ختام الأوليمبياد

[عصام]

شاهدت ليلة أمس ختام دورة الألعاب الأوليمبية فى أثينا ..

وشاهدت رئيسة اللجنة المنظمة يملأها الفخر بما حققته "اليونان" وليس ما حققته هى.

شاهدتها وهى تقول "لقد أرينا العالم ماذا يستطيع اليونانيون أن يفعلوا"

شاهدتها وهى تبدأ كلمتها بتقديم الشكر والعرفان "لزوجها" قبل أى شخص .. ثم لرئيسها المباشر .. ثم لرئيس مجلس الوزراء ;)

شاهدتها تلقى كلمتها التى خلت من أى ذكر لرئيس الجمهورية ....

شاهدتها تلقى كلمتها التى أهدت فيها نجاح الدورة إلى "شعب اليونان" وليس أى شخص آخر.

شاهدتها تذكر "الحضارة اليونانية" فوق السبع مرات .. فشعرت كم هى عظيمة تلك الحضارة .. ولأول مرة أسمع كلمة حضارة وأشعر معها أنها يمكن أن تكون مبعثا للفخر لا للسخرية

قالت زوجتى بينما تملؤها الغيرة الوطنية ... "قدامنا مليون سنة علشان نبقى ********"

قاطعتها قائلا .."فى ظل الأوضاع الحالية .. لن نرقى إلى هذا المستوى (الـــ****) ولا حتى بعد المليون سنة!!

تم تعديل 30 أغسطس 2004 بواسطة esssothegreat

[Cleo]

شاهدتها وهى تبدأ كلمتها بتقديم الشكر والعرفان "لزوجها" قبل أى شخص .. ثم لرئيسها المباشر .. ثم لرئيس مجلس الوزراء 

شاهدتها تلقى كلمتها التى خلت من أى ذكر لرئيس الجمهورية ....

شاهدتها تلقى كلمتها التى أهدت فيها نجاح الدورة إلى "شعب اليونان" وليس أى شخص آخر.

إنشاء الله هانطلع عليها قريب هى وزوجها بعيش وحلاوة... gsm::

أوبس.... سورى....

إنت بتقول اليونان؟؟؟

أنا أصلى افتكرت حتة تانية.... ;)

[seastar44]

الى كليــــو .... باترا

آه منك يا لئيمــــه ...

انتى تقربى لأنيسه الخبيـــثه ....

[Ahmed Mohsen]

قالت زوجتى بينما تملؤها الغيرة الوطنية ... "قدامنا مليون سنة علشان نبقى ********"

قاطعتها قائلا .."فى ظل الأوضاع الحالية .. لن نرقى إلى هذا المستوى (الـــ****) ولا حتى بعد المليون سنة!!

أكمل الكلمات الناقصة عشان تكسب ...........

برضة أكمل ;)

[mnman]

وبعد الانجاز العظيم للفرق المصرية وتفوقنا علي دول كثيرة كجيبوتي و بتسوانا وبلاد الواق الواق و غيرها!! جماهير مصر العظيمة تهدي الفوز لسيادة الرئيس و السيدة حرمة رعاة (البقر،، دة احنا :) ) الرياضة والرياضيين!! ولولا تدخل سيادتة وارشاداتة العظيمة للبطل كرم لضرب خصمة مقص حرامية لاكنا فوزنا بالدهب ولا شمناة!! يعني كل دة بفضل توجيهات سعادتة!! والحمد لله علي كدة ويابخت من بات مغلوب ولابات غالب!!

منمان جريدة أخبار النفاق!! :) :)

[DARWEEN]

تصدقوا مع أنكم ممكن تناموا النهارده كلكم في حتة أنتم نفسكم ماتعرفوش مكانها ... بس دمكم زي العسل

المصيبه ياجماعه أن اليونان طبعها قريب قوي من المصريين وأقتصادها كمان مش قد كده ...

الفرق الوحيد في رأيي واللي خلاهم يكونوا زي ماشفتوهم واتغظتم كلكم ... حاجتين

1) التعليم

2) ماعندهمش زعيم ملهم الناس كلها بتشتغل بتوجيهاته

الواحد لما بيسمع أي وزير بيقول بناء على توجيهات مش عارف مين ... أرد على طول ... طيب وإنت لزومك أيه .. يعني لو ماكنش فيه توجيهات ماكانش حد عمل حاجه ؟؟؟

فعلا قدامنا كتير على مانبقى ( نقط برضه )

[عصام]

المصيبه ياجماعه أن اليونان طبعها قريب قوي من المصريين وأقتصادها كمان مش قد كده ...

ما هو ده اللى غايظنى وحارق دمى ....

عارف لو جت من دولة زى فرنسا وللا ألمانيا ؟

هاقول : عاااااادى

لكن اليونان؟

واضح إن الفرصة جاءت لليونان على طبق من ذهب لتثبت أنها تستحق الانضمام للاتحاد الأوروبى .. فاستغلتها كما يجب ...

هو احنا ينفع ننضم للاتحاد الأوروبى؟ :blink: :blink:

واحد قاعد جنبى بيقول إن احنا كبيرنا "الريف الأوروبى" ;)

:blink: :blink:

تم تعديل 31 أغسطس 2004 بواسطة esssothegreat

[فــيــروز]

ختام الاوليمبياد فعلا كان فى غاية الروعه

الطريف انه وقت اذاعة حفل الختام كنت باتعشى .. و المطعم فيه فرقه فلبينيه ومن فوق مكان وقوفهم شاشة التليفزيون والحفل شغال بس من غير صوت .. وبقيت ابص فوق على انجاز اليونان فوق و ابص تحت على انجاز الفلبين تحت "بلا مبالغه الفلبينيين و الهنود ماليين البلد" .. المهم من فوق لتحت لم اجد لنا نحن العرب اى مكان .. او لنكون اكثر دقه لم اجد لنا كمصريين مكان كل اناس بتتقدم و تتطور و احنا قاعدين m8:

الاكثر روعه فى رايى كان العرض الذى قدمته الصين bk: وكانت الكلمه التى قلتها انا و زميلى فى نفس الوقت "اذا كان هذا ما تقدمه الصين باختصار عمّا تعد به .. كيف سيكون الحفل الفعلى للافتتاح"!! يا سلام لو الواحد قبل الاربع سنين دول ما يعدوا يقدر يروح الصين :rolleyes:

تم تعديل 31 أغسطس 2004 بواسطة فــيــروز

[جـورج]

دلوقتى نقدر نقول الحمدلله على صفر كأس العالم

كانت حتبقى فضيحه لو عملنا مقارنه بما حدث فى افتتاح و ختام الاولمبياد فى اثينا و ما هو متوقع فى بكين بما كان ممكن نقدمه احنا فى افتتاح و ختام كأس العالم

الحمدلله الذى لا يحمد على مكروه سواه