«المصري اليوم» تنشر أول صور للجاسوس الإسرائيلي وفيديو مراقبته من الأجهزة الأمنية

[ذهبية]

فعلا عمرة 28 و دة سمعتة فى البرنامج امبارح مع منى الشاذلى و قالوا ان سنة الضغير كان من متطلبات وظيفتة علشان يكون فى وسط الشباب فى التحرير

و قالوا انة كان بيقول على نفسة انة رومانى و ان المخابرات من اول يوم كانت رصداة و عندة موبايل و لاب توب بشفرة خاصة ومتوصل بالقمر الصناعى

و قالوا ان ك لالمعلومات اللى كان بيوصلها كانت بتعدى على المخابرات فى الاول

طبعا تحية كبيرة لجهاز مخابراتنا اللى علطول مشرفنا

وطبعا اعتقد انة مش هيحصلة اى حاجة و هيروح اسرائيل تانى زى ما حصل مع الجاسوس الايرانى

هى مجرد كروت بتطلع فى اوقات محددة لاستخدامها كاساليب ضغط و دة شىء معروف فى عرف المخابرات

ياريت بس احنا نوعى الشباب ان اى كملة تخص امن مصر لازم تتقال بحساب و اى اجنبى او اتقن دورة كانة مصور و لا عايز يسلم او اى فيلم عربى محدش يدى لة الامان

ولازم ابلاغ السلطات فورا هى جديرة بالتاكيد من هويتة كويس

[mamdowh]

شكلهم كده كانوا عايزين يقلدونا ويعملوا واحد زى رأفت الهجان بس ربنا فضحهم

:buba:

[pink rose]

الواد ما سابش حته ما راحهاش

احلى تعليق قريته على الفيس عن الموضوع دا

انه كان فاضله يومين و يمسك رئيس جمهورية

هههههههههههههههههه

[hanzmolar]

تعليق سمعته

الجاسوس الحق..هو من يتجسس عشان يتصور مع الدبابه , ثم يهدأ ليرفع الصور على الفيس بوك

[Howayda Ismail]

تفاصيل جديدة فى قضية ضابط الموساد.. المتهم دخل البلاد بتأشيرة مزورة كصحفى أجنبى.. وكون شبكة قبل وصوله لرصد أوضاع البلاد.. وزار ميدان مصطفى محمود لمعرفة أسباب تأييد مبارك.. وخطط لزيارة محافظات حدودية

كشفت تحقيقات المستشار طاهر الخولى المحامى العام، أن المتهم دخل البلاد بتأشيرة مزورة باعتباره مراسلاً صحفياً لإحدى الجرائد الأجنبية، ومن مطار دولى لبلد أوروبى، وكان فى انتظاره مجموعة من المراسلين الأجانب الآخرين الذى جمعته بهم اتصالات مسبقة.

وأوضح أن الجاسوس وضع خطة عمل منذ أن وطأت أقدامه القاهرة، تقوم على التنقل بين أماكن حيوية مهمة أبرزها ميدان التحرير، ومصر الجديدة، بالإضافة إلى ميدان مصطفى محمود لرصد حركات وتفاعلات مؤيدى الرئيس السابق محمد حسنى مبارك، والأسباب الرئيسية لتأييدهم لهم وللقوات المسلحة، رغم أنه شوهد فى ميدان التحرير الجمعة قبل الماضى.

وأضاف المصدر، أن المهمة الأساسية للمتهم، قياس ردود أفعال المواطنين تجاه المجلس الأعلى للقوات المسلحة، وأنه بدأ ينشط بهدف الوقيعة بين الطرفين، واستغلال هذه الحالة، والعمل على زيادتها، لافتاً إلى أن الضابط كان متواجداً فى منطقة ماسبيرو وشهد اعتصام الأقباط المحتجين على أحداث الفتنة الطائفية التى شهدتها منطقة إمبابة فى مايو الماضى.

وكشف المصدر أن ضابط الموساد كان يهدف للتحرك بين عدد من المحافظات الحدودية أبرزها محافظة شمال سيناء وتحديداً منطقة العريش لمراقبة خطوط الغاز والتفاعلات بين المصريين والفلسطينيين وردود الأفعال على فتح معبر رفح، واستمرار عمليات التهريب عبر الأنفاق، مشيراً إلى أن "اللاب توب" والـ3 هواتف المحمولة المضبوطة مع المتهم، كشفت عن شبكة من الاتصالات تجمعه مع آخرين، وسيتم جمع التحريات والاستعلام عنهم، بالإضافة إلى معلومات خطيرة ومهمة تتعلق برصد أحداث سياسية وأمنية واقتصادية وكتابة تقارير مفصلة عنها.

وكان المستشار عادل سعيد النائب العام المساعد، والمتحدث الرسمى للنيابة العامة، أعلن أن النيابة ألقت أمس القبض على الجاسوس الإسرائيلى فى أحد الفنادق بوسط القاهرة، وأوضح المستشار السعيد فى بيان له، أن النيابة العامة كانت قد تلقت معلومات من المخابرات العامة التى أشارت إلى أن الجاسوس قد تم دفعه إلى داخل البلاد وتكليفه بتنفيذ بعض الاحتياجات للجانب الإسرائيلى، وتجنيد بعض الأشخاص لتوفيرها للجانب الإسرائيلى من خلال نشاطه فى التجسس ومحاولة جمع المعلومات والبيانات ورصد أحداث ثورة 25 يناير، والتواجد فى أماكن التظاهرات وتحريض المتظاهرين على القيام بأعمال شغب تمس النظام العام، والوقيعة بين الجيش والشعب بغرض نشر الفوضى بين جميع المواطنين والعودة لحالة الانفلات الأمنى، ورصد مختلف الأحداث للاستفادة بهذه المعلومات، بما يلحق الضرر بالمصالح السياسية والاقتصادية والاجتماعية للبلاد والتأثير سلبا على الثورة، وأشارت معلومات المخابرات العامة إلى أن المتهم كان أحد عناصر جيش الدفاع الإسرائيلى وشارك فى حرب لبنان عام 2006 وأصيب خلالها.

يذكر أن نيابة أمن الدولة العليا، برئاسة المستشار هشام بدوى المحامى العام الأول، قررت حبس الضابط المتهم 15 يوما على ذمة التحقيقات بتهمة التجسس والإضرار بالأمن القومى للبلاد.

وصادرت النيابة، المضبوطات التى كانت بحوزة المتهم، وأحالتها إلى الأجهزة الفنية لتفريغها، وكتابة تقرير بشأن المعلومات المتضمنة، تمهيداً لمواجهة الضابط بها، وتم إخطار وزارة الخارجية لإبلاغ السفارة الإسرائيلية لانتداب محام يحضر التحقيق.

[محمد عبدالعزيز]

وأضاف المصدر، أن المهمة الأساسية للمتهم، قياس ردود أفعال المواطنين تجاه المجلس الأعلى للقوات المسلحة، وأنه بدأ ينشط بهدف الوقيعة بين الطرفين، واستغلال هذه الحالة، والعمل على زيادتها، لافتاً إلى أن الضابط كان متواجداً فى منطقة ماسبيرو وشهد اعتصام الأقباط المحتجين على أحداث الفتنة الطائفية التى شهدتها منطقة إمبابة فى مايو الماضى.

وكشف المصدر أن ضابط الموساد كان يهدف للتحرك بين عدد من المحافظات الحدودية أبرزها محافظة شمال سيناء وتحديداً منطقة العريش لمراقبة خطوط الغاز والتفاعلات بين المصريين والفلسطينيين وردود الأفعال على فتح معبر رفح، واستمرار عمليات التهريب عبر الأنفاق، مشيراً إلى أن "اللاب توب" والـ3 هواتف المحمولة المضبوطة مع المتهم، كشفت عن شبكة من الاتصالات تجمعه مع آخرين، وسيتم جمع التحريات والاستعلام عنهم، بالإضافة إلى معلومات خطيرة ومهمة تتعلق برصد أحداث سياسية وأمنية واقتصادية وكتابة تقارير مفصلة عنها.

