يجب عزل وزير الداخلية فوراً .. وأعدام أي شُرطي متقاعس رمياً بالرصاص

[aimen]

ايه مصيبة بتحصل في البلد دلوقتي تلاقي التعليقات ا للي تحت الخبر في الجرايد والمواقع كلها بتتهم الشباب اللي في التحرير انهم اللي خاربين البلد باعتصامهم

كان فيه حادثة كبيرة في القللي بين سواقين وبلطجية علشان السواقين مش عايزين يدفعوا اتاوة للبلطجية

التعليقات كلها تحت الخبر بتتهم شباب التحرير انهم السبب في اي فوضي وشتايم في شتايم

الناس اللي بتقول ان شباب التحرير هم السبب في حالة الفوضي و الانفلات الأمني اللي حاصل حاليا

عاوز أقوللهم..قبل الثورة..ما كانش فيه فوضي و انفلات أمني؟؟

دلوقتي فيه بلطجية شكلهم يخوف مثلا و لابسين لبس قديم و شكله يخوف حبتين

قبل الثورة كانوا فيه برضه بلطجية..بس بيلبسوا بدلة سودا أوبيضا ميري..و لابسين كاب الشرطة

المهنة في البطاقة شرطي..لكن المهنة حقيقة بلطجي..و بيمارس بلطجته و سطوته علي خلق الله في كل حتة

حالة الانفلات الأمني اللي بعد الثورة دي..كانت موجودة قبل الثورة بس بسمي مختلف..كان اسمها

قانون الطوارئ..أو قانون الارهاب أيهما أسوأ...

قانون بيدي الحق لأي بلطجي لابس لبس شرطة انه يلقي القبض علي أي مواطن لمجرد انه اشتبه فيه

!!!يعني شكله ولا مؤاخذه مش عاجبه

يبقي ما اختلفناش كتير عن قبل الثورة..بس الفرق ان دلوقتي كل واحد عرف حجمه الحقيقي

لكن فيه ناس للأسف مش عاوزة تعترف بحجمها ولا بدورها الحقيقي..و حاسسين انهم كده بيفقدوا أهم

ميزة في شغلهم و اللي عشانها أساسا دخل معظمهم كليات الشرطة..وهي البلطجة

كلام فى الجون يا دكتور

تحياتى

[Alattar]

كلام فى الجون يا دكتور

تحياتى

أخجلتم تواضعنا يا عم أيمن

بس أنا مش دكتور..أنا باش مبرمج

تم تعديل 2 مارس 2011 بواسطة Alattar

[عنبو]

ايه رأيكم لما نعمل صفحه على الفيس بوك للاستغناء عن بتوع الشرطه اللى رفضوا الرجوع الى العمل

ونطالب وبشده بعدم عودتهم الى العمل وخليهم فى بيوتهم ونعتمد على ضباط الاحتياط

هنلاقى كتير منهم مش لاقى شغل اساسا

لانى بجد مش قادره تدخل دماغى ازاى نقبل رجوعهم اساسا بعد لما سابوا اماكنهم

وعلى فكره الوضع دلوقتى فى مصر من قلة الامن مش بيفرق كتير عن الوضع قبل الثوره يعنى

والله الصيف اللى فات كان فيه عصابات كانت بتهجم على البيوت وتسرقها

والناس تشتكى ومافيش اى حاجه

كان الحل ان الناس عملوا لجان شعبيه وكان كل واحد بيحمى بيته بنفسه لحد لما مسكوا اتنين منهم

وراحوا بيهم على القسم وفى الاخر طلعوا برأه

والله الكلام ده حصل

انا عايش بقالى 26 سنه وابويا الله يرحمه عاش تقريباً 56 سنه عمرى ما شوفته ولا سمعته عمل اتصال للشرطه

علشان فيه حرامى او حريقه او نيله

انا علاقتى بالشرطه مقتصره على المصالح المدنيه فقط لا غير لكن اى مشكله يتم حلها بالجهود الذاتيه

لان حتى لو اتصلنا بيهم دائما يجوا بعد لما يكون الموضوع خلص فبطلنا نتصل بيهم اساسا

راجل الشرطه اللى رفض نزل لازم يتوقف عن العمل ويتعامل معاملة الجندى الهارب من المعركه

[fatfouta]

الصورة دى من ساعة ما شوفتها وهى مش بتفارق عينى وبتخيل الظلم اللى حط عالناس دى من التعذيب والاهانة وياترى الناس دى دلوقتى عايشة ولا ماتوا من التعذيب ولا ايه؟

والله حزنت جدااا حاجة بجد محزنة

[aimen]

ايه رأيكم لما نعمل صفحه على الفيس بوك للاستغناء عن بتوع الشرطه اللى رفضوا الرجوع الى العمل

ونطالب وبشده بعدم عودتهم الى العمل وخليهم فى بيوتهم ونعتمد على ضباط الاحتياط

هنلاقى كتير منهم مش لاقى شغل اساسا

لانى بجد مش قادره تدخل دماغى ازاى نقبل رجوعهم اساسا بعد لما سابوا اماكنهم

وعلى فكره الوضع دلوقتى فى مصر من قلة الامن مش بيفرق كتير عن الوضع قبل الثوره يعنى

