إطلاق سراح حسين سالم مقابل 27 مليون يورو

[Alattar]

الخبر من مصراوي

لقت إحدى المحاكم الاسبانية سراح حسين سالم، رجل الأعمال المصري، بكفالة تبلغ 27 مليون يورو بعد القاء القبض عليه امس الخميس.

وذكر تليفزيون هيئة الاذاعة البريطانية الليلة ان اطلاق سراح رجل الاعمال المصرى حسين سالم الذى يحمل الجنسية الاسبانية يأتى وسط جدل فى مصر حول امكانية تسلمه.

وكان حسين سالم قد مثل، الجمعة، أمام المحكمة فى مدريد حيث نفى اتهامه بالفساد، وقد تم نقله الى المستشفى الجامعى العام جراء الاعياء الذى تعرض له من الاسئلة التى وجهها له القاضى.

يذكر ان السلطات الاسبانية القت القبض علي حسين سالم وعلى نجله فى مدريد مساء امس الخميس وفقا لقرار القبض الصادر من البوليس الجنائى الدولى "الانتربول" ضده تهم الاحتيال والاشتباه بتبديده المال العام بمصر جراء بيع الغاز لاسرائيل باقل من اسعار السوق .

وقد قامت السلطات الاسبانية بتجميد ارصدة مالية يمتلكها تقدر باكثر من 5ر32 مليون يورو وعقارات فى مدريد وماربيا تقدر بعشرة ملايين يورو.

أنا مش فاهم .. يعني ايه احدي المحاكم الأسبانية؟..يعني كده خلاص مش هنعرف نجيبه؟

مش قرار القبض عليه كان بناءا علي قرار الانتربول؟..ازاي يفرجوا عنه من غير ما يتسلم؟..أنا مش فاهم حاجة

[se_ Elsyed]

الموضوع مش كده يا عطار

الأفندي معاه جنسية اسباني من أيام ما كان تارج سلاح ومكتبه هو وشريكة مبارك هناك ... لدرجة إنه كان بيستغل السفارة المصرية هناك في لاسفقات الزبالة دي ...

وبالتالي رد الدين لأسبانيا عن طريق تصدير غاز مصري لأسباني بسعر التراب .. ما هو مال سايب مالوش صحاب ...

وبالتالي أستثمر كتير في أسبانيا في عقارات وفي منتجعات سياحية ....

لما أبتدت رحته تفوح الحكومة الأسبانية فتحت عينها وقالت : إنه أضر بالأقتصاد القومي الأسباني .... وفتحوا ملفاته ... وأعتقلوه هو وشريكة الأسباني وأبن حسين سالم الكبير

عشان كده مصر لازم تسيبها من الهبل وحكاية إننا نبعت ملف - وتلاقية باللغة العربية طبعاً - وتتحرك على محورين :

1- توكيل محامي أسباني معروف مهما كلف الموضوع فلوس .. ويا حبذا لو يكون أوروبي ويكون معروف بقوته - أعرف واحد جامد قوي في ألمانيا ساكن ورا محطة النزين إسمه " الهر فريد ديابيتش -

2- البدء في محاكمتة غيابياً ومصادرة جميع أموالة قبل ما يموت ويورطنا .. حتى لو فضل مسجون هناك

[ام سلمي]

انا قريت انه اتخلي عن الجنسية المصرية علشان ما يتحاكمش ، طب هو لو اي واحد اسباني قام بعمليات سرقة في مصر مش من حقنا نحاكمه في مصر ؟

[ابراهيم عبد العزيز]

هذا المبلغ الضخم دفعه حسين سالم للخزينة الاسبانية من قوت الشعب المصرى وعرقه ومن استغلال موارده الطبيعية اسوأ استغلال

[وطني حر]

هو ليه المصرييين بيسرقوخيرات مصر ويهربو بيها برا . مش مصر اولى باموالها المسروقه . طب استثمرها في مصر ؟. ينولك ثواب وتكفر جزء من غلطتك

طب سؤال . هل في مصري سرق من برا وجه يستثمر في بلده مصر ؟

عجبي علي المصريين هو دا اللي هم فالحين فيه يسرقو بلدهم ولا الغريب لالا ؟!

[Salwa]

فيه شئ غريب بيحصل فعلا .

يعنى مصر كانت بتتسرق بصفة منتظمة سرقة منظمة ...يعنى السرقة هى اللى ثابتة ..سرقة تحت ستار رعاية المصالح..

لااستطيع فهم مصطلحات كثيرة كانوا يستخدمونها ..

مصطلحات وأرقام.(( تخض ))...بيسكتونا بيها ..,هم على ثقة ان مفيش حد حايحاسبهم..

ايه معنى الكلام ده..

http://www.elpais.com/articulo/espana/Fianza/27/millones/blanqueo/asesor/Hosni/Mubarak/elpepiesp/20110618elpepinac_17/Tes

يعنى ايه فيه كونتراتو بخمستاشر سنة ...,وكل سنة فيه تعهد بتصدير الف وسبعمائة مليون متر مكعب من الغاز ...1700 مليون ....

بناء عليه يكون نصيب ...مصر....الف وسبعمائة مليون يورو ....1700 مليون يورو ....رسميا يعنى .

رغم ان مفيش اى شئ رسمى بين مصر كحكومة وبين اسرائيل..

التعاقد بين شركة ...حسين سالم له فيها خمسة وستين ف المائة من رأس المال .

Egyptian Eastern Mediterranean Gas,

طيب يعنى ...كان بيبيع الغاز بالمبلغ اللى على مزاجه...ويدى مصر...يورو واحدددددد عن كل متر مكعب ؟؟؟

يورو؟؟؟

يورو؟؟؟

طيب....

افهم بس بجد....ده سؤال جدى ومش هزار ....

طيب ليه بتقولوا وليه الجرائد (( اللى بتكذب )) بيقولوا ان تعاقد الغاز جزء من معاهدة كامب ديفيد؟؟؟

اذا كان الاعلام الاسبانى يؤكد...ان هذا التعاقد لم يتم ابداااااا

بطريقة رسمية ؟؟

ولاحول ولاقوة الا بالله..

طبعاااا....اى كفالة دلوقت من حق اسبانيا .

اسبانيا كانت تحقق فى مخالفات خاصة بها ....

لم يتم القبض عليه بناء عن اى ...انتربول ...!!!!

كل اللى حصل...حصل بعد الاعلان عن القبض عليه لكن قبلها؟؟

لم يتم ادراج اسم حسين سالم ضمن الاسماء التى ارسلتها الحكومة المصرية لتجميد حسباتهم..

بمعنى ؟؟

للأسف اتصرفنا متأخر قوى ...بس ان شاء الله حقنا حايرجع.

لكن اهم شئ مطلوب دلوقت....مستندات مؤكدة وحقيقية ..

ومحاميين شاطرين قوى وياريت فعلا محاميين من دول اوروبا ..,اهم شئ...شرفاء.

مطلوب ان يكونوا شرفاء ويتسمون بالنزاهة ..

والله يوفق اصحاب الحق ...الله يوفق شعب مصر البرئ .

[aimen]