Alattar بتاريخ: 13 مارس 2011 تقديم بلاغ مشاركة بتاريخ: 13 مارس 2011 بصراحة لقيت ان ده أحسن مكان أحط فيه الخبر ده..عشان أنا عارف اني لو حطيته في باب سياسية داخلية مثلا..أو في باب الحياة النيابية..يبقي هتوقف..و هاخد نقط حمرا للصبح أسيبكم مع الخبر الفظيع..للمطرب و الملحم اللولبي قال الملحن والمغني المصري عمرو مصطفى إنه يعتزم تأسيس حزب سياسي، والترشح لانتخابات الرئاسة المقبلة في مصر. وبرر مصطفى الذي خرج في المظاهرات المؤيدة للرئيس السابق حسني مبارك رغبته في خوض العمل السياسي، قائلا: يجب أن يكون لي دور في الحياة السياسية في الفترة المقبلة، رغبة مني في المشاركة في بناء مصر، وهذا حقي كمواطن مصري. وحول رؤيته لمستقبل مصر؛ قال الملحن المصري لصحيفة "الجريدة" الكويتية الثلاثاء 8 مارس/آذار الجاري: إنه ما زال قلقا؛ لأن الرؤية لم تتضح بعد، وثمة مخاوف من طريقة تعامل الجيش مع الأمور الحالية، لا سيما إعادة بناء الاقتصاد المصري الذي انهار بفعل الأحداث، على حد قوله. على الصعيد الغنائي؛ قال إنه ما زال يحتاج لوقت ليقرر ما إذا كان سيغني للثورة، وأوضح: بطبعي لا أقدم عملا إلا إذا كانت لديّ قناعة كاملة به ليصل إلى الجمهور، لذا أحتاج إلى مزيد من الوقت. وفسر خروجه في مظاهرات تأييد للرئيس المصري السابق، قائلا: كمواطن مصري، خائف على بلدي ومستقبله؛ هتفت للرئيس عن حب واحترام له، وما زالت مكانته محفوظة في نفسي، وليس للتقرّب من السلطة، كما يزعم المعارضون لي، فأنا لا أعرف النفاق. ونفى أن يكون الفنانون الذين خرجوا في تظاهرات لمبارك مدفوعين من النظام المخلوع، داعيا إلى احترم آراء الآخرين، خاصة وأنه ثمة اتفاق على إقامة دولة ديمقراطية، ركيزتها التعددية، والاختلاف في الرأي. وأكد أنه لا يخشى على مصر من شباب الثورة، وإنما من الفتنة التي يحاول الغرب تصديرها إلى مصر، وأخشى أن تواجه مصر مصير العراق في ظل التهديدات الإسرائيلية على الحدود معها، على حد قوله. و بصراحة..أحسن تعليق علي الموضوع ده..الصورة اللي في موقع مصراوي دي (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
مصطفى يونس بتاريخ: 13 مارس 2011 تقديم بلاغ مشاركة بتاريخ: 13 مارس 2011 (معدل) من كام يوم كان مرتضى منصور والنهارده عمرو مصطفى وبكره شعبان عبد الرحيم تم تعديل 13 مارس 2011 بواسطة مصطفى يونس رابط هذا التعليق شارك المزيد من خيارات المشاركة
م تيمور المراغي بتاريخ: 13 مارس 2011 تقديم بلاغ مشاركة بتاريخ: 13 مارس 2011 معلش كل واحد من حقه يعبر عن رأيه وياسس حزب او يرشح نفسه للرئاسة والعبرة في النهاية بالصندوق ,, المجد لولادك المخلصين ... رابط هذا التعليق شارك المزيد من خيارات المشاركة
