الموضوع بجد جدا وهيبقي يوم اسود من موقعة الجمل

[Simba]

عايزين نوصل للأغلبية الصامتة كلها .. فيه في مصر 40 مليون مشترك على الموبايل ونقدر نوصل لهم كلهم لو فينا 100 ألف بس استجابوا وبعتوا رسائل لغيرهم وطلبوا منهم تمرير الرسائل دي. الموضوع سهل جدا وممكن تقرر إنك تبعت لأصحابك بس اللي انت عارفهم كويس.

دي اقتراحات للرسائل اللي ممكن نبعتها:

1- الأغلبية الصامتة .. قررت الخروج عن صمتها .. يوم 25 ابريل.

2- انزل بنفسك .. يوم 25 ابريل .. وشوف بنفسك معالم خريطة نكسة 25 خساير وهى بتتغير.

3- شوفتوا اللى حصل فى سوريا .. قد ايه شعب متحضر التف حول حاكمه واطاعه عندما اخبرهم باستجابته لمطالبهم .. لأنهم يعلموا انهم اذا اهانوه اهانوا انفسهم ووطنهم اولا .. من فضلك انزل معانا يوم 25 ابريل .. علشان نرجع كرامتنا اللى اهدرناها.

4- احنا نازلين يوم 25 ابريل .. علشان نرجع الرئيس .. وهنحقق الحلم .. لو انت فعلا بتحب الرئيس انزل معانا ومتتكلش على غيرك .

5- يوم 25 ابريل .. تحرير سيناء .. اليوم ده بيحبه الريس .. وهيرجع فيه الريس من جديد .. صدقنى الأمل لسة موجود وكبير .. بس لازم تنزل معانا.

6- لا للخنوع لا للأستسلام .. معا لأجهاض نكسة 25 خساير .. انزل من بيتك وشاركنا يوم 25 ابريل.

7- أنا مصري خايف على ولادي ومش عايزهم يعيشوا في خوف وقهر وغلاء وبلطجة وهانزل أقول لأ للنكسة .. نعم لمبارك .. يوم 25 ابريل.

8-لو عايزين حقوقنا لازم نطالب بيها .. الأغلبية الصامتة اتفقت تنزل من بيوتها يوم 25 ابريل عشان تطالب بيها .. خليك إيجابي وانزل معانا.

9- اكيد ميرضيش حد ان ميدان التحرير اطاح بالرئيس علشان يحكم هو .. مصر مش التحرير .. خليك ايجابى وساعد اخواتك وانزل معاهم يوم 25 ابريل.

10- البطالة زادت , الغلاء زاد , التحرش زاد , الأغتصاب زاد , السرقة زادت , البلطجة انتشرت , الفقر زاد , اصبح الخوف الراعى الرسمى لحياتنا .. انزل معانا وقول لا لميدان التحرير ومصر اكبر بكثير (25 ابريل).

11- لا لتشويه التاريخ , لا لمحو التاريخ .. يوم 25 ابريل تعالوا نحافظ على تاريخنا من الضياع.

12- الكبير كبير ومبارك هو الكبير , يوم 25 /4 هنعيد الكبير لمكانه الطبيعى .. متقولش مستحيل او مينفعش .. شارك معانا احسنلك وانت تشوف بنفسك.

13- طول ما انت مؤيد لنا ولأفكارنا وللسيد الرئيس يبقى خليك ايجابى وانزل معانا 25/4 .. قعدتك فى البيت مش هتعمل حاجة.

14- كفاية بقى بكاء وعويل .. كفاية بقى لايك وكومنت .. خلص وقت السكوت وولى من زمان .. دلوقتى وقت الجد .. 25/4 نازلين نقول لمبارك يرجع وننقذ مصر .. انزل معانا متستهونش بنفسك.

15- يوم 25/4 كل شئ هينكشف ويبان .. وهيتفضح المستور .. هيبان مين فينا الأغلبية ومين فينا اللى عميل .. احنا ولا بتوع التحرير .. ارجوك متفوتش الفرصة دى من بين ايديك .. شارك معانا بنفسك هتكسب كثير

16- شارك معانا بنفسك على الأقل هتكسب نفسك (25 ابريل).

17- مصر تريد بقاء الرئيس .. الشعب يريد مبارك من جديد .. عايزينك تقولها معانا يوم 25 ابريل احنا فعلا محتاجين صوتك معانا .. متستناش وخليك ايجابى.

18- شارك معانا يوم 25 ابريل ضد ميدان التحرير والبلطجة والديكتاتورية وقلة الأدب وحكومة شرف الغير شرعية.

19- نعم لمبارك نعم للمشير نعم للشرطة نعم لأمن الدولة .. لا والف لا لكل من يتطاول عليهم ولمن يهدد امننا واستقرارنا بهؤلاء .. هنعبر عن ده يوم 25 ابريل ياريتك معانا.

20- احنا الأغلبية يعنى احنا الشريعة .. مهما شتمونا وقللوا مننا وقالوا علينا جهلاء ومرضى نفسيين وغير فاعلين بعد اما كانوا بيتكلموا بأسمنا .. الحقيقة انهم خايفين مننا .. يبقى لازم نوريهم نفسنا ونعرفهم ثورتنا شكلها ايه .. لازم تبقى معانا (25/4).

مواقع تقدر تبعت من خلالها رسائل مجانية:

www.link0777.com

www.free--sms.com

www.smscity.com

www.phones.com

www.pimpmysms.com

www.mobily.ws

www.sms.ac

www.free-sms.fr

www.d1g.com

www.gizmocall.com

www.freecall.com

www.easy.net.sa

www.tawash.com

www.clickatell.com

www.boswtol.com

www.a7lakalam.com

www.debitel.de

www.rsaily.com

http://www.callwave.com/landing/widgets.asp

http://www.wengophone.com/index.php/mp_download_wp_win

إقرأ المزيد على المدونة http://egy-after-25.blogspot.com/2011/03/25_31.html#ixzz1JADVyw00

ايه رأيكم

لما فعلا يقدروا يحشدوا عدد كبير او ناس رايحة للفسحة ولا الهيصة مع تجهيز عدد محترم من البلطجية

ايه هيكون رد شباب الثورة اللي جزء كبير منه غاضب لحد الآن

ومش معقول دول هيتجموا ومش هيسيتفزوا الثوار وخصوصا انهم عايزين يتجمعوا في التحرير

طبعا الحشد لرجوع الرئيس ده مفيش حد يصدقه لكن اللي ورا الحشد ده انا حاسس انه مصيبة كبيرة

[ذهبية]

مستنى يحصل اية يا سامبا بعد حوار الرئيس المخلوع و هو عايش دور انة لسة الرئيس و نفس القوة و الحماسة و التهديد و والوعيد

طبعا دة كلمة السر لانطلاق الثورة المضادة و بيقول لاعلى صوتة انا اةةة

ماهو شايف القذافى محشد قدر علية و لا صالح

ندم الان انة سابها كدة بالساهل و بيرجع عايز يولع فيها

مستنى اية

من التصرفات البطيئة و البرود من الجيش فى عدم محاكمة مبارك حتى اللان

مستنى اية و الناس بتسمع شوية مانشيت كل يوم عن حبس فلان و شوية تاجيل ورا تاجيل

مين اللى اتحكم علية بالفعل لا احد

الشعب بينضحك علية بشوية مسكنات

طبيعى جدا البطىء الشديد و التراخى مع الفساد يخلى التعابين تخرج من جحورها تانى و هى مطمنة

طبيعى جدااا مش مستغرباة

و متوقعة ان لو الجيش بجد ما ساب التراخى اللى يجيب المرض

اننا نكون زى ليبا او اليمن

[أحمد سيف]

