عفوا أيها الإعلام ...الإقتصاد المصري لا ينهار ... تعالوا نحسبها بالورقه و القلم

[محمد عبدالعزيز]

بعد ما قريت الأخبار و التصريحات إمبارح عن الإقتصاد, حسيت إن الإنطباع المنتشر بين الناس إن البلد هتقع و هتفلس, فحبيت أوضح إن الموضوع مش بالسوء ده.

أولا أحب أن أوضح نقطتين:

1. إحنا في ثورة, والله العظيم إحنا في ثورة, أي أننا في وضع إستثنائي, لا يجوز مقارنته بأوضاع سابقة. إحنا كأننا عملنا إستثمار, نضحي دلوقتي عشان نكسب بعدين.

2. الوضع قبل الثورة كان زي الزفت بإعتراف الكل وأولهم الجهاز المركزي للمحاسبات, يعني محدش يلوم الثورة.

دي مجموعة من الحقائق إللي بتدل إن حال البلد مش سئ للدرجة دي:

1. قيل إن نسبة إجمالي الدين للناتج المحلي حوالي 90%, ده رقم كبير بس هنرتاح شوية لو عرفنا النسب لبعض الدول مثل أمريكا 97.6% - إيطاليا واليونان 115% - متوسط دول الإتحاد الأوروبي 81% (في وقت من الأوقات وصلنا 100%).

2. في مصر بلغت نسبة العجز للناتج المحلي %10 حاليا بينما في سنوات الأزمة كنهاية الثمانينيات بلغت حوالي 20%. في اليونان 10.5% بريطانيا 10.4% واسبانيا 9.2% والبرتغال 9.1%وبولندا 7.9% وسلوفاكيا 7.9% ولاتفيا 7.7% وليتوانيا 7.1% وفرنسا 7 %.

3. كان عندنا إحتياطي من العملة الأجنبيه حوالي 36 مليار دولار. سحبنا منه في شهر فبراير 3 مليار. تاني شهر 3 مليار. تالت شهر 2 مليار. وتوقع البنك المركزي أن يكون في نهاية السنة المالية - يوليو 2011 - من 24 ل26 مليار.

يعني السحب بيقل عشان الوضع بيتحسن. وإذا لم نسحب من الإحتياطي في الأزمات, هنسحب إمتى. ملاحظة: في آخر سنة من سنوات عاطف عبيد انخفض الاحتياطي الاجنبي إلى 14 مليار من 20 مليار ولم ينهر الاقتصاد.

4. نسبة النمو أصبحت بالسالب بعد أن كانت 7% قبل الثورة.

يعني النمو كان 7% ومحدش كان حاسس بيه. يبقى الرقم لوحده مش مهم. دلوقتي لو مفيش سرقه, يبقى لقمة هنيه تكفي ميه.

5. الصناديق الخاصة كنز لم يمس.

الصناديق دي عبارة عن حسابات بيدخل فيها جزء من إيرادات الدولة بدل ما تروح للميزانية العامة. الصناديق دي بيصرف منها مسؤولين مثل المحافظين بدون رقيب و لا حسيب.

الصناديق بها 1272 مليار جنيه (ألف مليار – يعني أكتر من إجمالي الدين).

عشان نستفيد بالفلوس دي عايزين وزير مالية جدع يطلب من البنك المركزي حصر الحسابات دي و تحويلها للموازنة.

أو محافظين منتخبين من الشعب يصرفوا منها و يريحوا الحكومة من المصاريف شويه.

6. إرتفاع في محصول القمح السنه دي عن السنه إللي فاتت بنسبة 25%. ولإننا بنستورد القمح, فلما الإنتاج بيزيد, نستورد أقل, فنوفر عملة صعبة.

7. إرتفاع سعر الجنيه من 5.99 إلى 5.93. وده دليل على إنخفاض الطلب على الدولار.

8. إيرادات قناة السويس إرتفعت في إبريل 2011 عن إبريل 2010 بنسبة 15.9% (وصلت ل434.6 مليون دولار) و عن مارس 2011 بنسبة 5.1%.

9. تم تحقيق مليون طن صادرات من الموالح بعائد3 مليارات جنيه خلال الموسم التصديري الحالي والذي بدأ في ديسمبر الماضي وحتي30 ابريل الماضي بزيادة 160 ألف طن عن الموسم السابق.

10. في اليومين إللي فاتوا دول, حصل إنخفاض في أسعار السلع العالمية زي القمح و السكر و الزيوت و البترول ... إلخ بنسبة أكبر من 10%. ده أكيد هيوفر عملة صعبة من فاتورة الإستيراد.

11. إحنا داخلين على شهور الصيف (قدوم سياح عرب و مغتربين). يعني عملة صعبة جاية في الطريق إن شاء الله.