والله الصيف اللى فات كان فيه عصابات كانت بتهجم على البيوت وتسرقها

والناس تشتكى ومافيش اى حاجه

كان الحل ان الناس عملوا لجان شعبيه وكان كل واحد بيحمى بيته بنفسه لحد لما مسكوا اتنين منهم

وراحوا بيهم على القسم وفى الاخر طلعوا برأه

والله الكلام ده حصل

انا عايش بقالى 26 سنه وابويا الله يرحمه عاش تقريباً 56 سنه عمرى ما شوفته ولا سمعته عمل اتصال للشرطه

علشان فيه حرامى او حريقه او نيله

انا علاقتى بالشرطه مقتصره على المصالح المدنيه فقط لا غير لكن اى مشكله يتم حلها بالجهود الذاتيه

لان حتى لو اتصلنا بيهم دائما يجوا بعد لما يكون الموضوع خلص فبطلنا نتصل بيهم اساسا

راجل الشرطه اللى رفض نزل لازم يتوقف عن العمل ويتعامل معاملة الجندى الهارب من المعركه

وتعمل صفحة جديدة ليه ؟

عندك صفحة وزارة الداخلية وصفحة مجلس البلوفر ( مجلس الوزراء )

ادخل واقول اللى فى قلبك

نفسى بقى الاقى صفحة لكارهى منى الشاذلى والقرموطى وعمرو اديب وتامر امين

تم تعديل 2 مارس 2011 بواسطة aimen

[Ahmed Anwer]

طب ما ننجز ،،،

و نقول ،،،،

شفيق لازم يمشي

و بالمرة ياخد معاه الفاشل التالت أبو الغيط ،،

اللي سايب آلاف أو ملايين المصريين ،،، في كارثة إنسانية حقيقية

بتونس

ده أنا مواطن عادي و معنديش خبراتهم الفظيعة

لو مكانهم أعمل فورا مناشدة لكل دول العالم للمساعدة في عماية إجلاء و إيواء عاجلة و سريعة

و معتقدشي دول العالم هتتأخر عن هذا العمل الإنساني

بس تقول ايه أبو الغيط و رئيسه شفيق

[se_ Elsyed]

يا جماعة ما يحدث من الشرطة هو مخطط قذر ويجب الضرب من حديد على أيد هؤلاء الذين يريدون إشاعة الوضى بالمجتمع

مقتل وإصابة 10 مساجين بعد اشتباكات بسجن الأبعادية بدمنهور

الأربعاء، 2 مارس 2011 - 20:15

إحباط محاولة هروب النزلاء - صورة أرشيفية

البحيرة- محمد الإبيارى

أسفرت الاشتباكات التى وقعت مساء اليوم، الأربعاء، داخل سجن الأبعادية بدمنهور عن سقوط ثلاثة قتلى من المساجين هم: ماهر سعيد، ومحمد على إبراهيم، وهشام مصطفى، إضافة إلى إصابة كل من: حسام عبد الرازق، ومحمود السيد، ومحمد عبد الله، ورضا كامل، وهيثم على، وشريف عبد الرازق، وعادل محمود، وذلك إثر قيام ضباط بالسجن بإطلاق أعيرة نارية عشوائية وقنابل مسيلة للدموع على المساجين بناء على الأوامر الصادرة من مأمور سجن الأبعادية وضباط المباحث وأمن الدولة على المساجين اثناء محاولتهم الهرب خارج السجن.

أكد أحد السجناء فى اتصال تليفونى مع "اليوم السابع" بأن أفراد الأمن المكلفين بحراسة العنابر، قاموا بفتحها مساء اليوم كى يهرب المساجين، وبالفعل استطاع 150 سجينا الهروب بعد الاعتداء على مأمور السجن، ولكن أهالى قرية الأبعادية، تقوم الآن بمساعدة إدارة السجن فى القبض على المساجين الهاربين.

وأضاف بأنه عقب هروب المساجين حاول مع عدد من النزلاء الهروب، ولكن أفراد الأمن بأبراج السجن أطلقوا الأعيرة النارية عليهم والقنابل المسيلة للدموع لمنع هروب المساجين، مما أسفر عن وقوع أكثر من 10 قتلى وإصابة 7 مساجين بإصابات خطيرة وحالات إغماء من إثر دخان القنابل المسيلة للدموع.

[se_ Elsyed]

الموضوع أصبح لا يحتمل التهريج ولا العمل في اصدار الاحكام في الخفاء .... ويجب تغيير كامل لقيادات الشرطة . أضرب الكبير يخاف الصغير .... وإمسك كام كلب من البلطجية الحشرات المنتشرة في المجتمع وخرجت للنور وإعدنهم في الميادين العامة عشان يبقوا عِبرة ...

نجاة سفير اليمن لدى القاهرة من محاولة اغتيال بأسيوط

الأربعاء، 2 مارس 2011 - 22:34

نبيل العزبى محافظ أسيوط

كتب يوسف أيوب

قال مصدر بالسفارة اليمنية بالقاهرة إن السفير عبد الولى الشميرى سفير اليمن لدى القاهرة، تعرض اليوم لمحاولة اغتيال أثناء زيارته لمحافظ أسيوط للقاء الطلبة اليمنيين بجامعة أسيوط.

