السلام عليكم

[المحامى المصرى]

انا العضو

محمد حامد الغنام

اطلب بألغاء الحظر عنى

فلقد قمت بعمل اتصال مع استاذ عادل ابو زيد

وقال لى انه سوف يتصل بسيادتكم لحل اى مشكلة حد منى

اطلب برفع الحظر عنى

وعفا الله عما سلف

(( الأسم محمد حامد الغنام))

[م تيمور المراغي]

اتمنى انك ترجع ان شاء الله يا محمد وعفى الله عما سلف

[التونسى]

والله اول ما شفت اليوزر نيم... ومن قبل ما افتح الموضوع .. قلت اكيد ((المحامى المصرى)) هو محمد حامد الغنام ...وكانت نيتى بقى انى ادخل واكشفك .. بس انت مدتنيش الفرصه وكشفت عن شخصيتك

عفا الله عما سلف .. انا عن نفسى ..كواحد كان بيضاقنى اسلوبك... وفحوى مواضيعك .. عفوت عنك ((اذا كان لى مثل هذا الحق))... وارحب بعودتك ثانية ... بشرط مترجعش لهذا ال ((السلف )) ثانية .. توبه نصوحه يعنى

تم تعديل 28 أبريل 2011 بواسطة التونسى

[tarek hassan]

أنت عايز ترجع لليوزنيم القديم ليه يا محمد

من رأيي لو ممكن خليك على ده كويس

[hOuSsAm]

انا العضو

محمد حامد الغنام

اطلب بألغاء الحظر عنى

فلقد قمت بعمل اتصال مع استاذ عادل ابو زيد

وقال لى انه سوف يتصل بسيادتكم لحل اى مشكلة حد منى

اطلب برفع الحظر عنى

وعفا الله عما سلف

(( الأسم محمد حامد الغنام))

اوعى تسيب اليوزر القديم بتاعك يا محمد

انت حققت رقم قياسى باللون الاحمر :P

70 تحت الصفر ياراجل يعنى احسن من كندا

عالعموم محمد بك انت تشرف والمكان مكانك فى اى وقت ومحدش يقدر يبعدك عنه (مع احترامى للادارة) بس اكيد كل مشكلة وليها حل

وطالما نظم واجراءات وضعات من قبل البشر يبقى ليها دايما تعديلات وحلول من وقت لاخر

المهم انك تتعلم من الفترة السابقة وتتعلم الدرس كويس

كلنا بنخطئ وممكن نكون مستمرين عالخطا بتبنى معتقدات خاطئة

عالعموم اهلا بك صديق واخ (من حق انا محبش اخويا يتحشر مع مبارك يوم القيامة) اختار بقى واحد منهم يانا ياهو

ومنتظرين مواضيعك واثرائك للمنتدى بافكارك البناءة - انا واثق انك هتبقى شخص مميز فى المنتدى (بس المرة دى بلون مختلف عن اللون الاحمر)

تم تعديل 28 أبريل 2011 بواسطة hOuSsAm

[raouf]

مرحبا بك ثانية يا محمد

الاختلاف فى الرأى لا يفسد للود قضية

اهم شىء انك يكون عندك الدوافع والاسباب القوية للايمان برايك والدفاع عنه عند الحاجة

انت هتكون محامى شاطر ان شاء الله

بس نصيحة ما تشتغلش فى قضية اجمع كل الناس انها خسرانة لمجرد انك تخالف الناس او تتشبث يرايك

لا تدافع الا اذا كان هناك اسباب وادلة قوية

[المحامى المصرى]

اطلب من الأدارة

برفع الحظر عنى فى المنتدى

ولقد انتهت اسباب الحظر

فأرجوا الموافقه على الطلب

[Simba]

ده التفاف علي الشرعية الدستورية للقوانين المنتدي :closedeyes:

انت مش طلعت لنا الراجل براءة بنصوص دستور ايه اللي بتنص علي ايه لما خليت الواحد يكره الدستور علي حطه

خليك بالاسم ده وسيبك من الاسم القديم واللون الأحمر الشيوعي ده وابدء معانا المسيرة الخضرا

[ابوهنا]

تعرض اوراقه على امن الدوله اقصد امن المحاورات

ويلف كعب داير على ابواب المحاورات

ويذاكر كل الابوب لانه كله مقرر

وبعد كده يبقى فيه اختبار قدرات

وادي عينه من الاسئله:

حسنى مبارك

1- احبه بشده

2- احبه

3- مين حسنى مبارك

4- القضاء سيقول كلمته فيه

5- اكرهه بشده

على حسب اجابتك سوف نقرر

باهزر معاك

اهلا وسهلا بعودتك

وتنور المحاورات

[mustafagamiel]

اعتقد سبب الحظر على محمد

انه كان بياخد المواضيع كوبي وباست وينسبها لنفسه ودي حركة مش تمام

لذلك لابد من تقديم ضمانات كافية لعدم تكرار ماقمت بفعله

وجهة نظرك انت حر قول زي ما انت عايز تقول

لكن تنسب لك افعال الاخرين ده شيء مستفذ جدا

وشكرا

[م تيمور المراغي]

محمد انا بقيت مريض بمرض ستوكهولم وعاوزك ترجع عشان تحط لنا كل 5 دقايق اخبار مبارك

خصوصا ان عيد العمال قرب وللاسف مش حيخطب فيه خلاص ,,

ويطلع واحد بجلابيه يقول له المنحه يا ريس يقوم هو ضاحك وباصص للحضور وهما كمان يضحكوا والفيلم الهندي بتاع كل سنه ده

لو عاوز ترجع بجد باسرع وقت حط صورتك وانت بيبي

الكل قلبه حيرق انا عارفهم قلبهم طيب :happy:

[المحامى المصرى]

هههههههههههههههههههههه

اكيد بعد مشاعر الحب والأحترام من جميع الأعضاء تجاهى

ومشاعر من الحب والأحترام تجاههم

اعتقد ان الأدارة سوف توافق على رفع الحظر

وعفا الله عما سلف

ننتظر رد الأدارة

[التونسى]

جـــلا جـــلا ... جـــلا جـــلا

دى كارثه .. لأ .. دى مهزله

ياريت تعـــود .. يا قــمر تــلا

حياتنا .. من غيرك ..ضنـــــا

ولا شوفنا من بعـــدك هَنــــــا

وحالتنا.. صبــحت... بالبـــلا

جـــلا جـــلا ... جـــلا جـــلا

يا جماعه .. حلــــوا ..المسأله

مهـــيش.. قـــضيه ..مُعضِــله

ولا حتى... يعـــنى ..مشــكله

لــما.. يعــــود... قــــمر تــــلا

بـــدر الدُجى ..ريــــــم الفـــلا

جـــلا جـــلا ... جـــلا جـــلا

[م تيمور المراغي]

هههههه :happy:

مش قلتلك يا محمد الصورة حتعمل شغل ;)

آهو استاذ تونسي بنفسه كتب في صورة البيبي اجمل الاشعار

المفروض دي ماكانتش تفوتك يا محمد

لما تتزنق

انزل بالجووووكر على طوووول ;)

[Howayda Ismail]

لو عاوز تبتدى صفحة جديدة بجد يامحمد سيبك من طريقة خالف تعرف دى اللى بيمشى عليها ابنى برضه

وبتخلينا نقول جاى وعلى فكرة كان ده رايه فيك لما شاف النقط الحمرا الكتير اللى عندك لانكم شباب زى بعض

وفاهمين اليومين دول اساليب بعض ولانكم حديثى سن عاوزين تكبروا بسرعة من غير تعليم عاوزين تكبروا

بفرض الراى حتى لو غلط

نصيحتى لك زى مابقول له دايما ثقف نفسك اتعلم من غيرك مش عيب الانسان يغلط المهم يتعلم من غلطه وميصرش عليه

حتصدق انه مشترك فى المنتدى من مدة لكنى بوست رجله ههههههههه مايشاركش فيه والا كان زمانه منافسك فى الاحمر

وزمانى طفشت من المنتدى هههههههه

رغم ان بنتى اصغر منه بكتير الا مامنعتش انها تدخل وتشارك ربنا يحفظها اعقل منه

ربنا يهديكم كلكم ويصلح لكم الحال

ارجع لمعرفك القديم ولما تتغير اشارة المرور عندك للاخضر حتعرف انك اتغيرت فعلا

متزعلش منى انا باكلمك زى ابنى

[المحامى المصرى]

متشكر جداا على الكلام الجميل

ومشاعر الحب والأحترااااااااااام

وننتظر رد الأدارة

واتمنى انها ترد فى اقصى سرعه

[أمل حياتي]

اخي محمد كل مكان له شروطه وقواعده

وانت اقررت بشروط المنتدى عند التسجيل فلا بد ان تحترم دخولك اليه

قد يكون لديك وجهة نظر لكن اعتقد في الوقت الحالي احتفظ بها لنفسك

مراعاة لمشاعر اخوانك المصريين على الأقل حتى ان لم تكن مقتنعا بها

ومع ذلك فانا احيي فيك تقبلك واعترافك واعتذارك عن الخطا

وليس كل ما نريد قوله نقوله ما دمنا نرغب في صحبة الاخرين حفاظا على مشاعرهم

[Folana]

السلام عليكم ورحمة الله...

الفاضل "المحامى المصرى" أو " محمد حامد الغنام"

مخالفات حضرتك كالأتى ( والتى لادخل لها بمشاعرك تجاه الرئيس المخلوع ) :

1- الإصرار على نقل المقالات ونسبها لنفسك مخالف بذلك قواعد المكان .

2- مراسلة إحدى العضوات على الخاص تطلب منها التعارف على الماسنجر .

3-التحايل على القرار الادارى بالاشتراك بعضوية ثانية وهو مايخالف القواعد أيضا...وفى هذه الحالة بيتم وقف العضويتين ، ولكن بما ان من الواضح ان حضرتك لا تعلم ، فسيتم الاكتفاء بشطب عضوية "المحامى المصرى" على أن يتم مناقشة موقفك مع أستاذ عادل وباقى الاخوة المشرفين.

تحياتى