المهنة : بلطجي

[se_ Elsyed]

دي ظاهرة موجودة في أي مجتمع ..

يعني لازم تلاقي ناس بلا هدف وبلا وظيفة ولا معنى وجايه الدنيا مش عارفه ليه ... وعندها إستعداد تبيع نفسها بأي ثمن ....

وهي ليست مرتبطة بالبطالة أو عدم وجود فرصة عمل .. على قدر ما هي مرتبطة بسلوك مثل هؤلاء اللي بيحبوا هذا النوع من الحياة ...

لكن ده مش موضوعنا ..

فموضوعنا هو كيف تحول الحثالة دول إلى فئة مقننة الوضع ومُعترف بها رسمياً .. بل الأخطر أن يكون لهم دور رسمي في الدولة

إما في الإنتخابات ..

أو الحماية الشخصية لمجموعة مُعينة من المفسدين

أو ليكونوا اليد التي تبطش بالمنافسين أو الإعداء ..

وأخطر ما في الموضوع وهو حدث تاريخي .. أن يكونوا جزء من جهاز الشرطة القذر الذي أُبتلينا به .. وبقى لهم مرتبات ويمكن رُتب وإحنا مش عارفين ....

وها هم الان يعيثون فساداً في الوطن ليشيعوا الفوضى وليُثبتوا إن الشرطة هي الأمن والأمان وإن من غيرها ما نقدرش نعيش

وأستمعت بالامس إلى الدكتور محمد سليم العوا في أحد البرامج الحوارية على الهواء والذي أفاد بأن أثناء قدومه في الطريق للأستديو وجد مجموعات مسلحة تحمل أسلحة بيضاء تشتبك مع المتظاهرين امام مبنى أمن الدولة في لاظوغلي .. والجيش يقف يشاهدهم من بعيد بدون تدخل !!!!!!!!!!

وبالرغم من إن قانون الطواريء المفروض يُطبق على هؤلاء الأوباش ...

لقينا العكس ... القانون ذو السمعة القذرة بيُطبق على الناس المحترمة ....

وفي نفس الوقت يتم رفع شأن هؤلاء ...

وبالتالي مع حالة الإنفلات الامني الناتجة عن تخلي الشرطة عن مواقعهم وعملهم .... وهي خيانة عُظمى بالمناسبة يستحقوا فيها الرمي بالرصاص ...

طفى هؤلاء على السطح .. وأصبحت السيطرة الميدانية لهم .. واصبحوا يفعلون ما يشاءون

لذلك الحل بسيط جداً وناديت به كثيراً ....

فبما إننا تحت الأحكام العرفية والحكم العسكري ... فيجب جمع أكبر كم من هؤلاء الحثالة وإعدامهم في مكان عام لردع كل من تسول له نفسه ويحاول ترويع الأمنين

وقبل كل ذلك ... يجب الكشف عن محرضيهم وعدم التغطية على أي أحد في المجتمع مهما كان مثلما فعل الجيش للاٍسف مع محرضي موقعة الجمل ...

[م تيمور المراغي]

فبما إننا تحت الأحكام العرفية والحكم العسكري ... فيجب جمع أكبر كم من هؤلاء الحثالة وإعدامهم في مكان عام لردع كل من تسول له نفسه ويحاول ترويع الأمنين

بسم الله الرحمن الرحيم

( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ *)

صدق الله العظيم

يا سيمبا لو دين ربنا بيتطبق في مصر ,, والسارق والفاسد تقطع ايديهم نكالا من الله

لما وصل بنا الحال ان اولاد ال......... بيحرقوا مستشفى فيها اطفال وعواجيز وسيدات و مقعدين

هو ديتها والله عشرين واحد او 30 بلطجي بس يطبق عليهم الحد الشرعي في ميدان عام وامام انظار الناس ,,

حتلاقي كل البلطجية دول وفي نفس اليوم مشيوا زي الجزم

تم تعديل 7 مارس 2011 بواسطة architect

[الغريب]

