مافعله د. عبدالمنعم ابو الفتوح امس هل تؤيده ام تعارضه

[pink rose]

باشمهندس حضرتك بتقول كانوا صلوا خلف المدرجات او في هدوء و سكينة في حديقة المكتبة

لكن دول طلعوا المنصة و صلوا و عينهم على الكاميرات

معلش هو حضرتك كنت هناك و شوفت بعينك اللي حصل و لا دي مجرد تخمينات من حضرتك

احب اقول لحضرتك معلومة صغننة اوي

اسكندرية اليومين دول تلج و المكتبة على البحر مباشرة و اسألني انا بقى عن الجو دا

لو حضرتك في الجو دا تصلي جوا القاعة و لا تخرج تتجمد

بدأت احس ان الهجوم لمجرد الهجوم و خلاص

و اتحول التوبيك لخناقات و اتهامات للناس بدون ما نشوف

زي موضوع الكنيسة بتاعة اطفيح كله قاعد قدام الكومبيوتر و نازل تحليلات و اتهامات من غير ما يشوف بعينه

[abaomar]

أخى وصديقى اللدود abaomar

يزيدنى شرف ان اكون اخاك و صديقك :P بدون لدود

أولا عود حميد

ثانيا .. مش عارف كنا حنشوف مداخلاتك امتى لو كانت نتيجة الاستفتاء .. لا :)

تخيل يا ابو محمد دى كانت اول مره فى عمرى اكون مستعد لاحتمالين احدهما مؤلم

بنفس درجه التفهم و القبول

ثالثا .. تأكد أننى لو لاحظت أى تجاوزات فلن أسكت

الفكر ياسيدى نقده متاح للجميع .. وخصوصا الفكر السياسى فى هذه المرحلة التى نمر بها

اخى الحبيب هناك فرق بين الفكر و التشويه المتعمد فضلا عن الدخول فى النوايا و ليس لاحد طاقه بهذا

مداخلات حبيبنا ارش موجوده و فيها اصرار متكرر و متعمد على تشويه الاخوان كفكر و منهج

و حتى كافراد و اعتقد هذا يتعارض مع القاعده

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل

تعرف يا ابو محمد مكانه المنتدى لدينا و لطالما تحاورنا و لكن لا داعى للتشويه فليس صعب على احد

فعل ذلك خصوصا من هم مثلى و مثلك من يقرأ جيدا و يستطيع الوصول الى حقائق كثيره بفضل الله

تم تعديل 24 مارس 2011 بواسطة abaomar

[شرف الدين]

لا اله إلا الله

أنا بجد مش مصدق

وصلت اننا هنتخانق على الصلاة كمان

يا سبحان الله

المشهد اللي قوم دنيا الغضب على مبارك ونظامه وأنا أزعم إنه كان أحد أهم أسباب سقوط نظامه هو مشهد الأمن المركزي وهو بيرش المتظاهين بالمياة أثناء سجودهم

ايه المشكلة لما الناس تقوم تصلي ... حتى ولو فين .. طالما مفيش مكان تاني.

ايه المشكلة لما الناس التانية تستنى لما المصلين يخلصوا الصلاة بتاعتهم.... ايه اللي هيحصل يعني

الدنيا هتتهد

وبعدين ازاي مكان زي مكتبة اسكندرية ميبقاش فيه زاوية حتى للصلاة

وبعدين الموضوع زي ما قال الأخ أبو عمر مر عليه فترة

ليه جايين نصحيه دلوقت

هل الموضوع ده هو اللي هيحدد مستقبل مصر

يا ترى هل كنا ممكن نتخيل وقت الثلاث أسابيع اللي استغرقتهم الثورة .. يمكن أهم 3 أسابيع جيلنا عاشهم في حياته كلها .. هل كان حد فينا يتخيل ساعتها إننا هنقعد نتخانق على الحاجات دي بعد ما ننجح.

يا جماعة الأرض تتسع للجميع سلفيين - اخوان - مسلمين - مسيحيين ..

الأرض تتسع للجميع ... ( والأرض وضعها للأنام ).

