انت ......................شايفها ازاى

[Howayda Ismail]

http://www.youtube.com/watch?v=TuZwHMT_OyQ&feature=player_embedded

والله الواحد بقى محتار يشوفها ازاى

عن نفسى بقيت واقفة فى الاوفسايت زى مابيقولوا

فى بوادر الثورة كلنا كنا فرحانين بالتغيير اللى حصل وسقوط النظام وماتلاه من سقوط الفاسدين

وامن الدولة والاستفتاء وحاجات غيرهم كتير

لكن دلوقت وبعد الحرايق اللى بتحصل يوميا

ووجود اذناب للنظام وامن الدولة بتتحرك بكل حرية تحرق هنا وثير شغب هناك ومحاولة زرع الفتن

والتشكيك فى كل شئ وكل شخص

الاهم من كل ده الجيش بيطبق احكام البلطجة فى غضون ساعات وكثيرا مايتم بعد منتصف الليل دون محامى

او قاضى مدنى بل كلها احكام عسكرية واصبحت العملية مشبوهة باخذ المذنب والبرئ وكانه كارت ارهاب

سيخرج وقت اللزوم

فى نفس الوقت لم يصدر حكم واحد يثلج صدورنا ضد المفسدون اللى خربوا البلد ونهبوها بل اعطيت فرصة

لكثير منهم لتسوية نفسه وترتيب اوضاعه بل سهل لاخرون الخروج من البلاد رغم انه موضع شبهة وبعد سفرهم

اصبحوا مطلوبين للتحقيق اى نكتة دى ماهو لو كان نزيه وشريف عمره ماكان حيسافر ويثير الشبهة

لكن الحكومة عملت بالمثل يبقى ابنى على كتفى وارجع ادور عليه

مش عارفة حاسة انه بيضحك علينا

عارفة انكم حتقولوا ده تشاؤم طيب فين الاجابة على اسئلتى

لم غضوا الطرف عن فرم وحرق الاوراق فى مجلس الشعب ومكاتب عز وكملت بامن الدولة رغم كان فى امكانهم

منعها لان حاجات من دى كتير تمت تحت عين وسمع الجيش ولم يحرك ساكنا الا بعد خراب مالطة

لمصلحة مين التوهة اللى احنا فيها

طالما النائب العام مكبل بكثير من القضايا والاوراق ليه الجيش لايعقد جلسات عسكرية للسادة

الفاسدين لعز وجرانة وغيرهم لان هم افظع من البلطجية انفسهم اللى صنعوهم بايدهم

ليه لحد دلوقت سايبين صفوت الشريف وسرور وعزمى

ليه لحد دلوقت سايبنا بناكل فى نفسينا.

واخيرا انت دلوقت شايفها ازاى ؟!

[التونسى]

بعين التفاؤل :happy: .. شايفها حكمه من الجيش ,, وصبر .. حتى يتم فهم الوضع بشكل كامل الوضوح .. ومحاصرة الفساد والفاسدين ببطء ودهاء .. حتى تتحين الفرصه للقضاء عليهم بدون مقاومه او خسائر جسيمه .. لانه عند تضيق الخناق على بعض كبار الفاسدين ممن يملكون حتى الان بعض القوه .. قد يولد لديهم مبدأ (انا ومن بعدى الطوفان)).. واللى بيغرق .. ممكن يغرق الكل معاه .. حتى اللى بيحاول ينقذه

بعين التشاؤم :closedeyes: .. شايفها تواطؤ من بعض قيادات الجيش .. اللى متورط بعض من قادته .. سواء فى الفساد.. او فى الولاء لمبارك .. وبيدبروا لشئ يقدروا على الاقل يمسكوا فيه العصا من المنتصف ((يعنى يفلتوا من المسائله هما والشله الفاسده المقربه جدا زى صفوت وسرور وعزمى .. وفى نفس الوقت يرضوا الشعب ))

[fatfouta]

شوفى يا هند الفيديو واقرى الكلام بالمقلوب

ثقتنا فى ربنا كبيرة ان شاء الله

فيديو روووووعة يا ريت تشوفوه

http://www.youtube.com/watch?v=TuZwHMT_OyQ

تم تعديل 26 مارس 2011 بواسطة fatfouta

[الباشمهندس ياسر]

مصر خلاص اتغيرت

و هنبقي نستاهل اسم مصر فاكريم المداخلة دي..؟؟؟

مش عارف اجيبها هي ف موضوع ماذا لو بتاع الحبيب عصام شوقي

طب فاكرين دي

مبدئيا لك كل الشكر على هكذا موضوع

تخيل يا هندسة

كنت عاوز اعمل موضوع بعنوان

هل نستطيع إعادة صياغة الانسان المصرى ؟

و كنت من داخلى مقتنع ... مفيش فايدة يا عم احمد

الناس دى و الشعب ده مش ايجابين ولا حتى نص بوصة

معتقلات الثورة المباركة و كوارث تعاملهم مع الناس من مختلف المستويات قضت تماما على اى اطلال لارادة التغيير داخل الانسان المصرى

أعتقد أننا فى حاجة ملحة و شديدة للتغيير ووجهة نظرى البسيطة بتقول ان التغيير هيجى من طريقين

الاول و هو الاصعب : ان يتم التغيير على ايد الشعب و نبقى صادقين ف النية دى فعلا و عندنا استعداد نضحى بأموالنا و أوقاتنا

و ربما بعض أرواحنا ف سبيل الوصول لهذا الحلم و تقريبا و الله اعلم ده مش هيحصل لاسباب منها

ان اللى بيحكم مصريين مش احتلال

انتشار الفكر السلفى و أطع ولى الامر و ان اخذ مالك و جلد ظهرك

الناس اللى تملك رفاهية التفكير .. مش ف دماغها اساسا

ذكاء النظام الشديد فى تحييد من يملكون القدرة على التغيير

اخيرا : ان الناس موجوده جوه الخلاط و الخلاط بيضرب فيهم و السكرة منسياهم اساميهم

الثانى و هو الاسهل : ان الحاكم القادم يكون بنى ادم فيلسوف و رايق اوى و ابن ناس اوى و يقرر انه يعمل مشروع قومى لأزالة الاتربة و الصدأ

من على قشرة المصرى الجميل ...(( رجعنا تانى للشعب اللى متعلق ف ديل امه))

ع الرابط ده

http://www.egyptiantalks.org/invb/index.php?showtopic=84142