مشروع تاكسي العاصمة

[se_ Elsyed]

الاهرام 19/9/2004

مجلس الوزراء يبحث أفضل حلول لتاكسي العاصمة

‏80 %‏ من سيارات التاكسي انتهي عمرها الافتراضي

بحث الدكتور أحمد نظيف رئيس مجلس الوزراء أمس أنسب الحلول لتطوير خدمات التاكسي بالعاصمة‏,‏ بما يتلاءم مع المظهر الحضاري للقاهرة‏,‏ ولخدمة أغراض السياحة‏,‏ وحماية البيئة‏.‏

وصرح الدكتور مجدي راضي المتحدث الرسمي باسم مجلس الوزراء بأن الاجتماع بحث مجموعة دراسات وبدائل‏,‏ منها تنفيذ مشروع لتجديد السيارات القديمة‏,‏ بعد أن أظهرت الدراسات وجود‏71‏ ألف تاكسي قديم بالعاصمة‏,‏ ونسبة السيارات التي تجاوز عمرها الافتراضي‏(12‏ عاما‏)‏ تصل إلي‏80%,‏ علي الرغم من أن النسبة العالمية لعمر السيارة لا يتجاوز السنوات الخمس‏.‏ وأضاف أن الاجتماع شهد عدة بدائل لتطوير الخدمة‏,‏ من بينها تأسيس شركات للتملك‏,‏ أو الإدارة‏,‏ أو تشغيل سيارات الأجرة لتحسين الخدمة‏,‏ ووضع رسوم محددة تقبلها جميع الأطراف‏.‏ وأشار المتحدث الرسمي إلي أن الفترة المقبلة ستشهد اجتماعات بين المعنيين لاتخاذ قرارات محددة بشأن تاكسي العاصمة‏,‏ إلي جانب اجتماعات أخري لتطوير خدمة سيارات السرفيس والنقل الجماعي‏,‏ بالإضافة إلي تطوير الطرق‏.‏

حضر الاجتماع وزراء‏:‏ القوي‏,‏ والداخلية‏,‏ والنقل‏,‏ والتنمية المحلية‏,‏ ومحافظ القاهرة‏,‏ ونائب محافظ الجيزة‏,‏ ورئيس مركز المعلومات ودعم اتخاذ القرار في مجلس الوزراء‏.‏

[se_ Elsyed]

لو نجحت حكومة الدكتور نظيف في حل المعضلة الأزلية المصرية المتمثلة في تعريفة ركوب التاكسي في القاهرة بالذات .. لرفعنا لها القبعات ولسطر التاريخ إسمه بحروف من ذهب .. حيث لم أرى خلال حياتي أحد في أي وزارة حاول الإقتراب من حقل الألغام المتمثل في موضوع التاكسي ...

مع إن الامر لا يستلزم أي لجان او إجتماع لوزارات مختلفة وكأنه مجلس حرب .... فمن وجهة نظري الشخصية يُمكن عمل الآتي لحل هذه الأزمة :

1- تحديد عمر إفتراضي معين لسيارات التاكسي .. ولكن يُراعى فيها الحالة الإقتصادية في مصر . يعني مالناش دعوة بالمعدلات العالمية .. دي ناس معاها فلوس وبتغير العربيات زي سلام عليكم .

2- التوصل لتعريفة إركاب تُرضي السائق والراكب في نفس الوقت .

3- نسف تلك العدادات العتيقة والتي لا تستخدمها إلا السيارات المصرية فقط وهي للزينة وحاجة كده بتجيب الحظ .. فهناك إختراع من عشرات السنين يُسمى العداد الرقمي وهو صغير الحجم ودقيق أيضاً .

4- تيسير إجرءات إستخراج الرُخص لأصحاب التاكسيات ومراعاة البُعد الإجتماعي في الضرائب التي يتحملونها عند كل تجديد لأوراق السيارة ... مع ... ونخلي بالنا من كلمة مع دي .. مع وضع عقوبات صارمة للسائقين الذين لا يلتزمون بالأستجابة إلى طلب الراكب للذهاب إلى مناطق معينة .. وحقيقي ده موجود في القاهرة بس دوناً عن العالم كله .. فالمعروف إن التاكسي ده مش ملك للسائق فقط يركب اللي يعجبه بس ويروح الحتة اللي تريحه هو بس .. اما الراكب فلابد أن يدفع ثمن إنه ساكن في منطقة عشوائية او إن إسم المنطقة مش عاطفي .

