مبارك يطلب زيارة قبر حفيده.

[محمد حامد الغنام]

مبارك يطلب زيارة قبر حفيده.

لم يمضى طويلا على فراقك .....لم اتمهل وقت للنسيان ....كنت ملاكى ..كنت رفيقى ...كنت الحب الصادق و الحنان

اذا غبت ..اعود اليك مهرولا ز.أراك غاضب ..ثائر ...الا تشعر جدى انى بدونك لا أشعر بالامان ..؟ونركض و نضحك وأحكى لك تاريخى و ما كان

فتنظر الى ..تتأملنى ....أخاف عليك جدى من الالام ...أخاف ألا أراك ألا فى ال...منام ....فأضحك و أبكى ...لن أتركك يا غلام ......أرغب فى الحياة فقط حتى أشعر عليك بالاطمئنان .....

لكن القدر لم يمهلنى ....كأنة يرد بالعند و الانتقام ........كنت ملاكى ..أنرت حياتى .....فلا راد لقضاء اللة ...لو كنت املك لفديتك .....ولا اضعك بيدى وحيدا فى الظلام ....لا أقوى على الفراق ...على الاوجاع...مكلوم ..مقهور ..زاهد ...لا ارغب الا فى اللقاء ....

أنا زاهد ...ضقت كثيرا من الانتظار ...

كم أشتقت اليك صغيرى ...بالله عليك ساعدنى فأنت مع ألابرار ...

مد لى يدك و انشلنى من هاوية الانكسار ....وخذنى اليك فما عدت أقوى على حمل الاوزار .....أقسمت ان أبقى جانبك ...و الان أشعر بانهيار ....

حتى انت لم يرحموك ...فمالك طفل برىء لم تمهلة الاقدار ....حسبى الله ...ألن يتركوك ترقد فى سلام ..

كل ما عانيتة ..قد يغتفر ...أما أنت ..فلن تهان

حمدت الله أنك فارقتنى ...كى لا ترى ما فعلة بى الزمان

حمدت الله انك فارقتنى كى لا تواجهة الغدر و الامتهان ...

ألان لا أرغب الا فى رؤياك ...فهل هذا مسموح ...ام ستكون نهاية الامال .... ...ام سأرى ايضا كرة و أحتقان .....الجىء اليك يا رحمن يا جبار .... متى يحين وقت القاء .

منقول من الفيس بوك

تم تعديل 14 أبريل 2011 بواسطة محمد حامد الغنام

[arkan]

و كم جثة منعت من تسليمها لاصحابه في المستفشيات

وكم سجين عذب ودفن في امن الدولة ولا يوجد له قبر ليزوره اهله

وكم غريب مات في غربته ومن الفقر لم يعود جثمانه لتراب بلده

كم من ام مات طفلها بين يديها بتقبصير مقر

ربنا يرحما جميعا ويلطف بنا ويتوبق علينا

[aimen]

ومازلت بتلعب وبتحرق فى دمنا يا محمد

اولا ايه علاقة الموضوع ده بأدب وشعر وقراءات

ثانيا

مش كان فيه اتفاق امس انك تخفف من موضوعاتك اللى تحرق الدم بتاعه المحروق حسنى مبارك وعصابته

يعنى دلوقت انا مش فاهم ايه فايدة الموضوع ده

هل المفروض انى احزن واتعاطف مع مبارك

لأ

مش حتعاطف معاه بالعكس انا شمتان فيه

ربنا يحرق قلبه وقلبه اولاده كلهم

زى ما حرقوا قلوب ناس كثير

زى ما خربوا البلد وحولوها لوكالة لهم

عاوز الحق

"ولكم فى الحياة قصاص "

المفروض مبارك يتعدم وتتعلق جثته على مداخل القاهرة كما كان يحدث ايام المماليك علشان الناس تعتبر وتتعظ

تم تعديل 14 أبريل 2011 بواسطة aimen

[التونسى]

انت حصلتلك انتكاسه تانى .. مش كنا قلنا خلاص حتبطل تكتب عن مبارك bsh:) ...دنتا حتى عامل شغل كويس فى باب دعوه للابتسامbv:-

الولد الله يرحمه كان أمور .. وكل مصر تقريبا بكت عليه .. مؤيدين ومعارضين .. لكن للاسف .. موته مكنش فيه اى عظه لاهله .. ومبارك رد الجميل للشعب اللى واساه فى مصيبته .. بأن أمر بدم بارد بقتل المتظاهرين السلميين .. مما جعل مصر كلها تبكى ((الا قليلا)) .. وطبعا انت من ضمن هؤلاء القله التى بكت على القاتل ... ولم تبكى على المقتول

[Howayda Ismail]

يمكن الراجل حس بنهايته قربت

ياترى لسة فاكر يزوره دلوقت ولا كان بيداوم على زيارته قبل كده

جالك الموت ياتارك الصلاة

[م تيمور المراغي]

دحنا معرفناش نكره الناس في سون سون زي مانت عملت يا محمد :happy:

ماتيجي الاجتماع ونكرمك امام الجميع ؟؟ ;)

[باهى الطائر الحزين]

على فكره ياابوحميد

ماهو يا انت اصغر من 18 سنه

يا انت اصغر من ان تكون عضو فى المنتدى

معلش بقى ياابوحميد

اصلى فى سن حرجه ومعرض للاصابه بالسكر والضغط

وان شاء { الله } هيجيلى زهيمر عن قريب

ثوره ثوره

[جسار]

طيب نعمل ايه دلوقتى ياعم غنام ، نروح القرافة ونوزع عليه قرص وبلح ويوسفى

أنت صعبت امبارح عليا علشان درجاتك وصلت مرحلة التجمد وناشدتك بأن تحاول تضيف

بعض الدرجات الايجابية لكى تدفئ جسدك ، ولكنك فيما يبدو غاوى مازوخية وقالب علينا

حلة الملوخية الحمضانة بتاعة الاستعطاف والأسترحام لعدو الشعب رقم 1

طيب ... من ناحيتى أطالب بشطب عضويتك فى المنتدى

نأخذ الاصوات ....

