النهاردة الأربعين بتاع رحيل مبارك .. تحب تقوله إيه ؟

[aimen]

من اربعين يوم خلعنا الرئيس المخلوع مبارك ؟؟

تحب تقول ايه ؟

تعيش وتاخد غيرها ياريس

كنت اتمنى تروح جده بدل ما انت مشرفنا كده فى الشرم

دا حتى السواح اشتكوا منك انت والعائلة يعنى

اه بالمناسبة الشعب بيقولك ياريت تركز فى اللب وتتسلى كويس

تم تعديل 23 مارس 2011 بواسطة aimen

[مغتربة]

عقبال السنويه ان شاء الله

بس محدش هيفرق عليك رحمه و نور معلش يعنى بعض من عندكم

[Alattar]

هو لو ممكن يعمل ثورة مضادة و حركات من دي ويرجع تاني يبقي هقولله :

وحشتنا أوي يا ريس..من ساعة ما مشيت و الحياة ما بقاش ليها طعم ولا لون ولا ريييييحة

و من ساعة ما مشيت و أنا ماليش نفس حتي أخلص طبق الكبسة بحاله

لكن لو كان مشي تمامن..و مافيش أمل يرجع تاني..يبقي هقولله :

يووووووه...أنا مش عارف كنا ازاي عايشين قبل كده معاك يا أخي..ده انت كنت قالب الحياة غم

و أخيرا...أحب أقول لكل شاب و كل فتاة..لازم يكون ليك موقف..و كلمة واحدة

زيي كده بالظبط

[التونسى]

اهديله الاغنيه دى

http://www.youtube.com/watch?v=4SR5awLfTvk

[aimen]

اهديله الاغنيه دى

http://www.youtube.c...h?v=4SR5awLfTvk

http://www.youtube.com/watch?v=4SR5awLfTvk

[pink rose]

و الله و بهاذوها المناسبة السعيدة

اقوله

روح يا بعيد الله لا يرجعك

[tarek hassan]

أنظر إلى ما أنت عليه الآن

وما كان يمكن أن تكون عليه وأنت في السلطة

ومازال أمامك الوقت في أيامك الباقية لترد بعض المظالم والحقوق للشعب المصري

وكمان تعتذر يمكن ناس كتير تسامحك

تم تعديل 23 مارس 2011 بواسطة tarek hassan

[محمد عبدالعزيز]

خد الشر وراح

[fatfouta]

مش مسامحين فى فلوسنا يا مبارك....واقوله كمان

خُد الدوا يا بابا :closedeyes:

[رضوي]

حسبنا الله ونعم الوكيل

( وش الراجل اللي كان في جاءنا البيان التالي في السجن ):closedeyes:

[أبوعمار]

أقول له:

إنت نسيت يا حلو إنه لو كانت هاتدوم لغيرك ماكانتش وصلت لك

رغم طول سنوات ظلمك

ورغم استفحال فسادك

ورغم عِظم مظالمك وكثرة من ظلمتهم

ورغم .....

ورغم.....

إلا أنني كما أدعو ربي أن يصلح أحوالنا وكما بدأنا طريق الحرية نبدأ طريق التنمية والبناء

أدعو الله لك -كما أدعو لنفسي- بالهداية وبحسن الخاتمة

وفي الختام أحب أهديك أغنية:

ولابد عن يوم معلوم .... تترد فيه المظالم

أبيض على كل مظلوم.... أسود على كل ظالم

[التونسى]

احب اهديه تانى هو وعصابته الاغنيه دى

http://www.youtube.com/watch?v=ZtuQZ1Mj3xA

[pink rose]

احب اهديه تانى هو وعصابته الاغنيه دى

http://www.youtube.com/watch?v=ZtuQZ1Mj3xA

مريم لما شافت الاغنية دي قالتلي

مامي هو ليه ربنا لحد دلوقتي ما وداش حسني مبارك النار مش هو شرير زي سعد

بنتي ركبت الاغنية و الصور على المسلسل لانها كانت متابعاه كويس اوي في رمضان و شافت ان سعد حرامي و مات محروق بالنار يبقى ليه مبارك و هو حرامي ما راحش النار

[arkan]

كنت كاتم على نفسنا

[التونسى]

احب اهديه تانى هو وعصابته الاغنيه دى

http://www.youtube.c...h?v=ZtuQZ1Mj3xA

مريم لما شافت الاغنية دي قالتلي

مامي هو ليه ربنا لحد دلوقتي ما وداش حسني مبارك النار مش هو شرير زي سعد

بنتي ركبت الاغنية و الصور على المسلسل لانها كانت متابعاه كويس اوي في رمضان و شافت ان سعد حرامي و مات محروق بالنار يبقى ليه مبارك و هو حرامي ما راحش النار

قوليلها يا ريهام انه حاليا بيتعذب بشئ أكثر ألما من النار .. بعد ان تم انتزاع السلطه والملك والجاه والهيلمان منه انتزاعا .. وربنا مد فى عمره عشان يشوف فى اخر ايام حياته قدر من الذل والمهانه من قبل شعبه اللى عانى من نفس الذل والمهانه.. لو مبارك كان مات وهو فى الحكم كان جنازته حتكون تاريخيه وفيها تكريم كبير له .. لكن الله عز وجل أبى له ذلك.. مصداقا للاية القرانيه اللى نزلت مخصوص لفرعون مصر .. وبتنطبق على فرعون مصر الحديث ايضا

بسم لله الرحمن الرحيم

( فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً وَإِنَّ كَثِيراً مِنْ النَّاسِ عَنْ آيَاتِنَا لَغَافِلُونَ)

صدق الله العظيم

[fatfouta]

وبالمناسية دى شباب الفيس بوك بيهدوا حسنى الفيلم الكارتونى

حسنى مبارك والاربعين..............حرامى

http://www.youtube.com/watch?v=Cot3i_nMtUg&feature=player_embedded

[se_ Elsyed]

أقول له

" اللهي لا يوفقك دُنيا ولا أخره .... وأقول له ..... أنا تنبات بسقوطك قبل الثورة بأسبوع عندما شاهدت طوابير الخبز الطويلة أمام الأكشاك ساعة صلاة الفجر وفي عز البرد .. وقلت إن بإذن الله نهايتك قربت .. وتكفي دعوة مظلوم واحد لكي تخسف بك وباهلك الأرض .. وقد كان لأن الله لا يغفل عما يفعل الظالمون امثالك "

[ذهبية]

يعنى كنت قرفنا وانت فى الحكم و كمان قرفنا بعد ما مشيت

ارحمنا بقى و شيلنا من دماغك و خلينا نتنفس هواء نظيف

خلى التعابين بتوعك تدخل جحروها

يا اخى اطلع برة مصر بقى