بحكم سكني في القاهرة بأحد المناطق الشعبية نسبيا

أستطيع القول أن الرادع الوحيد للبلطجية

إنتشار الدين

هذا هو الحد الوحيد الذي يتوقفون عنده

[م تيمور المراغي]

بحكم سكني في القاهرة بأحد المناطق الشعبية نسبيا

أستطيع القول أن الرادع الوحيد للبلطجية

إنتشار الدين

هذا هو الحد الوحيد الذي يتوقفون عنده

ومن عاد الى غيه ولم يرتدع !!

{وَلَكُمْ فِي الْقِصَاصِ حَيَاةٌ}

[jasmin hamed]

حضرتك بتطالب بالاعدام من غير محاكمه عادله فرقنا ايه عن مبارك

مهو بردو الى بينفز ممكن يظلمو

لازم يبقى فيه محاكمه عادله

ممكن تبرئ الف حرامى و لا انك تظلم برئ

مبادئ الحريه الى بنطالب بيها ماينفعش نحيد عنها عشان اى ضغوط عشان لو تم

التغاضى عنها مره عشان البلطجيه المره الجايه هنطالب بالاحكام العرفيه على اعداء ا

الثوره و نرجع سنة ٥٢ تانى

[م تيمور المراغي]

حضرتك بتطالب بالاعدام من غير محاكمه عادله فرقنا ايه عن مبارك

...........

السلام عليكم آنستي الكريمة ,,

لم اقل بدون محاكمة ,,

تطبيق الحدوود بيكون له اجراءات شرعية معروفة يتبعها اولي الامر ,,

كان عشمي انك فاهماني اكتر من كده :happy:

[se_ Elsyed]

حضرتك بتطالب بالاعدام من غير محاكمه عادله فرقنا ايه عن مبارك

مهو بردو الى بينفز ممكن يظلمو

لازم يبقى فيه محاكمه عادله

ممكن تبرئ الف حرامى و لا انك تظلم برئ

مبادئ الحريه الى بنطالب بيها ماينفعش نحيد عنها عشان اى ضغوط عشان لو تم

التغاضى عنها مره عشان البلطجيه المره الجايه هنطالب بالاحكام العرفيه على اعداء ا

الثوره و نرجع سنة ٥٢ تانى

مين قال يا جاسمين ؟

إحنا بنقول ناس بيتقبض عليهم متلبسين وهما بيخربوا وبيفسدوا في الأرض وبيحملوا أسلحة في وقت مثل هذا ؟

يبقى هل نداري عليهم والحكم يبقى في السر كده وخلاص ؟

مره أخرى .. دي مش جريمة عادية .. دي إفساد في الأرض يافندم ...

[jasmin hamed]

حضرتك بتطالب بالاعدام من غير محاكمه عادله فرقنا ايه عن مبارك

...........

السلام عليكم آنستي الكريمة ,,

لم اقل بدون محاكمة ,,

تطبيق الحدوود بيكون له اجراءات شرعية معروفة يتبعها اولي الامر ,,

كان عشمي انك فاهماني اكتر من كده :happy:

والله انا كنت كاتبه التعليق بعد كلام الاستاذ س س بس انا بطيئه شويه فعقبال ماظهر

كان كلام حضرتك ظهر

انا تعليقى على

(فبما إننا تحت الأحكام العرفية والحكم العسكري ... فيجب جمع أكبر كم من هؤلاء الحثالة وإعدامهم في مكان عام لردع كل من تسول له نفسه ويحاول ترويع الأمنين

انا مش راضيه بالاحكام العرفيه لا ليا و لا اى حد حتى لو كان معتدى عليا )

[م تيمور المراغي]

حصل خير يا استاذة ,,

وما دام الكلام موجه الى س

فالمايك معاه :happy:

تم تعديل 7 مارس 2011 بواسطة architect

[jasmin hamed]

وأستمعت بالامس إلى الدكتور محمد سليم العوا في أحد البرامج الحوارية على الهواء والذي أفاد بأن أثناء قدومه في الطريق للأستديو وجد مجموعات مسلحة تحمل أسلحة بيضاء تشتبك مع المتظاهرين امام مبنى أمن الدولة في لاظوغلي .. والجيش يقف يشاهدهم من بعيد بدون تدخل !!!!!!!!!!

