انخفاض أسعار الحج السياحى 12 ألف جنيه.. والتأشيرات مجانا

[ابو محمد بن مصطفي]

أكد أشرف شيحة، نائب رئيس غرفة شركات السياحة، والمسئول عن ملف السياحة الدينية بالغرفة إلغاء التبرعات الإجبارية التى كانت تدفعها شركات السياحة التى تنظم رحلات الحج للحكومة، والتى كانت تبلغ نحو 120 مليون جنيه مقابل الحصول على التأشيرات بواقع 12 ألف جنيه للتأشيرة الواحدة وذلك رغم أن السعودية تمنحها مجاناً.

وأوضح شيحة أن غرفة شركات السياحة لن تسمح بعد ثورة 25 يناير باستمرار أوضاع خاطئة تزيد من الأعباء التى يتحملها المواطن، مشيرا إلى أن ثمن التأشيرات كان يحمل على ثمن الرحلة وبالتالى كان يتحملها الحاج وليس شركة السياحة.

وتوقع شيحة انخفاض أسعار الحج هذا العام إذا ما تم خصم قيمة التأشيرة ليصبح فى متناول القاعدة العريضة من الشعب المصرى كل حسب إمكانياته ومستوى الخدمة الذى ينشده.

بوابة الاهرام

انا وضعت الموضوع في محاربة الفساد لان الموضوع متعلق باموال يتم تحصيلها بدون وجه حق

وللتحقق من اذا لم تكن شركات السياحة تتحمل هذه التكلفة الاضافية ويتحملها المواطن فالي اين كانت تذهب هذه الاموال

ليس هذا فحسب ولكن هناك بعض الوزارات التي تقوم بتحصيل اموال من الشعب وتذهب الي جهات معلومة مجهولة

ومنها علي سبيل المثال وزارة الكهرباء التي اعتادت الصيف الماضي علي قطع الكهرباء عن المواطن المصري

وفي نفس الوقت كانت تقوم بدعم الحزب الوطني بـــ 8 مليار جنية سنويا يتم تحصيها من الشعب المصري

نرجوا معرفة ماهي حسابات الحزب الوطني من اين تمول واذا كانوا يقولون في الماضي انها تبرعات من رجال الاعمال

فلماذا لا يتم التحفظ علي هذه الحسابات ومعرفة مصدرها

فنحن كنا بالنسبة لهم كالبقرة التي كانوا يحلبونها او الدجاج الذي يضع يوميا مئات البيض الذهبي

واذا كان زكريا عزمي قال ان الفساد للركب في الوقت الذي كان الشعب يري فيه ان الفساد قد الجم الجميع

فالفساد في النظام البائد كالتسونامي الذي ظل يضرب مصر طوال ثلاثون سنة

[Howayda Ismail]

فنحن كنا بالنسبة لهم كالبقرة التي كانوا يحلبونها او الدجاج الذي يضع يوميا مئات البيض الذهبي

اولا اشكر حضرتك على الخبر الجميل ده لان الاف البسطاء يكون همهم الاول والاخير زيارة بيت الله الحرام

ويموتون دون تحقيق هذه الامنية

على حد علمى كانت هناك تأشيرات مجانية وربما تكاليف الرحلة كلها مجانا تخرج بالالاف محسوبيات

للكبار ومعارفهم واعضاء مجلس الشعب والوزارات واهمها وزارة الداخلية القائمة على عملية الحج

وكان كل ذلك على حساب المواطنين الراغبين فى الحج بمضاعفة التاشيرة عام بعد عام

وكما قلت حضرتك كنا بالنسبة لهم بقر من ناحية انه مش بيفهم ومن ناحية تانية يحلبوه

ناح النواح والنواحة

على بقرة حاحا النطاحة

والبقرة حلوب

حاحا

تحلب قنطار

حاحا

لكن مسلوب

حاحا

من اهل الدار

حاحا

والدار بصحاب

حاحا

وحداشر باب

حاحا

غير السراديب

حاحا

وجحور الديب

حاحا

وبيبان الدار

حاحا

واقفين زنهار

حاحا

وف يوم معلوم

حاحا

عملوها الروم

حاحا

زقوا الترباس

حاحا

هربوا الحراس

حاحا

دخلوا الخواجات

حاحا

شفطوا اللبنات

حاحا

والبقرة تنادى

حاحا

وتقول يا ولادى

حاحا

وولاد الشوم

حاحا

رايحين فى النوم

حاحا

البقرة انقهرت

حاحا

فى القهر انصهرت

حاحا

وقعت فى البير

حاحا

سألوا النواطير

حاحا

طب وقعت ليه

حاحا

وقعت من الخوف

حاحا

والخوف يجى ليه

حاحا

من عدم الشوف

حاحا

وقعت م الخوف ومن الراحة

والبقرة السمرا النطاحة

ناحت مواويل النواحة

على حاحا

وعلى بقرة

حاحا

احمد فؤاد نجم

تم تعديل 31 مارس 2011 بواسطة Hend ali

[ابو محمد بن مصطفي]

فنحن كنا بالنسبة لهم كالبقرة التي كانوا يحلبونها او الدجاج الذي يضع يوميا مئات البيض الذهبي

وكما قلت حضرتك كنا بالنسبة لهم بقر من ناحية انه مش بيفهم ومن ناحية تانية يحلبوه

شكرا استاذة هند

ولكن اذا كان يتم تحصيل ايتاوات من الشعب (ايتاوات تعبير محاسبي معمول به)

