انا في مشكلة..!

[ماجد]

أختى الفاضله بنت شعنونه

اولا عاوزك تفرغى الشحنه كلها فينا و لا يهمك كلنا هنا اخوه و اصدقاء والصديق يظهر وقت الضيق.

ثانيا اعتقد انه اخى se_ Elsyed قد رد على تساؤلاتك و انا متفق معه تماما فلا داعى لكى اكرر كلامه مره اخرى و اوعى تفتكرى انى مش موافق على موقفك . بالعكس انا معكى تماما بل ربما وازيد عليكى كمان فى انه لا داهى لتنازلات اذا كانت الناس مش هاتقدر ده

لكنى ازيد فى ان الرجل - الرجل - عندما يأتى فستعرفينه ببنفسك و من خلال المواقف .و ستجدين ايضا ذلك الأرتباط قد نزل من عند الله فلن تحتاجى ان تبحثى عنه .

المهم انك بعد فتره - قصيره ان شاء الله - ستجدين انها كانت غمه و انزاحت و ستضحكين على ما بذلت من عناء لمجرد التفكير فى احداث لا تساوى وربما وجدت ان الله قد اكرمك ببعدك عن كثير من المشاكل

تم تعديل 22 سبتمبر 2004 بواسطة ماجد

[achnaton]

الإبنة العزيزة شانا ...

تابعت ما كتبت وما كتبه لك الأخوة الأفاضل .. وكم كان فى بعض ردودهم ما يكفى لكشف الطريق أمامك تماما .. وصدقينى لست وحدك فى محروسة المماليك الجوية التى تواجه تلك المشكلة .. كثيرات .. وأكثر مما تصورى .. ولكن دعينا فى مشكلتك .. من سردك أنت شخصيا .. أفضل لك أن تحافظى على كرامتك وتنفذى ما أشارت به أختنا الفاضلة كليو ..

وقديما قالوا الجواب بيبان من عنوانه .. والرسالة التى نقلها لك هذا العريس تحوى الكثير !! ولا أود أن أعمل محللا نفسانيا .. فللأسف لا أجيد تلك المهنة ..

ومشكلتك .. ليست فى إختيار الشقة .. ولكن فى قصر النظر وعمى القلب عند من قدمها لك .. فإذا كان العريس غير قادر على دفع الإيجار المناسب لتطورات أزمة الإسكان .. فماذا سيفعل معك عندما يواجه تطور تكاليف الحياة .. والذى يلجأ الى مثل هذا الحل سيلجأ الى مثل هذا الحل فى معظم حياته .. فإذا حلت مناسبة .. عيد أو موسم ستجديه فى وكالة البلح يبحث لك عن فسان شيك من إنتاج ( بالة الصليب الأحمر ) وإذا عزمك يوم عيد زواجك على عشاء شاعرى .. ستجدى نفسك فى مسمط على الله بجوار مقام السيدة وسيحاول أن يقنعك أن الست والدته ولدته بعد أكلة فى هذا المسمط .. خديها من قصيرها .. وليأخذ الباب معاه كما قالت الفاضلة" كليو" ..

حسب ما عرفناكى .. أنت حديثة التخرج .. يعنى لسه صغيره وفى بداية الطريق .. وما زالت أمامك كام سنة .. خلالها بإذن الله سيرزقك الله بشاب تستحقينه .. وهذا ما أتمناه لك من قلبى ..

وقبل تلك الأمنية .. أسأل العلى الكريم أن يشملك برعايته .. ويضئ لك الطريق .. فأنت تستحقى كل الخير .. وليس فتفوته منه

أخناتون المنيا

[nora]

الصبر يا شانا انا والله كتبت علشان خاطرك في المنتدي

عقلي الباطن "شكلك يا نورة انت الي وقعتي من قعر القفه "

قلبي معاكي ومن باعك ارميه

وفي مثل هقوله بالخفي رجالة الايام دي عمله زي طابع البريد لازم ##### علشان يلزق :blink: mfb:

دعابه مش اكتر مع الاحترام للجميع :unsure:

[Salwa]

اهلا بكم جميعا .......

اعتبروا انى ارسل كل تحياتى لكم جميعا ...

حبيبتى شانا ..

قل لن يصيبنا الا ما كتب الله لنا ..........فى كل شئ...كل شئ ......كل شئ......فاهمة ياشانا ؟؟؟

خير من الله شر من انفسنا ..

محدش عارف حايحصل ايه بكرة ....ونصيبك فين ؟؟ حتى لو نصيبك معاه بالتأكيد ربنا حايخلق الف سبب وحاترجعوا لبعض..

ودائما قولى ..يارب لو خير قربه منى ولو شر ابعده عنى ....

مش حكاية شقة فى بيت قديم ؟؟؟ ولا حكاية ايجار جديد ...ولا حكاية توضيب وتصليح ......الحكاية ببساطة ان مفيش نصيب .

