حد يعرف بيت الدكتور عصام شرف ولا اى حد من المجلس العسكرى

[masraweya]

يقوم ائتلاف شباب الثورة بتجميع الاراء والاقتراحات لحل ازمة السولار بالجهود الشعبية بالتوازى مع الدور الحكومى

لذا نرجوا منكم ارسال اقتراحاتكم لمساعدتنا فى وضع تصور لحل هذه الازمة شعبياً وحكومياً

مبادرة الائتلاف لحل أزمة السولار

يا ريت كمان تقروا تعليقات"النشطاء".. بس متنسوش ..إذا فيه افكار .. تبعتوها

[ذهبية]

ادينى مجال واحد يا عنبو شغال زى الاول

هات اى مجال

السياحة اللى انضربت و لاالاعلام اللى شغال بربع موظفينة علشان اللى ساكنين قدام ماسبيرو

ولاالتجار اللى اتخرب بيتهم علشان الاعتصامات اللى بنتقفل محلاتهم و بتقفل الطرق ليهم

ولا البورصة اللى كل يوم بحال

ولا العقارات اللى اتوقف حالها نتيجة قلة السيولة

ولا المستوردين اللى بيستوردوا بالدولار اللى سعرة اضاعف

ول المصانع اللى مش عارفة لا تستورد الخامات و لا تبيع منتجاتها

يا عنبو

الاقتصاد المصرى كلة شبكة مترابطة ببعضها

لو فكت من ناحية تاكد ان الدايرة كلها هتتاثر

الحل نفوق شوية

الحل نعرف اخرة اللى احنا فية ممكن تودينا فين

لو فية شوية تكاتف من الشعب

دى الى هتخلى الدايرة الانتاج تمشى

[عنبو]

ذهبية

مرسلة اليوم, 01:26 AM

ادينى مجال واحد يا عنبو شغال زى الاول

هات اى مجال

السياحة اللى انضربت و لاالاعلام اللى شغال بربع موظفينة علشان اللى ساكنين قدام ماسبيرو

السياحه اضربت مش بسبب الناس السياحه اضربت بسبب ان الحكومه الموقره مش عاوزه ترجع الامن

وبالنسبه لماسبيروا هو كل اليى شغالين فى الاعلام شغالين فى ماسبيرو!!!!!!!!!!!!!!!!!!!!!!!!!!!!!!!!!!!! :sad:

ولاالتجار اللى اتخرب بيتهم علشان الاعتصامات اللى بنتقفل محلاتهم و بتقفل الطرق ليهم

ولا البورصة اللى كل يوم بحال

ولا العقارات اللى اتوقف حالها نتيجة قلة السيولة

معرفش ايه اليى دخل التجار فى الاعتصامات هو الاعتصامات بتكون قدام المحلات ولا الوكلات الاعتصامات بتبقى قدام رئاسة الوزراء

ولا امام ماسبيروا

والبورصه محققه ارتفاع لحد دلوقتى وعلى فكره انا مش من الناس اليى بيقولوا ان البورصه مؤشؤ للاقتصاد اذا كانت اساسا

ليست مؤشر على نجاح الشركات اليى بتمقلها هتبقى مؤشر للاقتصاد رأى ولا اجبر عليه احد طبعا

وبالنسبه بقى للعقارات المفروض فى حالة عدم الامن اليى الدوله مسؤله عنها ومش عاوزه تحلها بتقف حركة البيع والشراء

وده حاجه عاديه يعنى مش جديده

ولا المستوردين اللى بيستوردوا بالدولار اللى سعرة اضاعف

ول المصانع اللى مش عارفة لا تستورد الخامات و لا تبيع منتجاتها

دولار ايه يا ذهبيه اليى سعره اتضاعف ده كل اليى زادهم فى الليله دى 30 قرش يبقى اتضاعف ازاى بس

وباقى كلامك علشان الامن اليى قولت وهفضل اقول ان الدوله مش عاوزه ترجعه

الاقتصاد المصرى كلة شبكة مترابطة ببعضها

لو فكت من ناحية تاكد ان الدايرة كلها هتتاثر

الحل نفوق شوية

الحل نعرف اخرة اللى احنا فية ممكن تودينا فين

لو فية شوية تكاتف من الشعب

دى الى هتخلى الدايرة الانتاج تمشى

ياجماعه المشكله فى مصر مش ان الناس مضربه عن العمل هو الناس لاقيه شغل اساسا المشكله فى مصر ان مافيش امن وفيه فوضى متعمده

والدوله ساكته عنها علشان كده هو ده اليى عامل ركود اقتصادى لكن الناش مش مصربين عن العمل