ولم يتم اثباتها في الميزانية العامة للدولة فأذن هي غير قانونية يجب ردها للشعب

[Howayda Ismail]

ولكن اذا كان يتم تحصيل ايتاوات من الشعب (ايتاوات تعبير محاسبي معمول به)

ولم يتم اثباتها في الميزانية العامة للدولة فأذن هي غير قانونية يجب ردها للشعب

طيب هو احنا عارفين نرجع البلاوى اللى سرقوها ومستنداتها موجودة عشان نرجع دى

عوضنا على الله

دى بالنسبة لهم كانت نثريات مش مسجلة وصعب حصرها

[ابو محمد بن مصطفي]

ولكن اذا كان يتم تحصيل ايتاوات من الشعب (ايتاوات تعبير محاسبي معمول به)

ولم يتم اثباتها في الميزانية العامة للدولة فأذن هي غير قانونية يجب ردها للشعب

طيب هو احنا عارفين نرجع البلاوى اللى سرقوها ومستنداتها موجودة عشان نرجع دى

عوضنا على الله

دى بالنسبة لهم كانت نثريات مش مسجلة وصعب حصرها

البلاوي اللي سرقوها ان شاء الله هترجع بس قليل من الصبر والنفس الطويل

والله مستقبل بلدنا هيكون افضل

[mustafagamiel]

ماشاء الله على الخبر الجميل ده

يارب وفق هذه الحكومة للخير وييسر لها امورها واحمها من شر الامور طالما انها صادقة وتريد تخفيف الاعباء عن المواطنين

لاشك ان هذا الخبر سيفرح الناس جميعا اة بمعنى اصح الغالبية من الشعب المصري الاي بيحاول يحوش لفترة طويلة كي يجمع نفقات هذه الشعيرة المقدسة

ربنا يبارك يارب

[Amira Khaleel]

سمعت من مدة قصيرة إن أسعار الحج إنخفضت مبلغ كبير أظن قريت رقم زى عشرة آلاف و ده علشان أنا قبطية يمكن ربط فى دماغى وجود وزير قبطى للسياحة و هى الوزارة اللى بتنظم الحج السياحى ،

حبيت أعمل فلحوسة و و أطلع بموضوع جديد أدخل بيه محاورات المصريين و حطيت فى البحث أسعار الحج السياحى على إنى ألاقى خبر و هوب أنزل بموضوع .....

لقيت كذا رد و إخترت واحد ............ و طلع إيه طلع الموضوع ده اللى انا بكتب فيه .....

أقول إيه عمار يا محاورات و بالنسبة ليه قسمتى و نصيبى لكن برضه كتبت فى نفس الموضوع

و اللا عاوزينى البس الكزرونة ؟

[engmido]

الف مبروك ويارب يكون خبر صحيح وتكون خطوة من مليون خطوة للاصلاح فى مصر اللى لسه مشواره طويييييييييييييييييل

- بمناسبة تأشيرات الحج انا سمعت مرة عن واحد حب يسافر سياحى لقاه غالى عشان التاشيرة

بالصدفة يعرف واحد ليه قرايب فى النمسا ..سفروله الباسبور النمسا وخد تاشيرة السعودية من سفارتها فى فيينا

ورجع الجواز مصر تانى وبعدين سافر الحج و100 100 ...شوفتوش قلة ادب اكتر من كده

يعنى اسهل وارخص اخد التاشيرة من اخر الدنيا واسافر .....ههههههه

ربنا معاكى يا مصر لسه قدامك كتيييييييير قوى

[mekkawy]

و اللا عاوزينى البس الكزرونة ؟

هي ايه الكزرونة دي حضرتك و ايه اللي بيحصل لما بتتلبس؟

أنا بسأل بس ^_^

[ابو محمد بن مصطفي]

أقول إيه عمار يا محاورات و بالنسبة ليه قسمتى و نصيبى لكن برضه كتبت فى نفس الموضوع

و اللا عاوزينى البس الكزرونة ؟

فعلا عمار يا محاورات واهلا بيك في المحاورات زميلة عزيزة

بالصدفة يعرف واحد ليه قرايب فى النمسا ..سفروله الباسبور النمسا وخد تاشيرة السعودية من سفارتها فى فيينا

ورجع الجواز مصر تانى وبعدين سافر الحج و100 100 ...شوفتوش قلة ادب اكتر من كده

يعنى اسهل وارخص اخد التاشيرة من اخر الدنيا واسافر .....ههههههه

ربنا معاكى يا مصر لسه قدامك كتيييييييير قوى

هو ده فعلا اللي عايزينه بعد الثورة لا للاستغلال لا للفساد .... لما ادفع في الحج زي المسلم الامريكي وزي المسلم المغربي وزي المسلم الكيني وزي المسلم الماليزي وزي المسلم التركي هنا بس الثورة تبقي نجحت وبمتياز

و اللا عاوزينى البس الكزرونة ؟

هي ايه الكزرونة دي حضرتك و ايه اللي بيحصل لما بتتلبس؟

أنا بسأل بس ^_^

مكاوي باشا الكزروله ده يضرب بيها المثل لما الواحد يلبسها فوق نافوخه مع ترديد النشيد الوطني ليها ....

انا سوسن اخت القمر بين العباد حسني اشتهر

يا مكاوي دي عمله زي نشيد الصباح يعني معروفة يا مواطن

وده صورة ليها