يا ريت يا جماعة نتخانق على حاجات تستحق.

مصر تستحق منا أكثر بكثير من ذلك.

[abaomar]

طيب تالت مره عشان الشطار ,,

اللي يطلع فوق المنصة وادام الكاميرا ويبقى ضارب بعينه كده شايف الكاميرا بتصور ولا لأ يبقى حقيقي ( مالوش حق ) :happy:

الصلاة تحتاج الى الهدوء والسكينة والمكان الرحب الفسيح وهذا كله تمت اتضحية به في سبيل الظهور فوق المنصة ,,

محاولة حشر الدكتور عمرو خالد للتشتيت لا ما بتشتتش والملف كنت قفلته لجل خاطر مصطفى لكن 3 مداخلات تالية اصرت على فتحه اوكي نو بروبليما ,,

آه من صدقة السر وفضلها عند الله ,,

لكن صدقة العلن فضلها الاكيد عند الناخبين ,, ودي نزود فيها بقى على قد ما نقدر ,,

الغريب يا ارش إنك ما حضرتش الندوه و ما شفتش بعينك و حتى إللى نقل الخبر ما جابش كل التفاصيل

إللى بتتكلم عنها ..حكيم روحانى حضرتك ؟؟؟ :closedeyes:

و الاتهام بانهم يضحوا بصلاتهم رياء و سمعه يسألك الله عنه يوم القيامه فاعدد لذلك جوابا

..و بعدين عمرو خالد مرحله و عدت بعد الإعلان المضحك بتاع خد معاك خمسه ..يمكن علشان الحسد

انا كنت بارد بس على أخونا الحبيب و باختبر فراستى

و اورى بعض الناس اين كان يجلس عمرو خالد عندما يتكلم وجدى غنيم و دى ما فيهاش عيب

لان التلميذ ده مكانه و فى النهايه كلهم إخوانجيه زى بعض ....زُمُل يعنى .

اما بالنسبه لموضوع الصدقه و فتواك بفضلها الاكيد عند الناخبين فإفتأت اخر لا طاقه لك به

فاعدد لها ايضا جوابا امام الله

.

تم تعديل 24 مارس 2011 بواسطة abaomar

[أبو محمد]

يا ريت يا جماعة نتخانق على حاجات تستحق.

مصر تستحق منا أكثر بكثير من ذلك.

طيب يا أستاذ شرف .. تعالى ننصب العركة (الفكرية) فى هذا الموضوع علشان خاطر مصر

[م تيمور المراغي]

لسه مامسكتوش الحكم ,,

و تلوحون بالعذاب والحساب امام المولى سبحانه ,,

روح الاسلام الحقيقية

قد يهديها الخالق لعبد من عباده ,,

ينير قلبه فيرى الحقيقة بقلبه لا بعينه ولا ادعيها ,,

ماقلتش ان صلاتهم كانت رياء ,,

لكنها يقينا كانت تشوبها شائبة ما ,,

السؤال هو هل كانت بحسن نية او تلقائية عفو الخاطر !,,

جوابي هو : لا اظن ,,

الاخواني حافظ مواقيت الصلاة اكثر من اسمه ,,

طبيعي اول ما عينه تيجي على جدول اعمال المؤتمر يقوم قايل للمنظمين ,,

سنؤجل بدء الجلسة ربع ساعة لما بعد صلاة المغرب ,,

ولم يكن احد ليعترض ,,

انما فجأه كده و حي على الجهاد الى المنصة ,,

فحقيقي كانت مبالغة في اقامة شعيره تتطب كل هدوء وسكينة ورحابه في المكان ,,

ورابع مره حشر الدكتور عمرو خالد في الموضوع شغل مبتدئين جادلني بطريقة اكثر احترافية زي ما بجادلك ,,

تحيتي يا بو عمر وكل المتعاطفين ويارب تفهموني صح ,,

اللهم ارزقنا الاخلاص في الصلاة فقط لوجهك الكريم ,,

لا لتحقيق مكاسب سياسية ,,

[Om Zayd]