أغلبية ....

حد يروح يجيب لنا الشاكوش من عند فتحى سرور فى المعتقل وبسرعة لو سمحتم !!!!!!!!!!

[م تيمور المراغي]

موافقة ,,

[مسافر]

ارجوووووك بلاش

يعني مبارك فاكر حفيده

وناسي 80 مليون مصري

يوم العباررة راح ماتش مصر والهند

ومسألش في 1500 مصري ماتوووووووو

انت واضح انك بتحب مبارك جدا

بس مش لدرجة الدبة اللي قتلت صاحبهاو

[زهرة الجبل]

بغض النظر عن وجود الموضوع في قسم الادب و الشعر و القراءات إستناداً لنص لا يتناسب مع التواجد في هذا القسم

إلا إن عدم تناسبه مع المكان الذي وضع فيه لم يكن هو الشائبه الوحيده التي يشكو منها

حتى انه من غير الواضح اذا كان الموضوع عباره عن خبر حقيقي ام انه مجرد خيال الكاتب

اصلها تفرق الحقيقه

لو خبر حقيقي يبقى الرئيس ,,سابقاً,, المخلوع حالياً بيحاول يدور في دفاتره القديمه

بحثاًعن شئ أثار تعاطف الناس معه من قبل ليستدر به تعاطف الناس في هذه المرحله و بعد أن أصبح هذا التعاطف - حتى و إن وجد - فهو عديم النفع

و في هذه الحاله فالأمر لا يرقى للإلتفات إليه أو التأثر به و الرد عليه

اما لو الموضوع من نسج خيال كاتبه فلا معنى لذلك الا ان هذا الكاتب يريد أن يلتمس للمتهم المحبوس على زمة القضايا و التـُـهم الموجهه إليه _ و هي بالمناسبه صفته الحاليه _ يلتمس له عند المصريين تعاطفاً هو ليس أهلاً له

و هنا بقى لازم نرد

هنرد نقول للكاتب كان فين هذا التبني المخلص للقضايا المؤثره عندما سمعت عن أطفال السرطان اللي بعد ما جاب لهم المرض ساب الشعب يلم من بعضه و يعملوا لهم مستشفى ؟

و لا محدش قال لك عليهم دول ؟

و لا دول مكانوش أطفال زي الله يرحمه حفيد المتهم المحبوس؟

هنقول للكاتب كان فين تبنيك المخلص ده أيام الأطفال اللي إتيتموا لما أهاليهم ماتوا في قطر الصعيد المتهالك ؟

و اللي كان ممكن جزء لا يذكر من ثروة المتهم - و اللي هي في الأصل منهوبه من دم الشعب - كانت ممكن تجدد الخدمه دي و تجعلها آمنه على أرواح البشر اللذين تقلهم كل يوم و تحقن هذه الدماء التي سالت هدراً

ولا اللي ماتوا ايامها دول مش بشر زي المتهم و اولادهم اللي اتيتموا مش اطفال زي حفيده ؟

هنقول للكاتب الموت بيد الله و كلنا لا يخلو احدنا من فقيد في ذاكرته يحتسبه عند الله

لكن مش كلنا يعرف النار التي يكتوي بها من لا يعرف لفقيده هذا قبراً ليزوره من الأصل

زي مثلاً ضحايا العباره اللي كانت في عهد المتهم كارثه لم تجد مسؤولاً على قدر المسؤوليه ليحاسِب المتسبب فيها

أويكشف ملابسات حدوثها .. أو حتى يعوض الضحايا فيها بالشكل اللائق؟

و غيرها و غيرها من الكوارث و القضايا و البلايا و حَـدِّث _ في عهد المتهم المحبوس على زمة القضايا _ و لا حرج

إن كان الموضوع بالفعل فكرة الكاتب فقط و ليس خبر حقيقي و هو أغلب ظني _ فأرجو من صاحب هذه الفكره العبقريه طلبين فقط

الأول أن يدرك أنه يستدر عطف شعب مازال جرحه ينزف على مئات الشهداء اللذين قتلوا بغير علة سوى الغدر

في حين ان حفيد المتهم مات بغير اعتداء من احد .. مات لأن عمره إنتهى بأمر الله

لو أدركت الفرق بين هذا و ذاك و أدركت أنك تستدر عطف الضحايا على الجاني لأدركت على الفور انك تنفخ في قربة متهتكه

و الطلب لثاني .. فضلاً لا أمراً يعني .. يا ريت تبقى تراجع الأخطاء الإملائيه اللي في موضوعك

أمثله :

اللة << الله

القاء << اللقاء

الجئ << ألجأ

على كل حال فهي في مجملها أخطاء غير مزعجه ..

يكفيها أنها أشارت بوضوح هي و مستوى الأسلوب الإنشائي إلى أن كاتبها ما زال مبتدأ أمامه الكثير ليرقى كلامه لمرتبة الإهتمام

و شكراً مقدماً