وقال المصدر لـ"اليوم السابع" إن مجموعة مسلحة أوقفت سيارة الشميرى عند مدخل مدينة أسيوط الشمالى، وأطلقوا عليه أعيرة نارية، لكن ضباطا من القوات المسلحة كانوا متواجدين عند المدخل تعاملوا مع المسلحين، وتم إنقاذ السفير من محاولة الاغتيال.

وسيوالى "اليوم السابع" موافاتكم بالتفاصيل تباعا..

[fatfouta]

يا سى السيد شوف اللقاء فى التليفزيون ضمنيا كده قالوا ان امن الدولة هو المسئول عن البلاوى دى كلها وعاوزين يخوفوا الناس ويرعبوهم عشان ترجع بيوتها

رد ساويرس وقال لا مفر من مطالب الشعب ومش هنقدر نوقفهم خلاص ومش عاوزين نضحك على بعض

[se_ Elsyed]

يا سى السيد شوف اللقاء فى التليفزيون ضمنيا كده قالوا ان امن الدولة هو المسئول عن البلاوى دى كلها وعاوزين يخوفوا الناس ويرعبوهم عشان ترجع بيوتها

رد ساويرس وقال لا مفر من مطالب الشعب ومش هنقدر نوقفهم خلاص ومش عاوزين نضحك على بعض

يا فتفوته

Whoever

أمن الدولة ولا الامن الغذائي ... لازم عقاب رادع رادع رادع لأي حد يعبث بامن الوطن ... وده لازم ييجي من الجيش اللي هما أعلى من الشرطة الأن ويبقوا عبرة للجميع

[fatfouta]

يا سى السيد شوف اللقاء فى التليفزيون ضمنيا كده قالوا ان امن الدولة هو المسئول عن البلاوى دى كلها وعاوزين يخوفوا الناس ويرعبوهم عشان ترجع بيوتها

رد ساويرس وقال لا مفر من مطالب الشعب ومش هنقدر نوقفهم خلاص ومش عاوزين نضحك على بعض

يا فتفوته

Whoever

أمن الدولة ولا الامن الغذائي ... لازم عقاب رادع رادع رادع لأي حد يعبث بامن الوطن ... وده لازم ييجي من الجيش اللي هما أعلى من الشرطة الأن ويبقوا عبرة للجميع

غريبة موقف الجيش بصراحة بس شفيق قال كلمة دلوقتى

قال انا لما قولت هستقيل طنطاوى قاللى اقعد فى شغلك يا احمد احنا محتاجينك فى شغلك دلوقتى

انا مابقتش فاهمة موقفهم بصراحة

[aimen]

http://www.masrawy.com/News/Egypt/Politics/2011/march/2/witnesses.aspx

روى عدد من نزلاء سجن دمنهور العام لمصراوي، تفاصيل ما حدث داخل السجن يوم الأربعاء، وأسفر عن سقوط قتلى وجرحى، إثر قيام قوات الأمن بإطلاق نار على المساجين.

شهود عيان: 53 قتيل و 150 مصاب في أحداث سجن دمنهور

وفي اتصال لمصراوي قال أحد نزلاء سجن دمنهور إن المساجين فوجئوا صباح الأربعاء بقيام أفراد الأمن بفتح الزنانين على غير المعتاد، وإتاحة حرية تجول للمساجين، وإنه وزملائه لاحظوا تراخي أمني كبير داخل السجن ما اوحى لهم أن إدارة السجن تريدهم أن يهربوا.

وأضاف أن عدد كبير من المساجين توجهوا إلى بوابة السجن في محاولة للهروب، إلا أنهم فوجئوا بتواجد كثيف لأفراد خلف الأسوار، وقاموا بإطلاق نار كثيف على المساجين، مما أسفر عن سقوط 53 قتيل، و150 مصاب، وذلك بحسب تأكيدات الشاهد.

وأكد أن عدد القتلى 53 نزيل وأكثر من 150 مصاب، نافيا ما تناقلته بعض وسائل الإعلام والمصادر الطبية من أن إطلاق النار أسفر عن سقوط قتيل و7 مصابين، كما نفى أن يكون إطلاق النار من قوات الأمن جاء بعد اندلاع أعمال شغب، وتمرد من المساجين، مؤكدا ان ما حدث كان خدعة ومكيدة من قوات الشرطة، لكنه وزملاءه من المساجين لا يدرون الهدف منها، وأشار إلى ان الوضع الآن هادئ داخل السجن بعد وصول قوات من الجيش، تولت تأمين السجن والسيطرة على الوضع.

وعلى صعيد متصل أكدت شقيقة أحد نزلاء سجن دمنهور لمصراوي، أن شقيقها أبلغها بقيام قوات الأمن بإطلاق النار على نزلاء السجن، يوم الأربعاء مما أسفر عن سقوط عدد كبير من القتلى والجرحى.

إلى ذلك، صرح مصدر أمنى مسئول بأن 3 مساجين لقوا مصرعهم وأصيب 8 آخرين إثر أحدث شغب وقعت الأربعاء في سجن الأبعدية العمومي بدمنهور .

