الإمارات توقف تأشيرات العمل لبعض للمصريين فى ابو ظبى..

[الباشمهندس ياسر]

رحمة الله ع الشيخ زايد

نار و تخلف رماد

[عنبو]

اليى بيحصل ده اسمه تدخل فى شؤن مصر الداخليه فطبعا هى ورقة الضغط اليى معاهم العماله المصريه اليى فى الخليج

يضغطوا بيها علينا علشان نسمع كلامهم مش فى محاكمة حسنى فقط لا

يعنى ممكن بكره نحب نلغى الدعاره فى مصر ونقفل شارع الهرم تلاقيهم يقولوا لك هيه هتسمع كلامنا وتسيب شارع الهرم

ولا ننزل العماله المصريه

وكأن العماله المصريه فى بلادهم بيشحتوا وهما بيتكرموا علينابالفلوس اليى بناخدها

وكأن الفلوس اليى بناخدها مش بنكون مدخلين قدها الف مره

وكأننا مش بنبنى فى البلد ولا بنعمل مشاريع عملاقه بيتفاخروا بيها

والله حاجه تخنق بجد

هما دلوقتى عارفين ان مصر فى موقف صعب بدل لما نقف جنبها لا بنضغط عليها

طيب يا سيدى اضغط زى ما انت عاوز واحنا مستعدين نموت ولا ان واحد يملى علينا ويقولنا اعمل ومتعملش

واذا كانوا فاكرين انهم اليى بيرزقوا المصريين فليمنعوا السماء ان تمطر

وطالما الموضوع بقى كده واهو ضغط بضغط بقى يبقى كل واحد يعرف حدوده وكل واحد يسعى الى مصلحته

لازم يكون الرد قاسى وغير متوقع نهائياً علشان كل واحد يعرف حدوده

تحياتى

عنبو

[الباشمهندس ياسر]

خلاص يا عنبوف

احنا نروح نحتل الخليج مثلا....؟؟؟

مالك يا عم الحاج اهدي شوية مش كده

[التونسى]

المهم ان صديقى ألمح لى ان المشكله من وجهة نظره مجرد سياسة من الحكومه الاماراتيه لعمل توازن بين الجنسيات هناك

مش متفقه مع صديقك استاذ تونسى فى التفسير دا

لان لو هى عايزه تعمل توازن فى الجنسيات زى ما هو بيعتقد كانت من باب اولى اتخذت اجراءات تحد من اعداد الهنود فيها

مهما كانت اعداك المصريين فلن تقارن اساسا بملايين الهنود الموجدين فى الامارات لدرجه ان الكل بيتهجم على كده باعتبار الامارات هى ولايه هنديه

و دا شيىء معروف و مش سر و ضاحى خلفان نفسه قائد الشرطه فى دبى طلع قبل كدا و قالها بدون غضاضه

او اعداد الباكستانيين

او كانت تقلل اعداد الايرانين المتوغلين فى انشطه مهمه زى تجاره الذهب و الاحجار الكريمه رغم ما بين الامارات و ايران مما صنع الحداد الا انها لم تتخذ اى اجراءات ضد الايرانين الموجودين فى اراضيها

الموضوع لو صح مش تعديل تركيبه سكانيه ابدا اكيد فى اسباب اخرى بخلاف ذلك

حقول لحضرتك حاجه تانيه برده .. فعلا الهنود والباكستانيين وكمان البنغال اعدادهم كبيره جدا فى الامارات .. ولكن اغلبهم يعمل فى مجال البناء ((الفواعليه)).. او فى مجال خدمة البيوت وكده .. لانهم بيرضوا باعمال شاقه جدا وبمرتبات ضعيفه ..وكمان مش بتوع مشاكل ويمين يمين شمال شمال .. يعنى هما مطلوبين ومرغوب فيهم.. وقبلوا اوضاع ..من الصعب ان تقبلها الجنسيات الاخرى .. ومنها طبعا المصريين الا قليلا .. وممكن يكون فعلا فيه هاجس خوف من المصريين على اساس بقى انهم لسه خارجين من ثوره طازه .. وممكن ينقلوها او يساعدوا عليها فى اى بلد تانى .. دا تحليل شخصى منى ممكن يكون سطحى جدا .. لكن غير مستبعد