على فكره موضوع لاظوغلى كان كالاتى القوات المسلحه تحفظت على المبنى

و حاولو يقنعو المتظاهرين الى مصرين يدخلو الجهاز دون جدوى المهم بعض اهالى لاظوغلى بحجة انهم موقفين حال البلد و كده اشتبكو م

مع الواقفين على الباب و كان فى فوسطهم شباب او بلطجيه الخناقه

كان فيها سلاح ابيض و الجيش قام بتفريق الجميع بالقوه لانهم مش هيدخلو حد مبنى امن الدوله

عشان متشمع بالشمع الاحمر

تم تعديل 7 مارس 2011 بواسطة jasmin hamed

[Alattar]

مجموعات مسلحة تحمل أسلحة بيضاء تشتبك مع المتظاهرين امام مبنى أمن الدولة في لاظوغلي .. والجيش يقف يشاهدهم من بعيد بدون تدخل !!!!!!!!!!

مثلما فعل الجيش للاٍسف مع محرضي موقعة الجمل ...

للأسف كل ما نحاول نثق في الجيش شوية تطلع لنا دلائل ووقائع تزيد من احباطنا

و ريبتنا نحو المؤسسة العسكرية..اللي الواحد ما بقاش فاهم هما ليه بيعملوا كده؟؟

هل هناك قوي سياسية في البلد أكبر من الجيش؟؟..الجيش الآن هو الحاكم..لو ان فيه فعلا

قوي أكبر من الجيش و موجودة في مصر..يبقي واضح اننا قدامنا كتير في الثورة علي ما نقدر

نقول اننا بإذن الله تعالي طهرنا البلد تماما

[اغابي]

كان لى حديث مع مستشارنا القانونى بالشركة وهو بالمناسبة محامى مصري وله 30 سنة فى الكويت يمارس مهنة المحاماه

بصراحة تحدثنا فى الوضع الامنى لمصر حاليا فقال لى انه يعلم تماما ان المشكلة الاكبر فى امناء الشرطة الذين هم ليسو امناء بالمرة وقال لى اذا قلت لك ومن مصادر لى موثوقة جدا ان عدد كبير جدا من خريجي السجون وممن هم لهم سابقة واحدة تم جمعهم فى معهد امناء الشرطة لان الفترة السابقة وبالتحديد اخر عشر سنوات من حكم مبارك - كان النظام يحتاج الى بلطجية من نوع مقنن

او بلطجية بصفة قانونية تحت مسمي امناء للشرطة

وقالى لى الايام ستثبت لك صدق كلامى ان الجهاز المركزى لوزارة الداخلية جند عدد كبير من الخارجين عن القانون واصحاب السوابق فى معهد امناء الشرطة

للسيطرة على الشعب وعلى الشارع المصري وخاصة ايام الانتخابات او تقييد اى حركات للمعارضة وتضييق الخناق عليهم بالقوة والعنف وتلفيق التهم وبذلك اصبح البلطجى ورد السجون فى يوم وليلة هو من الشرطة

وانا لا اتكلم عن جميع ظباط الشرطة فمنهم الكثير ممن هم شرفاء وايديهم بيضاء ولكن يوجد منهم

الكثيرين ايضا من هم على النقيض تماما

تم تعديل 7 مارس 2011 بواسطة اغابي

[se_ Elsyed]

كان لى حديث مع مستشارنا القانونى بالشركة وهو بالمناسبة محامى مصري وله 30 سنة فى الكويت يمارس مهنة المحاماه

