للامهات ...سؤال ضرورى

[wamer]

السلام عليكم ورحمة الله

لكل الامهات الخبرة كان ليه سؤال ياريت الاقى الرد عليه ..وياريت بالتفصيل

انا عايشة فى ابوظبى و حاولد اخر الشهر و للاسف حاكون لوحدى تماما ...لا اهل ولا اصدقاء

مش عارفة اعمل ايه

يعنى بصراحة انا مش عارفة اجهز ايه للمستشفى

ولا حتى اعمل ايه بعد الولادة ...يعنى النفاس و كدة

كل خبرتى فيلم الحفيد لما كريمة مختار كانت بتشترى الفراخ :P

المهم عايزة الخبيرات يقولولى اعمل ايه المفروض الاكل ايه مثلا

المغات مثلا ضرورى ولا لا ..ولو ضرورى انا لاقيت هنا مغات بس ..يعنى مش معاة التحويجة بتاعته ..اللى تعرف تقولى التحويجة دى عبارة عن ايه

كمان هما الحلبة المطحونة حلبة بس مش محوجة وطعمها مر اوى

يعنى من الاخر عايزة اعرف كل حاجة عن فترة الولادة و اللى بعدها ..احسن اختكم ابيض ياورد خالص و مرعوبة حاعمل ايه لوحدى..وربنا يستر بقى

[Om Zayd]

ربنا يقومك بالسلامة و يرزقك الذرية الصالحة

بصي دي قائمة ممكن تعدلي فيها

الأغراض الضرورية أثناء الوضع:

• ثوب طويل، خصوصاً إذا كنت تحتاجين إلى التجوّل في أروقة المستشفى خلال اللحظات الأولى من المخاض

• الخفّ أو الشبشب

• الجوارب ، ربما تصبح قدماك باردتين خلال المخاض

• ثوب نوم قديم أو قميص للارتداء خلال المخاض. لا داعي لشراء شيء جديد تلبسينه في المستشفى لأنّه قد يضيع

• مرهم لترطيب الشفاه

مش عارفة ليه .. احنا بنبقى في ايه و لا في ايه

• وجبات خفيفة ومشروبات قد تحتاجينها خلال المخاض أو بعض أقراص الغلوكوز (سكّر العِنب) لتمدّك بالطاقة وتساعدك على الصمود

دي مهمة جدا .. ممكن العملية تطوووول

• ساعة لمراقبة انقباضاتك

• كاميرا رقميّة أو كاميرا الفيديو. لكن تأكّدي إذا كانت المستشفى تسمح بإدخال كاميرا الفيديو إلى غرف التوليد

ده لو عايزة تسجلي اللحظات دي

:closedeyes:

• أغراض تساعد على الاسترخاء: مثل الكتب والمجلاّت والألعاب

اذا مفيش تليفزبون في المستشفى

الأغراض الضرورية لما بعد الوضع:

• ثياب للعودة إلى المنزل، وأخرى مريحة لارتدائها في المستشفى. ستضطرين لارتداء ثياب الحمل عندما تخرجين لأنّ بطنك سيبقى منتفخاً لبعض الوقت

• حمّالتا صدر للرضاعة

• فوطة خاصّة لحليب الثدي

• فوط صحّية، علبتان أو ثلاث

• قميص نوم أو قميص يفتح من الأمام لتسهيل عمليّة الرضاعة الطبيعية

• منشفة، وفرشاة شعر، وفرشاة أسنان ومعجون أسنان

• سروايل داخليّة

• سمّاعات للأذنين في حال أزعجتك الضجّة

• دليل الأرقام والعناوين إضافة إلى الفكّة وبطاقات الهاتف المدفوعة في حال أردتِ إجراء أي اتصال،

لأنه ربما لا يمكنك استخدام الجوّال أو الموبايل في المستشفى.

الأغراض الضرورية لطفلك:

• مقعد سيارة خاصّ بالأطفال للتأكد من سلامة طفلك عند مغادرة المستشفى

غالبا مبنآمنش نستخدمه .. و لازم يروح في حضننا

• رداء ترتدينه عند خروجك من المستشفى (الرداء الواسع هو الأنسب)

• قطعتان أو ثلاث من ثياب الطفل وسترة تحتيّة كي يرتديها في المستشفى. بعض المستشفيات توفّر ثياباً للطفل.

• بطّانيّة (حرام) خاصّة للطفل

• حفاضات

• جوارب أو حذاء قصير

• قبّعة

• قطع من قماش النسيج الرقيق

[طبيبة بالخارج]

ان شاء الله تقومي بالسلامة

انا بالسعودية و لا اعرف نظام المستشفيات بالكويت ايه بس انتي طبعا لازم تكوني بتابعي مع دكتور و إذا لم يكون من سيولدك فلابد تتابعي في آخر 3 أشهر مع الطبيب الذي سيولدك و تشوفي المكان اللي حتولدي فيه عشان نفسيا تكوني مستعدة ده أولا

طبعاانا لا أعطي نصائح هنا لأني طبيبة لأن طبيبك المتابع فقط هو اللي لازم تسمعي كلامه من الناحية الطبية

في الشهر التاسع حضري شنطة صغيرة على جنب فيها غيارين ليكي مع فوط صحية و عباية أو جلابية بفتحة صدر كبيرة و لها سوستة او أزرار و طقم ملابس حديثي الولادة و ده أظن موجود في محلات كثيرة مع بامبرز أصغر مقاس مع ملاءة أطفال للصيف و بطانية للشتاء مع شيالة بيبهات عشان تكوني جاهزة (حزام الصرة ايضا لا تنسيه حتى تسقط يعني حتستعمليه لمدة اسبوع ل10 أيام تقريبا مع وضع بيتادين أو جنجانة زرقاء مع كل غيار حتى تجف الصرة و تسقط)

طبعا لو ان شاء الله ولادتك طبيعية فلن تمكثي كثيرا بالمستشفى يعني بالكتير ليلة لكن لو قيصرية زي حالتي يبقى على الأقل 4 أيام

ممكن كمان تستفيدي من ممرضات المواليد بالمستشفى لو عايزة يعلموكي مثلا كيفية تغيير الحفاضة

بالنسبة للمغات فدي تقاليد مش أكتر و الحلبة فهي مفيدة عشان بتزود لبن الام و ده بغلي حلبة حصاة مع الحليب و أيضا أكل الحلاوة الطحينية بتزود لبن الأم و خذي بالك لازم تصري على ارضاع طفلك من أول لحظة لفائدة لبن الام في اول يومين عشان مناعة الطفل

و أنا تحت أمرك لو ليكي أسئلة معينة

تم تعديل 7 يونيو 2011 بواسطة طبيبة بالخارج

[Om Zayd]

بعد الولادة .. مهم جدا السوائل

البلح و التمر

وجبات متوازنة عموما .. مع التركيز على الاغذية عالية الطاقة

المفروض الدكتورة هتقولك على التمارين اللي تمارسيها بانتظام و طريقة النوم-عادة بينصحوا بالنوم على البطن في الفترة الاولى

[amgadibrahim]

[بركة]

ربنا يقومك بالسلامة ويجعل لك الولادة سهلة ويرزقك بطفل سليم وجميل وصالح ان شاء الله

اولا لازم ما تقطعيش الدعاء من دلوقتي لحد الولادة ان ربنا يجعلها خير وسهلة ويسترك

ويسترها معاكي ومع اللي جاي واطلبي من ربنا انه يعينك ولا تحتاجيش الا ليه هو

ثانياأول ما تحسي بأعراض الولادة كلي تمر لانه ممتاز جدا وبيدي طاقة وبيسهل الولادة

ثالثا جهزي من دلوقتي الفراخ نضيفة في الفريزر على السلق علطول واعملي حسابك في فراخ تكفي اول عشر ايام

رابعا وضبي بيتك من كله ترتيب و خزين اكل يعني مكرونه ارز تمر والحلبة المطحونة حلوة جدا ليكي

وابقي حليها بعسل اسمر او ابيض عشان الفوايد بتاعتهم احسن لك من السكر الابيض

هاتي يانسون نضيف عشان البيبي او في علبة اعشاب في الصيدلية اسمها ميلوبا ممتازة

وهاتي دوا طارد للغازات عشان البيبي بيحتاجها

هاتي حفاضات اطفال مقاس حديثي الولادة

شنطة المستشفى يبقى فيها

جلاليب واسعة قطن ليكي عدد 3 مع اطقم غيارات داخلية

عدد 3 سالوبت او جلابية بيبي مع الفانلات اللي تحتها سواء كباسين او لف

شبشب حمام

فوطتين وجه

كريم زنك من الصيدلية عشان تغيير البيبي

2 كوفرته للف البيبي قطن + كاريكوت لوضع البيبي فيه عشان ظهره

طاقيه قطن عشان وانتو خارجين ان شاء الله تلبسيها للنونو

عبايه ليكي او زي ما بتحبي تلبسي

روب للمستشفى عشان لو بردتي

علبة التمر وعلبة جبنة نستو احتياطي وكيس عيش كيزر وبواكي اعشاب عشان السوايل ليكي حلوة تشربيها سخنة

مناديل معطرة بتاعة البيبي ماركة جونسون او بامبرز عشانك وعشان النونو

خلصت الشنطة

ملحوظة ماتكتريش في شرا الهدوم للنونو لان ماشاء الله بيكبرو والمقاسات بتتبدل علطول فخللي بالك من الحاجة

يعني

هاتي 3 قطع مقاس اول الولادة والباقي اشتري مقاس 3 شهور عشان يقعد معاكي شوية

وابقي طمنينا عليكي ياريتني كنت جنبك ..لكن يابختك انت معاكي اللي هيحافظ عليكي اكتر من اقرب الناس ليكي ..ربنا سبحانه وتعالى

تم تعديل 7 يونيو 2011 بواسطة بركة

[أم القمر فيصل]

حبيبة قلبى الاخوات ما قصرو بس ازيد علهم اهم شئ؟؟؟؟؟؟؟؟؟؟

تدرى ايه هو؟؟؟؟؟؟؟

جسمك !!!!!!! ايوة جسمك انا مثلك ولدت حبيبى اول مولودفيصل عمره الحين 15 شهر هنا بالسعودية وما عندى علم بأى شى بس دخلت النت وذوت نفسى بمعلومات منه والحين بسم الله ما شاء الله صديقاتى السعوديات يقلون لى ايه سر ان بطنى رجع صغير كانى لا حملت ولا ولدت

اختى بعد الولادة لا تكتئبى من منظر بطنك استعدى نفسيا لان هتظهر الترهل والخطوط المهم كيف تعالجيها

اقولك انا...طوال فترة الاربعين تجيبى قماش طوويييييييل 9 متر وبعض الكريمات المرطبه ممزوجة بخل النفاح اوك؟ وياريت كيس نايلون وتدهنين بطنك وخصرك وعليهم تلفى الكيس ثم تلفى القماش على بطنك للاخر يعنى تشددى بيه وسط تحسى انك مثل العمود كل يوم تعمليه وتفكيه وقت النوم والنتيجة بطنك بعد الاربعين بتتشدد عضلاتها وتصغر حجمها والجسم يتشد وترجعى عروسه<طريقة اللف بيوبتوب سر الاندنوسيات

تانى شئ ممنوع اكل الارز بينفخ الكرش عليكى بالخبز البر

-عليكى يوميأبالتمرة مع حب الرشاد قبل الفطور _عليكى وأهم شى شاى الاعشاب مثل اليانسون بيزيد الحليب والقرفة بتنظف الرحم والماش بيقوى الظهر وابعدى عن المرمرية بتقلل الحليب

ولو عندك سمنة يوميا اشربى الزنجبيل بالحليب او مع الشاى الاخضر كده جسمك بأذن الله تمام

طيب الأكل-احضرى انواع الخضار المشكل وخرطيهم وعبيهم باكياس وعلى الفريزر والطماطم سبيكيها وعلى الفريزر

يعنى عليكى بس تسلقى الدجاجة وتحطى الخضار على النار بدقيقة وانتى والدة او زوجك يحضرهم بسهولة

اهم شئ جسمك بيكون ضعيف جدا من اى اعراض يعنى تلبسى شراب وبنطلون

ولا تنزعجى من بكاء المولود ليلا طولى بالك وافرحى بنعمة ربك وحاولى كل ما نام البيبى تدخلى جرى تنامى لانه ساعتين وبيقوم ههههه

ملحوظة اياكى والنوم على البطن كده وخلاص هيرهل العضلات اكتر ويعمل كرش اللهم لا الطريقة الصح وانتى رابطة بطنك وكمان حاطة مخدة تحت بطنك وهتحسى ساعتها ان بطنك بتتقلص للداخل بس لا تكترين ساعتين بس يوميا

وربى يسعدك

تم تعديل 1 أكتوبر 2011 بواسطة أم القمر فيصل

[أم القمر فيصل]

بالله طمنينا عليكى منتظرين وجودك