مصر لم تتغير

[mhamed]

عذرا بهذه الوجوه كالسباعى وغيره الذى هو اصل يحتاجه القضاء للنطق بالحكم فى القضايا اذن اين العدل واين نزاهة القضاء

مصر لم تتغير طالما ان هؤلاء الفاسدين على كراسيهم ومنهم قضاة متفقون مع هؤلاء هذا يحبس ويؤدب حاضر ينفذ رجل مثل

الاستاذ فريد حشيش يضرب ويهان ويسجن وهو برئ اذن مصر لم تتغير ولن تتغير بهذه الوجوه

-------------------------------------------------------------------

فى أول تصريح له عقب الإفراج عنه أمس الأول، قال فريد حشيش، المحقق القانونى بمصلحة الطب الشرعى، لـ«الشروق» إنه لم «يفش أسرارا أو تقارير تتعلق بجهة عمله»، ونفى كذلك أن يكون وجّه سبا لكبير الأطباء الشرعيين السباعى أحمد السباعى، خلال الحوار الذى أجراه مع الإعلامى يسرى فودة عبر فضائية «أو تى فى».

كانت النيابة أخلت سبيل حشيش، بعد مثوله للتحقيق فيما نسبه إليه السباعى من أنه «يشهِّر بمصلحة الطب الشرعى، من خلال حصوله على مستندات سرية، يكدر من خلالها الأمن الوطنى».

وكشف حشيش فى تصريحاته لـ«الشروق» أنه تعرض للإهانة والاعتداء عليه بالضرب داخل قسم شرطة السيدة زينب، وقال: «السباعى مسنود لدرجة أنه قال للإعلامى يسرى فودة، إنه سوف يتم حبسى قبل وصولى إلى النيابة وهو ما تحقق بالفعل»، وأضاف: «تعرضت للصفع على وجهى من بلطجية القسم، وتم التنكيل بى داخل الحجز من قبل المسجلين خطر، والذين حاولوا افتعال مشاجرة معى بإيعاز من ضباط القسم، الذين أوصوهم بإهانتى».

وقال حشيش: «كل جريمتى، هى أننى كشفت عن فساد وقع خلال الثورة، أبرزه الاستهانة بجثث الشهداء، والعديد من المغالطات التى شهدتها التقارير للتخفيف من حدة الجريمة التى ارتكبها النظام الفاسد، وهو ما يؤكد أنه كانت هناك تعليمات عليا من النظام الفاسد بطمس الحقيقة وإهدار كرامة الشهداء، وإثبات أنهم توفوا اختناقا بالغاز وليس بالرصاص»..

وأضاف: «أريد تشكيل لجنة لفحص تقارير الطب الشرعى الصادرة للشهداء بمعرفة أطباء معاونين ليس لهم صلاحية التشريح أو إصدار تقارير، وأطالب بالتحقيق الفورى معهم ومع السباعى، لأنهم مسئولون عن تلك التقارير المخالفة للحقيقة».

وتابع: «أطالب كذلك باستدعاء الدكاترة ماجدة القرضاوى، وإسماعيل محمد وأيمن فودة، وكمال السعدنى حتى يطلعوا على تقارير المعاونين الذين كلفهم السباعى بتشريح جثث الشهداء لإثبات الحقيقة».

وطالب حشيش وزير العدل بالتحقيق فى الملف الذى قدمه للنيابة ضد كبير الأطباء الشرعيين «والذى يحتوى على مخالفات عديدة لابد أن تخرج إلى النور».

وقال: «السباعى يسانده بعض فلول النظام الفاسد، ويستغل نفوذه حاليا فى قرارات التعيين المزمع إجراؤها قريبا فى المصلحة، وهناك كثيرون يريدون تعيين أبنائهم فى مصلحة الطب الشرعى ولذلك يقف إلى جواره الكثيرون حتى يفى بوعده ويعيّن أقاربهم».