5- المطلوب إحداث ثورة في الطرق والشوارع بمحافظة القاهرة ووضع معايير ومقاييس محددة يلتزم بها منفذو تلك الطرق والإعلان عن عقوبات علنية لمن يخالف تلك الشروط لكي يرتدع مقاولي الباطن الذين هم سبب كل الكوارث في تنفيذ مشاريع البنية التحتية .

[عوف]

الحقيقة أن المشكلة ليست في التاكسي فقط، ولكن المشكلة الكبرى هي مشكلة المرورر والتخطيط المروري في مدينة القاهرة،واستخدام التاكسات القديمة هو نتيجة للمشكلة الأصلية وليس مشكلة مستقلة، فمن الذي يمكن أن يغامر ليشتري سيارة جديدة تصلح للعمل المستمر طول النهار وثمنها لن يقل عن 150 الف جنيه ليغامربها في طرقات وشوارع القاهرة او الذهاب الى المناطق العشوائية خاصة وان التامين على السيارات في مصر موجود على الورق فقط ولا اثر واقعي له.

هناك سبب أخر في اعتقادي لاستخدام السيارات القديمة وهي أنها رغم تهالكها فهي أكثر احتمالا لمتطلبات العمل المتواصل من الموديلات الحديثة المصنعة محليا مثل دايو وسوزوكي وغيرها، والسيارات القديمة من السهل الحصول على قطع الغيار الخاصة بها بسعر رخيص أو حتى تصليحها بمعرفة السائق نفسه الذي اصبح يحفظ السيارة نتيجة لطول العشرة، اما السيارة الجديدة فمع اي خبطة وهذا احتمال وارد بقوة ستحتاج إلى مبالغ طائلة للصيانة.

هناك مسألة أخرى هامة وجوهرية وهي أن الدكتور أحمد نظيف وأمثاله من الوزراء ينطلقون في توجههم لحل المشكلة (واعتبارها مشكلة) من اقامتهم بالخارج وإداركهم أن التاكسي الموجود في مصر غير صالح للاستخدام الأدمي، وهو ما يتفق معهم فيه الذين عاشوا في الخارج، لكن لو سالنا المواطن العادي فربما فاجأنا أنه لا يرى مشكلة كبرى في نوعية السيارات فهي لا تختلف عن مجمل السيارات الخاصة التي تسير في الطرق.

أخيرا للإحاطة هناك مدينة أخرى توجد فيها نفس المشكلة بصورة متطابقة وهي مدينة طهران عاصمة إيران، وقد سبق أن تعرضت إيران لسحابة خانقة من الدخان الناتج عن عادم السيارات المتهالكة أدت إلى أن تصبح الحياة فيها غير محتملة.

في اعتقادي أن المشكلة معقدة ولكي تحل ربما تتضاعف تعريفة الركوب او تصبح أكثر من الضعف، ومع ذلك فلابد من التوصل إلى حلول لانه لا يمكن بقاء الحال على ما هو عليه.

[Cleo]

وأضاف أن الاجتماع شهد عدة بدائل لتطوير الخدمة‏,‏ من بينها تأسيس شركات للتملك‏,‏ أو الإدارة‏

وساعتها أركب تاكسى من مصر الجديدة للعباسية وأدفع 30-50 جنيه زى تاكسيات أوروبا..!!

[عوف]

وساعتها أركب تاكسى من مصر الجديدة للعباسية وأدفع 30-50 جنيه زى تاكسيات أوروبا..!!

طيب هو من مصر الجديدة للعباسية الأن بكام.

[فــيــروز]

3- نسف تلك العدادات العتيقة والتي لا تستخدمها إلا السيارات المصرية فقط وهي للزينة  وحاجة كده بتجيب الحظ .. فهناك إختراع من عشرات السنين يُسمى العداد الرقمي وهو صغير الحجم ودقيق أيضاً .

حتى هذا العداد الشيك لا يرضى السائق و عمره ما فكر ينظر اليه ليرى الاجره المفترضه .. يا جماعه ركوب التاكسيات دلوقت محتاج الوحد يبقى معاه اسلحه بيضاء .. :)

[Cleo]

وساعتها أركب تاكسى من مصر الجديدة للعباسية وأدفع 30-50 جنيه زى تاكسيات أوروبا..!!

طيب هو من مصر الجديدة للعباسية الأن بكام.