تامر مصطفى بتاريخ: 13 مارس 2011 تقديم بلاغ مشاركة بتاريخ: 13 مارس 2011 بالنوسبة للواد ده التصويت هيكون بالصاجات مش بالأوراق ولو فاز واصبح الرئيس هتلاقي الولية التخينة اللي بتطلع في دور رقاصة في الافلام وشايلة الشمعدان على راسها هي اللي هتصور السلام الوطني الجديد وسمعني سلام طفا طيفي طاطي طيب والنبي شوفوا صورته كاريزما رئيس يجنن رابط هذا التعليق شارك المزيد من خيارات المشاركة
تامر مصطفى بتاريخ: 13 مارس 2011 تقديم بلاغ مشاركة بتاريخ: 13 مارس 2011 معلش كل واحد من حقه يعبر عن رأيه وياسس حزب او يرشح نفسه للرئاسة والعبرة في النهاية بالصندوق ,, المشكلة يا تيمور ان التصويت للواد ده مش هيبقى في صناديق ده هيبقى في طبلة مقلوبة رابط هذا التعليق شارك المزيد من خيارات المشاركة
pink rose بتاريخ: 13 مارس 2011 تقديم بلاغ مشاركة بتاريخ: 13 مارس 2011 يا باشمهندس تيمور الله يرضى عليك مش لما يبقى حد عليه القيمة يبقى نقوله حقه و ما حقه على كده بقى ما غلطتش سعد الصغير لما قال هايرشح نفسه هو كمان احنا ما قومناش بثورة عشان بتوع الهشك بشك و العوالم هما اللي يرشحوا نفسهم لحكم مصر غطيني و صوتي يا صفية رابط هذا التعليق شارك المزيد من خيارات المشاركة
Alattar بتاريخ: 13 مارس 2011 كاتب الموضوع تقديم بلاغ مشاركة بتاريخ: 13 مارس 2011 معلش كل واحد من حقه يعبر عن رأيه وياسس حزب او يرشح نفسه للرئاسة والعبرة في النهاية بالصندوق ,, ازيك يا تيمو..كنت هبعتلك رسالة..لقيتك مختفي كده من الصبح..قلت أسأل عليك بص يا عم تيمور..مش عشان نبقي بلد محترمة و ديموقراطية..اننا نسيب أي حد يتكلم في أي حاجة آه..ما نحكرش طبعا علي حد..لكن برضه كل حاجة بالعقل..واحد مثلا عالم في مجال ما..و محترم لكن منصب رئيس ده عاوز مواصفات من نوع خاص..يقدر يسيطر علي اللي حواليه..و يعرف ازاي يتكلم مع الدول التانية..و يعرف اننا لينا وضع خاص غير اي بلد تاني..ان جنبنا بلد زي اسرائيل..ودي عاوزة دبلوماسية من نوع خاص شوية يعني مش أي حد يقول هرشح نفسي..نقول و ماله رشح نفسك يا حبيبي..و الصندوق يحكم و أخيرا..ما تبقاش تغيب عننا تاني كده يا تيمو.عشان بتوحشني (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
jasmin hamed بتاريخ: 13 مارس 2011 تقديم بلاغ مشاركة بتاريخ: 13 مارس 2011 على راى توفيف الدقن (لما البلد كلها فتوات امال مين الى هيضرب ) I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
fatfouta بتاريخ: 13 مارس 2011 تقديم بلاغ مشاركة بتاريخ: 13 مارس 2011 يعنى انتوا مضايقين ن عمرو مصطفى اومال ده بقى تقولوا عليه ايه وعلى رأى العطار هيخلى وسيلة المواصلات الاساسية هى الحمار سعد الصغير: "هارشح نفسي للرئاسة وهعين ابو تريكة رئيسا للوزراء" من موقع فن اونلاين رابط هذا التعليق شارك المزيد من خيارات المشاركة
وطني حر بتاريخ: 13 مارس 2011 تقديم بلاغ مشاركة بتاريخ: 13 مارس 2011 ايه اللي يمنع من الترشح رونالد ريجان كان ممثل رابط هذا التعليق شارك المزيد من خيارات المشاركة