[mhamed]

فاروق حسنى بعد البراءة: كنت واثقاً من عدالة القضاء

هذا واحد البقية تأتى وكلهم يثقون فى عدالة القضاء

[عنبو]

مصر اتغيرت يا استاذ محمد

ولكن احنا مش فى جنه اكيد هيبقى فيه انتهاكات واكيد هيبقى فيه تجاوزات

ولكن المهم اننا منسكتش على الانتهاكات دى لازم نقف لازم نقول لا

لما موظف يطلب منى رشوه قوله لا وهتخلص الشغل مش استسلم يعنى

متنساش برده ان جزء من اليى حصل لينا الفتره اليى فاتت هى سكوتنا وخنوعنا دلوقتى

لا اتكلم وهتلاقى اليى يسمعك ويوصل صوتك

الوزير كان بيقول لابراهيم عيسى انا بخاف وانا جاى اخاد القرار لان دلوقتى فيه محاسبه

لازم نتكلم ولازم نعلى صوتنا ونزعق ونقول ونشاور على الغلط علشان نغيره مش نسكت ونقول وانا مالى

لازم كلنا نقف مع الاستاذ حشيش علشان ياخد حقه

تحياتى

عنبو

[mhamed]

لازم نتكلم ولازم نعلى صوتنا ونزعق ونقول ونشاور على الغلط علشان نغيره مش نسكت ونقول وانا مالى

لازم كلنا نقف مع الاستاذ حشيش علشان ياخد حقه

تحياتى

عنبو

الاستاذ حشيش بكل ادب طلب يعمل محضر بسبب انه اضرب بالالم الظابط قاله مشفتش

كرر الطلب تانى ومحدش عبره

[لماضة مصرية جدا]

السلام عليكم و رحمة الله و بركاته

العنوان صادم اوي

مصر لم تتغير

حضرتك شايف كده

و مش عايزة اغرق نفسي في جرعة تفاؤل غير موضوعية بالرغم من يقيني ان القادم قطعا افضل

بس ممكن اسأل حضرتك سؤال

اذا انت عندك نبتة السوس عمال ينخر فيها اديله 30 سنة...كل يوم بطريقة منظمة جدا...و ع الرغم من كده النبتة لسه بتعارف و صامدة

و بعدين في يوم روحت اخدت قرار انك تهوي التربة...راح كل الديدان طلعت منها...و فتحت الشباك و ابتديت تهتم بيها

هل تفتكر من مجرد الخطوتين دولم خلاص النبتة راح تطرح سنبلة قمح عفية؟؟؟

التغيير اللي بندرو عليه و بنحلم بيه مكنشي هيجي من مجرد تنحي شخص في يوم معين....احنا لازم نحط قدام عينينا خطة طويلة المدي و نتحلي بكل ذرة يقين جوانا انه هيحصل

و زي ما الفساد و الافساد تم بطريقة متعمدة لمدة 30 سنة يبقي علي الاقل نستني 3 سنين و نشوف "النبتة" دي راح تطرح ايه

بالنسبة للاحداث اللي حضرتك اوردتها انا شايفة ان التغيير في حد ذاته في ارساء مبدأ ان مافيش حد فوق القانون الكل راح يتحاسب...

و ده بيتطبق دلوقتي

و الشعب كله عينه علي كده

يبقي فيه تغيير

و هيبق اكتر

و في الاتجاه اللي بنحلم بيه لبلدنا

بس المزيد من الصبر

و دي وجهة نظري

تقبل مروري

تحياتي

[mhamed]

السلام عليكم و رحمة الله و بركاته

العنوان صادم اوي

وعليكم السلام ورحمة الله وبركاته

العنوان صادم لان الجميع لايرى شفافية فى القضاء وكل شئ الان مربوط بحكم القضاء برئ يسجن ومجرم ينعم بالحرية

ظباط مدانون يخلى سبيلهم وكأن لم يكن هناك محاكمة لهم والنطق بالحكم لايسمعه من فى القاعة ولكن يرون الظباط يخرجون من القفص

ويظهر ان الحكم قاله القاضى من وراء الستار وسمعه الظباط ولم يسمعه من فى القاعه اين نزاهة القضاء بعد ذلك

التى تنتظرها العالم حتى يردون اموال مصر المنهوبه

العنوان صادم لان لا يتم تغيير فاسد او غير كفء فى منصبه الا اذا فضحه الاعلام وشهر به واظهر للشعب انه غير صالح

الثورة حينما تأتى لابد ان تزيل كل فاسد فى منصب سيادى

قضائنا تأجيل .....نوم .... تأجيل .....نوم ....تأجيل

هى الناس دى هتنام امتى

اخماد الثورة

[Howayda Ismail]

مصر اكيد اتغيرت لكن لسة فى ناس مش عاوزة تتغير ولكن اكيد فى طرق كتيرة تجبرهم على التغيير

اننا نكشفهم نقاومهم تطبق عليهم القوانين والغرامات

اوقات باقول زى حضرتك كده لما باشوف سلبيات وتجاوزات كانت موجودة ومازالت مستمرة حتى بعد الثورة

وربما انتشرت وزادت استغلالا لحالة الفوضى وانعدام الرقابة اللى عمت البلد الفترة اللى فاتت

على سبيل المثال حالة الصرع البنائى اللى اجتاحت اسكندرية ومخالفات بالكوم فى تعلية المبانى بصورة

غير طبيعية ومقلقة بعد حالة كبت وتتضيق الخناق فرضها المحافظ السابق عادل لبيب

شئ اخر اشغالات الطريق وانتشار الباعة الجائلين بصورة عشوائية تهدد امن وسلامة الناس

اصبح الرصيف ملكية خاصة لاصحاب المحلات والقهاوى والكافتريات والباعة وعلى المارة اللجوء لنهر الطريق

اجباريا ولايهم معه اطفال ام لا

مازال بعض موظفى الهيئات الحكومية يماطلون فى انجاز طلبك رغبة فى تفتيح مخك زى زمان

اعتقد كل تلك السلبيات يمكن السيطرة عليها بتطبيق القانون وتنفيذه بالقوة اذا لزم الامر

الاهم عزل اى رمز تابع للحزب الوطنى والنظام السابق خاصة فاسدى المحليات وخاربى الذمم

[رضوي]

السلام عليكم ورحمة الله وبركاته

بقالي يومين في معركة نقاشية مع زميلاتي وصديقاتي عن الموضوع دة

بعضهم علي يقين ان مصر لم تتغير وبالعكس بقي ....... اصبحت أسوأ نتيجة لإنعدام الأمن والأمان ......... واننا اصرفنا في تفاؤلنا عن نتائج الثورة

ولحد النهاردة ولا حد اتحاكم منهم واخد حكم منصف لينا ........ ولا فلوسنا المنهوبة رجعت لنا ......... ولا حتى مستوانا المعيشي اتحسن

يعني ببساطة ماشوفناش غير شوية وعود وخلاص ...... يتحبسوا كلهم وبعدين يطلعوا واحد واحد برأة .......... يعني لما كل دول أبرياء ........ يبقي احنا اللي حرامية بقي

دة غير التشكيك في نزاهة القضاء المصري وان احنا بيضحك علينا ودي لعبة وغيره وغيره

دة بالاضافة الي المنشتات المستفزة في بعض الصحف اليومية ......... اللي بجد كفيلة بحرق الدم ع الصبح

غير أخبار مبارك اللي كلها اصبحت تخمين وماحدش يعرف عنه حاجة خالص عيان ولا سليم ولسة مااتحبسش ليه والحوارات دي

ناهيك عن انتشار اساليب البلطجة في الشارع المصري

دة الفريق المتخوف من اللي بيحصل في البلد

صحيح كل الي بيقولوه سليم وعندهم حق في مخاوفهم

ولكن

لما يكون واحد عنده ورم خبيث ...... والورم دة انتشر وكبر اوي ....... ياتري الطبيب بيقدر مرة واحدة يستأصل كل الخلايا الخبيثة من جسم المريض مرة واحدة ؟؟؟