حوالى 5 جنيه.... إنت وشطارتك... :)

[ahli2004]

موضوع التاكسيات مرتبط بصراحه بموضوع المرور

مستحيل نفصل ده عن ده

الوعي المروري او بمعنى اصح الادب المروري معدوم في مصر و للاسف مش عارف ليه

انا عشت في الكويت حوالي 12 سنه من عمري و فيهم زرت السعوديه و دبي و البحرين و قطر ( دول الفلوس زي ما بنحب احنا المصريين نقول عليهم ) الناس دي تقدمت جدا خصوصا في موضوع المرور حصل قدامي موقف الساعه 3 صباحا الاشاره بقت حمرا و الساعه 3 الفجر و كل العربيات اللي كانت موجوده ساعتها وقفت من غير لا عسكري مرور ولا حتى كاميرا هناك الاشارات ليها معنى اما في مصر فللاسف معناها العكس و ده سبب ليا مشاكل كتيره لما رجعت مصر كنت طيب اقف في الاشاره الحمرا و الاقي نظرات السخريه و لسانهم بيقول مين العبيط ده اللي واقف في الاشاره ؟؟؟ هناك في اختراع اسمه الحاره المروريه في مصر بيعتبر من العفاريت و حبظلم هناك ماشفتش عربيه ماشيه في حارتين اما في مصر فالعربيات بتمشي في نص الشارع بتخاف تيجي على اليمين لحسن البيوت تقع عليا او على الشمال لحسن الرصيف يخبطها جهل مروري مطبق و السبب من امن العقاب اساء الادب و نحن في مصر انت و شطارتك لك واسطه كويسه مخالفاتم المروريه ممكن تبقى 100 جنيه في السنه مالكش واسطه ربنا يرحمك بالالاف و الاخطر موضوع نيابه المرور وكيل نيابه اد الدنيا قاعد زي افندينا زمان تخش له بالمخالفات يخفضهالك النص او الربع و انت و شطارتك في العياط و الشحاته و المسكنه و طبعا البنات ليهم الاولويه في التخفيض . في مصر الباصات حالتها زفت الداخل مفقود و الخارج مولود و السبب ان احنا يا مصريين اتعودنا ان الرخيص واللي من غير رقابه نمسح به الارض اما الغالي زي اتوبيس المكيف فبنخاف علشان لو في حاجه باظت هيدفعونا دم قلبنا بس للاسف الشباب بيستخدمه في اغراض اخرى اما مترو الانفاق فالعصايه مرفوعه و الغلطه بدفع فوري فتلاقيه ماشي زي الساعه .

التاكسيات بقت لعبه اي واحد مش لاقي شغل يقولك اشتغل سواق تاكسي و يجيب عربيه من ام بلاش و هاتك قرف في البشر .

الحل ممكن انشاء حاجه اسمها تاكسي تحت الطلب للناس اللي عايزه ترتاح تلفون من بيتك التاكسي يجيلك لغايه عندك و الحساب معروف و متحدد بالتليفون من المكتب و بالنسبه للسعر تحديد سعر ثابت لكل منطقه زي دليل من مصر الجديده الى العباسيه 5 جنيه مثلا و يتوزع اهو برضه احسن من توزيع كتيبات الوزارات اللي ما بتنفعش حد و اخيرا تحديد سنه معينه للتاكسيات اقدم منها ما ينفعش يكون تاكسي و نقول مثلا 1992 بالطريقه دي هنسيطر على السوق ده و الشركات الكبيره هتدخل فيه و هيفتح مجالات جديده في البلد

و يجعله عامر

[عوف]

تحية إلى الأخ أهلي

الحقيقة كلامك جميل ورائع ويمثل مشروع متكامل لحل المشكلة، لكن أخشى ما أخشاه أنه طالما وضع مجلس وزرائنا الموقر يده على الموضوع وقرر التصدي له فأبشر بأن أجرة التاكسي سوف تدخل في 5 أضعاف الأجرة الحالية على الأقل، خاصة بعد أن تحدثواعن الشركات التي ستتولى الأمر.

اللهم أرحمنا.

[حشيش]

بصراحة موضوع التاكسى فى مصر ده كان لازم يوجد له حلول جذرية منذ فترة بعيدة...فبالأضافة إلى تلوث البيئة الذى تحدثه سيارات الأجرة والميكروباص بصفة خاصة والحالة المزرية لها هناك أيضاً الشكل الجمالى المفقود تماماً...تاكسى العاصمة بلونيه الأبيض والأسود يضيف إلى المنظر الكئيب للعاصمة...ليه مايكونش لون التاكسى لون فرايحى مثل اللون البرتقالى زى الأسكندرية مثلاً أو لون أصفر أو أخضر فسفورى ليعيد البسمة إلى موات القلوب :) (أنا شديد قوى فى العربى :) )......أقترح أن تدير شركة مثل الليموزين جميع سيارات التاكسى فى القاهرة بتعرفة محددة وسيارات تاكسى جديدة (أهى منها سبوبة كويسة لعلاء مبارك ومنها قضاء على التلوث البيئ والبصرى للعاصمة).

[عوف]

أهى منها سبوبة كويسة لعلاء مبارك

يبدو ان هذ هو بيت القصيد من اجتماعات مجلس الوزراء

[se_ Elsyed]

...ليه مايكونش لون التاكسى لون فرايحى مثل اللون البرتقالى زى الأسكندرية مثلاً أو لون أصفر أو أخضر فسفورى ليعيد البسمة إلى موات القلوب

أدي أخرة الناس اللي فرحانة بالجواز ولسه السكينة سارقاها .. عمالين نقول تعريفة الركاب وأزمة المرور والعدادات .. وواحد صاحبنا كل مشكلته إن التاكسي لونه كئيب والمفروض يبقى فوشيه أو مشمشي .... صحيح يا ولاد الجواز بيسوي العجايب :)

[hamo90]

- تحديد عمر إفتراضي معين لسيارات التاكسي .. ولكن يُراعى فيها الحالة الإقتصادية في مصر . يعني مالناش دعوة بالمعدلات العالمية .. دي ناس معاها فلوس وبتغير العربيات زي سلام عليكم .

معليش يا عمنا أضافة صغيرة بس

من حوالي 3 سنين قررت أدارة المرور منع أي تاكسي فات علي الموديل بتاعه أكتر من 20 سنة أنه يتجدد له الرخصة وقلنا أخيرا التاكسيات هتنضف

بس أنت طبعا عارف بلدنا كويس بلد كوسة كل بتخلص بالكوسة والرشوة وخاصة عند تجديد رخصة العربية لان دا موسم عند أخوانا في المرور

ومن المواقف الطريفة واحد أعرفه كان لسه شاري عربية فيات موديل 25- حالتها ممتازة كقطعة أثرية - بعد نزول القرار بكام يوم وكان خايف جدا من الفحص وبعد كام يوم سألت عنه قالوا لي أنه طلع بالعربية بعد ما عدي من الفحص

ذهلت بصراحة ولكن اذا عرف السبب بطل العجب

الموضوع كله خلص ببتاع 50 جنيه خدهم أمين شرطة وشكرا

يعني من الاخر مهما أتعملت قرارت طول ما فيه رشوة وكوسة كل ده مالوش أي فايدة

hamo

[mnman]

حوالى 5 جنيه.... إنت وشطارتك... 

:o stnd:: :P خمسة جنية وانت وشطارتك!!! كليو فكرتيني بأمي الله يمسيها بالخير!! في اخر اجازة ركبنا تاكسي نص عمر من وسط البلد في القاهرة الي مساكن شيراتون !! وطبعا مع الزحمة والمسافة!! قدرت كل دة مع تعب السائق واديتة 50 جنية!! طبعا السائق بعد ما مشيت شوية ندة علية " الباقي يابية" قلتلة باقي اية قالي 30 جنية الباقي بتاع حضرتك!! طبعا مخدتش الباقي بس أخدت دش من الوالدة في التبزير والاسراف !! واقولها يا أمي دول ميعملوش 9 دولار!! تقولي احنا في مصر مش في امريكا!! يا أمي في السعودية تقولي مفيش احنا في مصر!! زي ميكون سائق التاكسي في مصر مكتوب علي جبينة " بالكتير خمسة جنية"!!!!

اعتقد ان عملية التطوير واستبدال التاكسيات المستهلكة مطلوب!!! بس الضوابط والرقابة مطلوبة اكتر!! مش عارف لية حاسس ان العملية حتبقي قانون جميل جدا!! واستثناءات تصل الي 90% وكوسة وسطة ومحسوبية!! واموال الي جيوب ظباط وعساكر شرطة المرور!! والنتيجة حتكون فشل زريع وقانون موجود ولكن.....!!!

بس ارجع واقول يارب نعمل حاجة مرة واحدة صح من الالف الي الياء!!!

يــــــــــــــــــــــــــــــــــــــــارب

[وليد صفوت]

حوالى 5 جنيه.... إنت وشطارتك... 

:P mfb: mf( خمسة جنية وانت وشطارتك!!! كليو فكرتيني بأمي الله يمسيها بالخير!! في اخر اجازة ركبنا تاكسي نص عمر من وسط البلد في القاهرة الي مساكن شيراتون !! وطبعا مع الزحمة والمسافة!! قدرت كل دة مع تعب السائق واديتة 50 جنية!! طبعا السائق بعد ما مشيت شوية ندة علية " الباقي يابية" قلتلة باقي اية قالي 30 جنية الباقي بتاع حضرتك!! طبعا مخدتش الباقي بس أخدت دش من الوالدة في التبزير والاسراف !! واقولها يا أمي دول ميعملوش 9 دولار!! تقولي احنا في مصر مش في امريكا!! يا أمي في السعودية تقولي مفيش احنا في مصر!! زي ميكون سائق التاكسي في مصر مكتوب علي جبينة " بالكتير خمسة جنية"!!!!

