وما زال محمود سعد وأمثاله بيتلاعبوا بينا

[tarek hassan]

أتحسر على كل الشباب اللي مش لاقيين وظيفة ولو بـ 300 جنيه وشباب زي الفل وأتحسر على العوانس وبنات زي الفل وأصابني الغم والهم من أجلهم في كل مكان أذهب إليه بسبب الأزمة الاقتصادية

9 مليون يا محمود يا سعد

ماذا فعلتم للشعب وآلامه التي هي مادة سهراتكم وسمر برامجكم التي تأكلون بها الشهد والشعب يتقلب في ألامه وأحزانه

أنتم ضمن منظومة الفساد وأنت اليوم تتقلب هنا وهناك وظني أنك أخطر من تامر أمين المفضوح نعم وليس الخبيث

بالدليل محمود سعد المنافق ماذا قال عن مبارك والاغرب ماذا قال عن شفيق هذا هو النفاق بعينة

http://www.youtube.c...embedded#at=320

لا أنسى أنك أسرعت في استضافة المناوي وتحدثت باسمنا وسامحته بالنيابة عنا ولمعته من جديد من أذن لك ؟ وتحاول أن تقدم لنا الرئيس على مزاجك الشخصي

أنت وغيرك من الإعلاميين اللي بيعطوا حته هنا وحته هنا وياريت لا نثق في هؤلاء إن هييجي منهم خير

يسقط إعلام مبارك كله

تم تعديل 27 فبراير 2011 بواسطة tarek hassan

[عطر الجنة]

وماذا تنتظر من النظام السابق

فالنظام السابق كان لا يسمح لاحد بالطفو على السطح الا لو كان فى زمرته ليشكر فيه

و اسمحلى اقول شئ كان الحزب الوطنى مثلا يسعى الى ضم من يترأس اى ادارة فى اى عمل ليقال عنه انه يضم نخبة المجتمع

و كان الامتياز الوحيد الذى يمنحه نتيجة الانضمام للحزب هو ترك رئيس المكان يسرق كما يحلو له بدون حساب حتى يشجع الحزب و يصفق له

اليوم مثلا يتم القبض على 18 لواء من مساعدى محافظ البحيرة احدهم رئيس للموقف كان يستولى على كارتة سيارات الاجرة و يضعها فى جيبه

فمعظم منتمى الحزب كانوا حرامية للاسف برخصة و لابد للحرامى ان يضفى صفة الشرعية على عمله لذا اتوجد من على شاكلة محمود سعد و تامر امين

تحياتى

[ComingSoon]

محمود سعد الـ 9 مليون اللي بيخدها نتيجة عملة ومش من فلوس حد

[Ahmed Anwer]

محمود سعد ،،، أكتسب الشرعية الثورية

لما وقف جمب الشباب و الثورة من يوم 25 ،، و ده موقف متسجل

زيه زي عمار الشريعي (( صاحب أول طلعة جوية و صاحب أخترناه ))

و زي غيرهم كتير

مش هنقعد ندور ورا كل واحد يمكن قال كلمة حلوة مرة في حق مبارك

أما رزقه مادام بالحلال ،، فربنا يباركله فيه

لو بالحرام يتحاسب و نص

[abdulmuttaleb]

معجبنيش أ.محمود سعد مع منى الشاذلي وهو يعلل راتبه بأن مصدره الإعلانات وليس التلفزيون، بينما الحقيقة أن الإعلانات سببها ثلاث عناصر أهمها اثنان انتشار التلفزيون المصري داخل كل البيوت المصرية وثانيهما أن كل الضيوف يرحبون بالظهور على شاشته.

وتعقيبا على أ.

ComingSoon

الفلوس دي ليست كلها نتيجة عمله فقط، بل هناك جزء كبير منها راجع للتلفزيون المصري نفسه سواء نسبه مشاهدته أو إمكانياته في جذب ضيوف من الوزن الثقيل خصوصا في القضايا الجماهيرية.

