إخلاء سبيل "فتحى سرور" بضمان مالى 100 ألف جنيه

[Handasah]

على موقع اليوم السابع انة سيتم اخلاء سبيل قتحى سرور

مش عارف حاسس ان فى حاجة غلط ..........

إخلاء سبيل "فتحى سرور" بضمان مالى 100 ألف جنيه

قرر المستشار عاصم الجوهرى، مساعد وزير العدل لشئون جهاز الكسب غير المشروع، إخلاء سبيل الدكتور فتحى سرور، رئيس مجلس الشعب السابق، بضمان مالى قدره 100 ألف جنيه، بعد تقرير لجنة الخبراء.

وجاء قرار المستشار الجوهرى اليوم، الاثنين، بعدما قدم سرور ودفاعه مستندات تؤكد أن العقارات والأملاك التى جاءت فى محضر التحريات ليست ملكه.

وكان دفاع سرور طلب قبل أسبوع تأجيل التحقيقات وتقديم كافة المستندات التى تثبت حقيقة موقفه المالى، وصحة إقرار الذمة المالية، لتقديم بعض المستندات والأوراق المتعلقة بالقضية.

وكان د.سرور قد حضر رئيس مجلس الشعب السابق، إلى جهاز الكسب غير المشروع داخل سيارة ترحيلات مصفحة وسط حراسة أمنية تقدر بنحو 50 ضابطا وجنديا، وأثناء نزول سرور من سيارة الترحيلات قام أنصاره بلفه بعلم مصر، خوفا من تصويره وهو بملابس الاحتياط.

وقام دفاع سرور وهو الدكتور عبد الرءوف المهدى، بتقديم المستندات اللازمة التى ثبت صحة موقف موكله، وأن تقارير تحريات هيئة الرقابة الإدارية ومباحث الأموال العامة غير صحيحة حول امتلاكه لعدد كبير من الفيلات والعقارات والأراضى.

يذكر أن الجهاز كان قد نسب إلى سرور تحقيقه ثروة طائلة على نحو يفوق دخله المشروع من عمله، مستغلا فى ذلك صفته السياسية، حيث أشارت تحريات وتقارير الجهات الرقابية ومباحث الأموال العامة بشأن ثروته إلى أنه يمتلك أعدادا كبيرة من الفيلات والشاليهات والأراضى والعقارات والشقق الفاخرة والأرصدة المالية وغيرها، بصورة تخالف مصادر الدخل المشروعة له، على نحو يمثل كسبا غير مشروع.

تم تعديل 16 مايو 2011 بواسطة Handasah

[fatfouta]

لسه قايلين الخبر فى نشرة الساعة 6 عالفضائية المصرية دلوقتى

إخلاء سبيله وهيدفع 100 الف جنيه ضمان مادى

[rewsha]

لسه قايلين الخبر فى نشرة الساعة 6 عالفضائية المصرية دلوقتى

إخلاء سبيله وهيدفع 100 الف جنيه ضمان مادى

إشطه ....

اما نشوف مبارك هايطلع بكفاله كام الف جنيه هوه راخر

___________________________________________________

عموما انا اللي يهمني دلوقتي ...........مصر

عاوزين نبني ..ونشتغل

_____________________

سؤال على جنب كده للي بيفهم في القانون

هوه ايه فائده الحبس الاحتياطي

وليه المحبوس احتياطيا .بيخرج على ذمة القضيه برضو

واقصى مده للحبس الاحتياطي قد ايه ؟

______________________________________

سؤال تاني تخميني

تفتكروا مين اللي عليه الدور المره الجايه ياخد افراج بكفاله ؟؟؟

[ام سلمي]

لأ ما تخافوش خد 15 يوم في قضية المتظاهرين ودخل طرة تاني، وبيقولوا الخروج بكفالة كبيرة كدة معناه ان لسة متهم في الكسب غير المشروع

تم تعديل 16 مايو 2011 بواسطة ام سلمي

[rewsha]

لأ ما تخافوش خد 15 يوم في قضية المتظاهرين ودخل طرة تاني، وبيقولوا الخروج بكفالة كبيرة كدة معناه ان لسة متهم في الكسب غير المشروع

يسلم فُومك

هوه ده الكلام اللي يفتح النفس

للعمل والبناء طبعا .

اصل لما نلاقي كل شويه واحد طلع بكفاله .يبقى حبسه احتياطي ده كان بنادول مٌسكن.