النظام يحس أن الحلقة تضيق حول عنقه بعد القبض على أركانه والوصول الى رئيسه

وفي نفس الوقت هو يحس أن الناس تعبت من حالة الاستنفار المستمر وانعدام الأمن

فعايز يضرب ضربته في هذا الوقت الحساس ويخوض معركته الأخيرة لأنه يعلم أنه لو انتظر أكثر من ذلك فسيخسر كل شئ

لو الكلام ده صحيح فتوقعوا معركة حاسمة يوم 25 أبريل تتضائل بجانبها جميع معارك الثورة ... وإن شاء الله تكون إيذانا بالانتصار النهائي للثورة دحر أنصار النظام البائد ومأجوريه

أهم شئ الآن أن نحافظ على التفاف الشعب والجيش حول الثورة

[fatfouta]

النظام يحس أن الحلقة تضيق حول عنقه بعد القبض على أركانه والوصول الى رئيسه

وفي نفس الوقت هو يحس أن الناس تعبت من حالة الاستنفار المستمر وانعدام الأمن

فعايز يضرب ضربته في هذا الوقت الحساس ويخوض معركته الأخيرة لأنه يعلم أنه لو انتظر أكثر من ذلك فسيخسر كل شئ

لو الكلام ده صحيح فتوقعوا معركة حاسمة يوم 25 أبريل تتضائل بجانبها جميع معارك الثورة ... وإن شاء الله تكون إيذانا بالانتصار النهائي للثورة دحر أنصار النظام البائد ومأجوريه

أهم شئ الآن أن نحافظ على التفاف الشعب والجيش حول الثورة

طيب مش كده بقى يبقى نسرع فى حل الحزب الوطنى واقالة المحافظين ورؤساء المجالس المحلية

كفاية بقى الواحد مرعوب

[أحمد سيف]

النظام يحس أن الحلقة تضيق حول عنقه بعد القبض على أركانه والوصول الى رئيسه

وفي نفس الوقت هو يحس أن الناس تعبت من حالة الاستنفار المستمر وانعدام الأمن

فعايز يضرب ضربته في هذا الوقت الحساس ويخوض معركته الأخيرة لأنه يعلم أنه لو انتظر أكثر من ذلك فسيخسر كل شئ

لو الكلام ده صحيح فتوقعوا معركة حاسمة يوم 25 أبريل تتضائل بجانبها جميع معارك الثورة ... وإن شاء الله تكون إيذانا بالانتصار النهائي للثورة دحر أنصار النظام البائد ومأجوريه

أهم شئ الآن أن نحافظ على التفاف الشعب والجيش حول الثورة

طيب مش كده بقى يبقى نسرع فى حل الحزب الوطنى واقالة المحافظين ورؤساء المجالس المحلية

كفاية بقى الواحد مرعوب

ما تخافيش يا مدام فتفوته ... الخشية مش من المؤيدين أنفسهم لإنهم الى الآن ماعرفوش يجمعوا عشرة ألاف نفر على بعض ... الخوف الحقيقي هو من البلطجية ... لكن طالما الجيش في صف الشعب سيتمكن الشعب من التصدي لهم إن شاء الله

[fatfouta]

طب إسمعوا دى الله يخليكم....أغنية أنا أسف يا ريس

بجد معبرررررررررة جدااا

http://www.youtube.com/watch?v=6L6tsqGurEs&feature=share

[تامر مصطفى]

ما تخافيش يا مدام فتفوته ... الخشية مش من المؤيدين أنفسهم لإنهم الى الآن ماعرفوش يجمعوا عشرة ألاف نفر على بعض ... الخوف الحقيقي هو من البلطجية ... لكن طالما الجيش في صف الشعب سيتمكن الشعب من التصدي لهم إن شاء الله

الجملة دي موضع شك بالنسبة ليا من فترة

والدليل التراخي التباطؤ في محاكمة مبارك وشلته

واعتقد ان مبارك خد فرصة كبيرة من الجيش لتسوية اوضاعه بمعاونة صفوت الشريف وبعض المقربين منه

بتسهيلات كبيرة من الجيش

وطبعا كل ده لالتزام الجيش بوعده لمبارك بعدم التعرض اليه او تعريضه للمحاكمة

ولكن مع ضغط الشعب للمحاكمة الجيش ظبط له اموره

[أحمد سيف]

منقول من الدستور

حملة دعائية للدفاع عن مبارك والهجوم على المجلس العسكري ونشر الفوضي في التحرير

علم الدستور الاصلي أن أعضاء اللجنة الإلكترونية للحزب الوطني وبالتعاون مع بعض رجال الاعمال من فلول الحزب الوطني يستعدون الأيام القادمة لشن حمله دعائية علي الانترنت وفي الشوارع للترويج للرئيس السابق حسني مبارك ولشن مؤامرة مضادة علي ثورة 25 يناير.

وعلم الدستور الأصلي- عبر لقاءات بميدان التحرير وحوارات مع أعضاء بجروبات داعمة لمبارك عبر الفيس بوك- إن من ملامح تلك الحملة التي يديرها عدد من الشباب المعروف عنهم انتمائهم لمبارك ونجله وعلي رأسهم "ك.ص" من جروب نعم لجمال مبارك و م.ك من جروب الحزب الوطني والذي تحول الي نعم للدولة المدنية وشخص يدعي كيمو كونو من صفحة أنا آسف يا ريس" ستكون في عدده محاور محور الشارع ومحور الاعلام والانترنت

وذلك عن طريق توزيع منشور وبوستر دعائي للرئيس تحت عنوان جرائم مبارك بخط كبير وواضح ولكن المكتوب فيه دعاية لمبارك مثلا ( اكبر جرائم مبارك الاستقرار وعودة سيناء وطابا والمترو! ) والتنحي لحقن دماء المصريين ، وتم توقيع البوستر باسم شباب 25 يناير الاصليين! في نفس وقت توزيع البوستر ستكون هناك المظاهرات والمسيرات والمؤيدة للرئيس ونجله ولفكرة الاستقرار وأخري رافضة للمجلس العسكري للعمل علي انشقاق الشارع.

أما بالنسبة لميدان التحرير فالخطة تقضي بدخول العشرات من البلطجية إلى ميدان التحرير ونشر اشاعات عن فض الجيش للاعتصام بالقوة والدفع بآخرين غير معروفين لاستمرار غلق الميدان ومنع أي ناشط سياسي أو شخصية عامة من دخول الميدان والتحدث إلى المعتصمين وبخاصة شباب الائتلاف، مع وجود ترتيبات لمنع إقامة منصة القوي السياسية يوم الجمعة القادمة و إحداث مشاجرات عدة في الميدان

ولم يتسني للدستور الأصلي معرفة حقيقة قيام أعضاء الوطني بالقيام بأعمال عنف قبل يوم 25 أبريل ذلك اليوم الذي يحشد له شباب الحزب في مختلف المحافظات لإيهام الشارع بأن محاكمة مبارك وخلعه اصاب البلد بالانهيار وتسبب في الفوضي.

[Ahmed Anwer]

الصراحة مش قلقان خالص ،، و حاطط في بطني شادر بطيخ صيفي ،،

الحاجات دي عشان نقراها و نضحك و نتندر بيها في أحاديث السمر

لكن إن شاء الله و لا حاجة هتحصل ،،

الدعوة نفسها مكتوبة بغباء ،،

حسني مبارك نفسه لو قالوله هترجع ،، هيقولهم أنتم بتشتغلوني يا عم

مش استغماية اصلها ،،

أنا ممكن اقلل إن النظام لا يتغير ، ميبقاش فيه ديمقراطية حقيقية

أقلل من وجود مبارك جديد ،،

لكن حسني مبارك كفرد انتهي ،، و التفكير فيه مضيعة للوقت و الدعوة باسمه حكمت علي نفسها بالفشل

[Alattar]

منقول من الدستور

حملة دعائية للدفاع عن مبارك والهجوم على المجلس العسكري ونشر الفوضي في التحرير

علم الدستور الاصلي أن أعضاء اللجنة الإلكترونية للحزب الوطني وبالتعاون مع بعض رجال الاعمال من فلول الحزب الوطني يستعدون الأيام القادمة لشن حمله دعائية علي الانترنت وفي الشوارع للترويج للرئيس السابق حسني مبارك ولشن مؤامرة مضادة علي ثورة 25 يناير.

وعلم الدستور الأصلي- عبر لقاءات بميدان التحرير وحوارات مع أعضاء بجروبات داعمة لمبارك عبر الفيس بوك- إن من ملامح تلك الحملة التي يديرها عدد من الشباب المعروف عنهم انتمائهم لمبارك ونجله وعلي رأسهم "ك.ص" من جروب نعم لجمال مبارك و م.ك من جروب الحزب الوطني والذي تحول الي نعم للدولة المدنية وشخص يدعي كيمو كونو من صفحة أنا آسف يا ريس" ستكون في عدده محاور محور الشارع ومحور الاعلام والانترنت

وذلك عن طريق توزيع منشور وبوستر دعائي للرئيس تحت عنوان جرائم مبارك بخط كبير وواضح ولكن المكتوب فيه دعاية لمبارك مثلا ( اكبر جرائم مبارك الاستقرار وعودة سيناء وطابا والمترو! ) والتنحي لحقن دماء المصريين ، وتم توقيع البوستر باسم شباب 25 يناير الاصليين! في نفس وقت توزيع البوستر ستكون هناك المظاهرات والمسيرات والمؤيدة للرئيس ونجله ولفكرة الاستقرار وأخري رافضة للمجلس العسكري للعمل علي انشقاق الشارع.

أما بالنسبة لميدان التحرير فالخطة تقضي بدخول العشرات من البلطجية إلى ميدان التحرير ونشر اشاعات عن فض الجيش للاعتصام بالقوة والدفع بآخرين غير معروفين لاستمرار غلق الميدان ومنع أي ناشط سياسي أو شخصية عامة من دخول الميدان والتحدث إلى المعتصمين وبخاصة شباب الائتلاف، مع وجود ترتيبات لمنع إقامة منصة القوي السياسية يوم الجمعة القادمة و إحداث مشاجرات عدة في الميدان

ولم يتسني للدستور الأصلي معرفة حقيقة قيام أعضاء الوطني بالقيام بأعمال عنف قبل يوم 25 أبريل ذلك اليوم الذي يحشد له شباب الحزب في مختلف المحافظات لإيهام الشارع بأن محاكمة مبارك وخلعه اصاب البلد بالانهيار وتسبب في الفوضي.

الحزب الوطني ده اللي مسكه امبارح طلعت السادات؟؟

لا حول ولا قوة الا بالله

[الباشمهندس ياسر]

انسي يا عمرو

و لو عملوها خليها تبقي دم

فرق كبير اوي بين اللي بيعارك عشان قضية هو مؤمن بيها و اللي بيعارك عشان مصلحة

[أحمد سيف]

انسي يا عمرو

و لو عملوها خليها تبقي دم

فرق كبير اوي بين اللي بيعارك عشان قضية هو مؤمن بيها و اللي بيعارك عشان مصلحة

عاش الرجاااااال

[hOuSsAm]

ما تخافيش يا مدام فتفوته ... الخشية مش من المؤيدين أنفسهم لإنهم الى الآن ماعرفوش يجمعوا عشرة ألاف نفر على بعض ... الخوف الحقيقي هو من البلطجية ... لكن طالما الجيش في صف الشعب سيتمكن الشعب من التصدي لهم إن شاء الله