12. إرتفاع البورصة في اليومين الماضيين. أكيد المصريين و الأجانب لا يشترون في بلد هتنهار.

أنا مش بشتغل في الحكومة, أنا بقرأ الأخبار من الصحف و المواقع و غالبا من جريدة الأهرام الرسمية و بجمعها. يمكن في حاجات مش عارفها. بس إللي أنا متأكد منه إن ربنا لا يمكن يسيبنا.

أنا عليه الكتابه و إنت عليك النشر. لو سمحت.

المقال ده لو 50% منه صح و50% منه غلط, يبقى هل الوضع الاقتصادى زى ما هما عمالين يصوروه كده؟

رابط المقال

[محمد عبدالعزيز]

من اليوم السابع: توريد مليون و200 ألف طن قمح من المزارعين

أعلنت وزارة التضامن الاجتماعى عن استلام مليون و200 ألف طن قمح من المزارعين منذ فتح باب توريد القمح المحلى للموسم الزراعى الحالى وحتى مساء أمس الثلاثاء، حيث إن هذه الكميات المستلمة من المزارعين حتى الآن تزيد بكمية قدرها 100 ألف طن عن الكميات المستلمة خلال نفس الفترة من العام الماضى، والتى بلغت مليون و100 ألف طن قمح.

وقال الدكتور جودة عبد الخالق وزير التضامن والعدالة الاجتماعية فى تصريحات خاصة لـ "اليوم السابع"، إن الأقماح الموردة للشون لن تقل عن 22.5 قيراط درجة نظافة وخالية من الإصابة بالحشرات والرمل والزلط، وأنه يتم شراء الأقماح حاليا من المزارعين بسعر 350 جنيهاً للإردب درجة نظافة 22.5 قيراط و355 جنيهاً للإردب درجة نظافة 23 قيراطاً و360 جنيهاً للإردب درجة نظافة 23.5 قيراط، لافتاً إلى أن توريد القمح اختيارى لشون بنوك التنمية وشركات المطاحن، وعددها يتعدى 500 شونة، وأنه يتم فرز الأقماح والاستلام بالشون المعتمدة.

ربنا يزيد ويبارك.

[محمد عبدالعزيز]

هل الاقتصاد المصرى فعلاً ينهار؟

ساءني كثيرا عدم مهنية تناول أغلب وسائل الإعلام لوضع الاقتصاد المصري التي بلغت درجة من الإسفاف والجهل ما فيه استهانة بالمستمع العادي قبل المتخصص، ولعل مصدر اللبس أن غالب التناول يأتي دون الإلمام بالمفاهيم الأساسية المكونة للظاهرة الاقتصادية فنجد الخلط بين الاقتصاد كمجمل للأنشطة الانتاجية بمعنى الناتج المحلي أو القومي من ناحية ووضع الدولة المالي من ناحية أخرى فيطالعنا أحدهم بأن الاقتصاد المصري على وشك الإفلاس رغم ان الإفلاس لا يحدث إلا لكيان ما كالشركة أو حتى الحكومة عندما تمتنع عن سداد ديونها أو التزاماتها كالرواتب والأجور وهو ما ليس متحققا في الحالة المصرية، فمما لا شك فيه أن الاقتصاد المصري يمر بمرحلة ركود وهي الراجعة لانكماش الأنشطة الإنتاجية والاستثمارية ومن ثم انخفاض معدلات النمو الاقتصادي، ولا شك في أن هذا ينعكس على إيرادات الدولة فيتضخم العجز في الموازنة وهو الفارق بين مصروفات وإيرادات الدولة والذي بلغ حوالي 10% (مقارنة ب8% في السنوات القليلة الماضية) وهو فارق ليس برهيب خاصة إذا علمنا أن العجز في سنوات الأزمة كنهاية الثمانينيات بلغ حوالي 20% من الناتج المحلي وهذا رقم كارثي يعكس مستوى الكارثة وقتذاك، والتضخم حوالي 12% (وهي ذات النسبة بفارق ضئيل منذ 2006 نتيجة لارتفاع اسعار الغذاء والنفط العالميين) وأما مشكلة المديونية العامة فهي مشكلة موروثة من الأصل منذ عهد مبارك على نحو يتخطى كافة الحدود الآمنة (حوالي 100% من الناتج المحلي الإجمالي)، ولكن ليس من مؤشر في أن الدين ينذر بانهيار وامتناع عن السداد على المدى القصير. هناك بلا شك مشكلة الاحتياطيات النقدية الأجنبية والتي تراجعت من 36 مليار دولار إلى 30 مليار في خمسة شهور على نحو قد ينذر بحدوث أزمة في سعر الصرف ينعكس على القدرة على الاستيراد فيما بعد، ولكن دعوني اذكركم أن في آخر سنة من سنوات عاطف عبيد انخفض الاحتياطي الاجنبي إلى 14 مليار من 20 مليار ولم ينهر الاقتصاد، الاقتصاد المصري تراجع بنسبة 7% في النصف الأول من السنة ومحتمل أن ينتهي بانكماش قدره -1 أو -2 بالمائة وهي نسبة كبيرة ولكنها مؤقتة فالاقتصاد نفسه انكمش بذات النسبة في 2002-2003 ولم ينهر الاقتصاد!