الشباب اساسا مش لاقى شغل وفيه ناس كتير قوى اتسرحوا من عملهم علشان الركود اليى البلد فيه بسبب حالة الفوضى

رجعوا الامن والاستقرار وانتوا تشوفوا البلد هتبقى ازاى

اليى يُسأل عن الامن والامان الحكومه المصريه

اليى انا عندى شبه يقين انهم مش عاوزين يحلوها والشواهد اليى بتحصل بتؤكد كلامى

تحياتى

عنبو

[عنبو]

مداخله للفاضل براين فى منتدى المطاريد قولت اجبيها هنا علشان تدعم الموضوع ده

دوري على اهرام شهري مايو و يونيو 2010

هتلاقي برضه نفس الكلام عن ازمة السولار

و في يونيو و يوليو 2010

ازمة انابيب البوتجاز

و في يوليو و اغسطس 2010

ازمة الكهرباء

الكلام ده مش جديد و موجود من زمان

طيب ليه الناس بتصر على لاتركيز على وجود ازمه جديده مع انها قديمه و موجوده من زمان ؟

ليه المجلس العسكري مصر على الحديث عن الازمه الاقتصاديه الخانقه ؟

يا دكتوره مصر كسبت من فرق تصدير الغاز و البترول في ال 4 شهور اللي فاتوا حوالي 1.5 مليار دولار

محدش اتكلم عنهم ليه ؟

الناس بتتكلم عن 3 مليار دولار بنصرفهم شهريا

ده على اساس ان البلد كانت بتدخل كل شهر 3 مليار دولار ؟

طيب منهم مليار متغيروش دول زادوا كمان و هم بيع الغاز و البترول

دخل قناة السويس لم يتأثر التأثير الرهيب

السياحه على لسان فخري عبد النور تأثرت في مارس ب 35% فقط و نسبة اشغال الفنادق في مصر وصل الى 50 % و هي النسبه الطبيعيه لهذا الوقت من السنه

الصادرات المصريه انخفضت خلال الربع الاول ب 8% فقط عن العام السابق

عايزه المفاجأه الاكبر

ارباح الشركات المدرجه في البورصه خلال الربع الاول زادت عن مثيلتها في 2010

و فقط 5 شركات هم من حققوا خسائر

بعد كل ده هيفضل تساؤل

من له مصلحه في تصوير ان هناك خراب في مصر ؟

من له مصلحه في تصوير ان هناك انهيار اقتصادي في مصر

هل هي محاوله من البعض لكي يخير الناس بين الحريه و بين الخبز ؟

انا اطالب بالكشف عن تفاصيل صرف ال 3 مليار كل شهر من الاحتياطيات المصريه

كيف ندرك ان الامر ليس سرقه من جانب مسئولين في الدوله

خصوصا اذا علمنا انه تم القبض على 6 من قيادات وزارة البترول ثبت انهم المتسببين في ازمة السولار لانهم باعوا السولار المدعم الى سفن اعالي البحار و استولوا على الفارق

في حاجات كتير محتاجه شرح و توضيح

لانها تضع علامات استفهام كبيره

Read more: http://www.almatareed.org/vb/showthread.php?t=72297&page=8#ixzz1MhGtmpKP

[suma]

بسم الله الرحمن الرحيم

فعلا أشياء كثيرة تغيرت عضها كنا نتوقعه والآخر لا ،أشياء أثلجتصدورنا وأخري كانت صادمه لنا ،وثالثهأصابتنا بالحيرة ، وأعتقد أنالأسعار زادت بعض الشيءوإذا رجعنا بالذاكرة لعرفنا أن هذا حال البلدمنذ أمد بعيد ..مع كل علاوة للموظفين غلاء مع كل دربكة في النظام غلاء فما السبب ياترى؟؟؟

تعودنا أن نلقي باللائمة على الحكومةوطبعا ده نتاج النظام الأبوي الذي كان يمارس علينا منذ سنوات وسنوات ---الحكومةأفرادها مشغولون بتأمين المستقبل الخاص بتهريب النقد والذهب مع الإحتماءبجنسية أخري حتى يكونوا في الأمان دائما ؛طيب ماذا يفعل التجار ؟؟لاز السوق كمان يكون به ربح إما بزيادة الاسعار أو التهليب أو..أ,..

وللأسف الشعب أغلبه تعود على الصمت والاستسلام للأمر الواقع مثلا الاقسام بها ظلم وبطش نتجنبها ونسكت المعاملات لا تسير الا من طريق خلفي نفعل وهكذا سارت الحياة ،ولم نعود التاجر على احترامنا لأننا لا نقاطعه ولا نبلغ عنعفالقوانين تدلله يبيع لحوم الحمير فيصبح غش تجاري كمن زاد الحليب بالماء وكذا الأدوية المغشوشه ..إذا نحننصمت ولا نقاطع والتاجر يغالي وهكذا دواليك.