الجملة دي موضع شك بالنسبة ليا من فترة

والدليل التراخي التباطؤ في محاكمة مبارك وشلته

واعتقد ان مبارك خد فرصة كبيرة من الجيش لتسوية اوضاعه بمعاونة صفوت الشريف وبعض المقربين منه

بتسهيلات كبيرة من الجيش

وطبعا كل ده لالتزام الجيش بوعده لمبارك بعدم التعرض اليه او تعريضه للمحاكمة

ولكن مع ضغط الشعب للمحاكمة الجيش ظبط له اموره

ماهو ياستاذ تامر فيه فرق كبير بين الجيش والمركز العسكرى

الشرف والفخر كله للجيش اللى حى الثورة واللى بيتكون من كل الرتب الصغيرة

المجلس العسكرى هى القيادات الحامية لنظام مبارك حتى الان والتباطؤ فى محاكمته هو وشلته

الوقت ده بالذات مش وقت تصفية حسابات مع المؤسسة العسكرية باكملها

وعن نفسى برجح عدم تصفية حسابات مع الجيش نهائيا (بالنسبة لى الجيش خط احمر)

----------------------------

وفيه تعليق تانى كنت قولته قبل كدة ان دى مش شغلانة الجيش ومش فاهمين يتصرفوا ايه ويعملوا ايه قبل ايه وترتيب الاولويات ايه

فى الاخر هما عسكريين وليسوا سياسين او فاهمين فى القوانين والاقتصاد فطبيعى ومقبول يكونوا محتاسين كدة

وربنا يوفقنا ويوفقهم

[arkan]

بعد البدء بمحاكمة مبارك مش هيكون لهم عين يطلعوا

وللحذر يمنع نزول الثوار للميدان يومها وساعتها الجيش لا يكون في حرج من التعامل معهم اذا صدر منهم أى تخريب

واعتقد ده اخر ما في جعبتهم

[Abu Reem]

شاهدت في عدد من القنوات الفضائية منذ قليل ان الجيش قام باخلاء الميدان من كل المتواجدين فيه وتم فض خيم المعتصمين وتم تنظيف الميدان تماما. وطبعا هناك اقوال ان من كان في الميدان غالبهم وجوه غير مالفوة وبعضهم باعةة جائلين وعندما يتم الطلب منهم اخلاء الميدان كانوا يسألون كم ستدفع

- الان هذه خطوة جيدة من المجلس العسكري وقطع الطريق علي مسالة المليونية المؤيده لعوده الرئيس السابق او حتي المطالبة بعوده شفيق كرئيس بديل خاصة بعد اتفاق معظم طوائف الشعب عن الالتفات الي عودة الحياة الطبيعية

- الان ارجو من الجميع عدم التهويل وتصوير الامر المتعلق ب 25 ابريل القادم باكثر مما يحتمل وعدم التسخين حيث ان بضع الاف من المؤيدين لن يضيرنا في شئ فلن يستمع لهم احد بل اعتقد ان من سيقومون بالتظاهر يوم 25 ابريل القادم كل غرضهم  وكل امنياتهم ان يسخن شباب الثورة وياخذوا المسألة حياة او موت وكان ميدان التحرير هي ارض كانت محتلة ونريد استردادها وتصبح معركة وهذا ما يريدوه

- انا احذر لو تم اخذ الامر بالحماس والاندفاع وتم تجييش الجيوش لهذه الموقعه ستكون بالتاكيد كارثة وسيسقط الضحايا وستعم فوضى عارمة وانتقامات بين الافراد والجماعات وعندها قد يتدخل الجيش مضطرا وسيتعرض هو الاخر للاعتداء وستتوه الحقيقة ويضرب الكل في الكل

- الرد علي هذه الخطة هو التجاهل التام وعدم تسليط الضوء عليهم. خاصة لو حصلت مواجهه

- لو كانوا يريدون الاستيلاء علي الميدان والتخويف بهذا الامر فليستولوا عليه بمفردهم فالميادين كثيرة والناس والصحافة والفضائيات يعرفون اسلوب الثوار الشرفاء الحقيقيين وليس البلطجية