بصراحة تحدثنا فى الوضع الامنى لمصر حاليا فقال لى انه يعلم تماما ان المشكلة الاكبر فى امناء الشرطة الذين هم ليسو امناء بالمرة وقال لى اذا قلت لك ومن مصادر لى موثوقة جدا ان عدد كبير جدا من خريجي السجون وممن هم لهم سابقة واحدة تم جمعهم فى معهد امناء الشرطة لان الفترة السابقة وبالتحديد اخر عشر سنوات من حكم مبارك - كان النظام يحتاج الى بلطجية من نوع مقنن

او بلطجية بصفة قانونية تحت مسمي امناء للشرطة

وقالى لى الايام ستثبت لك صدق كلامى ان الجهاز المركزى لوزارة الداخلية جند عدد كبير من الخارجين عن القانون واصحاب السوابق فى معهد امناء الشرطة

للسيطرة على الشعب وعلى الشارع المصري وخاصة ايام الانتخابات او تقييد اى حركات للمعارضة وتضييق الخناق عليهم بالقوة والعنف وتلفيق التهم وبذلك اصبح البلطجى ورد السجون فى يوم وليلة هو من الشرطة

وانا لا اتكلم عن جميع ظباط الشرطة فمنهم الكثير ممن هم شرفاء وايديهم بيضاء ولكن يوجد منهم

الكثيرين ايضا من هم على النقيض تماما

ده مين اللي بتتكلم دي يا أخواتي ؟

أغابي بنتنا اللي بطحت لها 5 أعضاء في المحاورات وشرعت في قتل 15 عشان كنا بنحاول نقولها إن الفساد في جهاز الشرطة هوالقاعدة والأساس ... وما عداه هو الاستثناء ؟

------------

لأ الموضوع عُمره ما يوصل للدرجة دي يا اغابي ..

أقول لك ليه وبالتفصيل

- أمناء ومندوبي الشرطة فيه إشتراطات وسن مُعين لقبولهم .. هاتقولي ما كل ده في إيد الشرطة وممكن تعمل إستثناءات ؟

لأ مش ممكن ..... لأن ده خطر عليهم هما شخصياً

ببساطة كده ... ينفع أشغل حد عندي ويبقى صابعي تحت ضرسه طول الوقت ؟

في حين إني ممكن اشغل حد تاني أبقى أنا اللي ماسك رقبته في اي وقت وممكن أنفخه لو إتنفس أو عارضني أو عصا لي أمر ؟

الأوبشن التاني هو الأسهل طبعاً

عشان كده الشرطة مش محتاجة تجمع مجرمين وتعملهم أمناء شرطة .. لإن أمناء الشرطة توماتيكي توماتيكي مجرمين ... بس من نوع خاص ... اللي هو إجرام الفساد والنهب والسلب والتقليب

فبالتالي الشرطة تحتاج إلى مجرمين بحق وحقيق .. بحيث حتى لو إتمسك فهو كده كده مُجرم ومهما أعترف على إنه بيشتغل لحساب الشرطة ما حدش هايصدقه لأنه مسجل خطر ومجرم

الاهم بقى ... الشرطة بتبقى عارفه دول كلهم بالإسم ولهم ملفات تقيلة عندها .. وبالتالي يا أغابي سهل ييجوا في اي وقت .. وسهل ينطلب منهم أي عملية خاصة في مقابل غض الطرف عن إجرامهم وعن ممارستهم للبلطجة والإجرام اللي هما عايشين عشانه ...

ومنهم فئة تُسمى " المُرشدين " يعني العصافير اللي بيندسوا وسط الناس ويجيبوا قضايا للشرطةعشان يستفوا بها الملفات ويقفلوا بها القضايا ويثبتوا لقياداتهم إنهم شغالين وعنيهم مفتحة

معليش يعني .. إنتي متخيلة إن ظابط مكافحة مخدرات أو حتى الأداب سوري يعني .. قاعد في مكتبه مآنتخ ومرتاح .. والقضية هاتيجي له عالجاهز ؟

لا طبعاً .. لكن المُرشدين اللي هما في الأساس مجرمين سابقين ومفرج عنهم بيشتغلوا بإيدهم وسنانهم عشان يجيبوا قضايا من النوع ده للشرطة وغالباً بيبقى مطلوب منهم كوته معينة يحققوها ..

