برامج جدييييييييييدة

[Om Zayd]

السلام عليكم و رحمة الله و بركاته

ايه رأيكم يا محاوراتية .. بعد ثورتنا المصرية .. عايزين تغييرات جذرية

في حاجات كثيييييييييير

بس خلونا في الموضوع ده نركز على الاعلام

أفكار جديدة

برامج جديدة

بنّاءة .. جذابة .. ممتعة

اللي عنده فكرة -من بنات افكاره او شافها برة - يحطها .. نتناقش فيها و نختار منها

و أهه صوتنا بقى بيوصل

:WelEgTks:

[Om Zayd]

بسم الله نبدأ

لاحظت أن نسبة متابعة برامج الطبخ على القنوات المختلفة مرتفعة جدا

-ملاحظة شحصية من احتكاكي بفئات كثيرة و ايضا من موعد اذاعتها و الاعلانات الكثيييرة فيها-

خصوصا .. من "حزب الكنبة".. و أعتذر عن التعبير

ليه منستغلش البرامج دي في نشر الثقافة و الوعي؟؟؟

معلومات بسيطة وسط الحلقة .. يستضيفوا نجوم المجتمع الجدد و "يحكوا معاهم" و هما بيطبخوا

ممكن كاتب له كتاب يعرضه بشكل مبسط

ممكن دكتورة شاطرة

ممكن ضابط محترم

نماذج إيجابية من اعمار مختلفة

يطرحوا عليهم فكرة جديدة تزود الإيجابية في المجتمع

يحاولوا يشركوا الأطفال في البرامج دي

-بيتابعوها اوي على فكرة-

بأفكار تناسب سنهم

تعلمهم المشاركة و الذوق

(مثلا يشتركوا معانا في عمل أكل نوديه لجمعية او مسجد

نعرفهم الاكل بييجي منين و يتزرع ازاي و ناخدهم المزارع

الخ

ايه رأيكم؟؟؟

تم تعديل 1 مايو 2011 بواسطة Om Zayd

[Om Zayd]

برامج تشجع الاطفال يقروا و يبحثوا أكثر

يقولوا رأيهم بطريقة لائقة و يدافعوا عنه بالحجة و الدليل

برامج تسمع من الاطفال و الشباب

برامج تسمع من الناس كلها

تلفزيون الواقع بدل ما يوثق رحلة طالبي الشهرة "الفنية" .. يوثق رحلة طالب ابتدائي في قرية نائية

يوثق رحلة فلاح موسم زراعي كامل

مجموعة مبتكرين يتنافسوا لجايزة افضل اختراع

-على فكرة كان فيه نسخة من برنامج مشابه للاطفال .. افكار مبتكرة و ليست شديدة التعقيد-

برنامج يقرب التاريخ و الجغرافيا للنشىء

-كانوا بيعملوا تمثيليات تاريخية صغيرة للاطفال معرفش بطلوها ليه-

و الجغرافيا ممكن برامج رحلات