*******************

انما التيار الاسلامي حيقولوا نحن ربانيون,, لا ننطق عن الهوى ,, لاتجادل شيخك,, لا تجادل مرشدك ,, اسمع ,, اطع ,,

كمان بيدّعوا العصمة؟؟؟

:blink:

و يا تري فيه دليل على الاتهام الخطير جدا ده؟؟؟؟

عموما .. لما عالم يقول فتوى .. موقفي اما انني استطيع تمييز الدليل .. فاناقش حتى اقتنع

او لا استطيع .. اذن التزم بما قاله من اثق في علمه و دينه

المسلمون كانوا يسألون الرسول صلى الله عليه و سلم ان كان هذا وحيا ام هو الراي و المشورة؟

و كثيرا ما اخذ برأيهم فيما ليس فيه وحي

المسلمون كانوا يناقشون الخلفاء الراشدين

و يحاسبونهم .. و لم ينكر الخلفاء هذا عليهم

أعتقد - ولا ادعي معرفة قوية بالاخوان- انهم كانوا يتعاملون مع افراد جماعتهم بنظام عسكري .. أوامر واجبة النفاذ دون نقاش و المعرفة على قدر الحاجة

اما الآن الوضع تغير و معه ينبغي ان يتغير الاسلوب

تم تعديل 24 مارس 2011 بواسطة Om Zayd

[م تيمور المراغي]

ده الفرق بين الاخوان كتيار سياسي وبين غيرهم ,,

غير الاخوان حيبقوا موظفين عندنا بنشغلهم لخدمتنا جايبينهم عشان كده نحن الاعلى منهم لاننا الشعب ,,

اما التيار الاسلامي عموما ومكتب الارشاد خصوصا فلا ,,

لانهم هم القادة وعلى اتباعهم السمع والطاعة زي ماعملوا في شباب الاخوان قبل الاستفتاء ب 5 ايام وسحبوهم بالامر كده تحت التهديد من الائتلاف ,,

فرق الله شملهم زي ما فرقوا ائتلافنا ,,

و الشيخ يعقوب في فيديو الصناديق يحث محدثيه على طاعة المشايخ حتى لو العقل قال غير ذلك لكننا لابد ان نطوع عقولنا على قبول توجيهاتهم

لما يمسك ده ولا ده ازاي حقول له كنت فين ورايح فين وما انجزتش ليه وناوي على ايه

احنا عاوزين حكام من الاخر كده نمرمطهم في الشغل ,,

وايدينا في ايديهم اللي ينام فينا نكربجه ما فيش تهاون ولا تقصير ,,

انما حكاية الغي عقلك ونفذ مغمض العينين فده كان زمان وجبر خلاص ,,

تحيتي للجميع ,,

[eslam elmasre]

كلنا تكلمنا عن صلاة المغرب

ماذا حدث في صلاة العشاء

هل تم تاخيرها وإكمال الندوة ام انفضت الندوة لتمام الصلاة

ام ان ضربتين في الرأس توجع

يعني كانوا يكملوا الطقم يكون افضل بكثير

الصلاة للشهرة باطلة ولن يقبلها الله لانها تشرك مع الله شيء اخر

"وَأَنَّ الْمَسَاجِدَ لِلَّهِ فَلَا تَدْعُوا مَعَ اللَّهِ أَحَدًا

ناس عارفة مواعيد الصلاة مقدما والمفروض انهم حريصون عليها وايضا لديهم مساجد علي بعد امتار من المكتبة ولن يمنعهم احد عن ادائها

كل هذا يجعلني انظر لتصرفهم هذا بريبة وخصوصا وان لهم اجندة سياسية ولديهم تطلعات سياسية

رأيي قلته في الاخر تصريحا وقلته في الاول تلميحا

الظاهر ان الواحد لازم يقول رأيه علي بلاطة من الاول

[eslam elmasre]

ده الفرق بين الاخوان كتيار سياسي وبين غيرهم ,,

غير الاخوان حيبقوا موظفين عندنا بنشغلهم لخدمتنا جايبينهم عشان كده نحن الاعلى منهم لاننا الشعب ,,

