يا ريــــان..إظهر وبان - سلم النمر .. وعليك الأمان

[good_future]

جائنا البيان التالي

من مكتب..كبير القاعدة...و اللمه...بمصر للطيران

ننعي للشعب المصري

....خبر بقائنا جالسين علي انفاسكم

...حتي تخرج بسلامه الله من الاجواء المصرية

ووقعت طيارات...او اتخربت الشركه...فكله غصبا عنكم ...تمام

و لتعلموا اننا جالسون...لان موقعنا  و مناصبنا...مربوطه بحزام امان متين

ماركة رضا ...الست....ورضا تاج الراس

اما عن من كذبوا بياناتنا ...بان الركاب كلهم..بخير...و احياء

فهم المخطئيين....أولا... كلهم ...احياء...لأن من مات منهم إنما هم احياء عند ربهم يرزقون

أما كلهم بخير...لأن من مات...فقد أستراح منا.......و خرجت روحه بسلامه الله من الاجواء المصريه

أما المصابين....فسوف...نعكمهم حبه فلوس...حار و نار في جتتهم

ولكن علشان يخرسوا....و هو برضة ...يبقا خربنا الشركه الوطنيه للطيران

و خربنا الشركة الوطنيه...للتأمين

و يبقي ضربنا شركتين..بطيارة واحدة

و موتوا بغيظكم...فالكلاب تنبح ...و الطائرات...تسير(اسف اقصد...تطير)...من

مكتب خربينها...و قاعدين علي تلها

مكتب...اللوز ...خربان

...صورة لمكتب ست الكل

...صورة لمكتب كبير القاعدة و اللمه المصريه

صورة للسيد ..رئيس مجلس القاعدين علي تلها...و خاربنها

[ragab2]

أما كفى تهريجا

وازاحة هذا الريان العجوز

والذى فقد صلاحيته وفقدت الشركة علي يديه الضبط والربط

وانعدمت الصيانة للطائرات وفقدت الادارة سيطرتها على الطيارين والعاملين بالشركة

فتساقطت الطائرات كأوراق الشجر فى الخريف واحدة تلو الأخرى

أما كفى كل هذه الكوارث للاستغناء عن هذا الكهل الذى أصبح صورة بدون مضمون

[achnaton]

أهلا يا أخ رجب .. الحقيقة الموضوع مش السن ويمكن جدو فهيم ماسك نفسه وتفكيره شوية فليس من السهل على بنى آدم فى هذا السن أن يستولى على مرفق زى ده يمثل فى بعض الدول المتقدمة أحد الموارد لميزانية الدولة .. وجدو فهيم فاهم إنه أستاذ فى علم الأدارة والأقتصاد  بجانب دبلومة فى تزييت الماكينات البشرية اللى قاعدة فى كراسى الحكم .. وفاكر إن بزمالته للرئيس فهو آمن فى عزبته .. ولكن تأكد أن الطوفان لما بييجى  فيه ناس كثتير بتجرى قدامه .. وأعتقد أنه آن الأوان للأستفاده من هذا المرفق الهام لصالح خزينة الدولة وقفل حنفيات التزييت اللحلوحى التى يسطير عليها شيخ العفاريت .. الجميع يعلم الآن الآن أننا بنمر بمرحلة الأستعانة بالهبل والمستهبلين .. ويعاونهم الأفاقيين والمرتشين والمنافقين .. وظاهرة العلم يذلك ظاهرة صحية جيده ستطيح بأذن بجدو فهيم وأمثاله وعلى رأسهم  غراب الخراب الأقتصاد وخبير توزيع الكساد رئيس الوزراء وحترجع اموال الشعب اللى نهبوها الى خزينة الشعب ل، المنهوب فى عصر الأنترنيت والتقدم العلمى اصبح معلوم للجميع وكل من بنى قصرا من اموال الشعب ومن لحاليح التزيت ومقالات النفاق سيعلم أنه بنى بنى قصرا من الرمال .. شيلوا فهيم ينقشع الغيم

اخناتون الحزين   :D  ;)  ;)  :cry:

[Arabisc]

Salam Alykum

I do not think that EgyptAir is making any profit these days anyway. anyone has data about that ?

Salam Alykum

[achnaton]