وبس........

تعرفى ياشانا ........لما بيبقى فيه اتنين شاريين بعض ....بتبقى المشاكل دى ملهاش قيمة ..

ومثلا مثلا يعنى .....لو عاوزة احكى لك الآف الحالات اللى تثبت لك ان المادة عمرها ما بتكون سبب للانفصال ...فأنا مستعدة لكن طبعا مش وقته ...

احنا فى ايام مباركة وداخلين على رمضان ....كل الدعوات مستجابة ان شاء الله .....ولا تحزنى ولا تتألمى .....وانت لسة فى بداية الطريق ..

ربنا يوفقك ويسعدك .....

[بنت شعنونة]

عمي اخناتون

نورا

ماما سلوى

وحشتوووووووووني كلكم جدا فعلا

انا لسا راجعه من عيادة الدكتورة النفسية بتاعتي

فاكرينها :(

اديني رجعتلها تاني ورجعت لمضادات الأكتئاب من اول وجديد

على فكرة الفركشة سببها الرئيسي مش الشقة

سببها انه قالي كلمة جرحت كرامتي جدا وكبريائي

واحنا كنا متفقين انه كله الا الأهل و الكرامة دي منظقة محرمة

كان زعلان اني بكلمه على الحاجات اللي مضايقاني منه

اني كل ما اساله ها توضب الشقة ازاي؟

- مش عارف

- طب ميزانية عمو كام؟ عشان اعرف اتصرف؟

- مش عارف!

-طب ناوي تتجوز امتى عشان اعرف قدامي وقت قد ايه؟

- مش عارف

كلللللللللللللل حاجا مش عارف

وكل حاجا في حياته ماجلها لبعد شهر 4 لحد ما يخلص امتحانه.. :unsure:

وهوا ابتدى يتذمر اني بشتكي منه وانه دا في رايه انه مش عاجبني

"مع ان الموضوع دااااااااااااا كنا قتلنااااااااااااااااه بحثا قبلها ب 24 ساعة والله وفهمته مادام قبلته يبقى اكيد عجبني وانه مافيش حاجا غصبتني عليه!!!!"

راح فتح الموضوع تااااااااااااااااااني

وقلتله مش لسا متكلمين امبارح

يا ابني تفتكر انا قبلتك ليييييييييييه يعني مادام بتقول انه انت مش عاجبني وانا مش مقتنعه بيك؟؟

سكككككككككككت كتيييييييييييير

وبعد خمس دقايق رد عليا وقالي

يمكن عشان الجواز......

!!!!

انا صعقت من الكلمة دي

وفهمتها بطريقة واحدا

انه خايفة لا اعنس ف قبلت بيه

وبصراحا كرامتي حرقتني جدااااااااااااااااااااااا

وقلتله لحد كدا وكفايا

فرررررررررركش

وقفلت السكة في وشه وانا عمالة اصرخ واخبط دماغي في الحيط وفي قمة الأنهيار

والدي حاول يهديني وانه ماكنش قصده كدا

اكيد كان قصده حاجا تانية

وانا بصراحا مش قادرة استوعبها بطريقة تانية ابدا

من ساعة مارجعت من عند الدكتورة وانا بفكر في كلامكم

عمي اخناتون

هوا كمان معذور

الحالة بقت ضنك

كليو مرة سألتني هوا بخيل والا لا

قلتلها اعرف منين؟

قالتلي بيصرف عليكي

انا وهوا ما خرجناش الا كام مرة

وكان بيعزمني في كافيه

بس لو مرة اشتريت حاجا تخصني وهوا معايا

بدفع انا تمنها "عادي يعني"

الا اذا كانت غزالته رايقة وهوا حب يشتريهالي احيانا اوافق واحيانا احرج واتكسف

انما انا ما اكنتش اعرف انه اي حاجا اشتريها وانا معاه لازم يدفعها..

هوا بيقول عني مش قنوعه

وغير راضية

كل دا عشان حضرت فرح خرافة لزميلة عمري وهوا معايا

واكتأبت بعديه بشوية

وغللللللللطططططططة عمري اني قلتله سبب اكتأبي

قلبي ها يمووووووووت على فرح مبذر زيها

انما عقلي بيرفضه تماما

والدليل على كدا الخطوبة اللي عملناها كانت وسط في كل حاااااجا وصغنونة وشيك في نفس الوقت

والله

والله والله

عشان اوفر وابين المكان شييييك والكوشة حلوة

نزلت يوم الخطوبة الصبح ركبت الكوشة اللي كنت عاملاها بايدي قبلها باسبوع وقعدت من الساعا 12 الى 3 الضهر اركبها وبعد كدا طلعت على الكوافير

طب شيء من نفسي

مأزمني

حاجا وحساها وقلتها

انما اللي بعمله غير

يحاسبني عليه لييييييه

حتى حرام احلم؟

بيقولي انتي بتقارنيني ب جوزها مع انه هوا مليونير

بتقارني شقتنا بشقتهم وانا ابويا مش مليونير وانا قلتلك من يومي اني على قد حالي..