اما التيار الاسلامي عموما ومكتب الارشاد خصوصا فلا ,,

لانهم هم القادة وعلى اتباعهم السمع والطاعة زي ماعملوا في شباب الاخوان قبل الاستفتاء ب 5 ايام وسحبوهم بالامر كده تحت التهديد من الائتلاف ,,

فرق الله شملهم زي ما فرقوا ائتلافنا ,,

و الشيخ يعقوب في فيديو الصناديق يحث محدثيه على طاعة المشايخ حتى لو العقل قال غير ذلك لكننا لابد ان نطوع عقولنا على قبول توجيهاتهم

لما يمسك ده ولا ده ازاي حقول له كنت فين ورايح فين وما انجزتش ليه وناوي على ايه

احنا عاوزين حكام من الاخر كده نمرمطهم في الشغل ,,

وايدينا في ايديهم اللي ينام فينا نكربجه ما فيش تهاون ولا تقصير ,,

انما حكاية الغي عقلك ونفذ مغمض العينين فده كان زمان وجبر خلاص ,,

تحيتي للجميع ,,

طاعة عمياء مين وطاعة المرشد مين يا عم الحاج

ده بعيد عن احلامهم ولا احد يفكر ان يحدث هذا في يوم من اايام بعد الثورة

ما تقلقش يا تيمور

مصر دولة مدنية من ايام الخديوي سعيد

يعني مأصلة في المدنية

وعلي رأي السادات الله يرحمه هو ينفع لويس الرابع عشر يجي دلوقتي ويطالب بالحكم في فرنسا

[Howayda Ismail]

http://www.youtube.com/watch?v=3Kic0I8k29k

فى راى موضوع الصلاة تم بحسن نية

واعتقد مواعيد عقد المؤتمرات فى المكتبة محددة وتتم وفق ظروف القاعة والتزام المكتبة بندوات اخرى متتالية

مع ملاحظة ان دخول القاعة من الخلف ولايوجد مساحة لاقامة الصلاة فى الخلف وطبيعى لوجود رواد المؤتمر

فى الامام كان سيسبب ربكة لخروجهم لاداء الصلاة بالخارج بالاضافة لتضيع وقت فى الدخول والخروج

ممكن جدا ميعاد الندوة قبل صلاة المغرب يكون خارج عن ارادتهم

[pink rose]

الله ينور عليكي يا مدام هند

صوتنا اتنبح النهاردة شوفتوا بعينكم عشان تحكموا ؟حد فيكم كان حاضر الموقف عشان يتكلم؟

لا حول و لا قوة الا بالله

[الســـاري]

اعتقد ان من كان يتمتم ويهمهم في وقت الصلاة و بيجرح عينيه مشهد المصلين هو الاحق بصفحات هذا التوبيك الخمس

بدل ان نناقش اللي صلى هو صلى رياء .. ولا ما صلاش رياء .. عنده مكان .. ولا ما عندوش .. كان فيه وقت ولا مافيش وقت

[Ahmed Anwer]

أعتقد الموضوع ابسط من ذلك ،،

علي حسب علمي البسيط في ابواب في كتب الدين ،، عن (( ترك العمل المشروع خوف الرياء ))

بالبلدي متخافشي أن تقوم بعمل الخير في العلن خوفا من أن يشوب عملك الرياء ،، ما دام باعثك علي هذا العمل التقرب لله ،،

و الابسط ،،

إننا لا نحكم علي النيات و البواطن بل نحكم علي الظاهر لنا ،،

خلص الكلام

[عبير يونس]

أعتقد ان احنا في محاورات

و كل واحد من حقه يقول رأيه و وجهة نظره

من غير ما حد يقول له عيب و ما يصحش ما دام

التزم بآداب الحوار و لم يقم بإهانة

زملائه المتحاورين و ملتزم بقواعد المشاركة

كل واحد كلامه في عنقه هو

و النصيحة لا تعني أن نصور من ننصحهم على

أنهم قُصّر و يحتاجون إلى الوصاية

مستاءة بشدة من محاولات فرض الرأي المستميتة

سواء من المهاجمين أو من المدافعين

كلنا ناضجون وراشدون و مسؤولون عما نقوله

أمام الله عز وجل

اللي مع الإخوان هو حر

و اللي ضدهم برضه حر

و اللي لا معاهم ولا عليهم برضه حر

و الكل قال وجهة نظره مرة واتنين وثلاثة

كل واحد فينا مقتنع بوجهة نظره

و سيحاسب أمام رب العالمين عن كلامه

فإن خير خير وإن شر شر

أرجوكم - و أشمل نفسي معكم - رجاء حار كفاية جدال

في مقولة بتقول

ما ترك قوم العمل إلا أوتوا الجدل

و حديث المصطفى صلوات الله وسلامه عليه يقول

( أنا زعيم بيت بربض الجنة لمن ترك المراء و إن كان محقا)

اللهم اجعلنا ممن يستمعون القول فيتبعون أحسنه

جمعة مباركة على الجميع يا مصريين

[raouf]

اعتقد ان من كان يتمتم ويهمهم في وقت الصلاة و بيجرح عينيه مشهد المصلين هو الاحق بصفحات هذا التوبيك الخمس

بدل ان نناقش اللي صلى هو صلى رياء .. ولا ما صلاش رياء .. عنده مكان .. ولا ما عندوش .. كان فيه وقت ولا مافيش وقت

يا سلام عليك يا سارى

جبت المفيد

[dugi]

السلام عليكُم ورحمة الله وبركاته

وأخيييراً تفعلت عضويتي ..

أنا يا جماعة كنت واحد من الحاضرين في هذا المؤتمر ، ولما لقيت الناس قايمة تصلي قمت صليت ، وأنا مش الإخوان

يعني مش الإخوان بس اللي بيصلوا ... وقريت كم تعليق من بعض الأشخاص إن الإخوان عايزين فرقعة إعلامية وعارفين إن في ناس بتصورهم ..

بدل ما توجهوا نقدكم دا للمصلين وجهوه للناس اللي ما صلتش ووقفت تصور ، أنا كنت متوقع إن الكل حينضم لنا ، لكن لقيت واحد بيقول أنا مش حصلي أنا ليبرالي

الدكتور أبو الفتوح ما كانش بيصلي معانا على فكرة هو تأخر عشان كدا احنا قمنا للصلاة ، يعني ماعطلناش الندوة ولا عطلنا أي عمل قائم

فقط استثمرنا وقتنا للصلاة حتى لا تفوت علينا صلاة المغرب حيث أن الندوة امتدت إلى ما بعد صلاة العشاء

[raouf]

السلام عليكُم ورحمة الله وبركاته

وأخيييراً تفعلت عضويتي ..

أنا يا جماعة كنت واحد من الحاضرين في هذا المؤتمر ، ولما لقيت الناس قايمة تصلي قمت صليت ، وأنا مش الإخوان

يعني مش الإخوان بس اللي بيصلوا ... وقريت كم تعليق من بعض الأشخاص إن الإخوان عايزين فرقعة إعلامية وعارفين إن في ناس بتصورهم ..

بدل ما توجهوا نقدكم دا للمصلين وجهوه للناس اللي ما صلتش ووقفت تصور ، أنا كنت متوقع إن الكل حينضم لنا ، لكن لقيت واحد بيقول أنا مش حصلي أنا ليبرالي

الدكتور أبو الفتوح ما كانش بيصلي معانا على فكرة هو تأخر عشان كدا احنا قمنا للصلاة ، يعني ماعطلناش الندوة ولا عطلنا أي عمل قائم

فقط استثمرنا وقتنا للصلاة حتى لا تفوت علينا صلاة المغرب حيث أن الندوة امتدت إلى ما بعد صلاة العشاء

ربنا يبارك لك على شهادة الحق

وبصراحة ابدا لم اشك ان شخص محترم مثل الدكتور عبدالمنعم يرائى الناس فى الصلاة فهو ليس محتاج رايى ولا راى اى شخص اخر

دى ناس قالت قول حق فى حضرة سلطان جائر بدون خوف ولا رياء

واللى بيعمل كده بيكون مستقوى بايمانه وبربه فقط وليس لريائه

وياريت لو حضرتك حضرت الندوة تكتب لينا ملخص ما دار بها

[mustafagamiel]

السلام عليكُم ورحمة الله وبركاته

وأخيييراً تفعلت عضويتي ..