انا مش عايز اخرج عن الموضوع الاساسى . لكنى بتسائل .. وحقيقى وبدور على تفسير مقنع ومريح .. إيه هى شكل ..او سر العلاقة القويه جدا بين دوله محترمه جدا زى الامارات .. وبين لص.. قاتل ..فاسد.. كاذب.. زى مبارك.. واللى تخليهم يقوموا بالضغط على مصر عشان وقف محاكمته؟؟؟؟؟

تم تعديل 24 أبريل 2011 بواسطة التونسى

[herohero]

المهم ان صديقى ألمح لى ان المشكله من وجهة نظره مجرد سياسة من الحكومه الاماراتيه لعمل توازن بين الجنسيات هناك

انا مش عايز اخرج عن الموضوع الاساسى . لكنى بتسائل .. وحقيقى وبدور على تفسير مقنع ومريح .. إيه هى شكل ..او سر العلاقة القويه جدا بين دوله محترمه جدا زى الامارات .. وبين لص.. قاتل ..فاسد.. كاذب.. زى مبارك.. واللى تخليهم يقوموا بالضغط على مصر عشان وقف محاكمته؟؟؟؟؟

تبادل منافع طبعا احترام لامارات عشان بلدها ومواطينيها انما مصالح حكامها مع مبارك ولهم استثمارات هنا كان بيرعاها مبارك بذمتك هيلاقوا حد\ يدلعهم زي مبارك ويبقى مضيع لينا اي حق ف بلد عربي زي مبارك ياراجل لازم السعودية والامارات يدافعوا بحماس عنه

[عنبو]

خلاص يا عنبوف

احنا نروح نحتل الخليج مثلا....؟؟؟

مالك يا عم الحاج اهدي شوية مش كده

لا ياعم احتلال ايه بس تنقطع ايد قبل لما ارفع السلاح فى وش مسلم مهما اختلفت معاه

واليى قصدته بالرد رد سياسى يا هندزه

خد دى لفها فى سيحاره واشربها بتعمل دماغ كويسه انا مجربها قبل كده

[التونسى]

المهم ان صديقى ألمح لى ان المشكله من وجهة نظره مجرد سياسة من الحكومه الاماراتيه لعمل توازن بين الجنسيات هناك

انا مش عايز اخرج عن الموضوع الاساسى . لكنى بتسائل .. وحقيقى وبدور على تفسير مقنع ومريح .. إيه هى شكل ..او سر العلاقة القويه جدا بين دوله محترمه جدا زى الامارات .. وبين لص.. قاتل ..فاسد.. كاذب.. زى مبارك.. واللى تخليهم يقوموا بالضغط على مصر عشان وقف محاكمته؟؟؟؟؟

تبادل منافع طبعا احترام لامارات عشان بلدها ومواطينيها انما مصالح حكامها مع مبارك ولهم استثمارات هنا كان بيرعاها مبارك بذمتك هيلاقوا حد\ يدلعهم زي مبارك ويبقى مضيع لينا اي حق ف بلد عربي زي مبارك ياراجل لازم السعودية والامارات يدافعوا بحماس عنه

لو كلام حضرتك صحيح .. يبقى ربنا يغني المصريين .. عن العمل فى تلك الدولتين

[عنبو]

عدلت ردى طالما مطلعش صحيح

ما انا كنت داخلة اتخانق فيك....كويس انك عدلته :P

ادخلى بقى اتخناقى معايا انا رديت تانى اهو

[MrASaif]

المفروض ناخد ر د من السفارة الأمارتية فى القاهرة

هي الأجدر بإعطاء رد رسمي بخصوص الموضوع ده وليس السفارة المصرية حيث ان السفارة المصرية مختصة بالتآشيرات التي تصدر لصالح الآمارتيين المسافرين لمصر وليس العكس

فى انتظار رد رسمي من الخارجية الآمارتية او السفارة الآمارتية فى مصر

[Mr MAGED]

الموضوع ده مش بسيط .. وزي مافيش دخان من غير نار .. مافيش برضه اشاعة بدون اساس

واكبر دليل علي كده ان الامارات رفضت زيارة عصام شرف أو بمعني أشيك طلبت تأجيل الزيارة لحدوث تضارب في المواعيد

ده علي اساس ان الخارجية المصرية اتصلت بيهم امبارح وقالتلهم احنا جاينلكم بكرة

طبعا الزيارة مترتبلها من مدة .. والامارات كانت تاني زيارة بعد السعودية ... وطبعا زيارة الامارات اتلغت والسبب مجهول!!!

اكيد طبعا فيه مشاكل .. واكيد طبعا ان كان فيه وساطة امارتية وتم رفضها ..

واكيد طبعا ان فيه غزل مصري ايراني .. وده مش عاجب دول الخليج .. واهمهم الامارات

وهل يا تري زي الاشاعة التانية اللي بتقول ان معظم اموال مبارك تم تحويلها لشخصيات مهمة بالامارات والسعودية ؟؟؟؟

ويا تري ايه هيكون رد فعل القنبلة اللي اتفجرت النهاردة .. لما اتمسكت طرود حسين سالم في المطار

وكانت متصدرة للسعودية .. والمستلم كان شخصية سعودية اكتر من مهمة !!!!

يا تري ايه اللي ممكن يحصل بعد كده ؟؟؟

توكلنا علي الله

[YOUR BROTHER]

لو كلام حضرتك صحيح .. يبقى ربنا يغني المصريين .. عن العمل فى تلك الدولتين

يا ريت تضيف الكويت كمان

صديق ليا بيطلع فيزا زيارة لأخوه الأسبوع الماضى بهجرة الأحمدى فتم تحويله الى هجرة الفروانيةودى أول مرة تحصل

ولما أخد واسطة وراح سأل قالولو بالحرف الواحد "فيه تضييق اليومين دول على فيزا العمل والزيارة للوافدين من بلاد الثورات"

[ozoozo]

ياجماعه بلاش الرعب ده الله يخليكم واللي بيرزقنا بره مصر هايرزقنا سواء في مصر او اي حته تانيه الرزق اتكتب خلاص ورفع عنه القلم

المشكله ان الناس دي ممكن تسرح كل المهن وتسيب الحاجات اللي مايقدروش يستغنوا عنها زي المهندسين والاطباء ويبقوا بيدونا علي قفانا

نقوم احنا نعمل حركه اصيع ونقوم الصبح بدري نجبر اي واحد منهم يجي مصر انه ياخد فيزا من السفاره المصريه هناك مش من المطار

وبعدين نسحب سفيرنا مثلا من هناك بحجه انه عنده بواسير او ان الرمله بتدخل في مناخيره ومش قادر يستحمل الجو ده -مش سبب سياسي يعني -ونفضل 3 او اربع شهور بندور علي سفير مناخيره مقفوله مابيخشش فيها التراب

تقوم مصالحهم في مصر تبتدي تتعطل ويضغطوا علي حكومتهم لانهاء الازمه

في الوقت ده نخفف احنا شروط دخول الايرانيين مصر طالاما ايران بتخوفهم كده يبقي ايران...ايران ....ايران (زي مجدي بتنرفزك طب يامجدي يامجدي يامجدي ...وش ابراهيم حسن)

وفي الاخر سيب وانا اسيب وشوف مين يقول جاي الاول

تم تعديل 24 أبريل 2011 بواسطة ozoozo

[الباشمهندس ياسر]

لا ياعم احتلال ايه بس تنقطع ايد قبل لما ارفع السلاح فى وش مسلم مهما اختلفت معاه

واليى قصدته بالرد رد سياسى يا هندزه

خد دى لفها فى سيحاره واشربها بتعمل دماغ كويسه انا مجربها قبل كده

سياسي ازاي بس الله يهديك ... احنا استحالة نزعل الناس دي ولا نقدر نفكر ف كده ابدا .. الله يرحم زايد

تصدق انا هبقي رئيس مشكلة

سايبكم تهزروا معايا و تضحكوا و واخدين راحتكم ع الاخر

ومش كفاية كده

لا

كمان بتعزم عليا بسيجارة ملفوفة ورد ... قولي يا صاحبي ...هي جامده اوي كده

[عنبو]

لا ياعم احتلال ايه بس تنقطع ايد قبل لما ارفع السلاح فى وش مسلم مهما اختلفت معاه

واليى قصدته بالرد رد سياسى يا هندزه

خد دى لفها فى سيحاره واشربها بتعمل دماغ كويسه انا مجربها قبل كده

سياسي ازاي بس الله يهديك ... احنا استحالة نزعل الناس دي ولا نقدر نفكر ف كده ابدا .. الله يرحم زايد

تصدق انا هبقي رئيس مشكلة

سايبكم تهزروا معايا و تضحكوا و واخدين راحتكم ع الاخر

ومش كفاية كده

لا

كمان بتعزم عليا بسيجارة ملفوفة ورد ... قولي يا صاحبي ...هي جامده اوي كده

احنا اسفين يا ياسر bsh:)

[الباشمهندس ياسر]

فين الكلام السري

بدور عليه مش لاقيه

[MrASaif]

انا كمان بؤكد كلامك من ناحية

حيث قرآت فى خبر فى صفحة الاهرام الاليكترونية الآتي :

يبدأ الدكتور عصام شرف، رئيس الوزراء جولته الخليجية بزيارة المملكة العربية السعودية مساء السبت المقبل الموافق 23 أبريل، يغادر بعدها متوجها إلى الإمارات العربية والكويت وقطر

والنهاردة لسه فى التليفزيون الرسمي القناة الاولي فى النشرة الرسمية قالوا : انه هيروح السعودية ثم الكويت ثم قطر بدون ذكر الآمارات وده بيفسر اني فى توتر بس السبب ايه الله أعلم

[ozoozo]

شوفو المقال ده

عشية زيارة شرف: السعودية ترفض محاكمة مبارك

الاحد 24 ابريل 2011 8:52:39 م

في مقال مطول نشرته صحيفة الانتقاد السعودية امس بعنوان لماذا الخوف السعودي من محاكمة مبارك .. قدمت الصحيفة تحليلا شاملا لمساندة السعودية للرئيس المحبوس حسني مبارك ...

ويبدو ان توقيت نشر المقال له علاقة بزيارة عصام شرف رئيس وزراء مصر الخليجية وفي اطار توصيل رسالة للمصريين ...

وفيما يلي نص المقال :

كشفت صحيفة "الغارديان" البريطانية فى عددها الصادر الخميس 14 أبريل أن "العائلة المالكة في السعودية بذلت جهود مستميتة في كل من القاهرة وواشنطن من أجل منع محاكمة الرئيس المصري المخلوع حسني مبارك"، وتلفت الصحيفة إلى إن "العالم بأسره الآن ينتظر رد فعل المملكة العربية السعودية على قرار النائب العام المصرى المستشار "عبد المجيد محمود" بحبس مبارك 15يوما على ذمة التحقيقات التى تُجرى معه الآن".

قبل موقفها من إنقاذه من المحاكمة، الانحياز السعودي لبقاء نظام مبارك ومساعدته على احتواء ثورة 25 يناير وإحباطها كان واضحا، وقد أدان العاهل السعودي شباب هذه الثورة ووصفهم "بالناس الذين حاولوا زعزعة الأمن والإستقرار في مصر"، وأجرى في الثلاثين من يناير وبعد أيام على اندلاع على الثورة، اتصالا بمبارك معلنا دعمه له، ومن جانب آخر، حض الحكم السعودي مفتيه على إصدار " فتوى" للتشويش على ثورة الشعب المصري واعتبارها فتنة وأن تأييدها تخريب، وقد جاء فيها: "المظاهرات تثير الفتن بين الشعوب والحكام ولها عواقب وخيمة ونتائج سيئة ، بها تسفك الدماء وتنتهك الأعراض وتسلب الأموال ويعيش الناس في رعب وخوف وضلال".

إلى هذا، وفي حمأة التظاهرات اليومية ضد مبارك، أجرت السعودية العديد من الاتصالات بالإدارة الأميركية، تعبر فيها عن خشيتها من مصر بدون مبارك، باعتبار أن ذلك سيؤدي إلى حالة عدم استقرار شامل بالمنطقة.

كما لم تفوت السعودية فرصة، خلال الأزمة إلا وحثت إدارة أوباما على العمل بكافة السبل للحيلولة دون سقوط مبارك.

وفي محاولة منها، لثني الجيش المصري عن عدم التخلي عن مبارك في مواجهة الشعب، أعلنت السعودية تكفلها تعويضه عن المساعدات التي يتلقاها سنويا من الأميركيين والبالغة حوالى المليار و300 مليون دولار، إذا ما أحجمت واشنطن عن دفع هذه المساعدات في حال انخرط الجيش في مصادمات مع المتظاهرين تؤدي إلى فوضى عارمة في بلاد النيل.

من السهولة تفسير "النخوة السعودية" تجاه نظام مبارك ومحاولة إنقاذه، وهذا التفسير في عمقه ينبع من خوف بل رعب سعودي ملموس، من تحولات بدأت تطرأ على السياسات الأميركية في المنطقة، وفيها تشترط على الأنظمة القمعية الموالية لها ومن بينها السعودية حزمة من الإصلاحات السياسية لا تمس الترتيبات الامنية الاقليمية القائمة ولا ينتج عنها وصول نخب معادية للولايات المتحدة إلى السلطة، غير أن توازنات الأجنحة داخل العائلة المالكة في الرياض غير قادرة على احتمال مثل هذه الإصلاحات التي ستعرضها للانقسام وخطر فقدانها ثروات ضخمة (مئات مليارات الدولارات سنويا) وبالتالي خسارة الحكم والنفوذ.

بعد سقوط مبارك في 11 شباط، راهنت السعودية على إفشال النموذج المصري للتغيير، وذلك عبر محاصرته من ثلاث جهات:

1.إثارة الفوضى الداخلية لتعطيل عملية التغيير، وهذا كان واضحا، من ضلوع قوى تكفيرية معروفة بولائها للسعودية (هذه القوى وقفت على الحياد في المواجهة مع النظام وأفتت ضد التظاهر) في تفجير كنائس لتحريك الفتنة الطائفية بين المسلمين والأقباط، وأيضا تفجير قبور ومراقد الأولياء الصالحين لإثارة الفتن المذهبية.

2.التقرب من السلطات الجديدة لأجل تعويم النظام السابق، بالإبقاء على بعض رموزه وتجنيبه المحاكمة أو المساءلة أو نبش ملفاته التي تفوه منها روائح الفساد والسرقة والهدر، وبالتالي وضع خناق على عملية التغيير وقصرها على حدود معينة.

3.الرهان على الثورة المضادة، بالإفادة من بطء عملية التغيير، والاشتغال على الاختلافات في معسكر المؤيد للتغيير وإعادة تنشيط قوى النظام السابق التي ما زالت تحتفظ بمواقعها داخل الدولة المصرية.

ستفضي محاكمة مبارك في حال تحققها إلى فك الحصار السعودي من جهاته الثلاث عن عملية التغيير، باعتباره يمثل "البؤرة" التي تنطلق منها الثورة المضادة، وكون هذه المحاكمة ستجر إلى قوس العدالة معظم رموز نظام مبارك، وهذا ما حدث، بتوقيف نجليه علاء وجمال وفتحي سرور وأحمد نظيف وغيرهم.

وإذا كانت قوى الثورة في مصر أدركت أهمية الاقتصاص القضائي من مبارك وحقبته، فإن السعودية سارعت على أكثر من جبهة على تعطيل هذه العملية، فكانت البداية في ما حدث بميدان التحرير من محاولة للإيقاع بين الجيش والشعب، ثم كان تسريب الرياض تهديدا بطرد العمالة المصرية (حوالى المليون) من السعودية، إلى محاولة التأثير على المصريين ببث رسالة لمبارك عبر قناة "العربية" بهدف إظهاره بريئا ومظلوما، ثم كانت زيارة وزير الخارجية سعود الفيصل إلى القاهرة ولقائه المشير طنطاوي بهدف ثنيه عن قرار جلب مبارك إلى المحاكمة.