اعتقد ان عملية التطوير واستبدال التاكسيات المستهلكة مطلوب!!! بس الضوابط والرقابة مطلوبة اكتر!! مش عارف لية حاسس ان العملية حتبقي قانون جميل جدا!! واستثناءات تصل الي 90% وكوسة وسطة ومحسوبية!! واموال الي جيوب ظباط وعساكر شرطة المرور!! والنتيجة حتكون فشل زريع وقانون موجود ولكن.....!!!

بس ارجع واقول يارب نعمل حاجة مرة واحدة صح من الالف الي الياء!!!

يــــــــــــــــــــــــــــــــــــــــارب

50 جنية !!!!!!!! ليييييييييييييييييييييييييييييييييييييييييييييييييييييييييييييييييييييييييييييه !!!!

دا انا لو طلب منى سواق التاكسى أكتر من 10 جنية فى مسافة زى دى .......انا ممكن يجيلى السكتة القلبية ......!

و بصراحة والدتك عندها كل الحق فى انها تلومك و بشششششششششششششششدة على ال50 جنية !! 50 جنية يا راجل !! حد يدفع 50 جنية ! دا انا ممكن أأجر تاكسى يفضل معايا اليوم كله ب 50 جنية ....!

طب دا انا مرة وقفت تاكسى فى ميدان سانت فاتيما بمصر الجديدة ..... حتى المهندسين .....و بعدين فضلنا نلف شوية فى المنطقة عشان ندور على العنوان اللى انا عايزه .......

تخيلوا اديته كام .....عارف اديته كام يا استاذ منمان ؟

اديته 10 جنية ....فقط ....و الراجل كمان قالى ( نهارك فل يا عسل ) ! يعنى مبسوط كمان mc: stnd:: :o

و عربيته كانت سوزوكى جديدة .....يعنى بيصرف عليها كمان !

مش قولتلك .........مرحباً بك ......انت فى مصر !

[se_ Elsyed]

بس ارجع واقول يارب نعمل حاجة مرة واحدة صح من الالف الي الياء!!!

يــــــــــــــــــــــــــــــــــــــــارب

الظاهر إن ربنا لم يستجب لدعوتك يا مانمان ... إبقى أدعي بذمة ياخويا المرة الجاية أو إتوضا قبل ما تدعي او اعمل أي حاجة ..

أقرأ الخبر اللي جاي ده واللي جه في الجمهورية النهاردة .. وخلي بالك من الكلام اللي بلون مختلف

تاكسي "العاصمة".. تحت المراقبة

.. غرامات فورية.. لسائقي الميكروباص

اللواء نبيل العزبي: هدفنا انضباط الشارع المروري.. قبل صدور القرارات المرتقبة

اللواء محمد إبراهيم: 1000 مخالفة..في كمائن يوم واحد.. بالجيزة

اللواء شريف جمعة: سيارة أجرة "سوبر".. بعداد "ديجيتال".. تحت الدراسة

تحقيق: انتصار النمر

يقف "تاكسي العاصمة" اليوم. في مفترق طرق.. ينتظر قرارات مرتقبة تحدد مصيره.

البعض يتوقع انقلابا قريبا في عالم تاكسي العداد.. والبعض الآخر يتصور أنها موجة عابرة. يجب الانحناء لها. لحين استقرار الأمور.

حبيب العادلي وزير الداخلية يرفض الجلوس علي مقاعد المتفرجين.. أصدر تعليماته المشددة لكافة مساعديه ومديري الأمن بالخروج في حملات مكثفة لضبط الشارع المروري والقضاء علي كافة المخالفات المرورية.

اللواء محمد إبراهيم مساعد الوزير لأمن الجيزة. طلب من قيادات المديرية الخروج في حملة شاملة. لضبط المخالفات بالشوارع وحول المدارس والمحال العامة والطرق.. تحركت الحملة برئاسة اللواء شريف جمعة مساعد الوزير لمرور الجيزة الذي أوضح ل "الجمهورية" أن الحملة تسعي لتطبيق القانون وتحقيق الردع للمخالفين والتوعية بضرورة الالتزام بالقواعد المرورية لصالح المشاه وراكبي السيارات. وتحقيق الانضباط المروري.. سجلت الحملة 1000 مخالفة في يومها الأول.