والله ما جبت سيرتها الا لما قعد يذلني باصحابه وقرايبه وانه كدا احسن واحد فيهم ف اهلي قالولي اقوله انه انا كدا اقل واحدا في زميلاتي..

بيقولي انا مش قنوعه

طب لو انا كدا ما كنت حكمت رايي وقلتله اتصرف وهات شقة او نفركش

انما قلت يا بنت استحملي مادام هوا ابن ناس وراااااااجل فعلا

هوا مخه مقتنع مليون المية ان الشقة روعة

مش قادرة اوريهاله من منظوري ابدا

و واضح ان النقطة الوحيدة اللي التقينا فيها في الموضوع دا

انه ماشي ها نعيش فيها

طب هدي انت بقى شوية

من ساعة الموضوع دا وانا قافلة موبايلي

وهوا ولاحاول يتصل بيا

كل اللي عمله بعت رسالة تقول انه بيتمنى انه نهدى عشان نعرف نتكلم

مع انه هوا اللي عامل زي البركان بينفجر فجاة

ولما صرخت انا في وشه اخر مرة بعد ما جنني

قالي شوفي ميييين بقى اللي بيصرخ

قلتله من نفسي مرةى بقى يا اخي

استحمل مرة من نفسك

انا تعببببببببببببببببببببببببت لدرجة اني فكرت ............

استغفر الله العظيم :(

[drmsaber]

طيب....

لو صالحك اقبلى الصلح و إبنى و ماتهديش....

افرض ان الكلمة سبب المشكلة خرجت بسلامة نية او هزار ..تقومى تخليها القشة التى قصمت ظهر البعير !!

أظنك عاقلة راشدة لك من تجارب الحياة الكثير و هذا يدفعك الى التعقل و التصرف بهدوء مع خطيبك مهما كانت المواقف الصغيرة التى لا ترقى لدرجة فسخ الخطوبة.

عجل الله بزواجك و صرف عنك شر كل دابة هو اخذ بناصيتها.

[kfaya]

والنبى لما أحب أدلع خطيبتى فى احلى أيام العمر ... اقول لها انتى قبلتى بى فقط رغبة فى الزواج !!!!!!

امال بعد الجواز هقول لها ايه ؟؟؟؟؟؟؟

اللى يوصل خطيبته للدكتور النفسى ..... هيوصل مراته لل ...... بعد كام شهر جواز .

[بنت شعنونة]

كرامتي حرقاني اوووووووووي يا د.صابر

حاسا انه لو جه وصالحني وقبلت يبقى دا تاني تنازل كبيييييييير اوووي

وعمره ما ها يحس انه غلط غلط كبير

انا عارفة ومتاكدة انه قلبه طيب

لآنه خاااااااااااااااام جدا ومن كتر ما هوا خااام مــــــــــــــدب جدااااااااا جدااااااااا جداااااااااا

بيعاملني زي ما اكون صاحبه!!

لدرجة ان اخته الصغيرة قالتلي مرة انتوا مستحيل تكونوا مخطوبين؟

انتوا اخوات..

بس الدبش له حدود

ومش معقولة وهوا اكبر مني ها اقعد اعلمه يقول ايه امتى وفين وازاااااااااي!!!!!!!!!!!

هوا بيرضى بقليلة

لا والله واقل من قليلة

يعني ممكن اكون عاااااااااااااكة الدنيا كلها واقوله اسفة يرضى

انما عند اي مناسبة يقعد يفكرني بغلطي ولا مليوووووووووون مرة

وفاكرة عملتي كذا يوم كذا

وجيتي قلتي اسفة وانا عددييييييييييييتها

انا العكس

انا اطلع روووووووووحه على بال ما يصالحني

بس ولا عمري اجيب سيرة الزعل دا تاني

ما اعرفش مين فينا الصح ولا مين فينا الغلط

ليا طلب يا جماعا

اللي يقرا الكلام دا يعتبر انه بيقراه لشخوص مجهولة ويحكم بالعدل

هل انا فعلا انسانة غير قنوعة؟

هل انا فعلا من البنات اللي بتقعد تقارن نفسها بغيرها؟

انا كدا بجد؟؟؟؟؟؟؟؟!!!!!!!