[fatfouta]

لأ ما تخافوش خد 15 يوم في قضية المتظاهرين ودخل طرة تاني، وبيقولوا الخروج بكفالة كبيرة كدة معناه ان لسة متهم في الكسب غير المشروع

ايوه رجع للسجن تانى عشان عليه 15 يوم على ذمة موقعة الجمل

يرجع ولا مايرجعش بقى الواحد زهق وتعب

يحبسوهم ولا لأ تصدقوا خلاص مابقاش يهمنى انا عاوزة دلوقتى مصر تقف على رجلها بقى كفاية كده

[raouf]

مفيد شهاب : براءة

فاروق حسنى : براءة

فتحى سرور : براءة

أمين أباظة : براءة

الجبلى : براءة

مبارك : ملوش نفس يروح السجن (فى حالة نفسية سيئة و كل ما يجيبولوا سيرة طرة الاذين اليمين عنده بيتهز و يرتجف)

سوزان : وجع فى الحاجب مع الحاجة للراحة فى شرم الشيخ 4-5 سنين لحين الشفاء

قانون تصالح مع رجال الأعمال الشرفاء اللى خدوا ملايين الأمتار ببلاش بحسن نية

مش فاضل الا كمال الشاذلى يطلع من القبر وياخد براءة

هاقترح على القضاة محاكمة الثوار لانهم تعبوا السادة الشرفاء سرور وحسنى ومبارك واخروهم عن اتمام مهمتهم بتفليس وبيع مصر

تم تعديل 16 مايو 2011 بواسطة raouf

[pink rose]

مفيد شهاب : براءة

فاروق حسنى : براءة

فتحى سرور : براءة

أمين أباظة : براءة

الجبلى : براءة

مبارك : ملوش نفس يروح السجن (فى حالة نفسية سيئة و كل ما يجيبولوا سيرة طرة الاذين اليمين عنده بيتهز و يرتجف)

سوزان : وجع فى الحاجب مع الحاجة للراحة فى شرم الشيخ 4-5 سنين لحين الشفاء

قانون تصالح مع رجال الأعمال الشرفاء اللى خدوا ملايين الأمتار ببلاش بحسن نية

مش فاضل الا كمال الشاذلى يطلع من القبر وياخد براءة

هاقترح على القضاة محاكمة الثوار لانهم تعبوا السادة الشرفاء سرور وحسنى ومبارك واخروهم عن اتمام مهمتهم بتفليس وبيع مصر

يا جماعة مش معنى انهم اخدوا برءاة انهم فعلا ابرياء ممكن جدا الناس دي تكون مستفة ورقهم تمام و من زمان

فا تفتكروا الحل ايه نروح نأمم ثرواتهم زي ثورة يوليو و ناخد عاطل على باطل

و الله انا من الاول قولت المهم ان حنفية النهب اتقفلت و الفلوس دي على الله بقى ترجع او ما ترجعش مش لازم نفضل حاطيين الناس دي في دماغنا

المهم دلوقتي نقنع ازاي الناس انها تشتغل بعد ما الاعلام طلع بوظ الحكاية بان رد المبالغ المنهوبة لو اتوزع هايكون نصيب الفرد كذا

و الناس من ساعتها بقى قاعدة مستنية ينادوا على اساميهم و يسلموهم حصتهم في المال العام

و يبقى الشعب م م ع

[fatfouta]

مع انهم بيغطوه دايما بالملاية لكن المرة دى الكاميرا شافته

[tarek hassan]

فتحي سرور إلى "طره" مجددًا على ذمة "موقعة الجمل" رحلت الأجهزة الأمنية عصر اليوم أحمد فتحي سرور رئيس مجلس الشعب المنحل إلى سجن مزرعة طره لتنفيذ قرار حبسه 15 يومًا على ذمة تورطه في الاعتداء على الثوار بميدان التحرير يومي 2 و3 فبراير الماضي فيما سُمِّي إعلاميًّا بموقعة الجمل.

ويبدأ سرور اليوم تنفيذ القرار الذي أصدره المستشار محمود السبروت رئيس هيئة التحقيق في موقعة الجمل 20 أبريل الماضي، بعد قرار جهاز الكسب غير المشروع إخلاء سبيله بكفالة 100 ألف جنيه.

واتهم سرور بالتحريض على قتل المتظاهرين، وإدارة جماعة منظمة من البلطجية والخارجين على القانون؛ بغية قتل المتظاهرين السلميين العُزَّل بميدان التحرير، والاعتداء على حرياتهم الشخصية والعامة، والإضرار بأمن المجتمع والسلم العام.

[ذهبية]

هو مبقاش الا اخبار عن النظام السابق مين اللى خرج ومين اللى دفع غرامة

لا ام عن المظاهرات لا ام عن البلطجية

لا ام عن مبارك و مراتة و ابنة

هنفضل عايشين فى جلابية الماضى و ماسكين فى ديلها كدة كتير

امتى هنتكلم عن بكرة بقى

امتى هتكلم عن مشروع جديد اتعمل ولا فرص للشباب و لا اراضى

بتتوزع على شباب الخرجين

و لا قروض لمشاريع جديدة

و لا مصنع بيتفتح

ولا مشروع اسكان بدا العمل فية

و لا طرق بتتسفلت ولا اى حاجة اى حاجة لبكرةةةةةة

هو بكرة دة مش عايز يجىىىى

[ام سلمي]