إن الاقتصاد المصري يعاني حاليا من تراجع في الانتاجية ويرجع ذلك إلى اختلال الأسعار كسعر الصرف والتضخم نتيجة للاختلال السياسي الناجم عن الثورة، ومن المنتظر أن يؤدي ذلك إلى تراجع الإنتاج والاستثمار لفترة، ولكن الأزمة السياسية في مصر لم تؤد إلى تدمير البنى الأساسية للاقتصاد فالعمالة لا تزال موجودة والمنشآت لا تزال موجودة و ما من مانع أن تعود للعمل فور استقرار الأوضاع مرة أخرى في غضون شهور، ولأضرب لكم مثلا تركيا في 2001 تعرضت لأزمة مالية طاحنة ادت إلى تراجع الاقتصاد بمعدل -9%، وهو ما يعني تزايد البطالة وتراجع الانتاجية، ولكن نظرا لأن التراجع كان نابعا عن الاختلال في الأسعار النسبية وليس في البنية الأساسية تعافى الاقتصاد التركي في 2002-2003 ونمى بمعدل 9% (وهو معدل أعلى من المتوقع نظرا لوجود طاقات غير مستخدمة في فترات الركود والرغبة في التعويض)، ومصر لم يضربها زلزال ولم تندلع بها حرب أهلية ولم ينزل بها الطاعون فمن المتوقع أن يعود النمو بعد ركود يدوم سنة أو أكثر قليلا. وعلى رأي معتز عبد الفتاح بلاش نفتي

الكلام ده كله بتؤكده مشاهدات يومية لى ولغيرى من المحيطين بى.

أخى الأكبر مثلاً يعمل أمين مخازن فى شركة مواد غذائية, وأسأله على فترات قصيرة هل تحدث عندكم إضرابات أو اعتصامات, فيجيب بلا.

هل تأثر الإنتاج فى هذه الفترة من بعد الثورة؟ فيجيب بأن العكس يحدث أحياناً وأنهم يضطرون للعمل لوقت إضافى للملاحقة على الطلبيات.

أخى الأصغر يعمل فى شركة مواد غذائية أخرى, وأخبرنى منذ فترة قصيرة أن الشركة ستضيف خط إنتاج جديد حتى يكون جاهزاً للعمل فى موسم الصيف.

[ابراهيم عبد العزيز]

انا اوافقك فى كلامك يا أخ محمد

صحيح أن الوصع الاقتصادى الحالى اذا صعب ولكنه ليس بدرجة السوء الذى تروج له وسائل الاعلام

كما أن المظاهرات قام شباب الثورة بايقافها منذ فترة تقريبا منذ تولى الدكتور عصام شرف المسئولية وحتى الايام التى تخرج فيها مظاهرات تكون فى يوم الجمعة , فأين اللوم على الثورة فى صعوبة الوضع الاقتصادى الحالى ؟؟؟

[masraweya]

المشكلة مش في الثورة نفسها

المشكلة في الصورة الذهنية اللي صنعها الاعلام

"اليومين دول قلق و يا عالم احنا رايحين على فين"

اللي معاه قرشين شايلهم حتى تتضح الرؤية

بيساعد ده التركيز على كل حادثة.. و كل دعوة

يعني حد عايز يستثمر.. هيحط فلوسه في بلد فيها دعوات "إعلامية" للزحف و الثورة على السلطة المؤقتة و يتهددها حرب اهلية... طبقا للاعلام؟

متفقة اننا في فترة كمون

الاصول كما هي .. بل قد تزيد

المهم حكومة قوية منتخبة تمسك البلد

[pink rose]

لما تطلع كل الجرايد بلا استثناء تنشر كل الاحداث اللي بتحصل و معاها 10 كيلو بهارات مشكلة عن انعدام الامن

دا دلوقتي لو حد تف على حد في الشارع بيتنشر الخبر انا اسفة بس دا اللي حاصل

الكلام دا اللي بيقراه الناس برة تفتكروا هايجوا مصر اظن كان هنا في موضوع للاخت امل حياتي اهلها غيروا رأيهم و مش هاينزلوا مصر السنة دي اهو مش دا واقع شوفناه و غيرها كتير اكيد