دا انا بفرح جداااااااااا يوم ما يشتريلي شوكلاته او وردة

ولا عمري طمعت في اكتر من كدا والله

حتى الشبكة اشتريتها عملية جدااااااااا جدااااااااااا عشان تنفعه في يوم من الأيام واصريت ان الفاتورة تكون باسمه واديتهاله في ساعتها يخليها معاه

حاسا انه ظلمني اوي بموضوع القناعة اوي

انا طموحة ااه

بيجيلي اكتاب لما اكون بتمنى حاجا وهيا مش عندي

بس عمري ما زنيت على حاجا مش في مقدرتي

انا فاكرة نفسي كدا

انتوا شايفين ايه

قبل ما اتجنن

[G.G]

يمكن عشان الجواز......

!!!!

انا صعقت من الكلمة دي

وفهمتها بطريقة واحدا

انه خايفة لا اعنس ف قبلت بيه

أنا عندي تفسير تاني للكلمة دي: أن تكوني قبلت به رغبة في الزواج بمعنى الفرح و الزوج و الفستان و الحاجات دي..و الحقيقة ان فيه بنات كثير بيفكروا في الزواج و لكن يتوقف تفكيرهم بس لحد 30 يوم بعد الفرح..و بعد كده خلاص ..و يمكن يكون قالها عشان يكون ردك تطييب خاطره..

و قد تكون ايضا بالمعنى الذي اشرتي له..و لو كان هذا قصده فعلا فهذا كفيل بأنه يوضح أنه لا يتفهم مشاعرك على الوجه الصحيح ..و لك طبعا حينئذ ان تتخذي قرارك في الإستمرار أم لا..

و لكن لا تعقدك هذه الكلمة لهذه الدرجة .. فمن من الذين لم يتزوجوا بعد لا يخاف من العنوسة , رجل أو امراة ..الكل يخاف من الوحدة ,,و خصوصا في عالم محبط كعالمنا..إلا طبعا لو ما كنش شخص طبيعي..بل أن هذا الخوف من الوحدة يكون كثير في الأحيان دافع جيد للزواج و خاصة بالنسبة للناس المترددين بطبعهم..

عزيزتي شانا لو ان لي جرأتك في الحكي هذه,,لكنت فردت لك صفحات عن حكايات اكثر قسوة من هذه ..رأيتها رأي العين في حالات قريبة جدا مني..لذا حقيقي هذا ليس أو حش حاجة في الدنيا..و لا يستاهل منك كل هذا الإكتئاب و العصبية..

و لي ملحوظة أخيرة هنا..أنا استطيع تخيلك من كلماتك فتاة مبهجة و مفعمة بالحياة و نشيطة جدا و مبدعة .. و لكن نارية جدا و سريعة الإنكسار..اتخيل ان شريك حياتك رجل عنده قدرة عظيمة على الإحتواء و تشجيع هذه الميول الإبداعية فيكي و انت بدورك تنوري حياته ببهجتك و انطلاقك..

فانتظريه لحد ما يعرف طريقه و يصل اليكي .. me0:..انشاء الله سالما غانما..سواء كان هذا الخطيب مرة أخرى (و لكن بعد تلافي المشاكل القديمة) أو خطيب أخر..لكن في كل الأحوال ...من غير هذه العصبية ..

و ربنا يوفقك لما فيه الخير..

:unsure:

تم تعديل 22 سبتمبر 2004 بواسطة G.G

[سقراط المصري]

يظهر ان الوقت اذن عشان ادخل اكلم اختي شعنونه.

شعنونه بالرغم ان في التسعه شهور الاخيره انا متابع المحاورات من بعيد لبعيد بسبب انشغالي ولكن الان شعنونه محتاجه لاخواتها معاها.

شوفي يا شانا ونتكلم بصراحه ومن غيرزعل:

1- منظورك للشقه هو حلم البنت الجميل وده من حقك ......منظوره من الشقه ان الدنيا غاليه ومفيش حد بيتجوز النهارده ، ورضا قوي انه لقى اربع حيطان يضللوا عليكم( وده حقه وهو برضه من وجهة نظره صح).

2- انا معرفش مهنته ايه ، بس الرجل شكله مشغول بمستقبله، وساعه الانشغال ده بتيجي حاجات في المرتبه التانيه مثل موضوع الزواج ، وبذلك بيكون معاكي وتايه لان موضوعاتك بتيجي في المرتبه التانيه. اما موضوع الزواج بالنسبه لك او لاى بنت اخرى فبيكون في المرتبه الاولى.

3- انا عارف انك طيبه ، وممكن ترضي بالقليل، لكن اصرارك على فتح كل كبيره وصغيره بيعطي انطباع خاطىء لمستقبل الرساله ، فتنخبطي كلمه توجعك ، وتصدمك، تخدي في ساعتها قرار انفعالي بدون تروي ، تضيعي بيه كل اللي بنتيه. برجاء خفض نسبه الاستثاره شويه.