ولن يؤيدهم احد الان من الفنانين او المشاهير بعد ان اضطروا جميعا للظهور بمظهر المؤيد للثورة ولن يجرؤ احد فيهم الان بالنكوس مرة اخرى

- لا للمواجه معهم ابدا او التواجد حولهم او ضدهم لا تعطوهم الفرصة لان هذا منتهى هدفهم ( مواجهات دامية وفوضى ) ومن الذكاء عدم الانجرار الي معركة يحددها خصمي ويحدد موعدها ومكانها

التجاهل التجاهل التجاهل والتحكم في الاعصاب , فلندعهم يهتفوا ويطالبوا بما يريدوه فلن يتعاطف معهم احد خاصة بعد تم اخلاء الميدان اليوم

فهل ناخذ موقف ايجابي بان ننبه الي هذا الامر ونمنع المواجهة ونطالب الجميع بالتجاهل

[أحمد سيف]

كلام موزون ومنطقي يا أبو ريم

تنفع تبقى زعيم سياسي والله ... ما بتفكرش فيها؟

[Abu Reem]

كلام موزون ومنطقي يا أبو ريم

تنفع تبقى زعيم سياسي والله ... ما بتفكرش فيها؟

اشكرك اخي الحبيب احمد

انت الخير والبركة ، اللهم اكفنا شر الزعامة

المهم ياريت ننشر هذا الاتجاه الذي يدعوا الي التجاهل لهذه المظاهرة لاكبر قدر من الناس

فلو توصلنا الي حالة من التجاهل التام لهذه المظاهرة ونتعامل معها و كاننا نتفرج علي مسرحية هزلية سنصيب انصار هذه المظاهرة في مقتل وسيصمتوا الي الابد

تم تعديل 12 أبريل 2011 بواسطة Abu Reem

[Om Zayd]

25 ابريل

ده يوم اثنين .. يعني يوم عمل رسمي

(مفيش داعي للاجازة السنة دي)

ممكن يطبقوا عليهم القانون الجديد

:closedeyes:

ده اذا اتجمع عدد منهم اصلا

الراجل بعضمة لسانه قال انه الرئيس السابق .. و بيموت في المستشفى

همة عايزين ايه قلتولي؟

تم تعديل 12 أبريل 2011 بواسطة Om Zayd

[الباشمهندس ياسر]

انسي يا عمرو

و لو عملوها خليها تبقي دم

فرق كبير اوي بين اللي بيعارك عشان قضية هو مؤمن بيها و اللي بيعارك عشان مصلحة

عاش الرجاااااال

عشت يا دكتور

[ابوهنا]

كلام فاضى

دعوتهم لعودة الرئيس مش هيتجمه حولهم اكثر من انفسهم اذا كانوا حوالى الف او الفين

ومش هيقدروا يوصلوا ميدان التحرير لان ممكن الناس تضربهم بالجزم من البلكونات

ماحدش فكوا عنه القيود وهيحل يرجع للقيد تانى الا اذا كان معتوه

لا خوف من هؤلاء

لكن لو كانت مليونيه لعودة الحياه الطبيعيه واخلاء الميدان بعد البدء فى محاكمة كل النظام السابق كان ممكن الدعوه تلاقى صدى

نقطه اخيره: ارجوكم بلاش نردد كلام الساده بتوع ائتلاف الثوره وهجومهم على المجلس العسكرى لان المجلس خلاص استجاب لكل الطلبات نخلى الناس تشوف شغلها ولا مصر مابقتشى غير ميدان التحرير

انا اعتقد لو لاقدر الله غرقت مركب فى اسوان ولا قدر الله اتجرح متظاهر من فتوات التحرير المجلس والحكومه هتهتم بالمجروح وستترك الاف القتلى

الله يكرمكم خلى الحياه ترجع فى مصر طبيعيه تانى