متابعة استفتاء 19 مارس .. يوم قد يسجله التاريخ

[fatfouta]

شايفين سيدات مصر العسولات :P

سيدة قاض تدير اللجنة.. تبتسم وتحى المصوتين.. وتحاول المساعدة عند الحاجة.. لا توجد خروقات واضحة .. مدرسة المبتديان- السيدة

[tarek hassan]

الحمد لله

أنا لسه راجع النظام كويس وحضاري جدا والمعاملة ممتازة

فيه ناس مع نعم وناس مع لا بدون تأثير من أحد

لأن الشعب المصري واع جدا هذه المرة وكل واحد بيقول وجهة نظره ليه نعم وليه لا بأمان حرية واحترام

لقيت كتير من زملائي كلهم في الطابور معايا وكلنا كنا نعم بدون استثناء

فرحتي الأكبر طبعا بالسلفيين وهم يصطحبون زوجاتهم لأنهم أولا اهتموا بالعمل السياسي وثانيا خلوا زوجاتهم أيضا تشترك في هذا العمل السياسي وربما يكون لهم الصوت المؤثر والمرجح في العملية الانتخابية

عموما ألف مبروك لمصر بصرف النظر عن النتيجة

كل واحد عمل اللي عليه

التوعية كانت كبيرة على المستوى الأسري وعلى المستوى المجتمعي

وبالتوفيق دائما

تم تعديل 19 مارس 2011 بواسطة tarek hassan

[fatfouta]

طابور علي السلم في لجنة مدرسة المشير بشارع زغلول بالهرم

[aimen]

اليوم ولأول مرة شعب مصر يتوجه بنسبة مشاركة عالية جداً للاستفتاء على رأيه فى التعديلات الدستورية دون أن يكون على علم مسبق بالنتيجة

والغريب والعجيب أن السلطة التى تجرى الاستفتاء وتشرف عليه ليست أفضل منا كثيرا. إذ هى بدورها لا تعرف النتيجة، وسوف تنتظر مثلنا انتهاء الفرز حتى تتعرف عليها.

أرفع راسك فوق انت مصرى

[fatfouta]

حيوا الشهدااء هما السبب فى اللى احنا فيه.....المجد للشهداء

الورد اللى فتح فى جناين مصر....ربنا يرحمكم يا حبايب مصر

تم تعديل 19 مارس 2011 بواسطة fatfouta

[mekkawy]

ولو جمعتم الارقام حيطلع الناتج = 25 ( المقصود هنا 25 يناير )

وهي من الكلمات الايجابيه الموحية لو كنتم ممن يهتمون بتلك الامور ,,

24 يا هندسة مش 25 .. عليك واحد :closedeyes:

[fatfouta]

رصد |طلخا-الدقهلية| توافد النساء على لجان الاستفتاء مسلمين ومسيحيين

اومال انتوا كنتوا فاكرينهم ايه بتوع مطبخ وبس :closedeyes:

[se_ Elsyed]

ولو جمعتم الارقام حيطلع الناتج = 25 ( المقصود هنا 25 يناير )

وهي من الكلمات الايجابيه الموحية لو كنتم ممن يهتمون بتلك الامور ,,

24 يا هندسة مش 25 .. عليك واحد :closedeyes:

ما تحرجوش بقى يا ميخا ..

ما هو 24 يعني ليلة 25 .. يعني كانت ليلة الحنا بتاعت الثورة ...

وكان ليلتها الثوار بيعدوا على المتظاهرين يبيتوا عليهم وكدهوت

[fatfouta]

ولو جمعتم الارقام حيطلع الناتج = 25 ( المقصود هنا 25 يناير )

وهي من الكلمات الايجابيه الموحية لو كنتم ممن يهتمون بتلك الامور ,,

24 يا هندسة مش 25 .. عليك واحد :closedeyes:

وانا اللى قيمته اخضر

هروح أسحب تقييمى :happy:

[mekkawy]

الستات مش بتوع سندوتشات

الستات بتوع استفتاءات

[fatfouta]

إقبال كبير بالإسماعيلية على لجان استفتاء التعديلات الدستورية

واخدين بالكم من الصورة الضابط بيسلم عالناس اذاى...

[se_ Elsyed]

أحسن رجالة العبور ...