يؤكد اللواء شريف جمعة علي أن التعريفة المقررة للركوب ثابتة طالما لم يصدر بذلك قرار.. لذلك يلجأ سائقو الميكروباصات لتقطيع المسافة. كنوع من زيادة التعريفة.. وبالتالي فهؤلاء أيضا يعرضون أنفسهم للمخالفات.

يشير إلي أن الحملة ركزت علي تاكسي العاصمة. من حيث شروط الأمن والمتانة وعدم تشغيل العداد.. حيث يتم سحب الرخصة شهرا. وفرض غرامة بين 50 و100 جنيه.

يؤكد علي أن المشروع الذي تتم دراسته بمجلس الوزراء حاليا يتمثل في تشغيل تاكسي عداد مميز. بلون جديد وتعريفة محددة.. يتسم سائقوه بدرجة من الوعي والثقافة وإجادة اللغات للتعامل مع السائحين والمواطنين.. يعملون بالتنسيق مع قطاع السياحة بالمحافظة.. ليقدم خدمة حضارية. تتناسب مع المستقبل الحضاري للقاهرة الكبري.. ويعمل هذا التاكسي بعداد "ديجيتال".

تعديل التعريفة

أما التاكسي الحالي.. فالمشروع الجديد يدرس تعديل التعريفة الحالية لتتناسب مع الأسعار والظروف المعيشية بشكل قانوني يمنع حدوث المشاكل والمشادات التي كانت تحدث من قبل بين السائقين والركاب.

وخلال الحملة.. تم سحب الرخصة رقم 49986 نقل جيزة التي كانت تقل بقرة. ويقودها صبي صغير برخصة خاصة.. وتاكسي رقم 69991 أجرة القاهرة. يقوده رشاد عبدالعزيز. الذي يؤكد أن الظروف الاقتصادية هي التي اضطرته لقيادة هذه السيارة المتهالكة والمهلهلة.

وفي إطار الاستعداد لصدور قرارات مجلس الوزراء.. تقدم كل من أحمد البديني وخالد العلمي وآخرون إلي محافظ الجيزة. بطلب إنشاء شركة تاكسي حضارية ومميزة. بتعريفة محددة وسيارات علي أحدث الموديلات.. وجار حاليا دراسة مدي جدوي الاقتراح..حرر رجال المرور مذكرات بملاحظاتهم حول الأرصفة والطرق. وأرسلوها إلي الأحياء. بما يضمن سيولة المرور. وإصلاح عيوب الطرق بالحي.

والسرفيس أيضا

وعن المواقف العشوائية للميكروباصات.. أكد اللواء جمعة. أن المرور ينظم مع مسئولي السرفيس بالمحافظة - برئاسة نائب المحافظ - حملات مشتركة لضبط تغيير خط السير وتقطيع المسافات والصلاحية الفنية.. حيث يتم تحصيل مخالفات فورية تصل إلي 500 جنيه ويتم تحصيلها لصالح مشروع السرفيس.. ومن لا يستطيع الدفع فوريا. يتم حجز سيارته داخل حجز السرفيس. علي أن يسدد 50 جنيها أرضية اليوم الواحد.

أما مخالفات الأتوبيسات.. فيشير اللواء شريف جمعة إلي أنه يتم تحرير المخالفة برقم السيارة ونوعها. وإخطار هيئة النقل العام والنيابة بها حتي لا يتعطل الركاب أو الطريق.

كاميرات بالميادين

اللواء محمد إبراهيم مساعد وزير الداخلية لأمن الجيزة.. يشير إلي أن الكاميرات تسيطر علي كافة ميادين وشوارع المحافظة.. مما أدي إلي سيولة مرورية غير عادية. بالإضافة إلي ضبط المخالفات والمشتبه فيهم فورا من خلال أجهزة اللاسلكي وغرفة عمليات مستقلة. بشارع الهرم. ومحور المنيب. وسرعة البت في أعطال الكباري. وإرسال ونش المرور والدراجات البخارية لسحب السيارة إلي أقرب موقع حتي لا يتعطل المرور.