ربنا يستر وما يطلعوش سرور بكفالة في قضية موقعة الجمل كمان ونلاقيه بره طرة

وصول سرور إلى وزارة العدل لتجديد حبسه فى "موقعة الجمل"

الأحد، 29 مايو 2011 - 10:42

وسط حشد كبير من أنصاره، حضر الدكتور أحمد فتحى سرور من محبسه بمزرعة سجن طره إلى مقر وزارة العدل، وذلك لنظر تجديد حبسه أمام المستشار محمود السبروت، قاضى التحقيقات المنتدب من وزارة العدل، للتحقيق فى واقعة الاعتداء على المتظاهرين والمعروفة إعلاميا بـ"موقعة الجمل".

وكان سرور وصل إلى مقر وزارة العدل داخل سيارة ترحيلات مصفحة وقام أنصاره بتحيته" بنحبك يا دكتور"، وهم يطرقون بأيديهم على سيارة الترحيلات، فيما قام عدد منهم بتعليق لافتات على الصور المواجهة لوزارة العدل مدون عليها "العدل العدل لسرور".

اليوم السابع

تم تعديل 29 مايو 2011 بواسطة ام سلمي

[mezo]

ربنا يستر وما يطلعوش سرور بكفالة في قضية موقعة الجمل كمان ونلاقيه بره طرة

وصول سرور إلى وزارة العدل لتجديد حبسه فى "موقعة الجمل"

الأحد، 29 مايو 2011 - 10:42

وسط حشد كبير من أنصاره، حضر الدكتور أحمد فتحى سرور من محبسه بمزرعة سجن طره إلى مقر وزارة العدل، وذلك لنظر تجديد حبسه أمام المستشار محمود السبروت، قاضى التحقيقات المنتدب من وزارة العدل، للتحقيق فى واقعة الاعتداء على المتظاهرين والمعروفة إعلاميا بـ"موقعة الجمل".

وكان سرور وصل إلى مقر وزارة العدل داخل سيارة ترحيلات مصفحة وقام أنصاره بتحيته" بنحبك يا دكتور"، وهم يطرقون بأيديهم على سيارة الترحيلات، فيما قام عدد منهم بتعليق لافتات على الصور المواجهة لوزارة العدل مدون عليها "العدل العدل لسرور".

اليوم السابع

خلاص افرجوا عنه نهائيا فى موقعة الجمل ب 100 الف جنيه والخبر لسة حالا على قناة الحياة

[se_ Elsyed]

سرور إتهبد حته بـ 15 يوم تاني

حبس طلعت القواس 15 يوما فى موقعة الجمل وتجديد حبس "سرور"

الأحد، 29 مايو 2011 - 16:28

قرر المستشار محمود السبروت قاضى التحقيقات المنتدب فى واقعة الاعتداء على المتظاهرين والمعروفة إعلاميا بموقعة الجمل تجديد حبس الدكتور أحمد فتحى سرور رئيس مجلس الشعب السابق 15 يوما على ذمة التحقيقات فى موقعة الجمل، كما تقرر حبس طلعت القواس عضو مجلس الشعب المنحل عن دائرة عابدين 15 يوما على ذات القضية.

[rewsha]

انا احوليت يا ناس mfb:

اصدق انا مين بقى ؟ :huh:

الخبر اللي كاتبه ميزو :cry1:

وله الخبر اللي كاتبه س س :D

طبعا انا نفسي الخبر اللي كاتبه س س هوه اللي يبقى صح

مش علشان هوه سي السيد طبعا :beee: .

لكن علشان كلنا نفسنا ان سي شرور يفضل مشرف جوه بورتو طره

خصوصا ان الجو بقى حر اليومين دول وموسم المصايف قرب

[ام سلمي]

اتطمني يا روشة الحمد لله خد 15 يوم

[rewsha]

اتطمني يا روشة الحمد لله خد 15 يوم

تسلمي يا ام سلمى

تستاهلي الواحد ينقطك بواحده خضراء(دي هاتلاقيها في النقاط بتاعتك)

وواحده حمراء

بس الحمراء بتاعتي غير

(انظر لتحت)

.

تم تعديل 29 مايو 2011 بواسطة rewsha

[fatfouta]

رفض تظلم سرورعلى حبسه في "الجمل "

الثلاثاء, 31 مايو 2011 12:55

رفضت محكمة جنايات القاهرة برئاسة المستشار محمد علاء الدين عباس وعضوية المستشارين وفيق احمد واشرف ابراهيم التظلم المقدم من الدكتور أحمد فتحى سرور، رئيس مجلس الشعب السابق، على قرار تجديد حبسه 15 يوما في موقعة الجمل .

[fatfouta]

الجنايات تؤيد حبس فتحي سرور..ومنع نظيف وفضلي من التصرف في أموالهم

[fatfouta]