أقباط يتظاهرون بالتحرير للمطالبة بدولة مدنية

[Alattar]

من الأخبار اللي نكدت عليا النهاردة..حاجات معرفش بصراحة لازمتها ايه النهاردة

تظاهر أكثر من ألف قبطي بميدان التحرير مساء اليوم الجمعة للمطالبة بدولة مدنية بمرجعية دينية.

وطالب المتظاهرون، الذين تجمعوا بالميدان بمناسبة ذكرى الأربعين لضحايا اشتباكات المقطم بين المسلمين وأقباط، بصياغة دستور جديد للبلاد خال من أي مواد دينية، وبناء مطرانية مغاغة، وسن قانون موحد لتنظيم بناء دور العبادة، وفتح الكنائس المغلقة من قبل جهاز مباحث أمن الدولة السابق ، والافراج عن جميع الأقباط الذين تم اعتقالهم خلال مظاهرات ماسبيرو.

وقد ارتدت السيدات اللاتي شاركن في المظاهرة الملابس السوداء حداداً على ضحايا الأقباط في أحداث المقطم، فيما ارتدى بعض المتظاهرين الآخرين ملابس تحتوى على ألوان علم مصر.

من جهة أخرى، وقعت احتكاكات بين بعض المؤيدين للرئيس السابق حسنى مبارك وبين المعارضين له أمام مبنى ماسبيرو بشارع كورنيش النيل؛ حيث تدخلت قوات الجيش وقامت بالفصل بين الجانبين.

هو احنا كل ما البلد تهدي شوية نلاقي حاجة تولعها تاني؟

أنا طبعا ما بتكلمش عن الأقباط بشكل عام..بس بتكلم عن اللي نزلوا النهارده دول..عاوزين ايه يعني؟؟

احنا ما صدقنا الموضوع بتاع الخوف من تغيير المادة الثانية ده و اللي حصل أيام الاستفتاء انتهي بلا رجعة...بس واضح ان فيه بعض الناس نفسها البلد تفضل مولعة كده علطول

[tarek hassan]

لو الكلام صحيح فمش عارف كلمة دولة مدنية يقصد بها إيه

ومش عارف هل حد بيسخن الجماعة دول ولا هما بيسخنوا غيرهم أو هما اللي سخنين من غير حاجه

طيب من العدالة إنك لو مش عايز شريعتك سيبني أنا حر مع شريعتي مش تفرض عليه رأيك

والله لو أنا عايز أتحكم بالقرآن إيه المشكلة اللي عندك في دي متخليك في نفسك

والله مفيش مسلم بيعارض إن المسيحي يتحكم بإنجيله وربنا قال كده وليحكم أهل الإنجيل بما أنزل الله فيه

طيب لو الحكاية هتيجي بالمظاهرات علشان تفرض واقع معين مش كده فيه ناس تقدر تعمل حاجات كتير

أنا عارف المظاهرات الوقتي بالذات ليه ؟ لأن فشلت محاولات كتير للارتداد للخلف ولعصر مبارك ونظامه وما أدراك ؟

و كان فيه محاولات للوقيعة بين الجيش والشعب لم تفلح

وكان فيه محاولات للانقلاب على ما اتفق عليه ولم تفلح

وفيه محاولات إن يبقى فيه دستور قبل مجلس الشعب ومجلس رئاسي وطبيخ ولم يفلح

طيب مظاهرات بقى وكنائس وحكايات

عموما ياريت كل اللي بيوقدوا نارا للحرب يطفأها الله

آمين

تم تعديل 15 أبريل 2011 بواسطة tarek hassan

[عبد الله غريب]

دوركم يا أقباط مصر تثبتوا إنكم واعيين و فاهمين المقصود من وراء هذه الدعوة ..

جاء دوركم تظهروا معدنكم الاصيل .. و تقولوا لأ للفرقة .. لأ للوقيعة بين شركاء الوطن ..

مش محتاج الموضوع أي تردد .. كل طرف مرجعيته في الأحكام هي شريعته .. يعني مفيش مشكلة .. كل طرف ضامن إنه مصدر أحكامه هي شريعته .. فإيه لازمة إثارة البلبلة إلا إذا كان المقصود منها التفرقة بين المجتمعين .. و إيجاد أي ذريعة تبدأ بها الشرارة .. و يبدأ بها الجدال .. ثم يتركونا في جدالنا منشغلين عن الأهم و يجلسوا ليضحكوا علينا .. إن أعطيتوهم هذه الفرصة .. فلن يسامحكم الوطن أبداً .. تذكروا أن عدونا واحد و لا يهمهم الدين بل يستخدمونه للتفرقة بين عتصري الأمة .. مصر أمانة بين ايديكم .. بين أيدينا .. معاً ..

تم تعديل 15 أبريل 2011 بواسطة عبد الله غريب

[ابو محمود]

ربنا يهدى ويصبرنا على ما بلانا الغريب بقى ان فية بعضآ من السذج من المسلميين يريدون الغاء اى شيء يشير بالدستور ان الدولة اسلامية الهوى والطابع

حاجة كدة زى منع الحجاب او عمل ساعات معينة للصلاة ومرة واحدة منهم قالت لية يصلو خمس صلوات فى اليوم لان دة بيعطل العمل وبيزعج ناس شركاء لينا متقلش دكان ولا ملاهى ولا هايد بارك وبنبونى ههههههههههههههههه