4- والله الرجل يقصد بكلمته عنوسه او غير عنوسه دا انا مش شايفه شيء غريب، هو بيتكلم بوجه عامه ، ودا موضوع الساعه في مصر ، اما انك تخديها بشكل شخصي والضغط يرتفع عندك ..........طيب ليه. وماذا انت فاعله لو عرفتي انه كان يقصد حاجه عامه مش خاصه.

5- الكلام الجاي ده متزعليش منه:

انا يا شعنونه رجل اكاديمي يعني بتاع زرع وحصد، بالقوه اعرف اغير لمبه محروقه ، انبوبه البوتجاز بتكون احيانا معضله بحته.

ماشي، كلامك ونشاطك عن الشقه وتوضيبها وعمايلها ووووو ...لو كان خطيبك من النوعيه الاكاديميه او اللي ملهاش في الحاجات دي ,,,,,,,اكيد مش هيكون مرتاح داخله لما يسمع الكلام ده .......نشاطك تظهريه يا دكتوره بعد الزواج ، قبل الزواج تكوني دكتوره شاطره وست بيت ماهره. اكتر من ذلك بلاش منه (انا معاكي ان مهاراتك مطلوبه وكويسه جدا) بس احنا رجاله شرقيين ، وعندنا توقعات خايبه عن طبيعة البنت.

6- اختي شانه، هو او غيره ، بلاش تحطيه في ركن الحلبه وتنزلي فيه ضرب، الرحمه حلوه . اكيد الرجل له مميزات بس انت مش واخده بالك منها.

ارجوا عدم الزعل ، انا بحاول انظر للموضوع من زوايا مختلفه.

شكرا........سقراط

[Cleo]

شعنونة...

خطيبك بخيييييييييييييييييييل....

وحكاية التأجيل لحد شهر 4 ده عشان حاجتين...

الأولى إنك من هنا لغاية شهر 4 تكونى اتعلقتى بيه واتحسبت عليكى الخطوبة تقومى ترضى بأى شروط إذعان بعد كدة...

تانى حاجة، إنه يستنى لأخر وقت عشان لو حصلت فركشة يبقى حصر الخساير فى أضيق نطاق...

أنا شخصيا نفس الكلام ده حصل معايا.. وحصل مع غيرى كتيييييييير....

فكرى كويس وافتكرى أخر مرة لما اتكلمنا.... قارنى وخللى عقلك بس هو اللى يحكم.

[sos]

خطيبك بخيييييييييييييييييييل....

وحكاية التأجيل لحد شهر 4 ده عشان حاجتين...

الأولى إنك من هنا لغاية شهر 4 تكونى اتعلقتى بيه واتحسبت عليكى الخطوبة تقومى ترضى بأى شروط إذعان بعد كدة...

تانى حاجة، إنه يستنى لأخر وقت عشان لو حصلت فركشة يبقى حصر الخساير فى أضيق نطاق...

أنا شخصيا نفس الكلام ده حصل معايا.. وحصل مع غيرى كتيييييييير....

فكرى كويس وافتكرى أخر مرة لما اتكلمنا.... قارنى وخللى عقلك بس هو اللى يحكم.

يا اخوانا هى جوازة والا حرب....

فين حسن الظن...والتماس الاعزار للاخر...

وضع الناس فى موضع شك فى حسن النوايا...يجعل من الاخر(من نشك فيه) الحق فى ان يشك فى حسن نوايانا ايضا...

نقطة اخيرة....كان من الانسب ان د/شانا....تصدر والدها الكريم فى الاتفاقات والترتيبات ...وتكون هى حائط صد....او من يقوم بالتوضيح وازالة اللبس...

اعطى الراجل فرصة....والله الموفق

[عوف]

شعنونة...

خطيبك بخيييييييييييييييييييل....

وحكاية التأجيل لحد شهر 4 ده عشان حاجتين...

الأولى إنك من هنا لغاية شهر 4 تكونى اتعلقتى بيه واتحسبت عليكى الخطوبة تقومى ترضى بأى شروط إذعان بعد كدة...

تانى حاجة، إنه يستنى لأخر وقت عشان لو حصلت فركشة يبقى حصر الخساير فى أضيق نطاق...

أنا شخصيا نفس الكلام ده حصل معايا.. وحصل مع غيرى كتيييييييير....

فكرى كويس وافتكرى أخر مرة لما اتكلمنا.... قارنى وخللى عقلك بس هو اللى يحكم.

لا يوجد في الزواج قاعدة عامة تنطبق على كل الحالات وكل حالة تقيم في إطارها وظروفها وما حدث معك لا يعني انه لابد أن يحدث مع غيرك.

حتى لو انتي تعرفي وبشكل شخصي وليس بالاستنتاج أن خطيبها بخيل فالأفضل أن تتركي ذلك لها لكي تعرفه من خلال تعاملها معه لان ما تقوليه اسمه الشحن والمصطلح الشرعي الدقيق له اسمه (التخبيب) وكما تقولي أنتي أنه حدث معك ومع غيرك كثير فهناك أيضا الكثير من البيوت التي كانت مهيأة للعمار وهذا النوع من الشحن والتخبيب اسرع بخرابها نتيجة لتضخيم المشكلات التي كانت قابلة للحل.