في القاهرة.. يؤكد اللواء نبيل العزبي مساعد الوزير لأمن القاهرة أن مجلس الوزراء يدرس حاليا الرؤي المختلفة بأبعادها الاقتصادية والفنية والمرورية والبيئية. لتسيير تاكسي حضاري داخل شوارع القاهرة الكبري.. إلي أن ينتهي هذا فالمرور ينفذ القانون الحالي بتعقل شديد.. لأن تاكسي العاصمة يحتاج إلي تغيير جذري.. فلو قورن هذا التاكسي بنظرائه بالعواصم الأخري. سنجد أن أوضاع التاكسي لدينا متردية جدا وفي حاجة إلي تعديل.. لكن في الوقت نفسه. هناك أبعاد كثيرة يجب مراعاتها. أشار إلي أن حملات القاهرة تجوب كل المناطق في إطار التوعية الشاملة. وتشمل كافة القطاعات.

النسيان.. مخالفة

الغريب أن معظم المخالفات تتمثل في نسيان تجديد رخص السيارات ورخص القيادة.. وبالطبع النتيجة سحب الرخص والتعرض للمخالفة.. فقد تم ضبط السيارة 7680 نقل الجيزة وبها كوكتيل مخالفات: انتهاء رخصة السيارة.. وحزام الأمان غير المطابق للمواصفات. علاوة علي عدم استخدامه.. وسيارة أخري شيروكي تابعة لشركة تأمين أمريكية. ثم سحب رخصتها لعدم التأمين علي سائقها بالإضافة لانتهاء رخصة القيادة.

يؤكد سائقها وائل حسن.. أن الحملات تذكر السائق بقواعد وآداب المرور وتمثل رادعا قويا للمخالفين.

تشاركه الرأي هيام يونس. مالكة السيارة 87633 ملاكي الجيزة. التي تؤكد علي أنها تنسي كثيرا تجديد الرخصة في مواعيدها. رغم أنها في شهر المهلة.

السيارة 94103 ملاكي الجيزة و428382 ملاكي القاهرة.. تم سحب رخصتي قائديهما.. أما السيارة 62952 ملاكي الجيزة التي تعطلت فجأة وسط الطريق.. فقد قام اللواء شريف بفحص أوراق قائدها نبيل صالح محمد. قبل تحريكها بما لا يؤثر علي السيولة المرورية.

1000 مخالفة في أول أيام الحملة.. كانت حصيلة كبيرة.. تؤكد الكم الكبير من الجرائم التي ترتكبه السيارات بشوارع القاهرة والجيزة.. وشملت استخدام المحمول أثناء القيادة وعدم استخدام حزام الأمان وانتهاء الرخص والصلاحية الفنية.. إضافة إلي عدم استخدام الخوذة. بالنسبة لقائدي الموتوسيكلات.

يعني العملية قشطة بالمربى .. وهي بالظبط نفس مبدأ العيش المطبق والعيش المحسن والعيش اللي كل مكوناته تراب وحديد وأي كلام فاضي ، وفي نفس الوقت كما قال الأخ الزعيم حشيش مسخادوف بإن شركة التاكسي دي هاتبقى سببوبة لأمثال علاء مبارك يعملوا منها قرشيين طراي وحلوين ... تعرفوا ده مش تجني عليه لأني لما لاحظت الاتوبيسات الخاصة المميزة ذات الأجرة التي تعادل أكثر من 5 أضعاف أجرة اتوبيسات النقل العام فسألت دي ملك مين ؟ .. الإجابة بتجيلك من أي عيل صغير في الشارع ويقولك دي بتاعت علاء مبارك طبعاً ... لأ و هايعملوا تاكس ديجيتال ويكون سائقية من حملة المؤهلات العليا وخريجي ألسن وكليات لغات عشان يتعاملوا مع السياح - اللي هما أحنا - وبلون مختلف بحيث واحده واحده يحطك قدام الامر الواقع .. وبحيث برضوا يبقى قدامك التاكس اللي عفى عليه الزمن واللي الحنطور انظف منه .. وفي نفس الوقت تلاقي تاكس تاني لونه فوشيه ونظيف معدي قدامك .. وأختار إنت يا حلو .

