الحملة الشعبية لرجوع عنبو من جمل الافلام والاعلانات المصرية

[الباشمهندس ياسر]

ازيك يا حبيبي ... اخبارك ايه ... عملت الواجب النهارده :)

بعمل فيه من 16 يناير 2011

ولسه ما خلصش !!!

http://www.egyptiantalks.org/invb/index.php?showtopic=115494

كده انت قلبتها جد

ازعل انا بقي دلوقت و اخاصمك

كيمو كونو : مش هنلعب مع بعض تاني خالص ابدا

bsh:)

[المهندسه]

سؤال سئيل كده .. وعلى هامش الموضوع .. هو ايه حكاية الجبل ده ؟:unsure:

الجبل ده يا استاذ تونسى يعنى منتدى المطاريد والله اعلم "وش اى مفتى بيفتى"

[المهندسه]

عنبو ارجع بقه و هات تمن تلاجه و انت راجع علشان العشا

[ozoozo]

ارجع بقي ياعم.........خلي عندك دم

مش انت ياحسني احنا بنادي علي عنبو ماتصطادش في المياه العكره تقول الشعب بيندهلي

[م تيمور المراغي]

دي اللي حترجعك لا محالة يا عنبو

وتحدي :happy:

http://www.youtube.com/watch?v=UTZ84AeV8j8

[عنبو]

أرجع يا عنبو لما كل الناس عايزة تبقي فتوات اومال مين اللي هينضرب .. توفيق الدقن

أرجع يا عنبو احلي من الشرف مفيش ... توفيق الدقن

من النهاردة مفيش حكومة ... فيه عنبو .. احمد السقا

ارجع يا عنبو كده برضه يا خاين :wub: هند رستم

انت فين يا عنبو ... انا هنا يا سلاااامة فيلم واسلاماه

ارجع يا عنبو هي حبكت فيلم الزوجة الثانية

ارجع وهتبقي ليلة يا ابو العلا اقصد يا عنبو فيلم الزوجة التانية

ارجع وحياة تيتا عماد حمدي

بعت البيت بالحشيش يا شيخ عنبو فيلم الكيت كات

سلام عشان عنبو العطار

معروف كمان وزباينه كتار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

عنبو العطار عنبو العطار

___

الصلا عالزين

الصلا عالزين

ياعنبو مفتح عالخدين

جبت الجمال ده ياحلوه منين

البركه في عنبو ياضي العين البركه في عنبو

انا جيت اهني بشكل جديد

ومعايا فيتامين كله حديد

_____

لأنه من أرقى أنواع الليمون في العالم (!!)

فهي تجلب لي ولك ... الانتعاش

عنبو خمس خمسات ـ الانتعاش

عنبو خمس خمسات ـ لنتعاش

____

عنبو ابو زيد بيجيب اجوان

هو وعماد متعب كمان

_____

علي عنبو الساكن في دير القطان الدواء فيه سم قاتل

_______________

الشعب ايد واحدة

الرجاء دعم الحملة ومواصلة النضال :)

سمبا شاعرنا الجميل

اشكرك كثيراً يا ايها الشاعر العملاق

وحقاً صدق مقولة واحده جارتنا رب اخ لك لم تلده امك

بس انا خايف اصل زوهيرى يغنى الكلمات دى وبعدين فجأه الاقى نفسى فى طره وانا والله العظيم عمرى ما زوغت حتى فى اتوبيس نقل

عام كنت بقطع تذكره وانزل فى نص الطريق من الزحمه

[م تيمور المراغي]

مشروط ولا مشفي ؟؟

[hOuSsAm]

حمدلله عالسلانة يا عنبو

نورت بيتك ومطرحك من تانى

[الغريب]

بعد ما عنبو رجع بمشاركة طياري :

أرحل تاني يا عنبو كنا بنهزر معاك :P

[الغريب]

الأخ الفاضل عنبو أرسل لي رسالة جاء فيها الآتي :

أولا هو يشكر جميع الأخوة الأعضاء على شعورهم الطيب ..

ثانيا هو يستفسر من الإدارة لماذا تم وضع مشاركاته تحت المراقبة ، لأنه أضاف مداخلة منذ ساعة ولم تظهر بعد ، ولا شك أن هذا الأمر سبب له مزيد من الإستنكار لأنه غير معلوم السبب

نرجو من الإدارة الكريمة توضيح الموقف بالنسبة للعضو الفاضل عنبو حتى يتبين له سبب وضع مشاركاته تحت المراقبة ؟؟

تحياتي...

[Nileman]

آسف يا جماعة .... بس هو مين عنبو ده؟ :)

[م تيمور المراغي]

عنبو ده اللي الاسفلت بيشتكي منو !!

[mekkawy]

حد ميعرفش عنبو .. ده صورته قربت تنزل ع الجنيه .... اللمبي

عنبو ده يا ابني ... يا اه يا اه ..... توفيق الدقن

عنبو اكس ..... فؤاد المهندس مستر اكس

عنبو يتحدى الملل ... جمال مروان ميلودي

عنبو هو اللهو الخفي ..... العيال كبرت

عنبو قاهر الأو...(:)) .... أبلة نظيفة و القطنة ما بتكدبش

عنبو خلصت فيك كل الكلام .... الراحل عمرو دياب

[Alattar]

إرجع .......... يا عنبو

إرجع .......... يا عنبو

مفيش صورة...بس تخيلوا عنبو و هو واقف بيرقص فوق العارضة و معاه نص بطيخة

تم تعديل 17 أبريل 2011 بواسطة Alattar

[م تيمور المراغي]

عنبو يعني القيم المطلقة :egyflag:

الحق

الخير

الجمال

يعني الطيور الجارحة ! :happy:

[Dreamwithme]

أيه التوبيك الرائع ده ........وأيه كمية ثقافة الأفلام اللي فيه دي حسستوني بالضآلة جنبكم لأني مش عارفة أفتكر حاجة جديدة أقولها لعنبو

واضح إن أنا جيت متأخر علي التوبيك وكل المحاورتين نادوا ارجع ياعنبو لغاية ماصوتهم راح خالص

ثم ظهر عنبو ظهور خاطف عشان يشكر الجماهير ثم اختفي اختفاء مريب ومثير للجدل

فبصراحة ياجماعة مش عارفة أقول أيه ؟ أقول أرجع ياعنبو مفتقديناك جدا جدا

ولا أقول حمدا لله علي السلامة نورت بيتك تاني ؟

مش عارفة بجد بس اللي متأكدة منه إن التوبيك جميل وإن أكيد عنبو هيظهر تاني قريب بإذن الله

[mekkawy]

يا ابني ارجع الله لا يسيئك ..... (دكتور مش عارف اسمه ايه الراجل القدييييييم ده)

ارضك بتنده .. ارجع يا عنبوووو ..... (سر الأرض)

حمادة هلال يؤكد :closedeyes: : عنبو بتاع المحاورات .. هيرجع تاني المحاورات ...

[ابوهنا]

ماترجعشى ياعنبو

المحاورات مابقتشى زى ومان

من يوم ماحطوا فيها السالب والموجب والواحد متكتف

فين ايام زمان

ايام ماكان الراجل مننا يقعد على المحاورات ويطلب كوباية شاى وتلاقى رجليه اتحطت فى ميه سخنه وملح

دالوقتى علشان تقعد على المحاورات شرط اساسى الانسه هنا بنتى تكون على المكتب امامى

ماترجعشى غير لما ترجع ايام زمان

[enjisultan]

ارجع بقى الله يعمر بيتك عايزة اسيب الجروب وشكلي هيبقى وحش لو سيبتوة قبل ما ترجع بالسلامة

[se_ Elsyed]

الأخوة والأخوات

لقد مرت محاوراتنا بالعديد من الأحداث الجسام ..

كان على رأسها ما يُعرف بالثورة المضادة ... وبعد البحث والتقصي ... إكتشفناأن المذكور عنبو الأعانيب يقود ميليشيا من المحاوراتيين فيما يُعرف بـ " فلول المحاورات " ومن ضمن هؤلاء الفلول عدة فلافل على رأسهم :

1- الفِل الأول .. مكاوي الشهير بميكو .. وده قائد الجناح العسكري

2- أركتيكت الشهير بـ " 7 إبريل "

3- حسام الشهير بحوس الجن

4- دياب الشهير بدبدوب

ومعهم عنبو بالتأكيد

لذا .. فلقد قررنا تحويل المذكور لإدارة الكسب غير المشروع للتحقيق معه في ثروته التي تبلغ 136 نقطة خضرا ... ولدينا ما يُثبت إنه حصل عليهم بطريقة غير مشروعة مما أدى إلى ضخم الغدة الدرقية عنده .

حفظ الله مصر

والله ولي التوفيق