أرجو المساعدة السريعة بخصوص السفر إلى السعودية

[Moodylooga]

بسم الله الرحمن الرحيم

أولا بحيي كل القائمين على المنتدى المحترم جدا ده....فكرته و أهدافه حاجة غاية في الرقي والإحترام.

اخوكم مزنوق!!!

ده اللي أحب أبدأ بيه كلامي بصراحة...أصلي في موقف محتاج في نصيحة عاجلة:

مكتب سفر جابلي عقد طبيب تأمين في خميس مشيط بالسعودية وطبعا دي اول مرة هسافر فيها..مدير المستشفى كلمني وإتفقنا على كل حاجة..وخلصت كل اجراءات السفر وهو بعت التأشيرة والمكتب خلصها والحمد لله .......لكن.....

التأشيرة مكتوبة.."إختصاصية طب عام...ومدتها 90 يوم...! مع العلم إني طبيب دكر؟؟

وطلب مني المكتب 7000 جنيه مصاريف مكتب..وكمان مدير المستشفى هناك المكتب قاله اني طبيب تأمين لا يشق له غبار والحقيقة هي اني طبيب عام بفهم في التأمين شوية و عندي شوية مهارات لغة وكمبيوتر...ومش جامد في التأمين ولا حاجة..المهم....

كلمني المدير وصارحته...وهو تقبل أمانتي في عرض الموضوع...لكنه قاللي " موافق لكن سنعيد النظر في الراتب"...والسؤال...

فيه مشكلة في موضوع " إختصاصية" ده ؟؟؟

وهل اوقع العقد بالراتب الأول ولا انتظر أعرف هيعدل الراتب ولا لأ؟؟؟ وهل يستطيع هو فعلا تغيير الراتب بعد وصولي هناك؟؟؟

وكمان شهادات الخبرة المطلوبة مني لازم أكون فيها طبيب تأمين مع إني بشتغل في حاجة تانية خالص!!! هل ينفع أطنش الشهادات دي؟؟ ولا هتفرق معايا هنااااك؟؟؟؟؟؟

شكراااااااا وأرجو الإفااادة

[Deathangel]

بسم الله الرحمن الرحيم

اولا السلام عليكم

اللى اقدر افيد حضرتك فيه هو نقطة 90 يوم

مدة التأسيرة 90 يوم دى ثابتة فى اى تأشيرة عادى انتا لما بتيجى هنا السعودية بيطلعولك اقامة وبتبقى خلاص ال 90 يوم دى انتهت ملهاش لزوم فالنقطة دى مفيش قلق منها لأنها شيىء عادى وموجود فى كل تأشيرات العمل

اما باقى الاستفسارات فان شاء الله الاخوة الافاضل يفيدوك اكتر منى لانى معنديش خبرة فيها