ولا بيبدأ الأول بالعلاج الخارجي والكيماوي واحدة واحدة وبعدها بيعمل استئصال للمنطقة المنتشر فيها الورم ؟؟؟

وياتري بعد مايستأصله الجسم بيرجع لحالته الطبيعية ؟؟؟؟

ولا محتاج فترة مش قليلة علشان المريض يتعافي ؟؟؟؟

مش منتظر اننا نلاقي مصر مختلفة فجأة كدة ............. محتاجين شوية وقت ............ محتاجين عمليات تطهير .......... نفصل الفاسد عن الصالح فيها

اما بقي بالنسبة للبلطجة والأمن اللي مابقاش مستقر في البلد .............. هما البلطجية دول ظهروا بعد الثورة بس ؟؟؟؟

كلنا عارفين كويس اوي ان اعمال الشغب والبلطجة دي نتيجة النظام البائد وموجودة وكانت تحت رعايتة ........... اللي اختلف ان كان فيه تعتيم اعلامي عليها ...... لكن النهاردة بيتم تسليط الضوء عليها لأثارة الفزع والبلبلة

محتاجين شوية امل ممزوج بتفاؤل وعليهم شوية ايجابية

وكفاية اوي ان صوتنا زمان كان مكتوم ......... لكن النهاردة صوتنا عالي اوي ........... ولحد دلوقتي صابرين ومديين فرصة للقضاء يثبت نزاهته ......... لكن لو ثبت عكس كدة .......... احنا مش عاجزين وهنعرف ناخد حقوقنا وبرده بالقانون

[Alshiekh]

لو كنا نريد قضاءا عادلا ، فلنراقب وننتظر

أما لو كان المطلوب قضاءا " ملاكي " فلنعترض على كل حكم ولنقم بالمظاهرات مقدما قبل أن يصدر القاضي حكمه حتى يخاف و " يكش : ويحكم للغوغاء بما يريدون.

لست متخيلا " قاضيا من البشر " يمكنه أن يحكم على متهم بحيادية وخصوم المتهم يتوعدون القاضي والقضاء ، فنرى القاضي يصدر حكمه ويعلنه عن طريق فراش أو حاجب الا في زمن الفوضى الذى نعيشه.

لو اصدر القاضي حكما لايعجبنا ، فالحل ليس تكسير المحكمة ، ولكن هناك اجراءات يعرفها اصغر محامي ، ولكن الاسهل في زمن الفوضى هو التكسير والهجوم و " قلة الأدب "

فى موضوع المحقق فريد حشيش ، أنا شاهدت يسري فودة وهو يتحدث إلى شقيقة فريد حشيش وسألها إن كان القبض على أخوها قد تم بعد أو قبل لقاء الدكتور السباعي وردت بأن ذلك حدث قبل اللقاء مع يسري فودة وكان نتيجة لقاء سابق مع وائل الإبراشي.

فياريت نهدئ شوية قبل اتهام القضاء والنيابة بالباطل لانه لو جلس القضاء في بيته فانتظروا ضياع مصر.

[Om Zayd]

السلام عليكم و رحمة الله و بركاته

دي مداخلة قديمة

الاعلام

يا ريت موجة التشكيك الجاية متكونش في القضاء

القضاء

يَا أَيُّهَا الَّذِينَ آمَنُوا كُونُوا قَوَّامِينَ لِلَّـهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّـهَ ۚ إِنَّ اللَّـهَ خَبِيرٌ بِمَا تَعْمَلُونَ ﴿8﴾ سورة المائدة

أكيد القضاء يحتاج تطهير مثل مؤسسات الدولة كلها

لكن القاضي-مهما كان شريفا- في النهاية يحكمه قانون

و حتى لو مقدرناش ناخد خقنا و نثبت عليهم التهم و نفدوا

نبقى عملنا اللي علينا و كلي ثقة ان حقنا هيجيلنا لحد عندنا ساعتها و ربنا هيجعله عبرة