ماهو ده اللى احنا بنقوله يا أخ ارابسك .. والمفترض بل والموجود فى العالم هو ان مثل هذا المرفق بيحقق مكاسب للدولة .. وخزينة الدولة إذل كان هناك حسن إدارة وخوف من الله ..  والحادث هو العكس .. والشيطان عندما يعمل للأسف بيعمل بدقة واجتهاد  ..ولما نشوف الأرقام الحقيقية التى تعلن عنها شركات الطيران العالمية نلاقى نفسنا حاسين وشاعرين بالمستنقع اللى احنا بنعتبره مؤسسة .. فى كل سنتيمتر مربع من هذا المستنقع الأقتصادى حلاقى فيه خرم بيسرب المال فيه حاجة غلط .. ولازم الحاجة دى يتم علاجها وبجدية وفعالية .. فيها إيه لما لما نغير الإدارة ونقفل باب المغارة ونمنع دخول اللصوص ومصر ولاده وفيها الأغلبية شرفاء ولكن الطريق أمامهم مسدود لأنهم لا يؤمنون بزيت اللحلوح ولا بالإشتراك فى مواكب النفاق وعشان كده قالعدين فى بيوتهم سعداء بلقمة شريفة ويعطون فى صمت ما يستطعون .. جدو فهيم وامثاله لم يعدوا صالحين لخدمة الشعب فهم أنفسهم فى حاجة الى خدمة الشعب .. محتاجين لبيت للمسنين- واللهم لا إعتراض على قضائك - وما أكثر المحتاجين لأستمارات الألتحاق بهذه البيوت ..

مع تحياتى ..

اخناتون الحزين

[achnaton]

وزير الطيران الجديد الظاهر مش عاجبه الحال .. ومش عاوز يلعلبها مع جدو فهيم آمال خبرة التخريب والفردية حيكسبها ازاى وده راجل عسكرى .. يعنى واخد على ان الخط المستقيم هو اقرب الطريق الى الهدف كما انى اتصور ان علاقنه بالرئيس امتن وافضل لأنهم فى الهوى سوا ويجيدوا التفاهم باللاسلكى .. كما انى قريت انه ناوى يستقطب الطيور المهاجرة والهاربة من العزبة وتحويلها الى بارك عالمى ملك للدوله وكل طيار يلاقى فيها عشه وكل موظف يطمئن على عيشة وفيه حاجة إسمها اقرار الذمة المالية بيقدمه الموظف كل عام ياريت القرارات دى تتراجع ويطير فى السما كل طير ربرب وربى دهون ولو ياريت بأثر رجعى ويقدم لنا نتائج رحلة المليون لبعض الأفاقين اللى عملوا ثروات وشركات على حساب سفح المصريين .. ويبص شوية للمطار القديم ويشوف راحت فين الملايين اللى انصرفت على مدى الأعوام اللى فاتت ومازال المطار عايش فى ضلمه وياريت يوسع المطار لبره ويآخد مساحة من البارك الخارجى ينقل فيها السوق الحرة والكافتيريا والبنوك ويوسع المسافات بين السيور ويخلى الدور الأرضى الموجود مخصص لركاب الوصول وجزء منه لأنهاء تسفير الركاب.. والأسترحات والخروج تبقى من دور تانى جديد يبنيه ولو بالحوائط الجاهزة فوق المبنى الموجود ومقسم أيضا الى صالات وعدد من بوابات الخروج   وامام كل صالة كشك صغير فيه ضباط الجوازات ينهو ركاب كل طيارة ويتنقلوا من بوابة الى اخرى عند الحاجة .. تمام زى صالات السفر .. اما الوزراء والمهمين فتخصص لهم بوابه للجميع فى اقصى اليسار او اليمين توصلهم لصالة كبار الزوار بعيدا عن الأنظار ويمنع منعا باتا اختراق الصفوف بالواسطة امام الضيوف وكل واحد ياخذ دوره من غير ما ينده عليه موظفى التسليك المنتدبين من الإدارات المختلفة وكل واحد يشوف شغله وبس .. وياريت السيد الفريق يشكل فريق من المراقبين لطرد المارقين وخاصة من الشيالين اللى حاطهم مصر للطيران لمساعدة المسافرين ويفضل الواحد منه لازق لغاية ما يأخذ اللحلوح وكذلك سواقين التاكسى والليموزين وصائدى الركاب من اصحاب السيارات الملاكى .. كل دول يقفوا بعيد فى البارك ويخشوا بطابور امام ابواب الخروج التى يجب ان تكون متعددة ولا يسمح لهم بالانتظار فى الشارع ولكن يركب الركاب ويرحل فورا فلا يوجد فوق الرصيف الا السادة الواصلين ومعهم المستقبلين .. وينشر داخل الصالات عربات كافتيريا او استندات ويراقب الأسعار فمش معقول يبقى فنجان الشاى بخمسة جنيه وسرفيس منيل بستين نيله !! وحاجات صغيرة كتير ممكن شوية شوية يستكملوها المهم ان الراجل المهم ياخد اطول مرحلة من المسافرين او الراحلين حتى يرى ويجرب وممكن يأخذ قرار فيما يخصه لتسهيل الأمر مش من برة بره على صالة كبار الزوار .. لازم نخليه يشوف كل حاجة حتى مرحلة الخروج الى منطقة الجنارك ممكن يرحل الى مستقبليه فى صالة كبار الزوار وممنوع تمام الاستقبال على باب الطيارة حتى ولو كان الجاى شيخ الحارة .. وانا على استعداد كمستخدم دائم للمطارات لنصف قرن من الزمان ان ابعث له بالتفصيل اى رد يحتاجة طالما الهدف النهوض بسمعة البلد .. وربنا معاه

اخناتون      :inlove: