فكرة موضوع بس مش لاقى وقت

[aimen]

السلام عليكم

فكرة موضوع لمن يرغب بها انا مش لاقى وقت والله

الفكرة هى رحلة فى بعض المتاحف الموجودة اون لاين

لمعلومات اكثر وروابط المتاحف رابط

http://www.makeuseof.com/tag/visit-5-virtual-museums-leaving-home/

مين قال حيعمل الموضوع ده ؟؟؟؟

[لماضة مصرية جدا]

السلام عليكم و رحمة الله و بركاته

اممممم...فكرة جميلة بس عندي سؤالين

هو حضرتك ليه حاططها في ناحية الموشوعات الشخصية ....طب ما تيجي ناجر اتنين شيالين صحتهم كويسة كدهوت (ما هو انا شايفة ان حضرتك حاطط دزنانورات)و نحطها في باب العلوم او التعليم...لانها اكيد نوع من التعليم

السؤال التاني....هي لو احنا حطينا الرابط بس هتبقي مجرد "دليل للمتاحف"

لكن عشان يكون فيها تفاعل من الاعضاء احنا ممكن كل واحد في المكان اللي هو فيه يحطلنا فكرة عن متحف في البلد اللي هو عايش فيه...و يمكن في يوم من ذوات الايام نزور المتحف دوت

ع هامش المتحف

فكرة المتحف في المجتمع العربي عندنا....غير المتحف اللي ممكن تلاقيه بره

يعني مش هو المتحف عشان نحتفظ بالانتيكات و التاريخ...بس بره بيعملوا فيه تفاعل بشكل يحسسك انك فعلا كنت عايش في العصر دوت

فيه متحف مشهور في نيويورك عن الهولكوست اليهودي....حطين صور اليهود اللي راحوا فيما يدعونه و كاتبين قصة حياة كل واحد منهم و مخلين كمان فيه اصوات بتتكلم

(انا شفت الحكاية دي في فيلم ع فكرة...و نفسي اشوفها في الحقيقة)

ع فكرة الموضوع مش محتاج وقت و لا حاجة زي ما حضرتك متخيل...انت افتح التوبيك....و سيبه يجري بين الناس

دي وجهة نظري

صباح حضرتك.....افكار ممكنة جدا

[aimen]

اهلا لماضه هانم

صباح جميل سيادتك

الحكاية كلها

انى بعرض انه اى حد يعمل موضوع عن المتاحف ويضع روابط لها

وصور منها وازاى نتعامل معها ..سواء مصرية او دولية

كلنا نسمع عن اللوفر وغيره من المتاحف لكن يا سلام لو حد يعمل لنا لفة كده بالتوك توك هناك ويدينا صور ومعلومات

اما عن وضعها فى موضوعات شخصية

فأنا بقول لأنها فكرة موضوع ومش موضوع فعلى حتى الأن