مخبرون وأمناء شرطة يتظاهرون احتجاجا علي حل أمن الدولة

[Simba]

قطع مخبرون وأمناء شرطه يقطعون طريق 15مايو أمام مديريه أمن الإسكندرية احتجاجا على حل امن الدولة :blink: :blink: و عدم زيادة رواتبهم

وهتف أفراد الشرطة مطالبين بإسقاط وزير الداخلية الجديد محمود العيسوي وأنه أضر بهم بسبب “حسابات سياسيه” حيث قدم الشرطة كبش فداء للثورة.

وحدثت مناوشات بينهم وبين عدد من قائدي السيارات بسبب قطعهم للطريق واتهموهم بأنهم يقودون ثوره مضادة خاصة بعد ما هتفوا ضد وزير الداخلية الجديد مطالبين بسقوطه.

و طالب المتظاهرون من أفراد الشرطة بمساواتهم بالضباط في العلاج والأجر. ورفض أفراد الشرطة الاستماع لأحد القيادات التي خرجت من مديريه الأمن وهو ما دفعه ألي الدخول مره أخري للمديرية.

وقال الموقع الرسمي لوزارة الداخلية أن منصور العيسوي أصدر قرار بحل أمن الدولة .. وقال المتحدث الرسمي للوزارة إن وزير الداخلية أصدر فرار بحل الجهاز بكافة المحافظات وإنشاء قطاع جديد بالوزارة اسمه قطاعه الأمن الوطني ويختص بالحفاظ على الأمن الوطني والتعاون مع أجهزة الدولة لحماية الأمن الداخلي ومكافحة الإرهاب وفقا لأحكام القانون والدستور ومبادئ حقوق الإنسان دون تدخل في حياة المواطنين أو ممارساتهم لحياتهم السياسية.

[Alattar]

ياراجل..أنا افتكرتك بتهزر..لحد ما لقيت الموضوع في باب أحداث ثورة 25 يناير

و بعدين بأه..مش عاوزين قلق في البلد..و مش عاوزين خناقات

بس بعد ما يدوهم العلقة التمام

محتجين علي حل أمن الدولة..

يعني خلينا نبهدل الناس عشان ما يتطالوش علي أسيادهم..و برضه عشان ناكل عيش

أنا طبعا ضد اننا نسرح العدد ده كله..لأنهم في الأول و الآخر مصريين..و من حقهم يشتغلوا برضه

و كمان لأن تسريحهم ده ممكن يعود علي المجتمع بأعداد كبيرة من البلطجية الجدد

[fatfouta]

كلمة منى لكل ضابط وامين شرطة محتج

أشكروا الثورة اللى علمتكم معنى التظاهر والاحتجاج

[رضوي]

امناء شرطة ومخبرين ؟؟؟؟؟؟؟

هي الناس دي اصلاً كان بيتسمعلها صوت غير ف البلطجة والسرقة والنهب ؟؟؟؟

أي أمين أو مخبر أو حتى ظابط مش عاجبه شغله ف الشرطة ممكن يقدم استقالته ونخلص منهم أحسن