وبالعودة إلى عنوان المقالة أعلاه والسؤال نذكّر بأن احد أعداد مجلة "الايكومنوست" البريطانية الشهيرة، الذي صدر في تموز/ يوليو 2010 على غلافه صورة لمبارك مرتديا قناع "أبو الهول" وهو غارق في الرمال المتحركة لهضبة الاهرامات المصرية بالجيزة، رافعا يدا واحدة من بين الرمال وهو يستغيث دون جدوى، وفي داخل العدد كان الملف الرئيسي يحمل عنوان "وداعا مبارك .. وداعا للعربية السعودية

http://www.elbashayer.com/?page=viewn&nid=136405

تم تعديل 24 أبريل 2011 بواسطة ozoozo

[MrASaif]

بس الكلام ده قبل ما حسني يتنحي

ياتري الموقف هيكون ايه بعد التنحي ده اللى هنعرفه الايام الجاية

[masrymasry]

بصوا ياجماعه الناس دي أي الكبار في الإمارات لو هيلاقوا أن موضوع مبارك دا هيعمل ليهم أي مشاكل هيبعوه

والله العظيم انا أتعاملت مع فئه كبيره منهم وأعلم بأفكار الناس دي كويس قوي

كل إللي فيها بس عاوزين يسجلوا موقف ليس إلا علشان كان " الشيخ زايد " بيحب " مبارك " وطبعا الشيخ زايد مكانش عارف إن مبارك مجوع شعبه كل إللي كان بيتقاله أن مصر فقيره وعاوزه مساعدات والمساعدات الماليه تروح في الحساب الخاص لمبارك وأعوانه

علشان كده عاوزكوا تطمنوا الناس دي لو لقت أنهم هينضروا من مساندتهم لمبارك كلهم هيتخلوا عنه وبسهوله

وبعدين موضوع أن العماله المصريه الموجوده في الخليج بتكون ورقة ضغط على مصر انا مش شايف أنها ورقة ضغط علينا بالعكس بتكون ورقة ضغط عليهم هما لأنهم عارفين كويس إيه هي قيمة مصر والمصريين وخصوصا في الوقت القادم بإذن الله

[لماضة مصرية جدا]

السلام عليكم و رحمة الله و بركاته

سفير مصر فى الإمارات ينفى وجود توتر سياسى بين البلدين

نفى السفير تامر منصور، سفير مصر فى الإمارات وجود توتر فى العلاقات بين مصر والإمارات، وقال إن هذا الكلام عار تماما من الصحة، لأن العلاقات بين البلدين فى افضل صورها خاصة بعد ثورة 25 يناير، كما أن هناك نية إماراتية على شراكة إستراتيجية مع مصر، كما أن الاستثمارات الإماراتية مستمرة فى مصر ولن تتأثر

وأكد منصور أن العلاقة بين البلدين أبعد ما تكون عن الأشخاص، لأنها علاقات بين دول، نافيا بذلك ما قيل بأن الإمارات تتحفظ على زيارة الدكتور عصام شرف رئيس الوزراء لموقف الحكومة من محاكمة الرئيس السابق حسنى مبارك .

ورداً على سؤال حول أسباب تأجيل زيارة شرف للإمارات قال منصور فى اتصال هاتفى لـ"اليوم السابع" إن الزيارة جرى تأجيلها لوجود أختلاف فى المواعيد، فما حدث هو أن المسئوليين الإماراتيين كانوا يريدون إتمام زيارة رئيس الوزراء للامارات أمس السبت لوجود أرتباطات دولية مسبقة للمسئوليين الإماراتيين، وقد تعذر ذلك لارتباط الدكتور عصام شرف بموعد مسبق فى محافظة جنوب سيناء ولوجود بعض الاحداث التى تطلبت وجوده فى مصر خلال اليومين الماضيين، فتم الاتفاق على تأجيل الزيارة لموعد لاحق يجرى تحديده بين الجانبيين وستتم الزيارة فى وقت لاحق".

وأكد منصور على أن المسئوليين الإماراتيين ينظرون لمصر على أنها قلب الأمة العربية، وقال أن أى مواطن إماراتى لديه ارتباط خاص بمصر، ومصر بالنسبة لهم هى قلب الأمة العربية، وقال: "لقد سمعت مؤخرا من مسئول إماراتى رفيع المستوى جملة مازالت تتردد فى ذهنى دائما وهو يقول لى استقرارنا من استقراركم، كما سمعت من المسئوليين الإماراتيين بعد الثورة أن هناك تفكيراً فى إنشاء مشروعات استثمارية كبيرة فى الامارات للشباب، وأنه سيكون هناك تركيز على الشباب المصرى، فكيف يكون هناك توتر بين البلدين".

مصدر الخبر

http://www.youm7.com/News.asp?NewsID=397960&SecID=65&IssueID=164

الأحد، 24 أبريل 2011