se_ Elsyed بتاريخ: 4 سبتمبر 2004 تقديم بلاغ مشاركة بتاريخ: 4 سبتمبر 2004 لي صديق مقرب مني جداً وتقريباً متربيين سوا يعمل في مكتب احد الوزراء ( والحمد لله ماتشلش في الهوجة الأخيرة دي ) - يعني أي حد عايز واسطة او خدمة إحنا جاهزين ... وكله بحسابه :angry: - ... المهم قاعد معاه الاجازة دي فحكالي حكاوي عن الأخ الوزير المخلوع وبصراحة كان بيحيكلي قبل كده لكن كنت بأحسبه بيهول وبيكبر الموضوع ... وكل الحكاوي لا تتعلق بأشياء شخصية ولكنها تتعلق بإهداره للمال العام وإنفاقه بدون حساب سواء على أسطول السيارات التي يوزعها كيفما شاء على أقربائه - سيارات الدولة - ، وديكورات منزله التي يتم تجديدها كل عدة شهور على خساب صاخب المخل ... بالإضافة إلى شالية الساحل الشمالي ومكتبة الشخصي اللي كان عنده قبل الوزارة ومع إنه قافلة من زمـــــــــــــــتان إلا إن مافيش مانع برضوا كل فترة يظبطه وينقرشه على حسابنا ... واللي خلاني أموت على نفسي من الضحك اللي مثل البكاء إن معظم اللي بيقوموا بالشغل ده من العاملين بالوزارة ... فرجال الأمن بيبعتهم يشيلوا شكاير الرمل والأسمنت على اكتافهم لما يطلع عنيهم والعمال من الوزارة وكله بلوشي ... وحكى لى على زميل لهم بالوزارة اختاره معالي الوزير إنه يشتغل سواقه عنده في البيت ( إنت جايه إشتغلي إيه ؟ ) ، وياريت له .. لكن للهانم حرم معالي الوزير السليطة اللسان واللي قاعدة تبستف فيه وتشتمه في الرايحة والجاية والولد مش قادر يتكلم واخر ما زهق وفاض به راح قدم إستقالته للوزير .. فما كان من ست الحسن والجمال التي بلغت من العمر أرذلة إلا إنها كلمت اخوها اللواء بجهاز أمن الدولة - أشتاتاً أشتوت .. حابس حابس .. اللهم اجعل كلامنا خفيف عليهم - فبعت على الفور زوار الفجر لهذا الرعديد الطائش واقتادوه الي مكان مجهول وقعد 4 أيام وخرج إنسان جديد عالزيرو وجاء بنفسه ليسحب الإستقالة ويقول للوزير بالحرف الواحد بإنه أسف لأن أعصابه كانت تعبانة اليومين اللي فاتوا وإنه مستعد للعمل بروح جديدة .... وزميل اخر زهق من كثر الشغل في المكتب حيث أن الوزير لا يعترف بإن هؤلاء الموظفون بني آدميين ولهم طاقة فقدم إستقالته هو الأخر .. فما كان من الوزير إلا ان نادى على مسرور السياف .. قصدي مدير الامن بالوزارة عشان يعقل الزبون .. فاخذه الرجل وتكلم معه كلام اخ لأخيه .. مواطن شريف لمواطن شريف ... ولمح له بمصيرة المظلم الذي ينتظرة ... فعاد الفتى إلى صوابه وسحب الإستقالة مبدياً إعتذارة على ما بدر منه في لحظة شيطان . العجيب والغريب والمريب في الأمر .. بإنه لسه بيتصل على المكتب لحد دلوقت عشان يحولوا له مكالمات دولية على البيت - بلوشي برضوا وعلى حسابنا - وصديقي بيحلف لي بالعظيم إنهم ساعات بيسمعوا المدام واقفه جانبه وتقول له كفاية بقى ما تتقلش على الناس يقوم يقول لها : اتقل إيه دول رجالتي وناس كويسة .... - ناهيك عن الترقيات والإستثناءات والمكافآت للمقربين منه بدون حساب ... ومع إبداء المديرين والمسئولين بقسم شئون العاملين ابوزارة بإن هذا غير قانوني إلا أنه يضرب بكلامهم عُرض الحائط ويهددهم بالويل والثبور وعظائم الأمور إن لم ينفذوا أوامره بالحرف الواحد ... وعمار يا مصر . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
DARWEEN بتاريخ: 4 سبتمبر 2004 تقديم بلاغ مشاركة بتاريخ: 4 سبتمبر 2004 يا بوالسيد بقى جاي على الوزير أنا كان لي صديق ملازم أول في الجيش بنى شقته كلها وشطبها بعساكر الوحده والتسعيره معروفه .. أسبوع أجازه وغلبنا نحلف له أن ده حرام وهو يقولك ليه ما هم بياخدوا أجازه يشتغلوا ويجيبوا فلوس القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
