عُمر عفيفى يتعهد بإعادة 50 مليار دولار لو سلموه مبارك واسرته

[fatfouta]

إسمعوا عفر عفيفى بيقول كلام غريب

انه هيعيد لمصر 50 مليار دولار لو هيسلموه مبارك عشان

وبيتكلم عن التخويف اللى عملينه للناس من الاقتصاد ومياة النيل وغيرها

وبيقول انا مش عاوز ابقى ضابط ولا غيره انا عندى ناس على استعداد انهم يرجعوا الفلوس ولا اننا نروح نقول لامريكا ادينا ولا غيرها

بيقول رجعونى 10 أيام بس هرجع الفلوس وارجع تانى ولو مارجعتهمش احبسونى

http://www.youtube.com/watch?v=nPY-a-kT-fo&feature=player_embedded

[fatfouta]

الراجل شكله اتجنن فى عقله

طب هنسلمه مبارك واسرته اذاى وهياخدهم على فين؟؟؟؟ fr1::

[rewsha]

اذا كان المتكلم ...مجنون

فالمستمع ......عاقل

او المفروض ان المستمع يكون عاقل

[rewsha]

هوه بالفيديو بتاعه ده .بيقوم الناس على المجلس العسكري

وبيسخنهم .علشان يطلعوا يوم 27 مايو

اما موضوع الفتنه الطائفيه ...

كلنا عارفين ان في ناس من مصلحتها ان البلد تولع وتقع في بعضها .ببساطه كده .(كل المستفيد من وقوع مصر) هوه اللي بيحرض عل الفتنه الطائفيه

[tarek hassan]

الراجل شكله اتجنن فى عقله

طب هنسلمه مبارك واسرته اذاى وهياخدهم على فين؟؟؟؟ fr1::

50 مليار في 10 أيام يعني اليوم بـ 5 مليار ومن أول يوم

المجانين في نعيم

[eslam elmasre]

يسلموه مبارك وعائلته وهايجب خمسين مليار

هو ناوي يفلكهم ويمدهم ولا ايه

تم تعديل 20 مايو 2011 بواسطة eslam elmasre

[mustafagamiel]

مع اختلافي مع هذا الرجل

الا انني متأكد أنه له دور كبير في الايجابيات الاي حصلت

لكن مختلف معاه للعصيان الذي يردده دائما على الجيش

لكني متأكد أن المجلس العسكري لابد من وجود ضغطوط عليه كي ينفذ ماتريده الثورة

المجلس مريح اوي ومحتاج دائما مايفيقه من استهباله

[hOuSsAm]

وليه لاء

هنخسر ايه؟

انا مش هكذب الراجل ده فى كلمة واحدة الا لما المجلس العسكرى يرد ويقلنا هو ايه اللى بيحصل بالظبط؟

المجلس العسكرى (وليس الجيش) مازال حوله الكثير من الغموض والالغاز ومدوخنا وراه

عايزين حل جذرى وسريع لان الامور مش صعبة؟

------------------------------------

سين سؤال هو العادلى ليه مبداوش محكامته على قتل الشهداء فى 25 يناير؟

اين محاكمة جيمى؟

نظيف وموافى وصلوا لفين؟

وسلمولى عالطبطبة

عن نفسى مصدق عمر عفيفى جدا

[ابراهيم عبد العزيز]

هذا الفيديو يكاد يندرج تحت بند (( الثورة المضادة )) وما أراه إلا محاولة لتقليب وتحريض الشعب المصرى على المجلس العسكرى وذلك بدغدغة مشاعر المواطن المصرى عندما يسمع عن هذه المليارات الضخمة وأنها ممكن أن تكون فى جيبه(( خلال 10 ايام )) , وهذه العشرة الايام التى تكلم عنها عمرو عفيفى أكثر شىء مضحك فى الموضوع , فمعروف أن استعادة أموال من الخارج شىء معقد ويحتاج من سنة وحتى بضعة سنوات , لانه الطبيعى عندما يقوم مسئول بنهب مال الدولة فانه يقوم بعمليات غسيل متعددة لهذا المال تجعل عملية تتبعه صعبة ولكنها ليست مستحيلة .

ولا أنسى ابدا أن عمرو عفيفى فى ايام الثورة المصرية خرج فى أحد الايام ليحذر الشباب المصرى من الذهاب الى ميدان التحرير لأن هناك قناصة على اسطح المبانى المحيطة بميدان التحرير وان هؤلاء القناصة مدعمين باسلحة قنص حديثة وصلت من اسرائيل , وتبين عدم صحة هذا الكلام , ولم يكن لهذه الاشاعة تفسير إلا انها كانت محاولة لارهاب الناس عن مواصلة ثورتهم

هذا رأى والله أعلم

[herohero]

سؤال صغير ليه اياما 25 لحد التنحي كانت السولار موجود وكل كان موجود رغم الانفالات الامني بصراحه انا مقتنع ان المجلس العسكري متواطء لابعد الحدود بالبلدي "مطرمخ" يعني المجلس العسكري بجد مزودها قوووووووووووووي

وريحته بقت وحشة وتحالف مع الاخوان والسلفيين وباع الشعب عموما الحكاية اتفهمت

عاوزين تجوعوا الشعب انزلوا مصر وانتوا تشوفوا البنزينات كلها فاضية وزحمة والاسعار بتزيد بجد المجلس العسكري متواطئ وده راي معظم اللي عايشين ف مصر حاليا لان اللي بيكلم من بره ما يعرف الواقع

[ذهبية]

ياترى لما يستلموة هيدوديهم فين بقى ؟؟؟

والفلوس هترجع ازاى بقى فدية يعنى و لا اية ؟؟؟؟

وياترى سمسترتة هتطلع كام ؟؟؟

هو البنى الادمين الان بتتباع و تشترى ؟؟؟

والله حاجة تحسر احنا وصلنا لكدة

اى حد تطلع فى دماغة اى فكرة مجنونة يطلع يصور نفسة و يدعو لها

[Simba]

شكله عايز يعمل زي مسلسل الزيني بركات

حد فاكره

[amgadibrahim]

كلام مشابه تقريبا لما قاله طلعت السادات في مقابلته الاخيرة في القاهرة اليوم بس كان بيتكلم عن كل المحبوسين بطرة

السادات كان بيلمح بمعاملة العادلي زي ما كان بيعمل في الناس زي الضغط عليهم بأولادهم

بس كان له اقتراح لذيذ بان معاملتهم في السجن لازم تتغير ومش هيحصل حاجة لو دخل لكل واحد فيهم كام فار في الزنزانة هيجيبوا نتائج سريعة

بصراحة عجباني أوي فكرة الفئران

[جويرية]

دي اعادة للخطاب ، عشان سجله صوت و صورة

http://www.youtube.com/watch?v=4r5P6hf8HiM

[losses]

إسمعوا عفر عفيفى بيقول كلام غريب

انه هيعيد لمصر 50 مليار دولار لو هيسلموه مبارك عشان

وبيتكلم عن التخويف اللى عملينه للناس من الاقتصاد ومياة النيل وغيرها

وبيقول انا مش عاوز ابقى ضابط ولا غيره انا عندى ناس على استعداد انهم يرجعوا الفلوس ولا اننا نروح نقول لامريكا ادينا ولا غيرها

بيقول رجعونى 10 أيام بس هرجع الفلوس وارجع تانى ولو مارجعتهمش احبسونى

http://www.youtube.com/watch?v=nPY-a-kT-fo&feature=player_embedded

الكلام مش عجيب اوى ولكن ليس بهذا السيناريو الافتراضى الذى اوضحه الاخ عمر ولكن هناك علامات استفهام فعلا حول مسالة الرقة المتناهية فى التعامل مع هذا الملف ودى حاجة مش محتاجة تفكير عميق --هناك من له مصلحة وليس فوق مستوى الشبهات ممن يديرون هذا الملف بالكامل ؟؟؟؟؟؟؟

[عنبو]

ادى الجمل وادى النخله

مش هنخسر شىء نجربه عرف يعمل حاجه يبقى تمام معرفش يبقى نعدمه وتبقى خلصت

تحياتى

عنبو

[fatfouta]

فيديو جديد لعمر عفيفى بس المرة دى مش صوتيا بس ده هو بيتكلم بنفسه ووبيقول فيه انه عاوز مبارك واسرته وباقى النظام الفاسد وبيطلب انهم يفروله المكان ولو حتى جوا سجن طرة وبرضو بيقول مش هعذب ولا هضرب ولا هقل ادبى على حد

ولو ماجبتش الفلوس اتحبس 5 سنين وادينى هبقى فى مصر

http://www.youtube.com/watch?v=AQwkkIDRP_o&feature=share

أتعهد أنا عمر عفيفي ضابط الشرطة السابق بأعادة 50 مليار دولار يعن حوالى 300 مليار جنيه للشعب المصري خلال 10 أيام من تاريخ عودتي وتسليمي رسميا المتهم محمد حسني مبارك وزوجته سوزان ثابت ونجليه علاء وجمال وباقي المتهمين المحبوسين في قضايا فساد مالي ويعاوني 20 ضابط مباحث و40 مخبر من مباحث القاهرة وفي حالة عدم أعادة تلك الأموال أعاقب بالحبس 5 سنوات بشرط ان يتم توزيع 150 مليار علي فقراء مصر وتتم التحقيقات علي الهواء بالقنوات المصرية

تم تعديل 22 مايو 2011 بواسطة fatfouta

[Diab]

كلام مشابه تقريبا لما قاله طلعت السادات في مقابلته الاخيرة في القاهرة اليوم بس كان بيتكلم عن كل المحبوسين بطرة

السادات كان بيلمح بمعاملة العادلي زي ما كان بيعمل في الناس زي الضغط عليهم بأولادهم

بس كان له اقتراح لذيذ بان معاملتهم في السجن لازم تتغير ومش هيحصل حاجة لو دخل لكل واحد فيهم كام فار في الزنزانة هيجيبوا نتائج سريعة

بصراحة عجباني أوي فكرة الفئران

لو السادات كان قال كدة فلازم يتحاكم

نبل الوسيلة من نبل الغاية

الثورة المصرية في الاول ثورة علي الفساد وايضا لترسيخ الأخلاق

[Howayda Ismail]

بيقول مش هعذب ولا هضرب ولا هقل ادبى على حد

ولو ماجبتش الفلوس اتحبس 5 سنين وادينى هبقى فى مصر

يكونش حينيمهم مغناطيسى ياختى يافتفوتة

[fatfouta]

بيقول مش هعذب ولا هضرب ولا هقل ادبى على حد

ولو ماجبتش الفلوس اتحبس 5 سنين وادينى هبقى فى مصر

يكونش حينيمهم مغناطيسى ياختى يافتفوتة

والنبى يا هند ما عارفة هيعمل ايه

بس هو قال عاوز 20 ضابط مباحث و40 مخبر من المخبرين اللى هما يعنى....تفتكرى برضو مش هيضرب

طب هيعمل ايه بالمخبرين والضباط وبعدين ده عاوز النظام كله مش حسنى وعليته بس يعنى داخل على طمع جدااا

طب مانديله فرصة ولو فشل نسجنه ونريح نفسنا