وزي ما قلت في بداية موضوعي إن جهاز البلطجة توسع وبقى رسمي وبقى لهم مهام متعددة ومنها تظبيط الإنتخابات ... بل الموضوع توسع أكثر وبقى يشمل عنصر نسائي كبير بيسموهم " الشراديح "

ودي ستات فاقده ومُسجلة .. وبدل زمان ما كانوا بيتأجروا عشان يردحوا أو يجرسوا أو يعتدوا على نساء معينين ويتدفع لهم فلوس ..

دلوقت بيشتغلوا رسمي تبع الشرطة عشان يدخلوا الإنتخابات ويتحرشوا بالنساء المشاركين ... وكمان لا ننسى إي مظاهرات أو إعتصامات فكانوا بيعملوا شغل عالي قوي فيها ..

عشان كده الفئات دي كلها خطر جداً الان بعد ما فقدوا الغطاء الشرعي والرسمي لهم .. وفقدوا السبوبة اللي كانت بتجيلهم كل فترة ..

ولو ما كناش نتعامل معهم بمنتهى القسوة والحزم في حالة خطئهم . يبقى هايتوحشوا ويعملوا أي حاجه ممكن نتخيلها لإنهم ما يعرفوش يعملوا حاجه في الدنيا إلا الشغلانة دي . وفي نفس الوقت المجتمع لازم يتسوعب اللي بيحاولوا إنهم يستقيموا منهم ويوفر لهم حياة كريمة ...

لإن الوقاية خير من العقوبة والعلاج ...

[Sidi Bouzaid]

احب اضيف شيء البلطجية 3 انواع

النوع اللي كلنا عارفينه

النوع الثاني هم بلطجية المرور ....اغلب سائقي الميكروباص

النوع الثالث هو بلطجي بزي رسمي ...كلنا عارفينه واسمه رجل الشرطة - غالبا علشان ما نعممش

[se_ Elsyed]

أيوه كده يا وديع ...

صوتنا بيوصل أهو

الصفحة الرسمية لحكومة عصام شرف

مجلس الوزراء برئاسة الدكتور عصام شرف رئيس مجلس الوزراء، يوافق على مرسوم قدمه وزير العدل ينص على تعديل قانون العقوبات، بما يسمح بمضاعفة عقوبة الحبس فيما يتعلق بعمليات التخويف والترويع والبلطجة ضد المواطنين والإعدام فى حالة وجود وفاة

ياريت بقى يتم نشر العقوبات دي وإذاعتها ليل نهار في الراديو والتليفزيون والجرائد

وياريت العقوبة تبقى علانية وعلى الهواء ....

وياريت عقوبة كمان لكل من يمتنع عن العمل بحجة الإضرابات .. خصوصاً في الأماكن الحيوية التي تخدم الجمهور

[أسد]

البلد في منتهى التسيب والبوظان

تم إسقاط النظام

تم تعيين حكومة برئاسة رجل محترم وافق عليه الجميع

تم تعديل الدستور .. والاستفتاء والرأي للشعب بعد عشرة أيام

يجب إمساك البلد بقيضة من حديد

يجب ردع كل من يتجاوز

يجب تنفيذ الأحكام بشكل فوري

ليعتير من تسول له نفسه بالتسيب

[م تيمور المراغي]

مصر ترفع عقوبة "البلطجة" إلى الإعدام لمواجهة انفلات أمني غير مسبوق

وافق مجلس الوزراء المصري، الأربعاء 9-3-2011، على مشروع مرسوم بقانون يرفع عقوبة البلطجة إلى الإعدام في حالة التسبب في الوفاة.