seastar44 بتاريخ: 4 سبتمبر 2004 تقديم بلاغ مشاركة بتاريخ: 4 سبتمبر 2004 ياعزيزى سى السيد.... اللى قبلنا قالــوا ... ان خرب بيت أبوك ، الحق وخد لك منه قالب .. والوزير .. بتاع صاحبك مش مضيع وقته ولحق شوية قوالب ... كنت ريحتنا وكتبت لنا الاسماء ... والا لازم نهرش دماغنا شوية ونشغل الفهامة ونشعلل الحجارة .. علشان نفهم العباره ... ماهم اللى مشيوا 14 .. والا أقولك مشيها كده دلوقت ... علشان ما نحرجش صاحبك اللى متربى معاك أحسن سيادة اللواء يعلقة فى الفلكه ... ودمتم .. رابط هذا التعليق شارك المزيد من خيارات المشاركة
mnman بتاريخ: 5 سبتمبر 2004 تقديم بلاغ مشاركة بتاريخ: 5 سبتمبر 2004 حمد الله علي السلامة يا س س !! عودا محمودا من ارض النضال والكفاح مصر المحروسة!!! بقي ياراجل مستخسر كام مكالمة دولي و كام عربية علي ترقية علي ديكورات وشاليهات علي عزومات علي اكراميات علي مفروشات علي سفريات و رحلات ... كتر خير الراجل بيتعب معانا قوي وبيسهر علي راحتنا!!! ودي اقل واجب!!! استغلال المراكز في مصر شئ عادي جدا!!! اصبح احد سمات العصر في مصر!! إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
Cleo بتاريخ: 5 سبتمبر 2004 تقديم بلاغ مشاركة بتاريخ: 5 سبتمبر 2004 كنت حكيتليكم قبل كدة مش فاكرة يا 100 مرة يا 115 مرة عن مدير شركة حكومة اشتغلت فيها فترة... و إنه كان بيشترى الباسكيت اللى بيرمى فيه الورق ب 290 جنيه من عند Le Prince ... وانه لما جالنا منقول من شركة تانية... بدل ما يستعمل عربية الرئيس السابق... اشترى جيب شروكى آخر موديل وقتها رغم إن سيارة الرئيس السابق كانت مرسيدس معرفش كام...!!! والغريب إنه أول ما فكر يوفر فى نفقات الشركة... وفر فى نفقات مواصلات الموظفين... علما إن الشركة كائنة على طريق سريع.. ده غير يوسف بطرس غالى اللى كان عنده بند صابون سائل فى الدور بتاع مكتبه بس 3000 جنيه فى الشهر...!!! ده غير قاعة فى مركب الباشا محجوزة بصفة داائمة يوميا لوزارة الاقتصاد ..!!! الله يرحم عمر بن الخطاب و عمر بن عبد العزيز... وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
mnman بتاريخ: 5 سبتمبر 2004 تقديم بلاغ مشاركة بتاريخ: 5 سبتمبر 2004 عمر بن الخطاب و عمر بن عبد العزيز... طيب دول كانوا بيخافوا من ربنا... انما ماشاء الله وزراء المحروسة مبيخفوش من حد!!! يارب يورينا فيهم سنة كبيسة كل يوم من اول النهار لاخرة!!! وش واحد رافع ايدية للسما و بيدعي بحرقة!!! cbyb: cbyb: منمان مساعد اول وزير الطعمية!! إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
Shams100 بتاريخ: 9 سبتمبر 2004 تقديم بلاغ مشاركة بتاريخ: 9 سبتمبر 2004 سيارات المرسيدس الجديدة موديل 2004 التي تم شراؤها للوزراء وهي فضيحة فجرتها الأهالي ولم يرد عليها رئيس الوزراء مفضلاً الذهب وهو ما أغاظ الجريدة فقالت في صفحتها الأولي امس: لم يزل موضوع (لطش) السادة الوزراء للسيارات الجديدة التي اشتريت بحجة انها سيارات ضيافة تخصص لكبار الضيوف محل انتظار لإجابة واضحة من د. نظيف أو من متحدثه الرسمي. وإن كان أحد الوزراء المستفيدين قال في جلسة خاصة: مش صحيح وإنتم عارفين الأهالي ولإن الناس تعرف الأهالي جيداً وتعرف انها صحيفة جادة ولا تنشر إلا ما تعتقد أنه صادق تماماً، فإننا نسأل السيد الوزر ونسأل قبله السيد الدكتور نظيف: إذا كان ما نشرته الأهالي غير صحيح فمن أين أتي عديد من السادة الوزراء بسيارات مرسيدس (عيون) موديل 2004؟ وللعلم فإن قيمة كل سيارة منها تساوي حوالي 700 الاف جنيه، نعم سبعمائة الف جنيه؟ هل اشتروها بأموالهم ومن أين أتوا بالأموال؟ أم نهبوها من مخصصات الضيافة؟ السؤال لم يزل معلقاً ولم يزل بحاجة إلي إجابة، فهل يجرؤ أحد علي الإجابة؟ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان