارى اصدقائك المقربين بس اللى يشوفوها واللى تثقى فيهم

انا صورى على الفيس بوك وبتحكم فى الخيارات من يقدر يشوف ومين مايقدرش

زوجتى لها بعض الصور على حسابها ولكنها بتكون كلوسد على اهلها وصديقاتها المقربات وبالرغم من كدة انا لا الوم الحكومة عندك لأنى الى وقت قريب كنت رافض الموضوع ده