وبعدين بيقولك تعرف البلد الهايفة منين .. قالك من تصرفات كبار المسئولين فيها .. قال مش عارف اللوا مين نزل بنفسه ينظم المرور وسحب رخص سائق سيارة السيد عبد المتعال الستموني رقم مش عارف كام عشان رخصتة منتهية وأيضاً رخصة المواطن برعي الحنش عشان كان بيكلم مراته السيدة فتكات رمش العين في المحمول عشان يعرف هي طبخه مسقعة ولا بامية ..... شفت الهيافة ... طب إذا كنت إنت نزلت الشارع أخيراً إمبارح يا سيادة اللوا والحمد لله ربنا فك أسرك .. فمعالي سعادتك بتبقى فين بقية السنة اللي فيها 365 يوم ؟ ... وهل قرأت سعادتك عن حادثتين فاجعتين بالأمس فقط اودت بحياة أكثر من 20 إنسان مصري دفعوا ثمن إستهتار سعادتك وأمثالك اللي سايبين سيارات النقل تبرطع في الطرق المصرية وتمشي بكل بجاحة عكس الإتجاه كما حدث بالأمس وكذلك غول الميكروباصات التي اعتبرها دولة داخل الدولة ولا أحد يستطيع ان يقف في وجهها لأن مالكي تلك الميكروباصات غالباً ما بيكونوا من رجالة سعادتك في جهاز الشرطة .. يعني بلطجة وقلة أدب ومخالفات للركب ومئات الميكروباصات - شوفتها بعيني دول وربنا هايحاسبني على الكلام ده - ماشية من غير نمر تحت مظلة الشرطة وحماية القانون ... يا سعادة اللوا ريح نفسك وأطلع مكتبك وشغل تكييفك فلا طائل ولا فائدة من نزول معالي جنابك يوم في السنة تنظم فيه المرور وتوسخ فيه بدلتك والنسور والنجوم اللي على كتفك .. اما باقي السنة فلا عزاء فيها للشعب المصري المطحون .

ويقولك إيه إن الحملة تهدف إلى تطبيق القانون .. قانون إيه ؟؟ قانون إيكا ولا قانون ساكسونيا ؟ يابا الحاج اللوا ده مصر فيها مليون قانون لو طبقتوا 10 % بس منهم كان حالنا إنصلح وما كانش ينضرب بنا المثل لما الناس تتكلم عن المرور وعن الحالة المزرية للشوارع والبنية الأساسية اللي دايماً بيتكلم عنها الرئيس القائد بمناسبة ومن غير مناسبة .

[se_ Elsyed]

الجمهورية 4/10/2004م

تاكسي القاهرة "الديجيتال" يبدأ ب 500 سيارة

لون مميز وأحدث الموديلات المكيفة .. والأجرة بالكمبيوتر

كتب محمد موسي :

تستعد محافظة القاهرة لاطلاق مشروع التاكسي الحضاري المسمي "الديجيتال" في شوارع العاصمة.. انتهت المحافظة من اعداد الدراسة الكاملة للمشروع وحددت المعايير والضوابط الخاصة بهذه الخدمة.

أوضح المحافظ د.عبدالعظيم وزير أن التاكسي الجديد يشترط أن تكون السيارات العاملة به أحدث موديل. ومكيفة الهواء ومزودة بجهاز لاسلكي ويمكن طلبها في أي وقت. ويمكن للراكب دفع الأجرة بالكمبيوتر.

أكد المحافظ أن ادارة خاصة تشرف علي المشروع وتحدد نوعية السيارات ولونها وقيمة التعريفة.. وسيبدأ العمل ب 500 سيارة في المرحلة الأولي.. من خلال مواقف محددة امام المنشآت والمرافق الهامة.. مؤكدا ان عائدات المشروع الذي تتولاه شركة خاصة لتحسين الخدمة.. التي ستطرح أمام اكبر عدد من الراغبين والمتخصصين من خلال مناقصات عامة. أنا دلوقت عرفت هاترسى على مين يا لؤمه .... الأمير مارينجوس الثالث .. رجل الصناعة والتجارة والزراعة الأول ... وصانع النهضة المستقبلية المصرية ..... وحبيب الإدارة الامريكية واللي بيعمل جمعيات معاهم وبيقبضها الأول ....

أستر يا رب أنا كده إبتديت أقلق ( تكييف ، لون جديد ، وديجيتال ) ربنا يجيب العواقب سليمة .

[Cleo]

جاتلى فكرة خبيثة من كام يوم...

لو التاكسى الخمس نجوم ده اشتغل.... الناس مش عاتقبل عليه لأنه هايكون غالى... وهافضلوا يركبوا التاكسى الأبيض وأسود القديم....

وكما هى حجة الحكومة إن التاكسيات القديمة قديمة ومبهدلة وغير آمنة ومش حلوة ومش شيك.... ممكن الحكومة ترفض تجديد ترخيص هذه التاكسيات القديمة بحجة انتهاء عمرها الافتراضى وأ/ن ومتانة والكلام الفاضى ده...

ونبص تانى نلاقى مفيش قدامنا بديل غير التاكسى الفاخر بتاع الحكومة . اللى هايفضل فاخر سنتين تلاتة وبعدين يحصل الأوتوبيس المكيف... يعنى الرفاهيات اللى فيه تتبهدل وتهمل وتفضل التعريفة غالية زى ما هى...

مش كدااااااااااااااااااا ولا إيييييييييييييييه؟؟