Alattar بتاريخ: 14 مارس 2011 كاتب الموضوع تقديم بلاغ مشاركة بتاريخ: 14 مارس 2011 ايه اللي يمنع من الترشح رونالد ريجان كان ممثل ما أنا عشان كده ما اديتوش صوتي في الانتخابات (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
se_ Elsyed بتاريخ: 14 مارس 2011 تقديم بلاغ مشاركة بتاريخ: 14 مارس 2011 فرق كبير بين إن واحد ينوي ترشيح نفسه . وإنه يحقق إشتراطات الترشح ... 30 الف صوت تأييد من الشعب العادي موزعين على 15 محافظة على الأقل أو 30 صوت من اصوات أعضاء مجلس الشعب أو يكون من حزب له مقعد واحد على الأقل في البرلمان وبالتالي ممكن تلاقي مليون واحد عاوز يرشح نفسه .. لكن تلاقي 5 منهم تنطبق عليهم الشروط هاضرب لكم مثل ... في دائرتي .. بيت العيلة بالقاهرة يعني... تخيلوا إن 66 مُرشح كانوا نازلين إنتخابات مجلس الشعب ؟؟؟؟ لكن في النهاية بالكتير قوي 4 هما اللي كانوا في تنافس حقيقي ولهم شعبية وقدرة تزويرية - اللهي لا يرجعها ايام - وخلوا بالكم إن في ناس واخداها نوع من أنواع الدعاية " الحاج عبدو كفته ينوي ترشيح نفسه للرئاسة .... وهايملي الدنيا طرب وريش عشان إبن أخت عفاف شعيب " " الراقصة الفلانية هاترشح نفسها رئيسة عشان تبسط الشعب وتجيب له نقطة " وهكذا .. وزي ما قالت أبلة كريمة مختار " القطنة ما بتكدبش ... وهانقول دلوقت ان الصندوق ما بيكدبش " الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Howayda Ismail بتاريخ: 14 مارس 2011 تقديم بلاغ مشاركة بتاريخ: 14 مارس 2011 معلش كل واحد من حقه يعبر عن رأيه وياسس حزب او يرشح نفسه للرئاسة والعبرة في النهاية بالصندوق ,, المشكلة يا تيمور ان التصويت للواد ده مش هيبقى في صناديق ده هيبقى في طبلة مقلوبة حضراتكم نسيتم تقولوا التصويت حيكون فى انه نايت كلوب والله دى خيبة مابعدها خيبة دا على كده كلام عفاف شعيب كان ارحم خواطر swan رابط هذا التعليق شارك المزيد من خيارات المشاركة
تامر مصطفى بتاريخ: 14 مارس 2011 تقديم بلاغ مشاركة بتاريخ: 14 مارس 2011 طيب تصدقوا ان كان عندي اخصائي اجتماعي في الشغل عايز يرشح نفسه للانتخابات الرئاسية في 2005 وانا استدعيته علشان اضحك شوية وهو لبى الدعوة بسرعة جدا وبدأ يتكلم عن البرنامج الانتخابي بتاعه لقيت نفسي بهتف باسمه بالروح بالدم نفديك يا ممدوح فعلا قال كلام كبير اوي واكتشفت انه كان بيتكلم جد ومش بيهزر وناقش امور كتير جدا داخلية وخارجية واكتشفت بعدها ان قضى مدة طويلة جدا وهو يجمع مشكلات مصر ويبحث ليها عن حلول وعامل ده كله دراسه مكتوبة اهو ده اولى من سعد الصغير والا حتى مرتضى رابط هذا التعليق شارك المزيد من خيارات المشاركة
aimen بتاريخ: 14 مارس 2011 تقديم بلاغ مشاركة بتاريخ: 14 مارس 2011 منع برلمانى كينى من دخول المجلس لتشبهه بالنساء الجمعة، 4 مارس 2011 - 08:52 تشبهه بالنساء حرمه من البرلمان نيروبى (أ.ش.أ) قرر البرلمان الكينى حرمان عضو شاب يشتهر بارتداء ملابس براقة وغير مألوفة من حضور جلسات هذا الأسبوع، وذلك عقب تشبهه بالنساء وحضوره الجلسة مرتديا نظارة شمسية وقرطين فى أذنيه على غرار السائد فى بعض المجتمعات الغربية. وذكرت شبكة "سى إن إن " الإخبارية الأمريكية أن ظهور البرلمانى جيديون مبوفى فى زيه الغريب أثار لغطا وضجة بين أعضاء البرلمان الذين أثاروا التساؤلات عن مدى ملائمة الإكسسوارات التى يرتديها مع وقار البرلمان. من جانبه، قال مبوفى إنه يمثل تيار الشباب داخل البرلمان مشيرا إلى أنه يتعين على الأعضاء ـ الذين وصفهم بالمبجلين ـ التركيز على مطالب أعضاء الدوائر التى يمثلونها، بدلا من التدخل فى شئونه الخاصة، على حد قوله. الغريب فى الأمر، أن ملابس جيديون أثارت انقساما بين أعضاء البرلمان بين مؤيد ومعارض، فيما انتقده مساعد وزير الأراضى بيفوولى واكولى سلوك مبوفى قائلا "منذ بدء الخليقة، فإن الرجال لا يتشبهون بالنساء"، وبعدها طلب من مبوفى ضرورة مغادرة الجلسة عقب توجيه اللوم إليه. اعتقد الخبر ده فى نفس السياق على فكرة اللى حيرشح نفسه من العالم الهايفة دى حيلاقى مصير اسود دا الشعب بهدل مبارك وشفيق وابن اخت عفاف شعيب على النت مش حيقدر على مطرب دا حيكون يوم اسود فى حياته وحياخد ترياه للصبح على جنب كده ايه المانع من ان الفنانين يكون لهم دور ودور مميز جدا ... عبدالعزيز مخيون محسنة توفيق خالد يوسف عمرو سلامه بسمة جيهان فاضل ( انضربت رصاصة فى قدمها ورجعت برضه ميدان التحرير ) وناس كثير لا اتذكر اسماؤهم عن نفسى لم اكن احب هند صبرى - ومازلت - لكن بصراحة بعد لما شفت الفيديو ده بدات احترمها http://www.youtube.com/watch?v=A3Scrn6f3YQhttp://www.youtube.com/watch?v=Jiw65LBumF0 رابط هذا التعليق شارك المزيد من خيارات المشاركة
fatfouta بتاريخ: 16 مارس 2011 تقديم بلاغ مشاركة بتاريخ: 16 مارس 2011 نفي عمرو مصطفى ترشيحه للرئاسه هو كل ده وعنده 33 سنة ولسه فى تالتة حقوق :unsure: http://www.youtube.com/watch?v=2ujfLk8Iq8w&feature=player_embedded رابط هذا التعليق شارك المزيد من خيارات المشاركة
تامر مصطفى بتاريخ: 16 مارس 2011 تقديم بلاغ مشاركة بتاريخ: 16 مارس 2011 نفي عمرو مصطفى ترشيحه للرئاسه هو كل ده وعنده 33 سنة ولسه فى تالتة حقوق :unsure: http://www.youtube.com/watch?v=2ujfLk8Iq8w&feature=player_embedded يعني ظلمنا الراجل وقطعنا فروته خلاص يا فتفوته اعملي لينا جروب على الفيس بوك اسمه احنا اسفين يا عموووورة وبالمرة نطالبه انه يرشح نفسه بجد رابط هذا التعليق شارك المزيد من خيارات المشاركة
دكتور عادل الليثي بتاريخ: 16 مارس 2011 تقديم بلاغ مشاركة بتاريخ: 16 مارس 2011 http://www.youtube.com/watch?v=0qwpP1p4Q2Q&feature=mfu_in_order&list=UL الفنان المثقف المتعلم عمرو مصطفى <span style='color: #800080'><span style='font-size: 36px;'><span style='font-family: Arial'> عقول لا ذقون</span></span></span> رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان