حقيقة .. أم إشاعة؟؟؟

[Om Zayd]

السلام عليكم و رحمة الله و بركاته

كثير بجيلنا ايميلات بنصائح .. معلومات او تحذيرات و بيطلبوا ننشرها

بحسن نية كثير بنعمل ده

ثم

يصدمنا أحدهم انها خرافة

او كذبة

او خدعة

ايه رأيكم نجمعها هنا

و نكتب اللي نعرفه عنها .. حقيقة أم إشاعة؟

او لو مش عارفين .. نحطها هنا و نسأل

[طارق مصرى]

أكتر حاجة بتنفخنى حكاية اطبع الورقة اللى فيها اذكار او ارسلها ل 10 من معارفك و ستجد خيرا كثيرا

و اذ لم تفعل سيحدث لك ما حدث لاحد التجار الذى خسر كل ثروتة او احدهم الذى خسر اولادة و كثيرا من هذه الخرافات الت الاسلام منها براء

- رسائل اخرى تاتى على الايميل بان انا فلانه من دولة افريقية و مش عارف هاربانة و عندها كام مليون

فى فرنسا و محتاجة من انا العبد لله فقط 10الاف دولار علشان تسافر و تسحبهم من البنك و نقتسم المبلغ (فى المشمش طبعا)

و مش عرف فى فعلا مغفلين بيبعتوا فلوس للنصابين دول؟

[Om Zayd]

مبدئيا .. لو حاجة دينية .. أحاديث او أدعية

تأكد منها .. بحث بسيط في موقع الدرر السنية

http://www.dorar.net/enc/hadith

http://www.dorar.net/enc/hadith_spread

اللي يلاقي موضوع عن حاجة زي دي هنا في المحاورات يحطها هنا

زي ده

سمعتوا عن جوال الرمانة؟

[Om Zayd]

- رسائل اخرى تاتى على الايميل بان انا فلانه من دولة افريقية و مش عارف هاربانة و عندها كام مليون

فى فرنسا و محتاجة من انا العبد لله فقط 10الاف دولار علشان تسافر و تسحبهم من البنك و نقتسم المبلغ (فى المشمش طبعا)

اقرا ده

ماذا تفعل لو جائتك مثل هذه الرسالة.؟؟؟ نصبات محترفات افريقيات واروبيات

فيه بيعملوها بشكل اكثر احترافا

بيبعتوا ايميل باسم واحد من ال

contacts

بتوعك

و انهم معاهمش فلوس خالص و في رحلة برة و تليفونهم اتسرق

و يطلب تبعتله فلوس

[Om Zayd]

الموضوع ده عن الخرافات اللي بيروجوها على الايميل

حقيقة بعض الرسائل الدينية على البريد الإلكترونى

[Om Zayd]

مش عارفة بتوصلكم ايميلات تدعوكم للتصويت من اجل الحجاب او الاعتراف بالاسلام

أغلبها بيبقى غير ذي أهمية

و أحيانا بيكون فات معاده من فترة طوييييييييلة

منهم واحد كان في المانيا .. و الغريب ان اللي باعتهولي بيدرس هناك!!! و هو مقفول من فترة طويلة و كاتبين انهم مش عارفين ليه لسة ناس بتحاول نشره

اتاكد الموقع اللي مطلوب منك تصوت فيه ده ايه

كمان لو بلغة مش عارفها .. يا ريت تترجم الصفحة بجوجل

أحيانا بتبقى حاجة ملهاش اي علاقة باللي في الايميل

:closedeyes:

[Om Zayd]

حد جاله الايميل الخاص بتجنب تناول الجمبري مع عصير البرتقال

لانه يصبح شديد السمية؟

يبدأ ب مقدمة عن حالة وفاة غريبة في تايوان و الاعراض تسمم زرنيخ

و ان التفسير الذي توصلوا اليه بعد جهد هو انها تناولت كمية كبيرة من الجمبري مع كمية كبيرة من عصير البرتقال الذي يحتوي على كمية كبيرة من فيتامين سي

الذي يختزل مركب اكسيد الزرنيخ 5 و يحوله الى صورة شديدة السمية

بالتقصي.. لم نستطع الوصول لهذه الحالة

ايضا يستلزم هذا ان يكون الجمبري من مصدر ملوث بالزرنيخ

موضوع الجرعة.. يتطلب كمية رهيييييييييييييييبة من الجمبري و فيتامين سي تتناولها سويا

الخلاصة .. نسبة حدوثها في الظروف الطبيعية.. تقترب كثيرا من الصفر

-طبعا ده في حالة ان الشخص لا يعاني من حساسية للماكولات البحرية-

ساعتها الوفاة من الحساسية و ليس تسمم الزرنيخ