وأوضح المصدر أنه بعد ظهر الأربعاء قام بعض نزلاء سجن الأبعدية العمومي بدمنهور - والذى يضم نحو 3000 سجين - بإحداث حالة من الهياج وأعمال الشغب وإشعال النيران بمتعلقاتهم ، وقيامهم بتحطيم أبواب العنابر الخاصة بالسجن ومحاولة اقتحام الباب الرئيسي للسجن ، وذلك في محاولة منهم للهرب ، حيث كان العديد من أقاربهم متجمعين خارج أسوار السجن .

وأضاف المصدر أن قامت قوات الشرطة قامت بالتنسيق مع القوات المسلحة بتحذيرهم إلا أنهم واصلوا محاولتهم للهروب مما اضطر القوات للتعامل معهم وسرعة السيطرة على الموقف، وأسفرت الأحداث عن وفاة ثلاثة من المسجونين وإصابة 8 آخرين تم نقلهم للمستشفى للعلاج وقد تحرر عن ذلك المحضر اللازم وأخطرت النيابة لمباشرة التحقيقات .

على صعيد متصل، قال اللواء عبد الجواد أحمد عبد الجواد مساعد وزير الداخلية لقطاع السجون، إن ما حدث الأربعاء في سجن الأبعدية بدمنهور، جاء أثناء زيارة الأهالي لمجموعة من المساجين حيث حاولوا الهرب عبر حوش السجن، مدفوعين بتحريض الأهالي واعتقادهم بأنهم يمكنهم التغلب على عدد الحراس الموجودين بالسجن.

وأضاف مساعد وزير الداخلية لقطاع السجون، في مداخلة مع برنامج "90 دقيقة"، على قناة المحور، أن المساجين حرقوا المستشفى ومخزون الطعام التابعين للسجن، واحتجزوا المأمور، مما استدعى قيام قوات الأمن بإطلاق أعيرة نارية لإحباط محاولة هروب السجناء.

وأكد عبد الجواد أن الوزارة تقوم الآن بدراسة ملفات السجناء للقيام بعملية إفراج شرطي للسجناء الذين لا يوجد خطورة من الافراج عنهم، وصولا إلى أن يتم الاكتفاء بسجن العناصر الخطر على الأمن العام فقط.

[eslam elmasre]

حاجة غريبة الصراحة

فيه ناس منهم اهو شغالين

امال الاستهبال والاستعباط بتاعهم دول ازاي وسايقين فيها

اللي اعرفه انهم بيخضعوا للقانون العسكري والهروب من الخدمة او رفض تنفيذ الامر العسكري بيعامل بحزم وشدة في القانون العسكري تصل الي الاعدام

ياريت يطبقوا عليهم احكام القانون العسكري لكل من يرفض اداء واجه ولا حلوه لما يتمنظروا علي خلق الله ولما يؤدوا دورهم الحقيقي يخلعوا يعملوا فيها ولو مؤاخذه (ولا بلاش)

http://www.youm7.com//News.asp?NewsID=361942

تمكنت فرقة من القوات القتالية والبحث الجنائى بمديرية أمن الغربية بالتنسيق مع محافظة الغربية، من إخلاء 51 وحدة سكنية بأول وثان طنطا بعد استيلاء البلطجية عليها.

أعدت دراسة أمنية لإخلاء الوحدات السكنية التى قام البلطجية بالاستيلاء عليها بمساكن الشباب بالعجيزى ووحدة السلام بأول وثان طنطا تحت إشراف اللواء مصطفى البرعى مدير أمن الغربية واللواء السيد جاد الحق مدير المباحث الجنائية.

وتمكنت القوات من إخلاء 26 وحدة بمساكن الشباب بالعجيزى بدائرة أول طنطا و25 وحدة بوحدة السلام بثان طنطا، وتم تسليمهم للمسئولين بحى أول وثان طنطا.

[باهى الطائر الحزين]

اشكر / س س

على اثارته هذا الموضوع

انا شخصيا قد تعرضتُ لموقف بلطجه من سواق ميكروباص كان يسير عكس الاتجاه فى شارع اتجاه واحد

اوقف سيارته امامى وطلب منى الرجوع، وإلا،ولولا الماره لتطور الامر بيننا لا ادري الى اين.

واقترح ان تُطهر قيادات الشرطه الضالعين فى الفساد،واستبدالهم مؤقتاً بضباط من الجيش وتدريب

خرجين من الحقوق دوره شُرطيه لمده مثلا ثلاثه اشهر او سته،على ان يعينوا ضباط شرطه بعد تخرجهم

وتعيين وزيرا للداخليه من المدنيين،مثلا من اساتذة الجامعه،فى علم النفس او الاجتماع او ماشابه

واقترح ان تكون عليها رقابه،من منظمات المجتمع المدنى،فخيرا ان نترك عشره مُدانين من ان نسجن برىء واحد.

لا انسى ان اقول ان هذا المقترح وجة نظر شخصيه،للاخر الحق فى المعارضه او اقتراح ما يراه مناسبا.

لكن من غير المعقول ان نظل فى هكذا حالة فراغ امنى،واعطاء الفرصه للبطجيه بل واعداء الثور الذى يدفعونهم

ليروعوا الامنين،هناك جيوب للنظام السابق هى وراء ما يحدث من سرقه ونهب للاثار ومقدرات الشعب تأديبا وعقابا

احترامى للجمع الموقر

[se_ Elsyed]

هل ما يحدث هذا أمر عادي من رجال الامن ؟

هروب 20 مسجوناً من قسم دار السلام والقبض على 7 منهم

الخميس، 3 مارس 2011 - 14:42

تباشر النيابة العامة التحقيق فى واقعة هروب 20 مسجوناً فجر اليوم، الخميس، من قسم شرطة دار السلام، بينما تمكنت قوات الأمن من القبض على 7 منهم.