أنا يا جماعة كنت واحد من الحاضرين في هذا المؤتمر ، ولما لقيت الناس قايمة تصلي قمت صليت ، وأنا مش الإخوان

يعني مش الإخوان بس اللي بيصلوا ... وقريت كم تعليق من بعض الأشخاص إن الإخوان عايزين فرقعة إعلامية وعارفين إن في ناس بتصورهم ..

بدل ما توجهوا نقدكم دا للمصلين وجهوه للناس اللي ما صلتش ووقفت تصور ، أنا كنت متوقع إن الكل حينضم لنا ، لكن لقيت واحد بيقول أنا مش حصلي أنا ليبرالي

الدكتور أبو الفتوح ما كانش بيصلي معانا على فكرة هو تأخر عشان كدا احنا قمنا للصلاة ، يعني ماعطلناش الندوة ولا عطلنا أي عمل قائم

فقط استثمرنا وقتنا للصلاة حتى لا تفوت علينا صلاة المغرب حيث أن الندوة امتدت إلى ما بعد صلاة العشاء

أتمنى من المهندس تيمور التعليق

علشان ياهندسة منرميش الناس بالباطل بمجرد سماع اي كلام في اي اتجاه

[م تيمور المراغي]

يا جماعه احنا حنزايد على بعض !

حد قال ما يصلوش ؟؟

يا استاذ دوجي الاول مرحب بيك حبيبي وسط اخوانك ومحبيك وحكمل ترحيب بيك بعد ما اسالك ,,

هل المنصة اصبحت المكان الانسب للصلاة خلاص ,,

يعني لو انت في قاعة محاضرات او مركز مؤتمرات او مسرح مثلا او قاعة سينما او اي مكان عام ,,

وجاء وقت الصلاة ,,

هل تتوجه الى المنصة رأسا وتصلي فوقها ؟

انا شوفت وفد ايران ووفود السعوديه والعديد من الدول الاسلامية في الامم المتحدة وجامعة الدول العربية

عندما يحين وقت الصلاة لا تصعد تلك الوفود الى المنصة ابدا وتصلي ,,

يعني لو فاز الاخوان بالحكم وذهبوا لتمثيل مصر في الامم المتحدة وحان وقت الصلاة

هل سيصعدون على المنصة لاداء الصلاة بدعوى عدم وجود مسجد قريب ؟؟

وهل سيصعد بالتالي المسيحييون واليهود والبوذيون كل وفد من كل ملة يقوم طالع فوق المنصة ويقيم صلواته الخاصة ؟؟

طيب رابع مره عشان ا لشطار

اعتراضي هو ان المنصة ليست المكان الملائم قطعا وهناك اماكن افضل منها عديدة ومجاورة تكفل الهدوء والسكينة و رحابة المكان بدلا من اضواء الاعلام وكاميرات الحضور المسلطة على المنصة ,,

مش بقول انهم مرائين لكن بقول انها ماحبكتش المنصة يعني الا اذا كان هناك رسالة ما يراد توصيلها ,,

و لن اقبل بالمزايدة على الشعيرة واتهام اركتكت انه يهاجم فريضةا لصلاة لانه لو كان هناك كان تلقائيا اصطف جنبهم عيب المزايدة اوي ,,

يارب يكون كلامي اتفهم ,,

ومراحب بيك يا دوجي وخليني اسالك تاني :

انت ايام الكلية ,, لما كان بيحين وقت الصلاة ,, هل كنت بتصعد فوق المنصة وتصلي ام تذهب الى المكان الملائم ,,

منتظر ردك ,, واهلا بيك مره تانيه ,,