تعبيرية جديدة للأهرام ( اسرار خطة القوات المسلحة لحماية الثورة قبل اندلاعها )

[aimen]

انتقد عشرات النشطاء على موقع التواصل الاجتماعي “تويتر” الخبر الذي نشرته جريدة الأهرام في عددها الصادر اليوم عن خطة القوات المسلحة لحماية الثورة قبل اندلاعها.. وكتب النشطاء عشرات “التويتات” الساخرة معتبرين أن ما قامت به الأهرام يعد تكرارا واستنساخا لما كانت تقوم به قبل الثورة.

- الأهرام كده مش تعبيريه خالص دى سيرياليه، عامله زى لوحات فاروق حسنى

- ناقص الأهرام يقول إن طنطاوي أدمن “كلنا خالد سعيد”

- الأهرام يتقولنا مفيش فايدة .. هي مع أي واحد بيحكم مش مهم مين !يعني متستغربوش لو غيروا إسمها لو السلفيين مسكوا عشان الأثار حرام

- الله يحرقكوا يعني الجيش طلع هو اللي عمل الثورة واحنا ايه؟ عمر الأهرام ما هاتنضف

- صندوق بريد رقم 11511 – شارع الجلاء ، مؤسسة الأهرام أو المجلس الأعلي العسكري – كوبري القبة .. قباحة تلغرافية بقا

- الأهرام تتعامل بمبدأين 1- اللي يتجوز امي اقوله يا عمي 2- وان دخلت بلد تعبد العجل حش واديله

- أنا عاوز بليونية مش مليونية لإنقاذ ضغطي وضغط المواطنين من جريدة الأهرام

- وعلق أحد الناشطين على موضوع آخر متهكما: “مقالة تعبيرية من بتوع الأهرام”.

- أنا كنت جزء من النظام …لما كنت بقرا جرنال الأهرام

- عايزين المجلس الأعلى للقوات المسلحة ينزل بيان ينفى التقرير التعبيرى بتاع الأهرام ده .. تهمة تودى أعضاء المجلس لمحاكمة عسكرية

- -الأهرام مازال يمارس هواية التطبيل للحاكم فلما لم يجد حاكم بدأ فى التطبيل للجيش ودوره فى الثورة قبل أن تقوم والله كلام يضحك

- الأهرام بتؤلك الجيش كان مستعد لمساندة الثورة قبل اندلاعها كمان شوية هنلائى انها كانت انقلاب فى الجيش بس الشعب مخدش بالوا

- الأخوة والأخوات: يحز في نفسي ما يفعله عبد العظيم حماد في الأهرام. هي كانت ناقصة بلاوي؟ دا نافع وسرايا خربوها وحماد ناوي يجيب ضرفها

- الأهرام مع اللى كلمته ماشية.. وشغالة للجيش

- الأعلاميين تركوا دين مبارك وعبدوا الدين الجديد “المجلس” كل يوم بيسبحوا بحمد المجلس لدرجة أن جريدة الأهرام النهارده عملت “حضرة” كامله ليه

- -الأهرام بتقولك الجيش كان عارف ان الثوره هتقوم وناوي يحميها .. يا سلام يا سلام

- -الأهرام اليوم : دهشة في اسرائيل من سرعة و حرفية الانتشار في القاهرة برغم عدم التدريب عليه!!

- “. أحنا لسا في عصر مبارك بس في صورة القوات المسلحة و قائدها المفدي

- ﻟﻤﺎ ﺍﻷﻫﺮﺍﻡ ﻳﻘﻮﻝ ﺍﻥ ﺍﻟﺠﻴﺶ ﺳﺎﻋﺪ ﺍﻟﺜﻮﺭﺓ ﻗﺒﻞ ﻣﺎ ﺗﺤﺼﻞ ﺯﻱ ﺑﺎﻟﻀﺒﻂ ﻟﻤﺎ ﻗﺎﻟﻮﺍ ﺍﻥ ﻣﺒﺎﺭﻙ ﻫﻮ ﻗﺎﺋﺪ 6 ﺍﻛﺘﻮﺑﺮ ﻭﻫﻮ ﻭﻻ ﺣﺎﺟﺔ

- يعني نفهم من اسرار الخطة الفظيعة المريعة للقوات المسلحة المنشورة في الأهرام إن ثورة 25 يناير وصلت الجيش لهدفه بدون أي مجهود

- كان فاضل بس يقولك 864 شهيد من المجلس العسكري و8000 مصاب من المجلس العسكري

وتعليقا على الخبر الذي كتبه الأستاذ عبد العظيم حماد.. كتب ناشطون على تويتر يقولون

- عبد العظيم حماد بتاع الأهرام يتهم المجلس العسكري بالخيانة العظمى على الصفحة الأولى للأهرام. هههههههاااااااااي. يستاهلو عشان هما اللي جابوه

- اللي ما قراش كتوبة رئيس تحرير الأهرام في صدر عدد الجمعة فايته كتييير. الراجل دا كان فين أيام مبارك؟. دا كوميدي أكتر من سرايا

جريدة البديل

[masraweya]

السؤال .. هما بيمسحوا جوخ من دماغهم؟

منطوعين يعني؟

ام هي حملة منظمة؟

أم هي الحقيقة؟

عموما .. أحسن نركز على بنا البلد .. و عينينا في وسط راسنا برده

يا مصر هانت

[Dreamwithme]

اللي فيه داء ما بيبطلوش والنفاق ده ياجماعة إدمان

يعني لو واحد بقاله 30 سنة بينافق صعب يبطل الصنف ده بسرعة

كل ما هنالك إن الطرف الآخر هو اللي بيتغيير يعني اللي كان بينافق مبارك

دلوقتي هينافق المجلس العسكري وشباب الثورة وبكرة هينافق الرئيس الجديد

وهؤلاء الناس هما اللي بيصنعوا الفرعون .......مصر بلد فراعنة صحيح

بس الجيل الحالي مش كده .....الجيل الحالي أعتقد إنه فعلا مهتم ببناء البلد

ورفض الثقة العمياء وتقديس القائد أيا كان .....ربنا يعيننا جميعا يارب