وقد أفادت المعلومات الأولية أن 20 مسجوناً كانوا متواجدين بحجز قسم شرطة دار السلام، قاموا بتكسير الحائط من داخل الحجز وفروا هاربين، بينما نجحت قوات الأمن من القبض على سبعة منهم وتكثف الجهود حالياً لضبط باقى الهاربين.

بينما تناقلت أقوال أخرى أن المساجين تمكنوا من الهرب بعد أن لجئوا إلى حيلة خدعوا بها ضباط القسم، حيث أخذوا فى الصراخ من داخل الزنزانة، مدعين أن أحدهم على وشك الموت وينزف دماً من فمه، وما إن فتح لهم باب الحجز فروا هاربين.

[Alattar]

هل ما يحدث هذا أمر عادي من رجال الامن ؟

هروب 20 مسجوناً من قسم دار السلام والقبض على 7 منهم

الخميس، 3 مارس 2011 - 14:42

تباشر النيابة العامة التحقيق فى واقعة هروب 20 مسجوناً فجر اليوم، الخميس، من قسم شرطة دار السلام، بينما تمكنت قوات الأمن من القبض على 7 منهم.

وقد أفادت المعلومات الأولية أن 20 مسجوناً كانوا متواجدين بحجز قسم شرطة دار السلام، قاموا بتكسير الحائط من داخل الحجز وفروا هاربين، بينما نجحت قوات الأمن من القبض على سبعة منهم وتكثف الجهود حالياً لضبط باقى الهاربين.

بينما تناقلت أقوال أخرى أن المساجين تمكنوا من الهرب بعد أن لجئوا إلى حيلة خدعوا بها ضباط القسم، حيث أخذوا فى الصراخ من داخل الزنزانة، مدعين أن أحدهم على وشك الموت وينزف دماً من فمه، وما إن فتح لهم باب الحجز فروا هاربين.

هما عاوزين يخربوها قبل ما يمشوا..عشان كده سايبين الدنيا تبوظ عالآخر

ان شاء الله يتم تعيين وزير داخلية محترم..و يتم محاسبة كل المقصرين و الذين

تسببوا في إشاعة حالة الفوضي...

و المفروض فعلا يشوفوا الظباط الشرفاء اللي يقدروا يتعاملوا مع الناس بإحترام بعد إلغاء قانون

الطوارئ بإذن الله..و اللي مش هيعرف يحترم نفسه و نفسه يعيش أيام البلطجة من تاني..يبقي يسلم

سلاحه و يقعد في بيتهم...ولا يسرح بعربية كبدة

[se_ Elsyed]

هل هؤلاء لصوص هدفهم السرقة والنهب ؟

أين المجلس العسكري من إعدام هؤلاء في ميدان التحرير علانية

مسلحون بالسيوف يثيرون الذعر بين المواطنين بالعجوزة

الخميس، 3 مارس 2011 - 20:47

اللواء فاروق لاشين

كتب بهجت أبو ضيف

شهد شارع أحمد عرابى بمنطقة المهندسين واقعة غريبة، قام خلالها مجموعة من البلطجية بتحطيم السيارات والتعدى على المارة بالأسلحة البيضاء وإحداث حالة من الذعر بين المواطنين، حتى تم مطاردتهم من جانب ضباط المباحث والأهالى.

أحداث الواقعة بدأت عندما فوجئ المواطنون بشارع أحمد عرابى بجوار مطعم الشبرواى بسيارة أجرة ينزل منها 7 مجهولين بحوزتهم عدد من الصناديق التى تحتوى على زجاجات المولوتوف الحارقة، ويشهرون السيوف والسنج ويحطمون السيارات المارة والموجودة بالمكان، مما دفع عدد من قائدى السيارات للهرب من المكان، حتى تجمع عدد من سكان المنطقة والمارة واستعانوا باثنين من ضباط مباحث قسم شرطة العجوزة اللذين كانا يقومان بدورهما فى تأمين المنطقة، وطاردا المسلحين، مما دفعهم للهروب بسيارتهم من المكان.

[Simba]

خالد دياب يكتب : الضباط السنافر وفيلم ''احمي بيتك ''

1839

قمة الغباء في السينما ان تنتج فيلما فيسقط جماهيرا ويفشل فشلا ذريعا ثم تنتج له جزء تاني...طبعا الي يفكر بالطريقه دي يبقي ناقصله بردعه بس ويخش حكومة شفيق. تم انتاج فيلم "احمي بيتك" الجزء الاول يوم ٢٨ يناير بانتاج ضخم من كامل ابو علي السينما المصرية عمو حسني مع سيناريو وحوار حبوب العادلي والفيلم تدور احداثه حول الفوضي العقابيه التي أحدثها عمو حسني وحبوب بسحب رجال الشرطة وفتح السجون لاخراج البلطجيه لينتشرو ويرهبو الناس بل ونشر الآلاف من عساكر أمن الدولة بسيارات لاطلاق النار في الشارع لاخافة المواطنين حتي يلقي الجميع اللوم علي متظاهري التحرير بأنهم سبب الفوضي لتكون رسالة الفيلم هي الحرية أو الامان وفشل الفيلم ولم يدخله او يصدقه الا القليلين.