[عصام أبوالفتح]

أخ طارق انت فاهم غلط

الكلام عن لفتات الرئيس الانسانية من محمود سعد كان يوم موت حفيده وصادف حلقته

يا اخى عايزه يقول ايه ( رغم انه ذكر قال رغم اتفاقنا او اختلافنا ) ده لو كافر لازم يعزيه فى موت حفيده

دى اسمها اخلاق مش نفاق

انا على كرهى لمبارك ولعلاء كان علاء صعبان عليا وحاسس بيه لانى كنت فى نفس موقفه خلال نفس الاسبوع

نيجى بقى لشفيق يا راجل

ازاى الشركة تقول لمحمود سعد ان مرتبه نزل ده كلو قبل حلقة مهمة زى دى

متوقع لها اعلانات بالهبل

حاجة من اثنين ..

1- شفيق اتصل بالشركة لما محمود سعد استقال ورتبو موضوع اعلان تقليل الراتب قبل موعد الحلقة وبعدين التلفزيون اخطر شفيق بالموضوع قبل موعد الحلقة

2- خطة ثعالبية للتخلص من محمود سعد وتقليل شعبيته بالضغط عليه بموضوع الراتب ليستقيل قبل الحلقة كما اعلنو

فكر فيها

[fatfouta]

لو سمعتوا مكالمة انس الفقى وهو بيقوله يا محمود ده انت بتاخد 7 مليون جنيه

هتلاقى كلام شفيق مايفرقش كتير عن انس وهما الاتنين من نظام فاسد واحد

والاتنين ايضا غرضهم التشويه لشخص محمود سعد

سمعت كلمة للجويلى بيقول فيها لمحمود سعد.....إن النظام الفاسد السابق كان كل ما يلاقى حد محبوب شوية يهدموه ويقولوا لا يغطى علينا

واعتقد دى حركات النظام البائت....وبكده اقدر اقول ان شفشق يا راجل لازم يمشى

[tarek hassan]

محمود سعد كان مستفيدا من منظومة الفساد في الإعلام اللي وصل فسادها للركب

للركب إيه للرقبة

[عصام أبوالفتح]

برضو بتشنع على الراجل المحترم

!!!!!!!!!!!!!!

على العموم الارزاق على الله

محمود سعد يشارك في تقديم "الحياة اليوم" بعد ترك "مصر النهاردة"

http://www.filfan.com/News.asp?newsid=19644

تم تعديل 28 فبراير 2011 بواسطة عصام أبوالفتح

[ام سلمي]

مقالة ظريفة عن محمود سعد

http://www.facebook.com/RNN.News2#!/notes/rnn-شبكة-رصد/حقيقة-محمود-سعد-بقلم-خالد-دياب/191361480898703

[aimen]

نص التحقيقات مع «الفقى والشيخ»: وزير الإعلام السابق وافق على إذاعة إعلانات «الوطنى» دون مقابل.. ومنح «صوت القاهرة» عقد احتكار للإعلانات.. ومذيعون مشهورون يتقاضون رواتبهم مرتين

قررت نيابة الأموال العامة حبس أنس الفقى، وزير الإعلام السابق، وأسامة الشيخ، رئيس اتحاد الإذاعة والتليفزيون، ١٥ يوماً على ذمة التحقيقات، بتهمة التربح وإهدار المال العام والاستيلاء عليه، وتكرر نفس المشهد الذى حدث مع «عز والعادلى والمغربى وجرانة» مع «الفقى والشيخ»، إذ اصطحبهما أفراد الشرطة داخل سيارة الترحيلات ونقلوهما إلى سجن مزرعة طرة، وخصصت إدارة السجن لكل منهما غرفة منفصلة إلى جوار باقى المتهمين من الوزراء والمسؤولين السابقين.

وحصلت «المصرى اليوم» على نص التحقيقات التى جرت مع أنس الفقى وأسامة الشيخ. فى البداية استمعت النيابة برئاسة المستشار محمد حسام إلى أقوال الفقى، وقررت إحالة المضبوطات من جنيهات الذهب إلى مصلحة التمغ والموازين للكشف عليها.

وواجهت النيابة «الفقى» بالتهم المنسوبة إليه ومنها إهدار المال العام والاستيلاء عليه، وسألته النيابة عن التهمة الأولى وهى «إهدار قرابة ١٠ ملايين جنيه من أموال الدولة فى شكل إعلانات عن أعمال الحكومة والدعاية الانتخابية وإذاعة إعلانات عن الحزب الوطنى دون مقابل». فرد الفقى فى التحقيقات التى استمرت معه حتى الواحدة من صباح أمس، بأنه وافق على عرض تلك الإعلانات لإبراز إنجازات الحكومة، للرد على الشائعات التى كان البعض يرددها بأنه لا توجد إنجازات.. وأضاف «الفقى»: «دى سياسة دولة وأنا كنت بانفذها». وسألته النيابة: «لماذا لم يدفع الحزب الوطنى»، لكن الفقى لم يرد.