[Cleo]

الأخ عوف..

ربما كان معك الحق... أحييك..

ولكن أيضا كاتم الشهادة شيطان أخرس ومن رأى منكم منكرا..

من حكايات شعنونة بخصوص هذا الموضوع سواء فى المنتدى أو فى محاورات على الماسنجر معها..إنما رأيت مقدمات لنتائج منطقية... والله أعلم.. ولذلك أنا نصحتها حتى فى محاوراتنا على الماسنجر أن تأخذ كلامى فى الاعتبار وليس أن تأخذه على أنه مسلمات...

فقد أكون على صواب وقد أكون على خطأ.

تحياتى

[blbl]

د شعنونه انا عملت في خطيبتي بلاوي اكتتتتتر بكتير من خطيبك بس بصراحه هي كانت شطره جدا وعرفت تعديها وكل التفاصيل الماديه كان فيها خلاف بين العلتين

هما اغنياء جدا واناكنت شاب مجتهد من اوءل دفعتى وكان شرطى تعيش زي منا عايز مش بخل لكن احيان مفيش احسن من كده واحيان عقل لان ده جواز وانا لافي مساعده من بابا ولا غيره

في الخطوبه كنت في تمهيدي ماجستير والله العظيم زرتها 3 او 4 مرات والمشكله ان انا مكنتش متقبل حتي العتاب انا بعمل ماجستير ومعيد وبشتغل 3 شغلانات بعد الظهر وكنت مقتنع ان انا بعمل ده غشانا يبقي هي لو مشجعتنيش يبقي هي مش عقله

في نفس لوقت اختها اتخطبت لواحد من النوع اللي باباه بيتكفل بكل الجوازه والباشا كان اعد في بيت حمايا طول النهار

ام الشقه فبصراحه كانت اقل كتير جدا جدا من مستواها ورغم كده مكنتش ممكن استحمل اي كلمه علي القصر اللي انا اشترته وحتي موعدتهاش اني هغيره لاني لو وعدت لازم انفز والرزق مش ن عندنا بس قلتلها مفيش حد يكره الخير لو في فلوس متوفره ممكن نعزل لكن ششدت واكدت ان ده مكن ميحصلش ونعيش ونموت هنا واخيرا بعد حرب ضروس اقنعت باباها بالشقه وكان طلبها الوحيد انها تهد وتبني شوية حاجت في الشقه وانا رفضت واله مش بخل لكن فيه اولويات وفضلنا نتخانق علي موضوع الهد لحد مجتلي فرصة بالخارج ون سعتها من بلد لبلد واله اعلم هنرجع والا ولحد النهاردهه معندناش شقه في مصر وكل سنه نقول السنادي هنشتري ونبتدي الخناقه يا تري هسمحلها تهدي وتبني في الشقه الجديده ولا

وبالمناسبه عريس اختها اللي كان شغال هدايا دهب وخلافه لحد النهارده فاتح بيته من مصروف دادي لان الباشا كل ميفتح مشروع يخسر

فيريت تفكرى بعقلك مش بالمظاهر

[عوف]

الأخت الفاضلة كليو

اشكرك جدا على ردك الموضوعي والذي ينم فعلا عن روح نقية وصدق مع النفس.

فقط تعليقي على الفقرة التالية من ردك :

من حكايات شعنونة بخصوص هذا الموضوع سواء فى المنتدى أو فى محاورات على الماسنجر معها..إنما رأيت مقدمات لنتائج منطقية... والله أعلم.. ولذلك أنا نصحتها حتى فى محاوراتنا على الماسنجر أن تأخذ كلامى فى الاعتبار وليس أن تأخذه على أنه مسلمات...

هذا هو جوهر المشكلة يا سيدتي

أننا في العلاقات الزوجية دائما ما نبني أرائنا على وجهة نظر أحد الطرفين وروايته للأحداث دون أن ندرك أنه في الغالب (ودون قصد) تظل هناك وقائع غائبة ربما لو عرفت لتغيرت وجهة النظر.

فالأخ منا يسمع من اخيه ولا يتخيل ان هناك شيئا اغفله

والاخت تسمع من اختها

والصديقة من صديقتها.

لذلك تتكون لدى كل شخص وجهة نظر أن الطرف الآخر على خطأ وربما لا يكون ذلك دقيقا.

لذلك ما أفعله أنا شخصيا في هذه الأمور أن اضع نفسي مكان الطرف الغائب وأحاول أن اتخيل ما هي الواقعة الناقصة او الراي الغائب وأطرحه على من يروي القصة، وفي الغالب أجد انه بدأ يصحح روايته ويرى دوره ومساهمته في الأزمة بشكل صحيح.