وردنا من مندوبنا : إن مدينة العبور خرجت عن بكرة أبيها إلى لجان الإستفتاء بعد النداء التاريخي الذي وجهه لهم الأخ القائد سين سين بالأمس وحثهم على الذهاب إلى الإستفتاء بكل إرادة حُرة وبدون أي تأثير على إختيارهم الحر والتصويت بـ " لا أو نوووو " ...

حفظ الله الزعيم القائد في حله وترحالة .. وبارك الله في شعب العبور الأبي ... فهؤلاء هم اصحاب الضربة الجوية الأولى .. وهم من عبروا من الضفة الغربية للضفة الشرقية .... وها هم الأن يُعيدون الزمن إلى الوراء .. ويعبرون من عند كافور في مدخل المدينة .. لحد جهاز العبور في الأخر جنب ملعب الكورة ...

[mekkawy]

ما تحرجوش بقى يا ميخا ..

ما هو 24 يعني ليلة 25 .. يعني كانت ليلة الحنا بتاعت الثورة ...

وكان ليلتها الثوار بيعدوا على المتظاهرين يبيتوا عليهم وكدهوت

خلاص .. هتنزل المرة دي .. لكن اعملوا حسابكم .. الثورة الجاية لا ممكن تنزل أبداً

وانا اللى قيمته اخضر

هروح أسحب تقييمى :happy:

تمام كدة .. روحي اسحبيه و اديهولي أنا بأة عشان أنا اللي كشفته بتاع ستة ابريل دهوت :happy:

[jonathan]

انا لسة جاي حالا من اللجنة الانتخابية و فعلا في افبال ما شفتهوش من ايام انتخابات مجلس الشعب 2005..و الجميل في الامر ان اللجان هنا مشتركة يعني اي مواطن بيدخل رجل او مرأة و في تنظيم من شباب ايدك في ايدي بينظموا لحركة..فعلا تجربة رائعة بغض النظر عن النتيجة و ان كان شعارنا لحد النهاردة سأحمي اختياري و ادافع عنه ..فشعارنا بكرة ساحمي اختيار مصر و ادافع عنها...تحياتي

[fatfouta]

أبلغ عن التجاوزات الإنتخابية.....هنا

[se_ Elsyed]

انا لسة جاي حالا من اللجنة الانتخابية و فعلا في افبال ما شفتهوش من ايام انتخابات مجلس الشعب 2005..و الجميل في الامر ان اللجان هنا مشتركة يعني اي مواطن بيدخل رجل او مرأة و في تنظيم من شباب ايدك في ايدي بينظموا لحركة..فعلا تجربة رائعة بغض النظر عن النتيجة و ان كان شعارنا لحد النهاردة سأحمي اختياري و ادافع عنه ..فشعارنا بكرة ساحمي اختيار مصر و ادافع عنها...تحياتي

حمد الله عالسلامه يا وحش

[fatfouta]

الستات مش بتوع سندوتشات

الستات بتوع استفتاءات

أنا يا أبلة أنا أنا:110: :110:

تم تعديل 19 مارس 2011 بواسطة fatfouta

[م تيمور المراغي]

ولو جمعتم الارقام حيطلع الناتج = 25 ( المقصود هنا 25 يناير )

وهي من الكلمات الايجابيه الموحية لو كنتم ممن يهتمون بتلك الامور ,,

24 يا هندسة مش 25 .. عليك واحد :closedeyes:

لا الواحد ده موجود بين الحروف والارقام ,,

وعارف انك حتسيب الدنيا كلها وتمسك في دي ;)

[م تيمور المراغي]

الستات مش بتوع سندوتشات

الستات بتوع استفتاءات

أنا يا أبلة أنا أنا

هيا انتخبت مرتين ؟؟

ليه الفسفور في ايديها الاتنين !

بس بصراحه الفسفور يجنن :happy:

[mekkawy]

الستات مش بتوع سندوتشات

الستات بتوع استفتاءات

أنا يا أبلة أنا أنا:110: :110:

هتودينا في داهية

و الله هتودينا في داهية

أنا قولت الستات دول؟؟!!!

انا قولت ع اللي كانوا فوق .. أنا ماليش دعوة بدول يا عم مش انا اللي جبتهم

يا جدعان أمن الدولة اتلغى برة البيت و بأة جوة البيييييييييت :closedeyes:

الستات اللي فتفوتة جابتهم بتوع سندوتشات مش بتوع استفتاءات