ربنا يستر... شامم ريحة مش كويسة

[Simba]

من المخابرات المصريه للموساد الإسرائيلي متشكرين يا رجاله علي الكاميرا الكانون والميموري ال8 جيجا

تعليق من احد الشباب علي الخبر

[tarek hassan]

"الروينى": هناك فئات انصاعت لأهداف الجاسوس وهاجمت الجيش

أكد اللواء حسن الروينى قائد المنطقة المركزية، على أن أحد أهداف الجاسوس الإسرائيلى كانت محاولة إحداث وقيعة بين الجيش والشعب، لافتا إلى أن هناك فئات من المصريين انصاعت لأهدافه وكانت تهاجم الجيش.

وأشار"الروينى"، إلى أن الجيش يميل إلى رفع حظر التجول يوم 15 من الشهر الجارى، بغية تنشيط السياحة العربية التى ستبدأ الشهر القادم، حيث إن مصر تحتاج إلى الدخل السياحى فى هذه الفترة، مؤكدا على أن رفع حظر التجول لا يعنى عدم تواجد أفراد الجيش فى الشارع، بل سيتواجدون فى الأكمنة الليلية، وأثناء المداهمات وضبط الخارجين عن القانون.

وحول التقييم الأمنى فى الشارع المصرى حاليا، قال "الرويني" خلال مداخلة ببرنامج "القاهرة اليوم" على قناة أوربيت مساء اليوم الأحد، على أن الوضع الحالى أصبح أفضل من السابق، كما بدأت الشرطة تحكم سيطرتها بشكل أكبر على الشارع، مبديا تفاؤله بأن المستقبل الأمنى أفضل.

[م تيمور المراغي]

الموضوع ده مش داخل دماغي على فكره

هو فيه جاسوس بيحط كل المعلومات اللي يجمعها على الفيس بوك !

وشغال علني كده كل حرف يكتبه على الانترنت وكل مقابله يوصفها بالتفصيل الممل لاصحابه على المشاع وامام الجميع !

مش داخله دماغي والنعمه :happy:

[م تيمور المراغي]

ده ما يمنعش على فكره اننا نلبسالهم ,,

يعني جاسوس مش جاسوس هنلبسه التهمه ونقايض بيه مئات من اخواننا في المعتقلات الاسرائيلية او نضغط بيه على الكيان الصهيوني لالغاء اتفاقية الغاز زي ما اقترحت اختنا ام سلمى امبارح

[tarek hassan]

الموضوع ده مش داخل دماغي على فكره

هو فيه جاسوس بيحط كل المعلومات اللي يجمعها على الفيس بوك !

وشغال علني كده كل حرف يكتبه على الانترنت وكل مقابله يوصفها بالتفصيل الممل لاصحابه على المشاع وامام الجميع !

مش داخله دماغي والنعمه :happy:

مش داخل دماغك إزاي وعايز تقول إيه بالظبط

هل تقصد إن الموضوع ملفق

ده ما يمنعش على فكره اننا نلبسالهم ,,

يعني جاسوس مش جاسوس هنلبسه التهمه ونقايض بيه مئات من اخواننا في المعتقلات الاسرائيلية او نضغط بيه على الكيان الصهيوني لالغاء اتفاقية الغاز زي ما اقترحت اختنا ام سلمى امبارح

مبكر جدا أن يقال هذا الكلام ولن يكون مطلبنا ولكنه ربما يكون مطلب إسرائيل في النهاية الغير قريبة ولكنها سوف تحاور وتناور سنوات

والقول بالمقايضة خطأ في السياسة ويفيد إسرائيل لأن الأمر ليس بهذه السهولة من ناحية عدو متمرس على هذه الأشياء وكيفية الإفلات منها بأقل خسائر

خطأ أن نفهم العالم أننا ما قمنا بهذه العملية إلا للمساومة وكأنها لعبة مصرية

الجاسوس له عقابه في القانون وبالقانون ونبطل هذه الاتفاقية المجحفة في حق مصر أيضا بالقانون

تم تعديل 13 يونيو 2011 بواسطة tarek hassan

[Ahmed Anwer]

انا برده مش داخل دماغي !!!

أعرف إن الجاسوس يصور

مش يتصور !!!

أعتقد إنه مجرد سائح عادي أو مهتم بالشأن المصري

زيه زي مئات السائحين و الصحفيين كنا بنشفوهم في الميدان

[Diab]

الجاسوس ده إكيد إسمه هريدي

الموساد قررت تشغل واحد بلدياتنا معاها

وبعد تدريب مكثف لمدة 3 أشهر قرروا ان هريدي يرجع مصر ويبتدي الشغل

هريدي : وأنا لما أحب أتصل بيكم ابعتلكم جواب والا ايه ؟؟

مدرب الموساد : جواب ايه حتضيعنا الله يخرب بيتك

احنا لما نعوزك حنبعتلك مندوب لحد عندك حيقولك ( ازيك كده وازاي امك ) ودي حتكون كلمة السر

هريدي : تمام يافندي وسافر هريدي لمصر شهر اثنين ثلاثة والموساد احتاجت

تديله تعليمات قاموا باعتين المندوب على مصر .... وصل للعمارة سأل البواب

: يا ترى هريدي بيه موجود ؟؟

البواب ( بقرف ) : أنهي هريدي بيه فيهم ... عندنا أربعة هريدي في العمارة

المندوب ( خاف لينكشف ) : أي واحد فيهم

البواب : عندك في الدور الاول

طلع المندوب الدور الاول ... فتح الباب راجل

قام قاله : انت هريدي

قاللوه ايوه

قاللوه : ازيك كده وازاي امك

قاللوه : العنوان غلط يا استاذ .... هريدي الداسوس ساكن في الدور الرابع

[م تيمور المراغي]

لا تكونشي شيقولااااااطه !!!!

الباز افندي :

صلاة النبي احسن !

:happy:

[م تيمور المراغي]

.... هريدي الداسوس ساكن في الدور الرابع

الحكاية وما فيها انهم في التحقيق سالوا ايلين :

- انت من دشنا !

- لأ

- تبقى من ديش العدو يا دزمة

وقبضوا عليه !

[Howayda Ismail]

انا برده مش داخل دماغي !!!

أعرف إن الجاسوس يصور

مش يتصور !!!

أعتقد إنه مجرد سائح عادي أو مهتم بالشأن المصري

زيه زي مئات السائحين و الصحفيين كنا بنشفوهم في الميدان

ماهو ده ذكاء منه عمل كده للتمويه وحتى لايشك فيه الاخرون فكانه مجرد سائح لااكثر

[Alshiekh]

أنا خايف في الآخر يطلع الموضوع حاجة الناس تتشغل وتتكلم فيها

حكاية يكتب تقارير عن الشارع ، الفضائيات لم تترك شيئ الا ونقلته

حوادث الفتنة ، اللي في الشرق والغرب عارفين حصل ايه واليوتيوب لم يدع الاعضاء شيئ الا وصوروه ونقلوه

أما حكاية التحريض دي ، هي اللي مش داخلة دماغي ،

يعني مش متخيل انه مثلا كان في امبابة وراح لأخونا الشيخ السلفي وقاله قول الكلمتين دول " إهنا مانبكاش رجالة لو ماولأناش في كل تشريشس فى الهيتة "

أو مثلا كان بيحرض المتظاهرين في التحرير ويقول:

" الشأب يريد اسكات النزام "

" ارهل يأني امشي ، انت مش افهم؟ "

" أسكر…أسكر…أسكر ليه؟…إهنا في سجن واللا إيه؟ "

[se_ Elsyed]

بقى لي يومين عمال أتابع تفاصيل القضية دي في وسائل الإعلام

وبجد إتصدمت من أسلوب المعالجة الإعلامية للقضية والتي لا تفرق كثيراً عن عصر مبارك .

وإتصدمت ممن تصريحات المسئولين اللي مش مسئولين

وبقت شايف إن أي حد معدي في الشارع ممكن يفتي ويُدلي بتصريحات في تلك القضية بكل ثقة وكأنه هو اللي حقق مع الداسوس

وبقيت عندي شبه يقين إن ..( مش هاخبي ولا أدفن راسي في الرمل ( ... في إن المجلس العسكري ماسك شخاليل وبيستغل القضية اسوء إستغلال لـ :

1- تشوية رموز من رموز الثورة ومنهم الأخوان والسلفيين .. وهاقول ليه

2- زيادة تأليه الجيش والمجلس العسكري عن طريق إيهامنا إن هذا الشخص الألترا سوبرمان هو اللي حرض الشعب على الجيش ...

نرجع مرجوعنا

فلما أقرأ كلام مثلاً من نوعية " مفاجآت قضية التجسس: الضابط الإسرائيلى اتصل بقيادات الإخوان والتقى سلفيين قبل الفتنة "

تبقى دي فضيحة ... فضيحة من نوعية عصر عبد الناصر وأحمد سعيد والتضليل الإعلامي القذر ..

لإن لا مؤخذه الأخوان كتنظيم قوي جداً ومحترم ويعمل منذ فترة طويلة في العلن وله أهداف وطموحات .. لا مؤخذه القيادي فيهم دماغه توزن بلد ... ولا مؤخذه هما مش بريالة عشان يجيلهم واحد إسرائلي ومعاه جواز إسرائيلي ولا يحدث العامية المصرية ويتحدث فقط اللهجة الشامية والمغربية ... وبالتالي نلاقيه داخل على عصام العريان أو محمد البلتاجي والغثنين أطباء وناس ذوي مراكز مرموقه ويقول لهم : خيوووو .. هلأ بدنا نسوي ثورة على هالنظام الظالمممممم . لك العمى في ألبك يا مبارك يا أخت الـــ .... واخدين بالكم ؟ "

عيب عيب جداً وده تهريج لا ينطلي على أي طفل بيرضع

ولما أقرا كلام من عينة " وتوضح التحريات أن «إيلان تشايم جرابيل» توجه إلى كنيسة العذراء فى إمبابة قبل يوم من أحداث الفتنة التى شهدتها، والتقى عدداً من السلفيين هناك، وتحدث معهم عن اختفاء فتيات مسيحيات أشهرن إسلامهن، وأبلغه السلفيون بما سيفعلون فى اليوم التالى، وبالفعل تواجد الضابط الإسرائيلى فى إمبابة فى اليوم التالى، والتقط بالكاميرا عدداً من الأحداث التى شهدتها المنطقة.

يبقى لا تعليق

ولما اٌقرأ كلام من عينة " إن الجاسوس كان مع الشباب اللي هاجموا السفارة الإسرائيلية وتظاهروا قدامها "

ولما أقرأ إن أخد تاكسي وراح لقرية صول عشان يولعها

يبقى كان فاضل حاجه واحده لم تذكرها وسائل الإعلام وهي إن الداسوس هو الي لم أنابيب الغاز من السوق عشان يعمل أزمة في اغاز في مصر

وهو اللي إتفق مع علي علوكه واشرف كوخه عشان يجيبوا أصحابهم البلطجية وينتشروا في مصر

وهو بالمناسبة اللي حط أسئلة اللغة الأنجليزية اللي جابت للعيال أنهيار عصبي أمبارح

يبقى على كده ده أخطبوط مش جاسوس ...

ولما أسمع محمد بسيوني سفير مصر السابق في إسرائيل بكل زهو بيفتي هو راخر أمبارح .. رولا خرسا بتسألة : سعادة السفير هل هذا الجاسوس من السذاجةإن يحتفظ بصور خطيرة بملابسة العسكرية على تليفونه وجهاز الكمبيوتر الشخصي ؟

يقوم بمنتهى السذاجة والفتي يقول : ما هو كل واحد له نقطة ضعف وكل قضية لها نقطة ضعف

[م تيمور المراغي]

مصرواي \\ ''التهكم''.. شعار الشبكات الاجتماعية في قضية الجاسوس الإسرائيلي \\ اضغط هنا !

[م تيمور المراغي]

يبقى كان فاضل حاجه واحده لم تذكرها وسائل الإعلام وهي إن الداسوس هو الي لم أنابيب الغاز من السوق عشان يعمل أزمة في اغاز في مصر

اموت انا في الداسوس اللي بيعمل كل شغله في النور كده برواقه وعلى عينك يا تاجر :happy:

على اساس ان مبدأه انا بقى كده واللي مش عاجبه يبلغ عني يابلد ما فيهااااااااش راجل ! :happy:

ده كلام يدخل العقل بالذمه !!