وقال المتحدث باسم الحكومة مجدي راضي للصحافيين إن مشروع المرسوم يتعلق بتعديل بعض أحكام قانون العقوبات بإضافة باب جديد يتعلق بترويع المواطنين

والتخويف والنيل من طمأنينة المواطن والبلطجة.

وأضاف أنه تم تغليظ العقوبة بمضاعفة مدة السجن وصولاً للحكم بالإعدام في حالة التسبب في الوفاة.

وتعاني مصر من حالة انفلات أمني تتسبب في وقوع حوادث عنيفة منذ الاحتجاجات التي أدت إلى تنحي الرئيس مبارك عن الحكم في 11 فبراير/شباط الماضي.

ونتجت حالة الانفلات الأمني عن انسحاب الشرطة من الشوارع بعد مواجهات مع المحتجين أسفرت عن مقتل مئات المحتجين وإصابة ألوف آخرين.

وخلال الأيام الماضية أصدرت المحكمة العسكرية العليا عشرات الأحكام على أشخاص قالت إنهم شاركوا في أعمال عنف وتراوحت مدد السجن بين خمسة أعوام و15 عاماً.

وقال مصدر في مجلس الوزراء إن وزير العدل محمد الجندي تقدم إلى المجلس بمشروع مرسوم القانون، وأضاف أن مجلس الوزراء رفع المشروع إلى المجلس الأعلى للقوات المسلحة الذي نقل إليه مبارك سلطاته الرئاسية.

[ozoozo]

ارجو عدم تطبيق اي احكام بالسجن حتي وان كانت السرقه ان شالله لقلم رصاص

ولكن تكون الاعدام

ويكون فوري في مكان الحادث

مع مراعاه عدم ايذاء الجثه

ثم نقل الجثه فورا للمستشفي

والاستفاده منها لعمل بنك اعضاء بشريه يستفيد منه المرضي

فكل بلطجي عباره عن

1-عدد 2 قرنيه

2-عدد 2 كليه

3-كبد اعتقد يمكن نقسيمه لثلاث فصوص

4- الجلد يمكن استخدامه في عمليات التجميل

5-الهيكل العظمي يمكن الاستفاده منه في كليات الطب

ويمكن ايضا تصدير الفائض من الاعضاء والاستفاده من ثمنها

وعلي افتراض انه يوجد بالشوارع الان 100 الف بلطجي

فسيكون لدينا عدد ممتاز من الاعضاء البشريه

[pink rose]

ارجو عدم تطبيق اي احكام بالسجن حتي وان كانت السرقه ان شالله لقلم رصاص

ولكن تكون الاعدام

ويكون فوري في مكان الحادث

مع مراعاه عدم ايذاء الجثه

ثم نقل الجثه فورا للمستشفي

والاستفاده منها لعمل بنك اعضاء بشريه يستفيد منه المرضي

فكل بلطجي عباره عن

1-عدد 2 قرنيه

2-عدد 2 كليه

3-كبد اعتقد يمكن نقسيمه لثلاث فصوص

4- الجلد يمكن استخدامه في عمليات التجميل

5-الهيكل العظمي يمكن الاستفاده منه في كليات الطب

ويمكن ايضا تصدير الفائض من الاعضاء والاستفاده من ثمنها

وعلي افتراض انه يوجد بالشوارع الان 100 الف بلطجي

فسيكون لدينا عدد ممتاز من الاعضاء البشريه

و انت ترضاها برضوا يا استاذي

حد يتنقله قلب بلطجي

اكيد اللي هايتنقله القلب هايبقى شرير

[capitshino]

تقريبا اخونا ازوزو يا ريمو معاه اجنده خارجية

تخيلى بقى 100 الف بلطجى فى 3 فصوص = 300 الف بلطجى

و300 الف فى 3 فصوص ب = 900 الف وهكذا

لا يا عم :protest: