اعتصام ماسبيرو .. لماذا ؟!

[Simba]

يعقد اتحاد شباب ماسبيرو مؤتمرا صحفيا فى الرابعة من مساء اليوم، السبت، أمام مبنى اتحاد الإذاعة والتلفزيون للإعلان عن مطالبهم، وموقفهم من بيان رئيس مجلس الوزراء وشروط تعليق الاعتصام.

ويتناول المؤتمر عدداً من القضايا بشأن الرد على بيان الحكومة ونتائج الجلسات التى عقدت مع المجلس العسكرى، علاوة على التأكيد على ضرورة الإفراج عن المعتقلين الأقباط على خلفية الاعتصام الأول، وتحديد مدة زمنية لتلبية كافة المطالب التى تقدم بها المعتصمون والكشف عن بعض الحقائق فى الأحداث الطائفية التى تعرض لها الأقباط خلال الفترة الأخيرة.

ويتحدث فى المؤتمر القمص متياس نصر والقس فلوبتير جميل ورامى كامل وايفون مسعد وبيشوى نادى أعضاء الاتحاد، كما تم إعداد ساحة بالاعتصام أمام مبنى الإذاعة للإعلاميين والصحفيين.

ندور في نفس الدائرة ولا سبيل للخروج فيما يبدو الا بلوي ذراع الدولة

لا افهم صراحة ما هو مطلوب اكثر من التصديق علي قانون دور العبادة الموحد الذي كان حلم مستحيل المنال وليس صعب فقط

وبعد كل المقالات المعتدلة

ومظاهرات الوحدة الوطنية

والبرامج المنادية بحق المواطنة للجميع من اجل مستقبل مصر

لماذا التاكيد علي الافراج شباب الاقباط فقط بدل ان يكون كل شباب الثوار المصري المعتقل قبطي ومسلم

[fatfouta]

ايه اتحاد شباب ماسبيرو وائتلاف مش عارف مين؟؟؟؟

بصراحة بقى تهريج مالوش اى لزمة واهو الجيش حذر من نفاد صبره ارحمووونا ببقى من الاعتصامات اللى مالهاش اى لازمة دى

ربنا يهديكم

[أبوعمار]

دايما بنسمع عن تهديد ووعيد من الجيش للمستببين في الفوضى

والاعتصامات والمطالب الفئوية

والعبث باللي مش عارف ايه.....

فين بقى العقاب... نفذّوا بقى... لأن فيه ناس بتخاف ماتختشيش

وماحدش هايصعب عليا فعلا والله

[Simba]

والكشف عن بعض الحقائق فى الأحداث الطائفية التى تعرض لها الأقباط خلال الفترة الأخيرة.

عايز اقول ان ده اعتصام طائفي من الدرجة الاولي

فين بقي الخوف والحرص علي مستقبل البلد ؟

[Simba]

[

size="5]صرح مصدر أمنى أن أشخاصا مجهولين أطلقوا الرصاص على متظاهرى ماسبيرو من فوق كوبرى أكتوبر، وأسفر عن إصابة اثنين من المتظاهرين.

وألقت قوات الأمن المتواجدة حاليا بالمنطقة القبض على أحد الذين أطلقوا الرصاص وتحاول الآن تأمين الموقع.

يايلا خلينا نشرب بقي

يا تري هيكون ايه سقف الطلبات الجديدة

تم تعديل 14 مايو 2011 بواسطة سمبا

[pink rose]

بادعو الله ان الجيش صبره ينفذ بقى

[Om Zayd]

هيا المطالب كانت بتتضمن مجلس رئاسي؟

شادي الغزالي عامل معاهم حوار و بيقول ان ده اول المطالب

!!!!!

[jonathan]

هو كل واحد عايز يعمله موضوع يشتغل شويةيقوم فاتح اي سيرة عن الاقباط..مش ملاحظين ان نفس المجموعة اللي بتفتح المواضيع و بتعلق هية هية...مش ملاحظين اختفاء الاقلام القبطية المصرية من منتدي المصريين...واضح انكوا مش ملاحظين

[ozoozo]

هو كل واحد عايز يعمله موضوع يشتغل شويةيقوم فاتح اي سيرة عن الاقباط..مش ملاحظين ان نفس المجموعة اللي بتفتح المواضيع و بتعلق هية هية...مش ملاحظين اختفاء الاقلام القبطية المصرية من منتدي المصريين...واضح انكوا مش ملاحظين

للاسف انا كمان ملاحظ

ولكن

هل هذا لشعورهم بالضطهاد مثلا ولا انسحاب من الحياه السياسيه والتقوقع تاني في منظومه الكنيسه

اليوم سيدي الفاضل 90 او 95 % من المسلمين فعلا يناصروا اخواتنا الاقباط لحرق كنائسهم وكثيرا من الاقلام المسلمه هنا دافعت عنهم

نعم هناك احتقان وطائفيه في مصر ضد المسيحيين وبدا يقابلها برد فعل مماثل من المسيحيين

ولكن هل الحل الانسحاب ام المواجهه

[Alattar]

هو كل واحد عايز يعمله موضوع يشتغل شويةيقوم فاتح اي سيرة عن الاقباط..مش ملاحظين ان نفس المجموعة اللي بتفتح المواضيع و بتعلق هية هية...مش ملاحظين اختفاء الاقلام القبطية المصرية من منتدي المصريين...واضح انكوا مش ملاحظين

أهلا بيك

طبعا احنا ملا حظين ان مافيش حد بيشارك فعلا..و لكن هل انت شايف ان دي ظاهرة صحية؟؟

وبعدين الأخوة اللي انت بتقول انهم لما ما بيلاقوش مواضيع يتكلموا فيها..يتكلموا عن الأقباط

هم نفسهم اللي اتكلموا قبل كده عن مهاجمة الكنيسة..و كلنا و لله الحمد..أنكرنا هذا الأسلوب جملة وتفصيلا

سيمبا نفسه اللي فتح الموضوع ده..هو اللي فتح موضوع مهاجمة الكنيسة منذ أيام..و كنا نستنكر هذا الأمر

و كل الأعضاء اللي علقوا هنا..روح اقرأ تعليقاتهم هناك..هلاقينا كلنا كنا حزينين جدا لما يحدث من محاولات الوقيعة بين المسلمين و الأقباط..

أيضا اتكلمنا هنا كتير عن المظاهرات الفئوية..و أنها تؤثر بشكل مباشر علي أهداف الثورة الرئيسية..و علي مكتسبات الثورة

ياريت تقرأ كل التعليقات..وتعرف ان الموضوع ده ليس الغرض منه مهاجمة فئة معينة..و انما الغرض منه مهاجمة الفعل نفسه اللي جاي في أوقات عصيبة تمر بها مصر..و ليس من مصلحة أحد علي الاطلاق حتي المعتصمين أنفسهم..استمرار هذا العبث

تحياتي

تم تعديل 14 مايو 2011 بواسطة Alattar

[Simba]

هو كل واحد عايز يعمله موضوع يشتغل شويةيقوم فاتح اي سيرة عن الاقباط..مش ملاحظين ان نفس المجموعة اللي بتفتح المواضيع و بتعلق هية هية...مش ملاحظين اختفاء الاقلام القبطية المصرية من منتدي المصريين...واضح انكوا مش ملاحظين

يا اخي الفاضل احب اقولك ان غالبية المنتدي العظمي ضد الطائفية اي كانت من اقباط او مسلمين

لكن لازم يكون فيه تقدير ان السحر ممكن ينقلب علي الساحر

اخواتنا الاقباط تقريبا مطالبهم اتحققت او اخدوا وعود اكيد بتحقيقها فايه لازمة الاعتصام عند ماسبيرو وكان من باب اولي ان حضرتك تقولي اسباب الاعتصام

حاجة زي البلطجية اللي ضربوا نار علي المعتصمين وان مكانتش هترفع سقف مطالبهم ما تفتكرش انها هتشارك في التأثير علي السياحة اللي لسه ما اتعافت اصلا حتي الخبر دلوقتي جاي علي البي بي سي

ليه احنا بندي الفرصة للغير انهم يخربوها مش الاحسن نحكم العقل