ازاي نحس ان احنا كلنا من وطن واحد؟

[Bero]

السلام عليكم ورحمه الله وبركاته

انا في سؤال دايما بيجيلي ازاي ان احنا نحسن من بلدنا ونحسن من المور الداخليه بتاعتها واحنا اساسا ولاد البلد ديه تقريبا في بينهم زي انا بسميها حرب نفسيه

بمعنى

ان لو جينا بصينا على واحد من القاهره ومن الاسكندريه ومن المنوفيه ومن الصعيد ومن الشرقيه كل اللي انا عايزه اقوله ان بيبقى في فرق بين معامله اي حد من الاربعه دول يعني لو بصينا للقاهري والسكندري دول اكتر ناس واخدين امتيازات في البلد ديه (وطبعا كله بالواسطه) نيجي باه نبص للمنوفي تحس انه اكتر واحد منبوز منهم تنزل اسكندريه والقاهره ومعاك عربيه مكتوب عليها ملاكي المنوفيه اسمع باه

يا منوفيييي يا ....... واديله

بالنسبه لاهل شرقيه دول من وجهه نظر كتير احسن ناس وده فعلا اجدع ناس بس في ناس

ازاي احنا عايزين نربي ولادنا على الوطنيه ومعنى الوطنيه واحنا منعرفش معنى الوطنيه الوطنيه من رايي ان احنا كلنا ولاد بلد واحده كلنا اصخحاب البلديه ايه الفرق بين صعيدي وغيره ده حتى لو بصينا للمحافظه الواحده هنلاقي بلاد من المحافظه واخده امتيازات عن غيرها من المدارس والمرافق و....... ليه لان فلان عضو فين وده بالتحديد بيعمله ...

اقول ولا

والله لاقول

المدعو كمال الشازلي

وكفايه كدا

[Guest 7]

تحدث في المجتمعات المنغلقه غير الحره اكثر لان الفرد يستمد قيمته من جماعته وعشيرته اوالمجموعه المحيطه لغياب وجودمساواه او قانون عادل يرجع اليه الجميع .. وتنتشر ثقافه الشك

في الاخر .. والسخريه منه.

[Bero]

تحدث في المجتمعات المنغلقه غير الحره

وانت من رايك يا اخ 007 اننا مجتمع منفتح

انا م عايزه اتكلم عن مجتمع منفتح او منغلق انا كل اللي عايزه اقوله احنا عايزين الوطن ده يبقى احسن بلد في الدنيا ازاي من رايي وجايز اكون غلط ان انا احاول اصلح من نفسي باني وظيفتي اعملها باخلاص اعامل الناس كويس اربي ولادي كويس

يعني اعمل حاجه بدل الكلام الكتير انا متهيالي اننا ضيعنا وقت كتير اوي في الكلام لازم نعمل حاجه واللي لازم يتقال كمان ان في شباب كتير جدا عندهم الطاقه والرغبه انهم يعملو اي حاجه عندهم القدره الماديه انهم يساهمو في اي حاجه ممكن يعملو اي حاجه تفيد البلد ديه بس يعملو ايه وازاي واحنا بنلاقي الاهتمام الاكبر موجه لسكان القاهره الاسكندريهالمدن الرءيسيه انما ولاد المحافظات لاه

من هنا بيبقى في فرق

ده رايي

جايز يكون غلط