ذهب المنتج عمو حسني منتج الجزء الأول اللي طبعا مدفعش مليم في الفيلم بعد اخترع طريقة جديدة في الانتاج وهو الانتاج علي حساب المشاهدين وهي احنا( علي حساب الشعب) لنري الفيلم يعاد انتاج جزء آخر له باسم "احمي بيتك" الجزء التاني ...لكن من هو المنتج ؟؟ لا يوجد منتج يمكن انتاج الجزء الثاني سوي اصحاب السلطة العليا..ايه ده قصدك الجيش؟؟

لأ طبعا الجيش المصري الذي نحبه ونقدره مابينتجش الأفلام الهابطة دي. طب قصدك مين يا ريس؟؟ اصابع الاتهام تتوجه للسلطة الثانية .. يعني مين !! يعني سبكي السينما المصريه الجديد ... الفنان شفيق السبكي الذي استعان في كتابة هذا الفيلم بالسيناريست الذي شارك في الحوار في الجزء الاول من فيلم احمي بيتك وهو السيناريسيت الشاب محمود وجدي الذي شعرنا معه فعلا باختلاف عن الجزء الاول فالشرطة الان غير متواجدة في الشارع لكنهم يظهرون في التليفزيون يتحججون كما ان وجدي وجه بعض الكومبارس البلطجيه الي اتوبيسات المدارس ليخيفو اولياء الامور لتثور الناس ضد متظاهري التحرير. وكما قلت سابقا سقط الجزء الاول من الفيلم ويسقط الان الجزء الثاني بجدارة بالرغم من رغبه شفيق السبكي في ابقاء الفيلم اكبر فتره في السينمات.

لي اصدقاء واقارب ضباط شرطة وبحبهم والله العظيم ونفسي أول واحد يرجعو الشارع عشان نفسنا كلنا نعيش في أمان واستقرار و المفاجأة ان هم كمان نفسهم يرجعو....طب ايه الي مانعهم ؟؟ الي مانعهم هو الجزء التاني من فيلم احمي بيتك ..السيناريست مقالش للضباط ارجعو قالهم مثلو انكو عايزين ترجعو بس مش عارفين طب قامو سألوه ولما يسألونا مش عارفين ترجعو ليه نقول ايه يا حودة ؟؟....هنا حوده تقريبا جالو تليفون وقرر يكتب المشهد ده بعدين فالضباط معرفوش لما يسألوهم مش عارفين ترجعو تاني يقولو ايه وطبعا القصة ما انتهتش.

طلع ضابط مع خيري رمضان امبارح وانا لا أشكك فيه لكن دعونا نروي الاحداث...مصر النهارده عمل لقاء مع ضابط محترم وده اكيد..بس لقيت مصر النهاردة عامل تقرير فيه ناس عامله مظاهرة وشايله لافتات بتشيد بالضابط...طب ايه سبب المظاهرة قالك انه مواطن لقي العسكري بتاعه بيجيب في كيس بعض الاغراض الشخصية للضابط فعرف انه الضابط مقدم علي اجازة فعملو مظاهرة عشان مايطلعش اجازة سنة....عصرت علي نفسي ٢٥ لمونه لغاية ما حمضت طبعا مش قادر اصدق...لاني انا مثلا عمري ما عملت مظاهرة عشان ضابط القسم الكويس عندنا كان هايطلع اجازة ..المهم قولت يا واد طنش دي وكمل يمكن أهل المنطقة بتاعة الضابط كلهم خريجين اقتصاد وعلوم سياسية ...الضابط اتكلم وانا سمعت لغاية ما وصلنا لنقطة الفرقان..والسؤال بيقول للضابط - ليه انتو مش متواجدين في الشارع - فاكرين !! ده السؤال الي جه للسيناريست وجدي فيه تليفون فمردش فيه علي ابطال الفيلم لنسمع رد الضابط - الضباط خايفين من نظرة الناس ليهم - قولت نعمممممم؟؟ علي اساس ان الضباط دول مرهفي الحس والمشاعر وقلبهم قلب خساية ولا ايه مش فاهم؟؟ خايفين من ايه يا حبة عيني؟؟من نظرة الناس!!...يعني تسيبو الناس تموت عشان خايفين من نظرتهم ليكو..يا سلام علي المنطق !!