أما عن ما يباع .هل هو مصنع عندنا ؟هل تنتجه أرضنا ؟هذا موضوع آخر له وقت آخر ولكن أرجوكم اعملوا بحث عن عدد المصانع التي كانت في مصر ونوعيتها قبل زمن مبارك ثم المصانع الموجوده الآن وياليتكم تبحثوا عن عدد المصانع التي بيعت ولا تنسوا مصانع النسيج.

وسلامي لكم وأسفهأنني نتأت بعض الجراح لدى البعض منكم .

سومه

[لونا]

الأستاذ عنبو كتب الموضوع ده في مايو

و أنا كنت في مصر في يوليو

الأسعار زادت طبعًا

و لكن ده العادي في مصر إن الأسعار بتزيد و لا تنزل أبدًا

لدرجة إن الأسعار السنة دي وصلت لأنها بقت زي السعودية في حاجات كتير

الفواكه و الأجبان و اللحوم و كتير من البقوليات ..

بل إن العيش الفينو في السعودية أرخص من مصر

ده غير إن الملابس سعرها في مصر أغلى من السعودية من زمان

اللي فات ده كان مقدمة

اللي عاوزة أقوله إن التجار في مصر مش ممكن يخسروا

خاصة تجار المواد الغذائية و الملابس

المحلات شغالة عادي جدًا ..

و السوبرماركت لسه بيبيع كل أنواع الطعام .. العادي و المأكولات المستوردة الغالية

و المشاهدة اللي لفتت انتباهي أوي

إن شوارع كتير في مصر في عدة مدن زرتها منها القاهرة و الإسكندرية تحولت إلى متاجر ..

لو ما كانش باعة جائلين ..

ستجد إن أصحاب المحلات احتلوا الأرصفة بعرضها لعرض تجارتهم

ده يدل إن السوق مش واقف و لا حاجة

يا جماعة مصر فيها أكتر من 80 مليون إنسان

كل واحد منهم لازم ياكل و يلبس

ما حدش ييجي يقول إن التاجر غلبان و لازم يرفع الأسعار علشان فقدان الامن و لا عشان خايف على فلوسه اللي في السوق

التاجر اللي بيرفع الاسعار بدون سبب حقيقي .. لأنه جشع ..

و لأنه مش لاقي حكومة تقف له

و لأنه مش لاقي مجتمع متكاتف يقاطع البضاعة الغالية

[ابو محمود]

استاذ عنبو كل سنة وانت طيب .. هناك ملاحظات يجب ان ننتبة اليها ..

رغيف العيش قل وزنة هل لان الدقيق غلى لأأ لان من يقوم بالانتاج غبى ويريد ان يصبح من اغنياء الحرب ويجب التعليم علية ووقفة عندما تسير الامور بعد الثورة

بائع الغاز شركات التوزيع يقوم الاساتذة بتهريب الاسطوانات من محافظة لاخرى مما يحدث ارتباك فى المخزون وايضآ فى التوزيع ويعطى فرصة للموزعين بالزيادة فيربحو ويحصلون على غنائم حرب

الخضار وانواعة من منتجات .. يتم رفع الاسعار من تجار الجملة ناهيك عن الفلاح فترتفع الاسعار أسوة بالباقيين ليحصلو على اسعار ومكاسب كبيرة وتعد ايضآ مكاسب حرب ...

هذا المهم مما يتم انتاجة اما ما يتم ايسترادة فحدث ولا حرج غلاء 90% غش 100% اذآ الجميع اصبحو تجار حروب

ماذا يفعل لهم عصام شرف وزملاءة هذة نتائج اجيال تربت على الكسب والتربح بكل السبل حتى لو مات من يستهلك بضائعهم انها نتاج عصر الفساد فلا نلوم الا انفسنا لاننا جميعآ بالحساب كل هذة الدائرة تتكون من ابناء مصر قرايبى واقارب الجميع انها غياب الضمير الذى هو بالطبع الوازع الدينى الذى هو معرفة الله فلو كنا نعيش فى غابة كنا عرفنا اننا نحكم بقانونها لكن للأسف نحن بشر ويتحكم فينا ضمير فهل تعيد الثورة الضمير ... شوف انت بقى السبيل اية كى نرجع الضمير المسلوب

ملحوظة ... كل الدول التى بها شرفاء يتم اثناء الثورات او الكوارث مراقبة الاسواق وغيرها من المؤسسات ويتم رصد التجار والباعة وتدوين اسماءهم وبعد انتهاء الحدث يتم محاسبتهم وفضحهم .. أزاي يحصل كدة من غير ما يكون هناك ضمير