يبقى عاوزين السياحة ترجع ازاي

عاوزين المستثمرين يرجعوا ازاي

الاعلام عندنا بوظ البلد و بوظ سمعتها قبل و بعد الثورة

بجد منهم لله الله لا يباركلهم في فلوسهم

[الغريب]

والله أمبارح راجع البيت حاسس أني شايل هموم الدنيا كلها فوق راسي بسبب كمية الأخبار الكاذبة بخصوص الوضع الاقتصادي اللي كانت منشورة على مدار اليوم

وبعدين قولت في نفسي ، ليه هو أحنا في بلد مفهاش رجالة ؟؟

البلد تسقط مننا كدة وأحنا منعملش حاجة ، وقولت والله لو بلغ الأمر زروته الواحد يتخلى عن راتبه بالكامل للبلد

وبعدين تذكرت أحد الكتاب الكويتيين ، كتب مقال بيقول أنه كان ساكن بجوار مقر السفارة المصرية بالكويت وكان شاهد على مساعدات المصريين التي قدموها للسفارة المصرية بالكويت حينما كانت هناك دعوة لإنقاذ الاقتصاد المصري في نهاية الثمانيانيات -على ما أذكر- ، يقول كنت أري عمال المعمار (الصعايدة) وهم عائدون من عمل يومي شاق بتجهون للسفارة ويتبرعون بمبلغ دينار أو دينارين من إجمالي خمسة أو سبعة دنانير يتقاضاها يومية ، ولكن كل هذه التبرعات التي بلغت حد المليار أكلتها الحكومة الفاسدة أنذاك..

لا تخافوا على البلد ما دام هناك مصري فيه روح ..

تحياتي

[محمد عبدالعزيز]

انا اوافقك فى كلامك يا أخ محمد

صحيح أن الوصع الاقتصادى الحالى اذا صعب ولكنه ليس بدرجة السوء الذى تروج له وسائل الاعلام

كما أن المظاهرات قام شباب الثورة بايقافها منذ فترة تقريبا منذ تولى الدكتور عصام شرف المسئولية وحتى الايام التى تخرج فيها مظاهرات تكون فى يوم الجمعة , فأين اللوم على الثورة فى صعوبة الوضع الاقتصادى الحالى ؟؟؟

والله يا أستاذ إبراهيم لسه بكتب فى الموضوع وجدت أخى الأصغر موجود أونلاين.

سألته كالعادة أخبار الشغل إيه, قال كويس.

سألته يعنى فى ركود أو قلة فى الانتاج بعد الثورة؟ قال احنا قبل الثورة كنا بننتج 11 مليون زجاجة شهرياً, وحالياً مطلوب يزودوا الانتاج ل 12 مليون زجاجة.

بالنسبة للتصدير قل شوية بنسبة 2% تقريباً, وده كان بيحصل عادى قبل كده.

وعلى فكرة, الشركة اللى فيها أخى الأصغر حصل فيها مظاهرات من العمال لتعديل أوضاعهم بعد الثورة مباشرة, وتمت الاستجابة من الإدارة بزيادة الرواتب وتقليل عدد ساعات العمل من 12 ل 8 ساعات.

وحالياً الشركة بتشتغل 20 ساعة بدل 24 ساعة قبل تعديل الأوضاع.

وخط الإنتاج الجديد اللى مفروض يشتغل بعد شهر محتاج حوالى 30 عامل يشغلوه.

أنا عارف طبعاً إن ده مش مقياس على كل مجالات الاقتصاد وإن فى مجالات بتعانى, ولكن الوضع مش بالكآبة دى والمجالات اللى بتعانى أغلبها بسبب الأمن وعدم وجود شرطة حقيقية حتى الآن.

[Simba]

جميل روح التفاؤل رجعت للناس من تاني

من 3 او 4 ايام المواضيع في المحاورات كلها صادمة محبطة تجبر الجميع علي التشاؤم لدرجة ان فيه ناس كانت مع الثورة بدات تلومها بشدة

وبصراحة بقي لو الحكومة هتعقد تشتغلنا علي نغمة الاقتصاد دي كتير فياريت يرجعوا احمد شفيق تاني هو كده احسن واحد يغنيها حتي لو كاريزما كده تريحك وانت بتسمع الصدمات

[rewsha]

ربنا يبشركم بالخير

وياريت نحاول ننشر الكلام ده في مواقع كتير وعلى الفيس كمان

بصراحه انا وصلت لدرجه من الاحباط امبارح ....لم اكن اتخيل ان في يوم من الايام هاوصل لها