ده عذر اقبح من ذنب ... وبعدين ايه ؟؟ خايفين ؟؟عيب..عيب ده انتو ضباط شرطة ... ماشوفتوش رجالة مصر في اللجان الشعبية شباب مصر الي عمره ماشال سلاح نزل ومخافش من السنج والمطاوي وانت خايف من نظرة الناس!! ماشوفتوش الشباب في الزمالك لابسين شورتات وماسكين كلب لولو ويقولك معاك آي دي ومخافش من سنجه ومطوة؟؟ يعني الفرافير مخافوش انتو بأه ايه ؟؟. ضباط من السنافر؟؟ عايزينا نتحايل عليكو !! طب تعالو وهانديكو شكليته.... استرجلو شويه مترددوش جملة خايفين من نظرة الناس دي...وبعدين نظرة الناس دي انتو الي عملتوها ودوركو دلوقتي تغيروها بمعاملتكو مش بهروبكو...الي عنده رسالة فعلا عايز يأديها الناس كلها هاتديله تعظيم سلام وهاتبصله احسن نظره. وكلامي ده كله معناه انزلو وماتسمعوش كلام السيناريست الشاب حودة وجدي الي بيقولكو مثلو انكو عايزين تنزلو...حوده في طريقه للزوال لأنه خسر الناس لما كذب ونفي كل الجرائم عن الشرطة مع انه كان مفروض يقول هانحاسب المتورطين وكان مفروض يعتذر للشعب المصري الطيب الي بيسامح مهما حصل. بقول لكل ضابط شرطة اياك تمثل في الجزء التاني من فيلم احمي بيتك وبدل الحجج الواهية و جملة نظرات الناس والكلام الاهبل ده استرجل كده واستجدع...طبعا مش بقولك اشرب بيريل بقولك عيش لرسالة ...ورسالتك أمن الناس.. انزل يا ضابط انزل يا مصـــــــــــــري... بأعلي صوتي يا ضابط مصــــــــــــــــــــــــــــــــــــري سامعني ؟؟؟ انزل يا مصري احمي اهلك واختك وناسك واصحابك وبلدك...احمي مصر

[engmido]

وشوفوا الكلام ده كمان عن ظلم محمود وجدى للمعتقلين والمساجين والله كلام يشيب وتعذيب ما بعده تعذيب

الراجل بيقول حكايات والله لو اسرائيل ماتعمل فيهم كده

معتقلون اسلاميون:محمود وجدى مهندس التعذيب فى السجون المصرية

بعض النقط اللى اتكلم فيها المعتقل

يقول مجدي عثمان – أحد المعتقلين المفرج عنهم مؤخرا – أنه تم القبض عليه وكان يبلغ من العمر 28 عاما وعلى الرغم من حصوله على عشرات الاحكام بالبراءة واخلاء السبيل من المحاكم الا انه كان يتم التحفظ عليه وايداعه المعتقلات وفقا لقانون الطوارئ لمدة 17 عاما متوصلة ليخرج من السجن وقد تجاوز عمره 45 عاما .

كاشفا عن أن إدارة سجن أبي زعبل كانت تقدم الطعام للمساجين بدون ملح في الطعام كما لم يسمح لهم بالخروج لمشاهدة الشمس وهو ما أدى الى تلاشى الكالسيوم من الجسم وهو ما تسبب في وقوع الاسنان فضلا عن تقوص العظام مما منع الكثير من القدرة على السير ، فيما يتم تعذيبنا داخل الزنازين بالضرب المبرح في كثير من الأحيان .

معتقل اخر

ويقول محمد إسماعيل عبد الغنى – الذى اعتقل لقرابة 20 عام منذ عام 1981 - رأينا أهوال داخل سجن الوادي الجديد بعد أن تم إجبارنا أكثر من 10 مرات على الخروج من الصلاة لنقول بدلا من " الله أكبر " .. " مبارك أكبر " و " جمال أكبر " .

مشيراً إلى أن ضباط مباحث أمن الدولة كانوا يجبرون المعتقلين على السير كالحيوانات على ايديهم وارجلهم كما أجبروهم على قضاء حاجتهم كما تقوم الحيوانات باخراج فضلاتها ، فضلا عن اطلاق اسماء نساء علينا ، فضلاً عن التطاول علي الذات الاهية خلال تلقينا سيل من الشتائم .

معتقل اخر

فيما أكد مجدي محمد موسي – أحد المعتقلين منذ عام 1990 وحتى عام 2007 – أنه حصل علي مئات الأحكام القضائية بالإفراج والبراءة إلا أنه لم يتم الافراج عنه ، مشيراً إلي أن اللواء محمود وجدي – وزير الداخلية الحالي بحكومة تسيير الأعمال - هو رئيس مصلحة السجون السابق في عهد " العادلي " ، ووصف " موسي " وزير الداخلية الحالي بمهندس عمليات التعذيب التى كانت تحدث في السجون المصرية ، لافتا الى ان المئات من الشهداء تساقطوا في السجون خلال رئاسته للمصلحة .

وأكمل كلامه قائلاً: فدخلت الزنزانة المجاورة لي ووجدت أخ "لا أريد أن أقول أسمه" ملقى على الأرض وبدون ملابس تماماً فقلت له لماذا أنت مضرب عن الطعام فقال لي , كنت مريض فطلبت من إدارة السجن علاج فأعطوني , ولكن العلاج كان ليس علاًجاً لمرضي ولكنه كان منوم , ثم قام ضباط السجن بإدخال الجنائيين عليا فاعتدوا عليا جنسياً , فقررت أن أضرب عن الطعام , وبعدها بلحظات قد فارق الحياة . وأضاف: كما أتذكر أخي "خالد كمال أبو المجد" الذي توفى أيضاً بعدما اعتدوا عليه جنسياً واضرب عن الطعام حتى الموت .

وأضاف : أتذكر أخي " أحمد عبد الرحمن " الذي كان يعانى من مرض البواسير و ظل ينزف لمدة 3 سنوات دون علاج حتى مات بالجفاف, فرأيت من نظارة الزنزانة العساكر وهم يحملونه في بطانية ثم إلى ثلاجة الموتى .

أما أخي الشهيد "حسن محمد إبراهيم" , فقد مات من شدة التعذيب , وكذلك الأخ "مجدي عبد المقصود" , ولا استطيع أن أنسي الأخ الشهيد "نبيل على جمعة" الذي مات وهو جالس على الجردل أثناء قضاء حاجته , وكذلك الشهيد "أحمد عبد العظيم" الذي توفى عام 1997 من شدة التعذيب في السجن, وكان الشهيد "يوسف صديق باشا" في الثلاثينات من عمره ومن شدة التعذيب كان يقضى حاجته على نفسه حتى مات .

وأضاف : قال لنا رئيس مباحث السجن ذات مرة " لو كنا حابسين حمار كان مات" , فرد عليه أحد المعتقلين إحنا معانا كتاب ربنا , فقام هذا المجرم بلم جميع المصاحف من كل الزنازين وأحرقها أمام أعيننا ونحن مكبلين الأيدي والأرجل, ، فضلا عن قيامه بجمع أكثر من 100 معتقل وإجبارهم على الطواف حول شجرة وقول " لبيك اللهم لبيك " وكان يضع صورة حسنى مبارك ويقول لنا أسجدوا تحتها .

بالذمة ده مش اجرااااااااام معرفش والله مين اللى اختار بتاع السون يبقى وزير داخلية ويفضل برضو وزير بعد الثورة!!!!!!!!!!!!!!!!!1

الكلام ده فى منهى الخطورة لو سمحتى يجب التاكد منه

لان الكلام تعدى حدود الوطن ودخل فى مسائل عقائدية

واذا كان يحدث فلا مجال له الان لان النظام البائد ذهب الى غير رجعة الى مزبلة التاريخ

[se_ Elsyed]

كده ما يرضيش ربنا أبداً والجيش لازم يتحرك وبسرعة إن شالله يستدعوا جنود الإحتياط لحماية كل شبر في مصر ويبقى عندهم اوامر بالضرب في المليان وأصدار أحكام عُفرية مُعلنة للجميع بإعدام أي شخص يحاول سرقة اثار مصر أو تهريبها أو التعامل فيها فوراً

40 مسلحاً يقتحمون مخزن آثار"تل الفراعين" ويصيبون أفراد الحراسة

السبت، 5 مارس 2011 - 10:53

صورة أرشيفية

وكالة (أ. ش. أ)

تعرض مخزن "تل الفراعين" الأثرى بمحافظة كفر الشيخ فجر اليوم السبت لهجوم من أكثر من 40 مسلحا حاول أفراد الحراسة صدهم، إلا أنهم قاموا بإطلاق النار على الحراس، مما أدى إلى إصابة عدد من الحراس بإصابات بالغة.

تلقى وزير الدولة لشئون الآثار فى حكومة تسيير الأعمال الدكتور زاهى حواس تقريرا بتعرض مخزن آثار "تل الفراعين" بكفر الشيح للهجوم من قبل مسلحين فى محاولة للسرقة والنهب، وهى المرة الثانية التى يتعرض لها هذا المخزن للسرقة منذ 25 يناير الماضى، استغلالا لحالة غياب التأمين عن كافة المخازن والمناطق الأثرية بمصر.

وقال رئيس الإدارة المركزية لآثار الوجه البحرى والدلتا الدكتور محمد عبد المقصود - إن المسلحين استطاعوا كسر أبواب المخزن والعبث بمحتوياته، وقاموا بكسر عدد من الصناديق التى تحتوى على الآثار، وتمكن بعض الحراس والأثريين من القبض على عدد منهم وفر باقى المسلحين، مشيرا إلى أنه تم تشكيل لجنة فورية لجرد محتويات المخزن لمعرفة ما تم سرقته من آثار.

ولم يستبعد عبد المقصود أن تكون هناك عصابات دولية منظمة تستغل الوضع الأمنى الحالى بمساعدة بعض تجار الآثار لنهب وسرقة الآثار بشكل ممنهج ومدبر، خاصة أن المواقع الأثرية والمتاحف يتم مهاجمتها بشكل يومى ومن قبل أشخاص مسلحين وبأعداد كبيرة.

من ناحية أخرى تعرض موقع آثار "الزولين" بمحافظة الشرقية للتعدى، حيث قام مجموعة من الأهالى بالاستيلاء على الموقع الأثرى وقاموا بالبناء عليه. وأوضح الدكتور عبد المقصود أنه تم إبلاغ الجهات المختصة والقوات المسلحة بهذه الهجمات والتعديات على الآثار، مؤكدا أن وزارة الآثار وضعت خطة عاجلة لتغيير أماكن المخازن الأثرية التى تتعرض للنهب ونقل محتويات عدد كبير منها إلى مخازن أخرى أكثر تأمينا.

ونوه الدكتور محمد عبد المقصود إلى دعوة الدكتور زاهى حواس الدولة لتحمل مسئوليتها فى حماية الآثار والمتاحف والمواقع الأثرية، وقيام المواطنين الشرفاء واللجان الشعبية بالمشاركة فى عمليات تأمين الآثار والمواقع فى كل أنحاء مصر