وسألته النيابة عن التهمة الثانية وهى «موافقته على احتكار شركة صوت القاهرة لإعلانات التليفزيون بالأمر المباشر مقابل ٣٥٠ مليون جنيه فى الوقت الذى كان يمكنه فيه أن يطرح مزاداً علنياً على الشركات وكان يمكنه أن يحقق مليار جنيه أرباحاً للتليفزيون بدلاً من ٣٥٠ مليون جنيه وهو عقد صوت القاهرة الذى استمر لمدة ٣ سنوات. فرد «الفقى» قائلاً: «كنت أخشى من تدخل شركات يهودية أو لبنانية وهو ما لم أسمح به»، وسألته النيابة: «كان من الممكن أن تتجنب تلك الشركات التى تشك فيها»، فرد بأن هناك صعوبة فى ذلك.

وواجهته النيابة بالتهمة الثالثة، المتعلقة بموافقته على حصول عمال وموظفين ومذيعين ومخرجين ومعدين على أجورهم مرتين، الأولى من التليفزيون والثانية من صوت القاهرة المملوكة للدولة، فألقى «الفقى» باللوم على «أسامة الشيخ» وكان من بين تلك الأسماء المطلوب فصل أجورها «محمود سعد وتامر أمين ومنى الشرقاوى» مذيعو برنامج «مصر النهارده».

ورد عليه الشيخ بأن «محمود سعد» يحصل على أجره من الإعلانات فقط، وأنه يدخل للشركة ١٠٠ مليون جنيه، فمن الطبيعى أن يأخذ ٧ ملايين جنيه. أما «تامر ومنى»، فكان لابد من حصولهما على إجازة من التليفزيون ليتقاضى كلاهما راتبه من صوت القاهرة.

قررت النيابة بإشراف المستشار أشرف رزق، المحامى العام، وعلى الهوارى، المحامى العام الأول، ندب لجنة من الخبراء لفحص ملفات هؤلاء المذيعين والمخرجين وآخرين ممن يعملون فى التليفزيون، وتقديم تقرير للنيابة، تمهيداً لإنهاء التحقيقات.

وقالت مصادر قضائية إن وزير المالية السابق، يوسف بطرس غالى، متورط مع «الفقى» فى واقعة الذهب، وإن النيابة بصدد إنهاء إجراءاتها لاستدعائه، ويذكر أن «غالى» غادر البلاد قبل أسبوعين بعد موافقة الجهات المسؤولة.

وعلى صعيد التحقيقات مع أسامة الشيخ، سألته النيابة عن اتهامه بإهدار المال العام فيما يتعلق بخطة تطوير البرامج والقنوات وتسببه فى إهدار قرابة ٧٠ مليون جنيه على الدولة دون مستندات، فقال إن هناك جهات مسؤولة فى التليفزيون يمكن أن تسأل عن ذلك من إدارة وحسابات، وسألته النيابة عن قيامه بشراء مسلسلات بمبالغ مالية ضخمة من شركات، على الرغم من أنه شريك بأسهم فى تلك الشركات، فرد «الشيخ»: «إجراء طبيعى، وليس معنى أننى رئيس التليفزيون أن أحصل على البرامج والمسلسلات دون مقابل.. ودى إجراءات متبعة وقانونية».

وقالت مصادر بالنيابة إن «الشيخ» لم يطبق هذا المبدأ على كل الشركات الأخرى، وأنه يدفع للشركات المساهم فيها ولم يدفع لآخرين على الرغم من تشابه الموقفين. وقررت النيابة فحص ملفات عدد من البرامج بينها «مصر النهارده» و«بالعربى» الذى تقدمه الفنانة يسرا.

[aimen]

مقالة ظريفة عن محمود سعد

http://www.facebook....191361480898703

عشان تفهم المقال اللي جاي ده لازم تعرف ان كل كلمه مكتوبة "معكوسـة" تمام ؟

تكلم الجميع بشجاعة وسكت محمود سعد بجبن أثناء الثورة...سكت عندما تشجع الجميع من اجل كلمة الحق...سكت عندما انحاز الجميع للثورة غير عابئين بأي حسابات و لا بمركزهم ولا باجورهم ولا علي علاقتهم الوطيدة مع النظام...تكلمو مثل شيخ الازهر الذي نكن له كل التقدير علي ما فعله مع الثورة من موقف مشرف. وأنا لا أود ان أتطرق لذوي المواقف المشرفه اثناء الثورة لأنهم كثيـرون

.

بفرض انك لا تعرف من أمامك فأظنك يمكنك ان تستشف شخصيته من أعداءه....فاذا كان اعداؤه من الشرفاء فهو بالتأكيد شخص غير شريف وشتايم تانيه كتير بس انا مؤدب ...فما بالك اذا عادي محمود سعد شخصا من اكثر من الاشخاص شرفا...شخص ندعو ان يجمعنا معه الله مع الانبياء والشهداء والصديقين في الفردوس الاعلي

انه العلامة الشيخ انس الفقي الذي يشهد له الجميع بالورع والأمانه والنزاهة الذي كان اشرف وزير اعلام حتي يومنا هذا الذي كنا نفتح شاشة التليفزيون لنري فيه الحق....الحق وقد تجسد في صوره بشريه ... انس الفقي الذي كان ممن لا يخافون في الله لومة لائم .ولا انسي موقفه الشجاع عندما أمره مبارك ببعض التغير في موقفه الاعلامي تجاه الثورة لكنه فضل الموت علي فعل ذلك ورفض بشدة ...واستشهد لمبارك بالايات القرآنية ثم بالاحاديث ولا اعلم ان كان استشهد بالانجيل ام لا لكن ما اثق فيه انه رفض هذا التدليس تماما ليخرج علينا يوم ٢٨ متحديا أوامر مبارك باهم الاخبار عن ما يجري في مصر وهو الخبر الذي اثبت ولاءه للثوار تماما وافزع مبارك وهز عرشه.... وهو خبر تــــأجيل معرض الكتاب..وبكيت وانتحبت عندما سمعت هذا الخبر.(عذرا ابكي كثيرا عندما يذكر الحبيب انس الفقي)....بكيت لاني عرفت ان أنس الفقي يقف بكل كيانه ضد الظلم والاستبداد...بكيت لاني عرفت انه انس الفقي اختار ان يموت بطلا مناضلا من أجل الحق ....و استحلفكم بالله هل كان يجرأ محمود سعد في هذا الوقت الحاسم أن يتحدث عن تأجيل معرض الكتاب!!! ...أقولها آسفا... لا يا محمود سعد انت لم تقلها وقالها أنس الفقي...الفقي الذي طلب من محمود سعد وهو علي الا يدلس ضد الثوار لكن محمود سعد عديم الضمير ثار علي الفقير لله انس الفقي واصر علي التدليس فدعا انس الفقي الله (وأنس علي فكرة مستجاب الدعوة ) دعاه بالا يمكن محمود سعد من التدليس علي الثورة لتاتي مشيئة الله لتوقف محمود سعد عن العمل طوال الثورة وتمنعه من العمل المشين بدون اي تدخل من العلامة انس الفقي الذي اكتفي فقط بالدعاء والبكاء.

..اذا بالدليل يا سعد انت عاديت العلامة أنس الفقي ...اذا نحن نعلم من انت يا سعد ونعلم ان كل من يعادونك هم الشرفاء....ثم ما المانع يا استاذ محمود من مقابلة الحبيب احمد شفيق!! لماذا تعادي رئيس وزرائنا المحبوب الان!! ألا تعلم شعبية هذا الرجل في الشارع المصري!! ألا تعلم ان الشعب يتظاهر كل جمعة لبقاء حكومته!!! أليس الحبيب شفيق هو من تعهد علي رقبته بحمايه الثوار و اضطر لأن يلبس كوفيه ما بقي له من عمر لأن رقبته اصحبت مطلب شعبي !!! ما المانع من أن يقسم شفيق اجرك علي عشرة يا أستاذ محمود؟؟ ومهما حاولت ان تشرح فكرة انك تعمل بنسبة من الاعلانات فلن نصدقك فهذه الفكرة غير موجوده في مصر علي الاطلاق...فلا يوجد في مصر سيلس مان واحد في مصر ياخذ نسبة من المبيعات ...أتريد خداعنا ؟؟و لا يوجد مدير ياخذ بونس يقدر بنسبة من الأرباح...هذه افكار غريبة علينا يا سعد وندعوك بألا تكرر هذه الفكرة علي مسامعنا حتي لا نقول انك ماسوني ومن عبدة الشيطان......اصيـــــــــــــح الان.... لماذا تفعل كل هذا يا سعد... هل تعلم يا سعد لماذا يضعون سقف المبلغ مقارب لما ياخذه الشرفاء في العمل مثل الشريف تامر أمين وغيره من الشرفاء حتي لا يتأذو هم ويبقون في التليفزيون المصري العظيم وتـذهب انت فقط!!!...اقولها لك يا سعد . الاجابة واضحه وضوح الشمس في وقت البثق ....طبعا مفيش حاجه اسمها بثق دي كلمه أنا مألفها ..اتحاول ايهام الناس ان شفيق وأنس متحالفين!! ارجوك يا استاذ محمود هذا شئ مستبعد تماما... ان الحبييب شفيق عادل و شغله الشاغل هو المال العام بدليل انه استرجع كل مليارات الرئيس مبارك وعائلته فوراااااا... واقولها المحبوب شفيق لا يصفي معك حسابات خيانتك للثورة التي يتبناها هو ويصفها بالحركه الاصلاحيه في كل حواراته وهو ما يزيد حب واحترام الثوار له مع كل حوار... كيف تحاول اقناعنا بهذه الفكرة!!...واتحدث الان عن نفسي وعن الثوار...الأغبياء وحدهم يصدقونك يا استاذ محمود ونحن مع الحبييب شفيق وفي صف العلامه الشيخ الفقي.....اتعلم السبب الحقيقي وراء ما يحدث لك يا استاذ محمود من طردك من التليفزيون وبهدلتك انت فقط ؟؟... السبب هو الدعاء المستجاب من الورع أنس الفقي...أنس الذي دعا الله عليك وهو مظلوم يا استاذ محمود .. الذي دعا الله وهو كاشف راسه مع العلم انه لم يكن في حاجه لكشفها لأنها منها للسماء مباشرة ...اشرب بأه يا أستاذ محمود.

[عنبو]

مقالة ظريفة عن محمود سعد

http://www.facebook.com/RNN.News2#!/notes/rnn-شبكة-رصد/حقيقة-محمود-سعد-بقلم-خالد-دياب/191361480898703

الله يخرب بيت عقلك يا خالد دياب

حلوه قوى العلامه الفقير الى الله انس الفقى

فعلاً يا جماعه اللى حصل مع محمود سعد ده بسبب دعاء العلامه الفقير الى الله انس الفقى

وايضاً برده دعوة ولية ساعة الفجريه بس تفتكروا مين بقى الوليه !!!!!!!

تحياتى

عنبو

[doha]

زمان كنت من المتابعين المخلصين لبرنامج حمدي قنديل ( قلم رصاص ) على قناة دبي وقبله برنامجه على التلفزيون المصري .. كل اسبوع اقعد اسمعه عمال يتكلم عن البلد والسواد الي عايش فيه اهل البلد والخراب الي حط على دماغنا ولاد البلد .. ألخ ..

كنت مقتنعه بيه كشخص وطني همه الاول والاخير مصلحه الناس الغلابة الي زينا الي ماصدقوا على الله لقيوا حد بيتكلم عنهم ويوصل صوتهم ..

لغايه ماكان يوم بتفرج كما عادتي ولقيت اختي الصغيره بتقولي .. اهو مش فالح غير في كده .. كل يوم يقعد يصدع دماغكم البلد خربت البلد زفت البلد طين وهو اصلا عايش حياته ويوم مافكر يتجوز قام منشن على نجلاء فتحي .. زيه بالظبط زي احمد زكي الي تعب قلبنا بافلامه عن المهمشين والمطحونين ومن هم تحت خط الفقر ثم يتضح انه ساكن في الشيراتون .. قالت لي يابنتي الناس دي وظيفتها تحرق دمنا وتنكد علينا وهم عايشين حياتهم بالطول والعرض .. دي شغلتهم ..

تصدقوا من يومها معدتش بتابع حمدي قنديل !!

بستغرب اوي من الناس الي طلعت بمحمود سعد السما ( عشان اخذ موقف ) .. او خسفت بعمرو اديب الارض عشان ( رجع في كلامه ) .. ياجماعة الخير ان كان عمرو اديب ولا تامر ابو روج ولا حتى هناء وشرين .. كل دول مهماش اصحاب رأي ولا فكر .. كل واحد من دول لا يزيد دوره عن ( قاريء النشرة ) .. اهو بيقول الي مفروض ينقال ..

يمكن البعض منهم بيختار مواضيعه بنفسه زي محمود سعد او منى الشاذلي او غيره .. بس هنلف نلف ونرجع لنقطه البدايه انهم مش بيقولوا الي مؤمنين بيه وانما بالي مفروض يتقال .. عارفين النكته بتاعت الراجل الي كان بيصلي بالناس امام لاول مرة وختم الفاتحه وقال ولا الضالين آآآآمين .. فاثنين ثلاثه معديين جنبه قالوا الله على الخشوع .. قام الامام زود وبيلحنها .. وكمان آمين وكمان آمييييين .. اهو ده حال غالب الاعلاميين البارزين وفي مختلف وسائل الاعلام ..

في رأيي الخاص محمود سعد زيه زي احمد شفيق .. الاثنين كانوا مستفيدين من النظام السابق بس ده في ذاته مهواش عيب او سبة طالما لم يثبت على احدهما تورطه في فساد .. الاثنين مهماش ضحايا تماما كما انهم ليسوا ابطال .. الاثنين ناس بتشوف شغلها ومفيش مانع ابدا ان جنب الشغل ده يشوف مصلحته ..

في قضية محمود سعد مع احمد شفيق فمفيش حد فيهم احسن من حد ..

تم تعديل 28 فبراير 2011 بواسطة doha

[capitshino]

محمود سعد كان مستفيدا من منظومة الفساد في الإعلام اللي وصل فسادها للركب

للركب إيه للرقبة

يعنى حضرتك كتبت عن الناس كلها ومش ناقص الا المحترم محمود سعد

اتقى الله يا اخ طارق .. كفاية موقف الراجل ده من الثورة فى اول ايامها.

[اغابي]

استاذ طارق

محمود سعد كان موقفه واضح من اول يوم فى الثورة

حتى انه خسر وظيفته فى بادئ الامر

لا اعتقد انك نسيت دور محمود سعد - فيكفيه شرفا قوله لا استطيع ان اخدع الناس

وبالنسبة لل9مليون اجره من الاعلانات وكان يحصل عليهم من علاقاته الشخصية وليس من اموال الشعب - ربنا يوسع رزقه

لكن الدور الاكبر على النظام والزيول الباقية منه حاليا والتى تبحث فى اوراقها القديمة عن حيل جديدة تخدع بها الشعب من جديد

امثال عصابة المذيعين فبالامس مثلا -

شوبير احضروا رجل من خلف الكامير يعمل مع البرنامج اتصال تلفونى على انه مواطن مصري من الشعب

يستغيث ببرنامج شوبير وبرغم انه كان واضح تمام تلقينه للدور وادائه التمثيلى سواء

هو او شوبير عندما كان يستغيث انقذونا نحن نسرق وابناؤنا فى خطر

ونحن نريد الشرطة تعود ونريد الامور تهدأ ولا نريد مظاهرات نحن نستغيث لان البلطجية فى كل شوارعنا

وعن امثال هؤلاء المذيعين كشوبير فماذا نقول

؟؟

اتمنى ان كتير من الفنانين والمذيعين انه يبقالهم دور مشرف زى محمود سعد انا احترمته اوى بعد موقفه الاخير

انه رفض يقول كلام على غير الواقع والحقيقة ورفض ان يخرج يبث اخبار غير الحقيقة او مواليه للنظام السابق على حساب شباب الميدان - اعتقد ان محمود سعد تميز على الجميع - وكان له الافضلية بين مقدمى برامج التوك شو المنافقين

ياليتنا لا ننسي دور هؤلاء - بغض النظر عن الاجر الذى يتقضاه فهذا الاجر بعيد عن اموال الشعب فهولاء ليسو فى مناصب سياسية

تم تعديل 28 فبراير 2011 بواسطة اغابي

[jasmin hamed]

و الله النويا علمها غيبى لا يعلمه الا الله و يارب كلهم يكونو بيدخلو للدوله عشر اضعاف

مراتبتهم مش بيسرقوا الف ضعف ما يستحقونه

[بركة]

تصدقي يا ضحا ان انا دمي اتحرق

بقا مش حمدي قنديل هو واللي زيه اللي فوقو الناس على الفساد والسرقة وهم

اللي فتحو عينين الناس على حقوقها واللي ادى بعدها الى قيام الثورة على الظلم

وللا هي الناس كانت هتعرف منين الكم الهائل ده من الفساد ...من الاعلام الحكومي مثلا

احنا مالنا الراجل متجوز مين ..ليه هي مراته طلعت سارقانا راخرا زي الست سوزان

الراجل ده هو ومحمود سعد و بالذات وبلال فضل وعلاء الاسواني و جلال امين

جميلهم على راسنا

وبعدين محمود سعد اكبر حاجة في صفه في كل اللي حصل انه امتنع من اول الثورة عن المشاركة

في المهزلة الاعلامية مضحيا بالملايين اللي بتحاسبوه عليها دلوقتي

وما رجعش الا لما مصر انتصرت

كل ده وبقى هو واللي زيه بياخدو والله ماتجرأش حد انه يقول عليهم سرقو

ده عقد

يعني الممثلين محدش مقهور منهم ليه مع ان اكثرهم بينشر الانحطاط...مش بيقول كلمة حق

[doha]

تصدقي يا ضحا ان انا دمي اتحرق

بقا مش حمدي قنديل هو واللي زيه اللي فوقو الناس على الفساد والسرقة وهم

اللي فتحو عينين الناس على حقوقها واللي ادى بعدها الى قيام الثورة على الظلم

وللا هي الناس كانت هتعرف منين الكم الهائل ده من الفساد ...من الاعلام الحكومي مثلا

احنا مالنا الراجل متجوز مين ..ليه هي مراته طلعت سارقانا راخرا زي الست سوزان

الراجل ده هو ومحمود سعد و بالذات وبلال فضل وعلاء الاسواني و جلال امين

جميلهم على راسنا

وبعدين محمود سعد اكبر حاجة في صفه في كل اللي حصل انه امتنع من اول الثورة عن المشاركة

في المهزلة الاعلامية مضحيا بالملايين اللي بتحاسبوه عليها دلوقتي

وما رجعش الا لما مصر انتصرت

كل ده وبقى هو واللي زيه بياخدو والله ماتجرأش حد انه يقول عليهم سرقو

ده عقد

يعني الممثلين محدش مقهور منهم ليه مع ان اكثرهم بينشر الانحطاط...مش بيقول كلمة حق

لو على التفويق وتفتيح عين الناس طيب مايبقى عمرو اديب بطل قومي ببرنامج القاهرة اليوم الي كان اول نافذة فتحت عين المصريين على ان في معارضة في التلفزيون ؟

وعلى كده يبقى خالد يوسف معذور بقى لما بيعتبر نفسه بافلامه فدائي واول من تنبأ بما نحن مقبلين عليه ؟

وعلى كده بقى ابراهيم عيسى يستاهل نصب تذكاري في قلب ميدان التحرير حيث انه اول من "تجرأ " وكتب عن حسني او لنقل ( هبش فيه ) ..

ده غير طلعت السادات الي على منطقك يستاهل يبقى رئيس جمهورية ..

رأيي ان الغالبية منهم كل واحد فيها كان بيلعب دوره وفقا لاجندته الخاصه .. صادف انها وافقت هوى جماهيري وصادفت اننا شعب طيب بنسامح وملناش دائما غير الظاهر ..

يظل رأيي اره صواب يحتمل الخطأ ويظل رأيك بالنسبة لي خطأ يحتمل الصواب والايام وحدها كفيلة باثبات ايهما كان على حق ..

[بركة]

شفتي انت ماردتيش عليا في اللي قلتو نقلتي على ناس تانية ازاي

انا اتكلمت على الناس اللي اجمع الشرفاء على دورهم ووطنيتهم