شاهد الان فيلم " البريء "على قناة المحور

[se_ Elsyed]

الفيلم لسه باديء دلوقت

تحفه فنية

احمد زكي

عاطف الطيب

وحيد حامد

مع المبدع عمار الشريعي

بجد .. فيلم تاريخي

[rewsha]

حرام عليك يا سي السيد

اقول ايه بس ...(.ِمنًك ِللٍي اْكلت دراع جوزها)

انا قلبي اتقطع لما شوفت المساجين وهمه نايمين على الارض علشان ياْكلوا رغيف العيش بدون استخدام ايديهم

وكنت هاعيط والله

مش لاعبه يا عم

اروح اشوف لي حاجه تانيه اتفرج عليها :sad:

[Handasah]

الفيلم دة من اروع افلام احمد ذكى.....................

[Simba]

طبعا فيلم تاريخي واداء عبقري من احمد ذكي الله يرحمه

انا شفت الفيلم ده زمان ايام الفيديو اللي انقرض وكنت مستغرب ازاي فيلم زي ده يخرج للنور اصلا

وحسيت ان الفن المصري بطريقة او بتانية مقصودة او غير مقصودة كان له دور كبير في قيام الثورة

رغم تحفظنا علي عادل امام وان كان من اكتر حد يغازل النظام لكن افلامه كانت بتفضحها

احنا بتوع الاتوبيس والارهاب والكباب حتي مسرحية الزعيم

وفيلم ضد الحكومة لاحمد ذكي

وحاجات تانية كتير

[ozoozo]

حرام عليك يا سي السيد

اقول ايه بس ...(.ِمنًك ِللٍي اْكلت دراع جوزها)

انا قلبي اتقطع لما شوفت المساجين وهمه نايمين على الارض علشان ياْكلوا رغيف العيش بدون استخدام ايديهم

وكنت هاعيط والله

مش لاعبه يا عم

اروح اشوف لي حاجه تانيه اتفرج عليها :sad:

ياستي ماهو دول اعداء الوطن

ويحمدوا ربنا ان اعداء الوطن بيحطولهم اكل بدل مايقتلوهم

[rewsha]

حرام عليك يا سي السيد

اقول ايه بس ...(.ِمنًك ِللٍي اْكلت دراع جوزها)

انا قلبي اتقطع لما شوفت المساجين وهمه نايمين على الارض علشان ياْكلوا رغيف العيش بدون استخدام ايديهم

وكنت هاعيط والله

مش لاعبه يا عم

اروح اشوف لي حاجه تانيه اتفرج عليها :sad:

ياستي ماهو دول اعداء الوطن

ويحمدوا ربنا ان اعداء الوطن بيحطولهم اكل بدل مايقتلوهم

شوف يا /اوزوزو

اعداء الوطن اعداء الشمس .ماليش فيه

انا شوفت كلام سي السيد (وانا باثق في كلامه) فجريت فتحت التلفزيون .

اول مشهد اشوفه .هوه بتاع العيش ده .

والواحد مش ناقص اليومين دول بصراحه .

[pink rose]

الفيلم تحفة فنية بجد

من الافلام الي بحب اشوفها لاحمد زكي و ممكن اتفرج عليه كل ما يجي في التليفزيون

و كنت مستغربة ازاي احمد زكي ما اخدش بالفيلم دا جائزة عالمية

اتقانه الشديدة لشخصية احمد سبع الليل فعلا يدعو للانبهار

اغنية الدم اللي في ايديا من روائع عمار الشريعي فناااااااااان

[شرف الدين]

طب بما إني ما اتفرجت على الفيلم ده كتير

هل حد فيكم مشهد شاف النهاية الحقيقية بتاعته ؟

[se_ Elsyed]

شكلهم ناويين يخلصوا علينا النهاردة

على الحياة 2 الان فيلم " الهروب "

اجررررررررررررام لأحمد زكي أيضاً

أداء مالوش حل

وعاطف الطيب مره أخرى ..

الراجل ده كن عبقري .. رحمة الله عليه مات صغيراً قبل أن يستكمل مشوارة

[سكر]

عشان خاطرك انت بس يا سى السيد

اتفرج على التحفتين دول

http://www.youtube.com/watch?v=UYEWaE2wy0M&feature=player_embedded

خلى بالك مبنى الحزب الوطنى واضح قدامك

http://www.youtube.com/watch?v=FmPnm38mR_k&feature=player_embedded

[مغتربة]

احمد ذكى الله يرحمه عبقرى تمثيل فعلا

لولا انه مكنش بيجيد اللغه الانجليزيه لكان وصل للعالمه فعلا

و الله انه بيتفوق على كتير من الممثلين الاجانب المخضرمين

اهداء بسيط على الماشى

http://www.youtube.com/watch?v=HXmKNrF27xU

[سهران]

عبقري فعلا ... شوفوا درجة الأجادة في تقمص الشخصية ... نظرة العين ..... بيجري و هو أيديه الاتنين قدامه ...تعبيرات وشه ... محاكاة باتقان غير طبيعي ... و لما تشوفه في البيه البواب رغم تقارب نمط الشخصيتين في البداية لكن تلاقيه أداهم بنسق مختلف مبهر ... الله يرحمه كان فنان حقيقي .

[MZohairy]

لو الله يرحمه ماكانش عمل غير فيلم البريئ لكفاه و لوضعه في مقدمة عظماء الممثلين العرب بلا شك

اعجاز تمثيلي غير طبيعي من احمد زكي

و موسيقى شديدة التأثير من عمار

رحمة الله على زكي و الطيب

[se_ Elsyed]

في يومين متتاليين عرضوا 3 أفلام لأحمد زكي ..... شيء في منتهى الروعة

البريء

الهروب

وبالأمس .. ضد الحكومة

-------------

خداو بقوا أغنيتين من فيلم البريء لعمار الشريعي اللي غناهم بإحساسة

يا قبضتي دقي على الجدار .. لحد ليلنا ما يتولد له نهار

يا قبضتي دقي على الحجر .. لحد ما تصحي جميع البشر

لحد ما تتفسر الأسرار

مش فاهم اللي حاصل .. لكن بقلبي واصل

و اللي مش فاهمه عقلي .. بتشرحه السلاسل

يا قلوب بتنزف دم في العتمة .. يا قلوب بتنزف دم و تغني

سجنوا و بيسجنوا الكلمة .. و الكلمة غصب عنها و عني

طلعت من القضبان و من الأسوار

http://www.youtube.com/watch?v=9bvYNBZwzrk&feature=related

والأغنية دي تحفه ( الدي اللي في إيديه ) .... وإهداء إلى بابا حُسني المحبوس في شرم الشيخ

http://www.youtube.com/watch?v=zXvpyBJcSOk&feature=related

-------------

[se_ Elsyed]

الشيء بالشيء يُذكر بقى

رائعة أخرى لعمار الشريعي

حبيبتي من ضفايرها طل القمر

وباهديها لمصر .... الأم العظيمة التي لا تمل ولا تكل وتصبر .. وتمرض ولا تموت ... وعندما تنتفض .. فإنها تُعلم العالم كله معنى الحضارة

http://www.youtube.com/watch?v=UGVDn4JHLLg&feature=related

وخدوا بالكم من الجُملة دي

" والحب في الدنيا دي طوق النجاة ... لولاه يضيع قلب المحب الوديع "

[محمد عبدالعزيز]

الفيلم ده له معايا ذكرى إنما إيه, جامدة

الواقعة دى حصلت فى سنة 2002, كنا بنتداول الفيلم ده على الكمبيوتر فى السر كده, أيام ماكنا بننقل الهارد ديسك بذات نفسه عشان ناخد نسخة من الجيمز والأفلام وما شابه.

المهم, زميل ليا فى الشغل-وكنا لسه متعرفين على بعض- لما سمعنى بشكر فى الفيلم طلبه منى يشوفه,تانى يوم جبت له معايا الهارد فعلاً وخده معاه اتفرج على الفيلم وجابهولى بعد يوم, بس المفاجأة بقى لما زميلى ده -معلقاً على الفيلم- قال لى: إنت تعرف إن عمى مقدم فى الأمن المركزى؟

ولكم أن تتخيلوا بقى رد فعل الجملة دى كانت إيه, بس الحمد لله علاقتنا ببعض ممتازة حتى الآن.

المشهد اللى بنتظره فعلاً لما بتفرج على الفيلم ده, هو مشهد قتل صلاح قابيل, لما بيقعد أحمد زكى جنب الجثة, وتيجى الكاميرا من وراه ويبقى محمود عبدالعزيز فى المواجهة وأحمد زكى ظاهر بظهره.

علطول بيقفز إلى خيالى مشهد الكلب وهو واقف بيلهث قدام صاحبه-وأحمد زكى فعلاً كان بيلهث فى المشهد ده فى حركة توحى فعلاً بكده- بعد اقتناص الفريسة ومنتظر الجايزة والاستحسان من صاحبه, وقد كان وتم مكافأة العسكرى وترقيته إلى عريف.

المشهد ده فعلاً فيه عبقرية فى كل حاجة, فى الأدء وفى الإخراج وفى التصوير وفى الكتابة, مشهد عبقرى بمعنى الكلمة.