متابعة فعاليات جمعة النفير \ سبت الزئير \ احد التحرير ,,

[ام سلمي]

تفتكري هو و 15 من شباب الحركة وصلوا رفح ازاي !!

احتمال عشان الجيش ما قدرش عليه !!

هو انا بس افتكرت اني شوفت في رصد تقريبا لقاء لخيرت الشاطر كان بيتكلم عن الزحف لرفح ، وكان قال ان حماس مش عايزة ملايين يروحوا لأن ده في مخاطرة لكن ممكن اعداد رمزية بسيطة ، فا يتهيأ لي ده السبب اللي خللي الجيش سمح لل 15 دول او اي اعداد صغيرة انهم يوصلوا ، يعني لو ده اتفاق بين حماس والجيش ، و6 ابريل بتنفذه خلاص مافيش مشكلة

ده الفيديو بتاع خيرت الشاطر

http://www.youtube.com/watch?v=OIf2pVu8wlo

تم تعديل 16 مايو 2011 بواسطة ام سلمي

[م تيمور المراغي]

فيه الوف بيتابعوا التوبيك ده من خارج المنتدى ,,

اتمنى ان المداخلات فيه حتى لو اختلفنا تكون ارقى من كده ,,

للجميع التحية والاحترام ,,

ياعم الوف ايه بس يا تيمور دول كلهم 2300 منهم الفين اساسا مشتركين معانا فى المنتدى وعاوزين يهاجروا كمان

مش عاوزين ندى الموضوع اكتر من حجمه

وبعدين انا من الصبح بسأل سؤال بقول كام واحد لبى الدعوه بتعت سته ابريل ومافيش حد رد عليا

وبعدين سمعت رقم 15

وطبعا مافيش ملايين زحفت زى ما انت كنت بتقول عارف ليه مافيش ملايين زحفت

لان الناس المؤثره فى الشارع بجد رفضت الموضوع ( الاخوان والسلفيين )

عارف لو كان الاخوان او السلفيين وافقوا على الموضوع كنت هتلاقى ملايين بس للاسف وقتها سته ابريل كانت هتعتقد انها

اليى حركت الناس دى

للاسف يا تيمور كانت بدأت شعبيه تتكون ليكم بعد الثوره ولكن انتوا ضعيتوها تماما بسبب تصرفاتكم دى

للاسف يا باشمهندس انت المفروض راجل مهندس وعارف ان التخطيط للمشاريع لازم يبقى محسوب ليها كل شىء بدقه

ولكن انتم دلوقتى ماشين بالبركه

تحياتى

عنبو

الرجال يعرفون بالحق يا عنبوش و لا يعرف الحق بالرجال ,,

يعني الانتفاضة دي صدقني بقت مرحلة فاصلة في تاريخ السياسة المصرية المعاصرة فحصت و فصلت و محصت كل فريق على الساحة على حده ,,

التيار الاسلامي من ايام الجامعه وكلنا عارفين كان فالق دماغنا و ماكانش وراه غير خيبر خيبر يا يهود جيش محمد سوف يعود ,,

ولما جه وقت الجد انتكسوا و نكصوا على اعقابهم خاسئين ,,

ال 15 راجل اللي دخلوا قطاع غزة دول استقبلهم البدو والفلسطينين هناك استقبال الابطال ,,

لا تتخيل مقدار العزة والشرف والكرامة والمجد اللي حيحمله كل واحد فيهم طول حياته بعد كده

اكيد كنت تتمنى تكون واحد من ال 15 دول مش كده !!

المهم انت بتقول ان العدد كان قليل وده شيئ طبيعي فالناس العادية فعلا تعبت من النضال لانهم غير مؤهلين لده وكتر خيرهم اوي على كده لان ده مش دورهم ولا دي طبيعتهم النفسية ولا يحملون بين ثناياهم قلوب المقاتلين ومش طالبين منهم كل ده ,,

لكن انها توصل يا محمد ان كل الجهات الامنية اللي في مصر يتقدم لها بلاغات من التيارات دي تطالبهم باعتقال النشطاء ومحاكمتهم بتهمة تكدير الامن العام !!

والجيش والنيابة العسكرية تحديدا بيشوفوا البلاغات دي وتتحفظ ولا يتعرضون باي سوء للنشطاء ,,

حنقول تاني ان النضال والمطالبة بالحقوق مش اي حد يقدر عليها لان كل ميسر لما خلق له ,,

بس ماتقدمش في اخواتك بلاغات لانك مسيرك حتحتاجهم في يوم من الايام حتحتاج صلابتهم وقوتهم وانيابهم دي عشان تحميك وتجيبلك حقك لو اي جهة او مخلوق ظلمك ,,

لا تقصيهم يا عنبي ولا تهاجمهم لانهم صدقني درعك وسيفك و ضهرك ,,

[عنبو]

الرجال يعرفون بالحق يا عنبوش و لا يعرف الحق بالرجال ,,

يعني الانتفاضة دي صدقني بقت مرحلة فاصلة في تاريخ السياسة المصرية المعاصرة فحصت و فصلت و محصت كل فريق على الساحة على حده ,,

التيار الاسلامي من ايام الجامعه وكلنا عارفين كان فالق دماغنا و ماكانش وراه غير خيبر خيبر يا يهود جيش محمد سوف يعود ,,

ولما جه وقت الجد انتكسوا و نكصوا على اعقابهم خاسئين ,,

انتكسوا ايه بس يا هندسه هو انت فاكر ان التيار الاسلامى مرضيوش يرحوا معاكم علشان خايفين :protest:

لا يا تيمور مش هما بس الناس مرضتيش تروح معاكم علشان خاطر مصر مصر اولاً ثم من بعد ذلك يأتى الاخرون

لان لو مصر ضاعت يبقى الاسلام والعرب ضاعوا والفلسطنين نفسهم عارفين كده انت عارف انا معاشر فلسطنين

وكلهم اجمعوا ان مصر الاول مصر الان وبعدين يأتى الاخر لانهم عارفين ان لو مصر بقت قويه فلسطين هترجع ليهم

يا بشمهندس مش معقول اسيب بيتى وسخ واروح انظف بيت جارى الاولى ان انظف بيتى يا هندسه

ومتقوليش احنا بنظف الاتنين مع بعض لان معنى كده ان هتستهلك وقت اطول وشوف بقى الخساير اليى هتتنتج بسبب طول الوقت

وشوف كمان جارك اليى بيكرهك ممكن فى الوقت اليى تروح تنظف فيه بيت اخوك ترجع تلاقيه سايب ليك بلوه تانيه فى البيت

مصر اولاً يا هندسه وده كلام الفلسطنين انفسهم سواء اليى بالداخل او الخارج ياخى ايام الثوره كان فيهم ناس

خايفه اصل مصر تضيع بجد وكانوا فاكرينها مخطط امريكى وانا كنت بقعد اقنع فيهم كانوا مرعوبين

وكانوا بيقولوا لو مصر ضاعت يبقى خلاص

ال 15 راجل اللي دخلوا قطاع غزة دول استقبلهم البدو والفلسطينين هناك استقبال الابطال ,,

لا تتخيل مقدار العزة والشرف والكرامة والمجد اللي حيحمله كل واحد فيهم طول حياته بعد كده

اكيد كنت تتمنى تكون واحد من ال 15 دول مش كده !!

لا والله ما كنت اتمنى يا تيمور لانى راجل عملى درجه اولى احتسب فقط الخطوات التى تأتى بنتائج ايجابيه

لكن تقولى استقبال ابطال وفاتحين كل ده ولا ياكل معايا انا اليى يهمنى النتايج الفعليه

ينفع واحد يفتخر ويقول انا اشتركت فى حرب نكسة 67 اكيد لاء طبعا مع انها حرب مع اليهود ولا العبره بالنتايج يا هندسه

المهم انت بتقول ان العدد كان قليل وده شيئ طبيعي فالناس العادية فعلا تعبت من النضال لانهم غير مؤهلين لده وكتر خيرهم اوي على كده لان ده مش دورهم ولا دي طبيعتهم النفسية ولا يحملون بين ثناياهم قلوب المقاتلين ومش طالبين منهم كل ده ,,

والله ما تعبوايا هندسه ولكنهم مش مقتنعين بالخطوه اليى انتوا بتعملوها الناس اليى خرجت فى الثوره خرجت لانها اقتنعت بالفكره

ولو كنتوا اقنعتوهم بالفكره كانوا خرجوا معاكم بنفس القوه والصمود

مش معقول تقنع واحد تقوله سيب امك معرضه للخطر وتعالى دافع عن ام جارك اكيد طبعا امى اولى يعنى لحد لما امن امى وبعدين

ابقى اروح ادافع عن ام جارى

لكن انها توصل يا محمد ان كل الجهات الامنية اللي في مصر يتقدم لها بلاغات من التيارات دي تطالبهم باعتقال النشطاء ومحاكمتهم بتهمة تكدير الامن العام !!

والجيش والنيابة العسكرية تحديدا بيشوفوا البلاغات دي وتتحفظ ولا يتعرضون باي سوء للنشطاء ,,

هو مين قالكم ان الجيش والنيابه بيشوفوا البلاغات دى ويتحفظوا عليهم اصل لو الجيش هو اليى قالكم كده تبقى مصيبه وكارثه سوده

ياريت اعرف مصدر الكلام ده

ثم يا سيدى ان معترض على تصرفك وحاسس انك بتضر بلدى من حقى انى ابلغ عنك الجهات المختصه وهى بقى تحقق معاك

ولكن اليى مش من حقى انى اتعامل معاك مباشرة يعنى وده اليى احنا بنادى به نقول يا جماعه اليى عنده مشكله مع فئه معينه او

جماعه معينه مينفعش تروح تقف لها فيه دوله وفيه قانون والدوله بقى هى اليى تحكم واظن الكلام ده ميزعلش

انا واحد من الناس شايف ان الزحف والكلام ده هيضر بمصر مش هيفيدها وبكتب ضدكم وفيه غيرى مالوش فى الكتابه راح قدم بلاغ

مافيش مشاكل طالما القانون هو اليى هيحكم يبنا

حنقول تاني ان النضال والمطالبة بالحقوق مش اي حد يقدر عليها لان كل ميسر لما خلق له ,,

بس ماتقدمش في اخواتك بلاغات لانك مسيرك حتحتاجهم في يوم من الايام حتحتاج صلابتهم وقوتهم وانيابهم دي عشان تحميك وتجيبلك حقك لو اي جهة او مخلوق ظلمك ,,

لا تقصيهم يا عنبي ولا تهاجمهم لانهم صدقني درعك وسيفك و ضهرك ,,

ياعم ظبط بلدك الاول وبعدين ابقى درو على بلد غيرك انت ليه مش عاوز تعترف بكده ان مصر مولعه وانت سايبها تولع ورايح تطفى فى

بيت جارك اليى قالك خليك عندك طفى بيتك الاول وانت برده مصمم تروح تطفى معاه معرفش ليه

يا تيمور حلى الناس توجهه طاقتهم دى فى مصر وشوف الناس هتقف معاهم ازاى لكن مش تروح تحمل مصر هموم فوق همومها وعاوزنا نقف معاك

يعنى ليييييييه يعنى امال مين اليى هيقف مع مصر ياعم رحوا انتوا حرروا فلسطين وسيبونا بقى نشوف مصر

اهوا الناس عماله تحط افكار لبناء الاقصتاد وافكار لعودة الامن فين بقى سته ابريل من ده كله

لا سايبن مصر ورايحين فلسطين

ياعم خلوتنى اول مره فى التاريخ انى اتفق مع احمد ادام اليى مش بطيقه على رأى

تحياتى يا تيمور

وبلغ الشباب انهم فقدوا كتير قوى من رصيدهم عند الناس

عنبو

[أبو محمد]

الحمد لله الذى جعل لمصر 15 رجلا يقدرون على النضال من بين 80 مليون

[م تيمور المراغي]

مافيش فايده ,,

انت والكل فاكرين ان ال 20 الف شاب اللي حيطلعوا سينا بالمساعدات وللتظاهر حيوقفوا الكره الارضية عن الدوران ,,

امال فينكم انتم

!!

فين ال 84مليون و تسعمايه وستين الف مصري بتعملوا ايه !!

التيارات الاسلامية هي اللي فقدت مصداقيتها عند العرب والمصريين يا محمد ,,

لما انا الاقي شيخ يدقن كل يوم يقول خطب وواجع دماغي بيها ووقت الجد يعمل عاقل ورزين ومصلحة مصر !

اذا كان المرشد العام طلع من فترة وقال لا نعترف بكامب ديفيد

http://ikhwanonline.com/Article.asp?ArtID=21251&SecID=230

وطلع كمان 2009 وقال ان ولائه لامته الاسلامية ولا يعترف بجالنسية المصرية ( هاتوا انتوا الرابط )

دلوقتي خلاص العقل والحكمة والتريث بقى سيد الموقف ,,

[akramgroup]

طيب ياجماعة انتوا بتناقشوا ارش فى ايه

الراجل ليه وجهة نظرة اللى طبعا كلنا مش موافقين عليها

و6 ابريل فقدت فعلا كتير من رصيدها

وواضح ان الموضوع بتاع الزحف والزئير واوغندا مانفعش

والناس تقريبا كلها رجعت وخلص الموضوع

يبقى بقى نبطل كلام فيه وخلصت الحكايه

تحياتى للجميع