للتدليل على ذلك مثلا لو تلاحظي أن الجميع اندفع بعد أن قالت شعنونة ان الخطوبة تفركشت اندفع الجميع يقول ولا يهمك قدر الله وما شاء فعل في تسليم تام بأن الموضوع انتهي، مع أنها عندما أكملت الرواية اتضح أنها خناقة وليست انهاء للخطوبة فلا الشبكة رجعت الى العريس ولا تم إعلان الانهاء رسميا، وقد كنت أنوي امس أن اكتب تعليقا اقول فيه يا جماعة الصبر نحن لم نعرف بعد ماذا حدث ومن الذي أنهى الخطوبة وفي أي ظرف حتى يمكننا احكم على الأمر,

مرة أخرى أكرر لكي تحياتي وتقديري على هذه الدرجة العالية من المصداقية والمصارحة مع النفس.

[Cleo]

أعتقد أنى قد شرحت وجهة نظرى بأقصى ما أستطيع سواء لصاحبة الأمر أو لجميع المشاركين..

ولذلك وحتى لا أقع فى شبهة التحريض سأتوقف عن المشاركة فى هذا الموضوع وربنا يوفقك يا شعنونة للى فيه الخير ليكى..

كليو

[فــيــروز]

الحكاية ببساطة ان مفيش نصيب .

///////////////////////////////////////////////////////////////////////

لما بيبقى فيه اتنين شاريين بعض ....بتبقى المشاكل دى ملهاش قيمة ..

انا فاكره انى قريت الجمل دى فى الموضوع و فضلت ادور عليها ساعه بين كل المداخلات الطويله

لانها فيها المفيد باختصار ومن غير كلام كتير :rolleyes:

لكن هناك توضيح لابد منه بخصوص الجمل التى اقتبستها من مداخلة مدام سلوى

انه حين يكون هناك مشروع زواج او خطوبه و يفشل -ولا اعتقد ان موضوع شعنونه وصل لهذه المرحله بعد- يظل اى من الطرفين او كليهما بعد انهاء الموضوع يسال نفسه : لماذا فشل الارتباط؟ يا ترى بسبب خطا منى !! ام بسبب ظلم من الطرف الآخر ام ماذا !!

ويظل هذا التساؤل يدور فى ذهنه لمده تطول او تقصر حسب عمق الارتباط بين الطرفين .. لكن ما ينبغى ان نؤمن به حقا ان هذه ارادة الله ايا كانت الاسباب الظاهره للفشل .. وهناك زيجات تفض قبل عقد القران بلحظات !! او حتى فى يوم الزفاف نفسه او قبيله بدقائق او ساعات !! مفيد جدا ان نفكر فى اسباب الفشل لو حدث حتى نتعلم من تجاربنا .. لكن ليكن هذا فقط هو الهدف وليس اى احساس بالذنب او الحزن او الغضب .. فهذه ارادة الله قبل كل شئ و الزواج تحديدا لا يخضع لمعايير الشطاره او الحداقه حتى لو ظن البعض غير هذا ..

اعتقد ان شعنونه هى وحدها التى تستطيع ان تحدد اذا كانت تشعر ان العريس شاريها ولا لأ .. وبناء عليه يمكن ان تتغاضى عما يضايقها لو شعرت انه بذل ما يستطيعه وما تسمح به امكاناته فى الوقت الحالى .. و تمنياتى بالتوفيق B)

تم تعديل 23 سبتمبر 2004 بواسطة فــيــروز

[MuslimaEgyptian]

كنت هقول حاجات كتيره، بس أكثر شئ شغلنى أحببت أن ألفت النظر إليه...هو أن ربما هذا الإختيار ليس مناسب لأنه لو مناسب، يبقى لازم كانت شعنونه والأخ لديهم القدره على مواجهه الأمور وحلها سويا (مع مراعاه حدود الخطوبه)...إلا وكيف سيواجهان سويا مشاكل الحياه الحقيقيه الأصعب؟

لو شعنونه مش شاعره إن كلللل اللى قالته هنا تقدر توجهه إليه ويكون هو قادر على التعامل معه مباشره أو غير مباشره من خلال والدها...يبقى هذا ليس مدلول جيد...

أنا كفتاه قد يكون من الصعب على أن أجرد علاقه يبتغى بيها وجه الله..لخلافات على ماديات...إذن فى مثل هذا الموقف، أتوقعه أن يتحدث مع والدك كرجل وخصوصا لو شارى ويبلور الأمور ويقول يا عمى مقدرتى كذا كذا ونفسى أرضى شعنونه فهتنازل عن كذا كذا، وأرجوك ساعدنى نتمم المواضيع بمشيئه الله لكى نتزوج ونبنى أسره مسلمه...

أنا عارفه إن الظروف فى مصر تستدعى التحدث فى أمور ماديه كثيره

..ولكن ليكن شاغلك الأولى هو تقييمك لخلقه ودينه...ومن الخلق هنا الإحترام وعدم إهانتك والتصرف برجوله تجاه مسؤوليه الزواج بجانبها المادى المعقول..ولو إجتاز دول وأحاطك معنويا وعقليا، فإنت نفسك هتيجى عليه وتقتصدى من ذلك وذاك وهتوضبى الشقه وتخليها جنه بكل افكارك الجميله عن الديكورات والدهان..

أما عن إشارات الإنتحار، فأنا زعلانه منك بجد ومش هتكلم فيه لأننا إتكلمنا فيه كتير وإنت عارفه كل اللى إتقال ...

ربنا يكتبلك الصالح دايما وتكون أيامك كلها سعاده وهناء...

[se_ Elsyed]

حرام عليكي يا شعنونة وقعتي قلبنا .. وطلع الموضوع مجرد سؤء ظن وفهم خطأ لكلمة عابرة .. وأهو الراجل طلع شاري واتصل بكي تاني .. يعني ما فيش فركشة ولا حاجة .

ليا طلب يا جماعا

اللي يقرا الكلام دا يعتبر انه بيقراه لشخوص مجهولة ويحكم بالعدل

هل انا فعلا انسانة غير قنوعة؟

هل انا فعلا من البنات اللي بتقعد تقارن نفسها بغيرها؟

انا كدا بجد؟؟؟؟؟؟؟؟!!!!!!!

أنا هاعتبر نفسي بأكلم أختي الصغيرة اللي ممكن تكون في نفس سنك ... وعشان مصلحتها .. وياريت ما تزعليش من الحق .

أيوه غإنت كده يا شعنونة .. بس مش الكلام اللي إنت قولتيه عن عدم القناعة او أنك بتبصي لأحوال غيرك ... ولكن إنت من خلال معرفتي بك في المحاورات من حوالي عامين فيكي صفات تانية تشيب الكتكوت الأخضر .. ومنها انك بتاخدي كل حاجة على أعصابك وعايزة الدنيا تبقى مثالية والناس حلوين مع بعض وماحدش يجرح التاني .. وده ما بيحصلش ولا هايحصل لأننا بشر مختلفي الطباع والسلوك والاخلاق ... وكمان ممكن تحملي الكلمات اكثر مما تحتمل وتنسجي عليها سيناريوهات ... فعشان الراجل قالك كلمة واحدة فبدل ما تلتمسي العذر روحتي فاهماها بشكل ثاني خالص ونهيتي الموضوع . اومال لما تتزوجوا ويبقى فيه تعامل أكثر من أيام الخطوبة .. هاتعملي إيه ؟

يا شعنونة يا اختي ياللي إتربيتي في السعودية حيث الفضاء والوسع والناس اللي مالهاش دعوة بحد ومركزة في شغلها وحياتها وبس وما فيش 10 % من المشاكل بتاعت مصر .. مصر مختلفة وإنت عارفة كده ومش راضية تقتنعي .

لازم إحنا اللي نتأقلم مع الحياة مش الحياة اللي تتأقلم معانا ... ومش كل مشكلة تقابلك لازم تحليها في التو واللحظة وتفكري وتشغلي عقلك وتكتمي في نفسك لحد ما تتعبي نفسياً ... والله في مشاكل كثير بتتحل لوحده تلقائياً مع الأيام وممكن ان نكون رأيناها من قبل على إنها جبل ... وده متروك لكي شخصياً للحكم على طبيعة المشكلة .

يعني على سبيل المثال ... موضوع الشقة ده أنا مش شايف فيه أي مشكلة وبإذن الله بإجتهادكم هاتحققوا ما تتمنوه ....

ما تزعليش من كلامنا وإن إحنا ممكن نتحامل عليكي .. لكن اعطي الفرصة لخطيبك .. ولا تتوقعي ان تجدي إنسان كامل في الدنيا ... وحاول تفهمي عقلية الرجال .. وزي ما قال سقراط إحنا بيبقى عندنا اولويات كثيرة جداً وبالتالي ما تطلبيش من الراجل المستحيل ...... وأعلمي جيداً بإن مسئولية الزواج يكون العبء الاكبر منها على كاهل الرجل .. فالمرأة ما عليها إلا إنها تجلس في البيت لترعى شئونه اما تكاليف الحياة والعمل وكل هذا بيبقى من مسئوليات الرجل .. وحتى لو كانت المراة تعمل فده بيكون لها هي وبتكون غير مطالبه بغنها تتحمل مسئوليات ع الرجل ... بحيث لو أصرت إنها تكون مستقلة مالياً فمافيش راجل عنده كرامه يقدر يجبرها على الإنفاق على البيت .