تأثير الثورات العربية علي حياتنا الشخصية :)

[Simba]

ابدأ بنفسي بعد اذنكم

من يوم 25 يناير لحد دلوقتي ما شفتش ولا فيلم اجنبي من عدد 100 فيلم تقريبا علي جهازي مجهزهم لاوفات الفراغ والاجازات

ادمان قنوات الكذب والتضليل الليبية واليمنية وسماع الاغاني الوطنية بتاعتهم وتأليه رؤسائهم بالاغاني والبرامج ... كل ما يزيدوا اعرف ان نهايتهم قربت :)

لما بيوحشني انجازات الحزب الوطني بدخل علي صفحة أنا اسف يا ريس

ولما يتعكر دمي بدخل اصفيه في صحفة أنا مش أسف يا ريس

متابعة تعليقات تويتر مع اني مش بفهم فيه كتير زي الفيس بوك

واكتر تعليق متدوال بشوفه ( لو كان الاصلاح بدهان الارصفة لحكم بتوع الدوكو العالم ) وطبعا المعني في بطن علبة الدهان :)

مش مصدق كمية الفرح والاحباط بين فترة والتانية مع تنوع الاخبار ما بين تغيير النظام والبقاء عليه

اخيرا وشخصيا

بناتي قرروا يعلموا ثورة بدعم شخصي مني لاسقاط احتكار الام للتفزيون علشان يتفرجوا علي الكارتون براحتهم :)

ايه اللي اتغير في حياتك بسبب الثورات العربية ؟؟

[Ahmed Anwer]

زي حضرتك كده تقريبا ،،

متابعة أكثر للقنوات التليفزيونية

قعدة أكثر علي الانترنت

محاولة للبقاء متصل دائما و حاصل علي آخر الأخبار وقتها

تركيز أقل في العمل ،،،

و ذهن منشغل دائما بماذا سيحدث بعد

و بصفتي عايش في مصر ،،

خلافات بروح ضاحكة مع المدام و آخرون في العائلة

باعتبار إحنا هنخرب البلد و هتوقعوها و هترجعونا خمسين سنة ورا

و مفيش أمن و مش هنلاقي نأكل

و خلافات آخري كل يوم جمعة

عايز انزل المظاهرات

و المدام عايزة ،،، آخد العيال افسحهم ،، باعتباره يوم الإجازة bsh:)