كان نفسي اي حد يطمني ...ولو بالكذب

الناس محتاجه تتطمن ...مش تترعب

وفعلا الاعلام له دور سيْ جدا في الموضوع ده

بس اللي يساعد على تصديق اللي بيتنشر في الاعلام ...هو ان الحاجات اسعارها بتغلى جدا وكما موضوع ازمة السولار

ولما تقول الاسعار ...التاجر يقول لك اصل الكميات بقت قليله ...والاسعار زادت لان مافيش انتاج

انا نفسي يكون في لجان شعبيه زي ماكانت بتواجه البلطجيه ..تفتش على الاسعار ..بس لازم يكون في جهه حكوميه بتباشر الموضوع ده ويتقدم فيها البلاغات بالمخالفات

مهو اللي مخلي الناس تصدق ..انها فعلا مش لاقيه الحاجه والاسعار بتزيد

[fatfouta]

خداع الشعب بخصوص انهيار اقتصاد مصر 2-2

اسمعوااا وماتخافوش...قولوا ياااارب

http://www.youtube.com/watch?v=ZkJbqCEoKCE

[شيدوان]

الاقتصادالمصرى ينهار ..هذه حمله مدبره حتى يشعرالشعب انه مقبل على مجاعه فيخاف ويرضى بما يسعى المجلس العسكرى والحكومه لتحقيقه، وهو قبول الافراج

عن بعض رموز الفساد او اخلاء سبيل سوزان مقابل بضعة ملايين من الجنيهات يتنازلون عنها للدوله، كأنها صدقه عن المليارات التى جمعوها من دم الشعب وآدميته ..

الاقتصاد المصرى بخير كما يؤكد خبراء الاقتصاد فى مصر .. ومنذ يومين كانت هناك مداخله فى احد البرامج لوزير اقتصاد سابق اعتقد انه الدكتور سلطان ابو على ، فقال ان الاحتياطى من النقد الاجنبى كبير وكافى وليس هناك خوف من نفاذه خلال 6 شهور كما يدعون ، كما ان الايرادات من الصادرات تتزايد وليس هناك ازمه فعليه او متوقعه فى النقد الاجنبى

تحياتى

[fatfouta]

خداع الشعب بخصوص انهيار اقتصاد مصر 1-2

http://www.youtube.com/watch?v=k3b6ud7RXK0&feature=share

[fatfouta]

وزير التضامن يؤكد : مخزون الطعام في مصر آمن ولا تصدقوا الشائعات !

أخر تحديث: 18/05/2011 06:58 م

أكد الدكتور جودة عبد الخالق وزير التضامن والعدالة الاجتماعية أن المجتمع المصري يعانى في الآونة الأخيرة من ظاهرة انتشار الشائعات التي تنتشر بشكل ملحوظ، ومن هذه الشائعات أن مخزون الطعام في مصر غير آمن ، وأوصى د. جودة الشباب بعدم تصديق الشائعات التي تهدف إلى حرمان مصر مما بدأت إنجازه عقب ثورة 25 يناير .

جاء ذلك ضمن فعاليات اللقاء الخامس من سلسلة حوارات شبابية التي ينظمها المجلس القومي للشباب ، وبحضور كل من الأستاذ هاني سيف النصر الأمين العام للصندوق الإجتماعى للتنمية ، والدكتور صفى الدين خربوش رئيس المجلس القومي للشباب.

وأوضح وزير التضامن أن سياسة الوزارة فى الفترة الحالية تتمثل في تركيز طاقات وقدرات الشباب لضبط منظومة التضامن، وأهمها ضبط أسعار الخبز والغاز عن طريق الإستعانة باللجان الشعبية لتحقيق مزيد من التواصل والتفاعل مع الشباب .

كما أشار وزير التضامن أن مخزون مصر من القمح حوالي 2.1 مليون طن وهو ما يكفى لسد احتياجات المواطنين من الخبز لمدة ثلاثة أشهر قادمة، أما عن وضع الأرز فهناك مشكلة حقيقية في تلبية احتياجات المواطنين من الأرز لعدة أسباب تتمثل في وجود مشكلة في حصة مصر من مياه النيل واحتكار بعض التجار لمحصول الأرز، وهناك حرص لتوفير المخزون الغذائي الآمن للمواطن من الأرز عن طريق الاستيراد من الخارج لمواجهة جشع التجار،مع توجيه الدعوات للمواطنين في ترشيد الاستهلاك، وخاصة مع اقتراب شهر رمضان الذي تتحقق فيه معادلة انخفاض الإنتاج مع زيادة الاستهلاك .

[رضوي]

السلام عليكم ورحمة الله وبركاته

طبعاً كلها أزمات مفتعلة ودة واضح جدا وكل المصريين عارفين كدة كويس

وبعدين قبل ماتكون ازمة مفتعلة فهي اصلا مش جديدة

بمعنى

عندنا ازمة في انابيب البوتاجاز ......... ودي اصلا موجودة من قبل الثورة بفترة كبييييييييييييييرة جدا

عندنا ازمة في السولار ......... ياريت نرجع بالذاكرة لورا شوية صغيرة ...... هنلاقي ان أزمة السولار دي بتظهر كل سنة مع العلاوة الجديدة ....... ولا نسينا سنة 2008 والعلاوة 30% لما حصلت أزمة سولار جامد جداً وارتفع بعدها سعر السولار والبنزين معاه وطبعاً المواصلات سعرها ارتفع ؟؟؟؟؟؟

عندنا ازمة في القمح ......( مع اني مش شايفة كدة اصلا ) بس حتى لو فعلا فمين سببها ؟؟؟ اكيد فاكرين كلنا قرار الحكومة بعدم زراعة القمح والارز حفاظاً علي المياه ؟؟؟؟ ودة تأثيرة ظهر دلوقتي في القمح والارز

ازمة في السكر ......... وياتري عدت علينا سنة من غير ازمة سكر ؟؟؟؟؟؟؟؟؟ طيب فيه سنة واحدة ماحصلش فيها ارتفاع في اسعار السكر ؟؟؟؟؟

بلاش السكر ...... حد يفكرني بسنة ماحصلش فيها ازمة في السلع التموينية ككل ؟؟؟؟

الاسعار في ارتفاع ملحوظ ........ ياجماعة احنا في شهر مايو ..... ودة طبيعي لأن العلاوة اتصرفت بدري السنة دي ( واكيد اول مابنسمع بس خبر زيادة المرتبات كلنا بنحط ايدنا علي قلبنا ونقول ربنا يهدي الاسعار والتجار ) دة كله طبيعي جدا جدا جدا

اقتصادنا المصري زي ماهو ........ بس لازم بقي نعمل شوية حبشتكنات والاعلام يضخم الموضوع ويخوف الناس اللي مش هتلاقي تاكل بعد كدة لأننا خلاص مابقاش عندنا ولا فلوس نشتري اكل ولا اكل اصلا بيتزرع

ازمة الوقود مفتعلة

ازمة السلع الاساسية مفتعلة

ازمة الامن والامان في البلد دي اكبر كدبة سمعتها في حياتي

مابنكرش وجود بلطجية ........ بس دول موجودين من زمااااااااااااااان اوي ماظهروش جديد يعني ولا تم استيرادهم من الخارج ........ ونفس الاماكن هي هي اللي فيها بلطجة

واصلا الحمد لله عمرنا ماشوفنا شرطة بتحمي حد ......... ولا نجدة بتنقذ حد .......... ولا اسعاف بيلحق حد

والمطمئن بجد بقي ...... اني بنفسي شايفة وعي الناس بكل دة ....... وشايفاهم متفائلين جدا وبيقولوا احنا افضل بلد حصل فيها ثورة كفاية اننا عارفين نعيش

ودة علي الرغم ان فيه ناس فعلا حالهم واقف من يوم 25 يناير ........ زي قطاع السياحة ودة بجد فعلاً والمنطقي ان اي ازمة بتأثر علي السياحة فبتكون اول قطاع يتأثر واخر قطاع يتحسن ........ ولا نسينا احداث شرم الشيخ واللي حصل للسياحة ساعتها

خلينا متفائلين بس المهم نفضل واعيين

ومانخافش من شوية الحركات الخيبانة اللي بيحاولوا يخوفونا منها

بس خلاص

[engmido]

السلام عليكم ورحمة الله وبركاته

طبعاً كلها أزمات مفتعلة ودة واضح جدا وكل المصريين عارفين كدة كويس

وبعدين قبل ماتكون ازمة مفتعلة فهي اصلا مش جديدة

بمعنى

عندنا ازمة في انابيب البوتاجاز ......... ودي اصلا موجودة من قبل الثورة بفترة كبييييييييييييييرة جدا

عندنا ازمة في السولار ......... ياريت نرجع بالذاكرة لورا شوية صغيرة ...... هنلاقي ان أزمة السولار دي بتظهر كل سنة مع العلاوة الجديدة ....... ولا نسينا سنة 2008 والعلاوة 30% لما حصلت أزمة سولار جامد جداً وارتفع بعدها سعر السولار والبنزين معاه وطبعاً المواصلات سعرها ارتفع ؟؟؟؟؟؟

عندنا ازمة في القمح ......( مع اني مش شايفة كدة اصلا ) بس حتى لو فعلا فمين سببها ؟؟؟ اكيد فاكرين كلنا قرار الحكومة بعدم زراعة القمح والارز حفاظاً علي المياه ؟؟؟؟ ودة تأثيرة ظهر دلوقتي في القمح والارز

ازمة في السكر ......... وياتري عدت علينا سنة من غير ازمة سكر ؟؟؟؟؟؟؟؟؟ طيب فيه سنة واحدة ماحصلش فيها ارتفاع في اسعار السكر ؟؟؟؟؟

بلاش السكر ...... حد يفكرني بسنة ماحصلش فيها ازمة في السلع التموينية ككل ؟؟؟؟

الاسعار في ارتفاع ملحوظ ........ ياجماعة احنا في شهر مايو ..... ودة طبيعي لأن العلاوة اتصرفت بدري السنة دي ( واكيد اول مابنسمع بس خبر زيادة المرتبات كلنا بنحط ايدنا علي قلبنا ونقول ربنا يهدي الاسعار والتجار ) دة كله طبيعي جدا جدا جدا

اقتصادنا المصري زي ماهو ........ بس لازم بقي نعمل شوية حبشتكنات والاعلام يضخم الموضوع ويخوف الناس اللي مش هتلاقي تاكل بعد كدة لأننا خلاص مابقاش عندنا ولا فلوس نشتري اكل ولا اكل اصلا بيتزرع

ازمة الوقود مفتعلة

ازمة السلع الاساسية مفتعلة

ازمة الامن والامان في البلد دي اكبر كدبة سمعتها في حياتي

مابنكرش وجود بلطجية ........ بس دول موجودين من زمااااااااااااااان اوي ماظهروش جديد يعني ولا تم استيرادهم من الخارج ........ ونفس الاماكن هي هي اللي فيها بلطجة

واصلا الحمد لله عمرنا ماشوفنا شرطة بتحمي حد ......... ولا نجدة بتنقذ حد .......... ولا اسعاف بيلحق حد

والمطمئن بجد بقي ...... اني بنفسي شايفة وعي الناس بكل دة ....... وشايفاهم متفائلين جدا وبيقولوا احنا افضل بلد حصل فيها ثورة كفاية اننا عارفين نعيش

ودة علي الرغم ان فيه ناس فعلا حالهم واقف من يوم 25 يناير ........ زي قطاع السياحة ودة بجد فعلاً والمنطقي ان اي ازمة بتأثر علي السياحة فبتكون اول قطاع يتأثر واخر قطاع يتحسن ........ ولا نسينا احداث شرم الشيخ واللي حصل للسياحة ساعتها

خلينا متفائلين بس المهم نفضل واعيين

ومانخافش من شوية الحركات الخيبانة اللي بيحاولوا يخوفونا منها

بس خلاص

مداخلة ممتازة يا رضوى

بس سؤال هما مين دول اللى بيحاولوا يخوفونا

[محمد عبدالعزيز]

رئيس الجهاز المركزى للتعبئة العامة والإحصاء: من المستحيل أن تشهر مصر إفلاسها.. ودخل قناة السويس لم يتأثر بالأحداث..

"استحالة مصر تشهر إفلاسها، وهذا ما أريد التأكيد عليه".. بهذه الكلمات بدأ اللواء أبو بكر الجندى رئيس الجهاز المركزى للتعبئة العامة والإحصاء، تطميناته للمصريين، موضحاً أنه لا داعى للقلق من الوضع الاقتصادى الذى تمر به مصر فى الوقت الحالى.

وقال رئيس الجهاز المركزى فى ندوة عقدت اليوم بمقر جريدة الأهرام المسائى، "أنا متفائل بالمرحلة القادمة، لأنه لدينا اقتصاد متنوع وقادر على تحمل الصدمات التى نمر بها، خاصة أن أهم دخل لمصر وهو قناة السويس لم يتأثر كثيراً.

مشيراً إلى أن ما ندفعه الآن أقل ثمن يمكن أن تدفعه أمة فى تحولها من نظام لنظام، قائلاً "إن ما تم خسارته من دم الشهداء خلال أيام الثورة كان يمكن أن يحدث نتيجة تهور ملازم أول فى شارع فى تفرقة مظاهرة أو خناقة"، لافتاً إلى أن ذلك شيئاً يحسب للشعب والجيش معاً.

وحول الاقتصادى السياحى، قال اللواء الجندى، إنه متفائل لما سيصل إليه الوضع فى السياحة فى الشهور القادمة بشرط استقرار الأوضاع لعدة أسباب وهى أن مصدر الجذب فى المناطق السياحية والطبيعة بمصر، علاوة على رغبة العالم كله فى رؤية الشعب العظيم الذى قام بهذا الإنجاز، بالإضافة إلى قلة جو الفساد المنتشر من قبل فى قطاع السياحة مما يشجع المستثمرين للقدوم إلى مصر.

وأضاف الجندى، أن تحويلات المصريين من الخارج فى أول شهرين من الثورة تأثرت بشكل كبير لكن منذ بداية الشهر الحالى بدأت الأوضاع تعود إلى شكلها الطبيعى، وأوضح أن عودة المصريين من ليبيا لم تؤثر بالشكل الكبير لأنهم لا يتعدوا 200 ألف فرد، مشيراً إلى أن معدل تأسيس الشركات انخفض بنسبة 45% من مارس 2010 إلى مارس 2011، موضحاً أن الاحتياطى النقدى هذا الشهر يبلغ حوالى 28 مليار جنيه، فكان المفترض أن يكون 36 مليار جنيه، مشيراً إلى أن ما يتم سحبه كل شهر أقل من الشهر السابق له وهذا الشىء مطمئن إلى حد كبير ويبلغ حوالى 2.5 مليار كل شهر تقريبا.

ومن ناحية أخري، أشار الجندى أن اللجنة التى تم تشكيلها لإعادة هيكلة منظومة الأجور ستنتهى من عملها خلا شهرين على الأقل، لافتا إلى أن التركيز سيكون على هيكلة الأجور بشكل كامل وليس وضع حد أدنى للأجور لان هذه القضية لا تهم سوى 2.4% من العاملين بالدولة، مشيرا إلى أنه تم اللجوء إلى منظمة العمل الدولية للاستعانة بالخبراء بها للاستفادة من تجارب الدول الأخرى التى كانت تعانى من أمراض فى منظومة الأجور، موجها دعوى بان يكون الفرق بين الحد الأدنى والحد الأقصى للأجور لا يزيد عن 20 ضعفاً على الأكثر، منتقداً عدم تنفيذ ذلك حتى الآن فى عدة من المؤسسات.

وكشف الجندى عن قيام الجهاز بعمل تعبئة لصالح القوات المسلحة خلال 10 أيام منذ بداية الثورة وهى إن كانت هناك مشكلة نقل احتياجات من بعض موانئ الإسكندرية وبورسعيد والسويس والعين السخنة إلى المحافظات فقامت وزيرة التجارة والصناعة وقتها دكتورة سميحة فوزى بمخاطبة المشير حسن طنطاوى الذى قام بدوره بمخاطبة الجهاز للاستعانة به فى الحصول على جرارات وقلابات، وذلك لأن كل شىء يدخل البلد يسجل بجهاز الإحصاء، لافتا إلى أنه ولأول مرة يقوم الجهاز بهذه العملية بعد أحداث زلزال 1992 وهذا الدور كان منوطا به الجهاز أوقات الحروب.

كما أوضح الجندى، أن لا يوجد فى مصر إحصائية بمعدلات جرائم الفساد لأنها غير موثقة، لافتاً إلى أن ما يعتم بها مؤسسات أخرى مثل منظمة الشفافية العالمية بناء على معايير تخدم أهدافها وهى فى كثير من الأحيان تصدر أحكام مغلوطة.

وعن قضية التعدى على الأراضى الزراعية أثناء الثورة قال الجندى، إنه لا يوجد حصر بها حتى الآن لعدم استقرار الأوضاع، قائلا "إذا كانت الجهات المعنية بذلك من الداخلية والمحليات لم تقم بحصر لها حتى الآن"، لافتاً إلى أنه من المؤكد أن يتم حصرها فيما بعد.

وأشار الجندى إلى أن حجم دخل الجهاز من بيع النشرات والخدمات لا يتعدى مليون جنيه، فى حين أوضح أن ميزانية أعداد الشرطة هى حوالى مليون جنيه على الأقل.

[ozoozo]

اللي جاي مش اسؤ من اللي فات

مش هايكون اسؤ من الست سنين اللي كنا بنحارب فيها اسرائيل والقناه مقفوله خالص وفلوسنا كلها رايحه للمجهود الحربي

فاكرين زمان لما كان في ازمه في الصابون والناس كانت بتبشره عشان تغسل بيه

ولا ازمه السكر

ولا الشاي بتاع التموين

ولا الزيت والسمن اللي بالبطاقه

ولا

ولا.....

وكل ده الحمدلله عدي ومصر زي الفل

وبكره بأذن الله احسن

غدا دوما يوما اخر

[Simba]

الثورة اعجبت الدنيا كلها من اوباما لابن لادن

وللاسف لسه فيه مصريين كتير بيحاربوها

[Ahmed Anwer]

بغض النظر عن تضارب التحليلات

إحنا منقدرشي نحكم أيه الصح

و حتي المقال المنقول فيه مغلطات كتيرة جدا ،،

بس الرسالة اللي لازم نوصلها لأي حد ،،

مش هنقايض الحرية بلقمة العيش