معمر القذافى يثير التساؤلات حول اختياره لملابسه الغريبة

[اغابي]

القذافي شخصية استعراضية جداً، والله انا سعيد انني تواجدت في الألفية اللي فيها معمر القذافي.... شخصيات بجنون القذافي تظهر كل الف عام........ عجبني قوي قماش التنجيد اللي هو لابسه

انا كمان محظوظة يا استاذ سقراط

لانى بضحك من قلبي كل ما اشوفه بيتكلم - بصراحة مضحك جدا ومسلى جدا جدا

اكيد هو داه السبب اللى كان ملطف الجو على شعب ليبيا طول ال40 سنة اللى فاتو

لما سمعت وشفت الخطاب الاخير للقذافى - عجبنى اوى الكلام عن المخدرات وانها بتتعب القلب

وهو بينصح الشباب بالفاظ بذيئة جدا انها تقال فى خطاب زى كدا

عجبنى اوى لما كان بيشرح الكام بيت شعر اللى وصلوله فى ورقه - يا عالم يا هووو

- فى رئيس دولة يطلع فى ازمة فى بلده وانقلابات وثورة يطلع فى خطاب رسمي يقول شعر ويشرحه كمان

ايه الهلوسة والدم الخفيف داه

فعلا العقل زينة

تم تعديل 24 فبراير 2011 بواسطة اغابي

[spain]

القذافي خلال افتتاح قمة إفريقية بإثيوبيا عام 2009

تصدقي يا أغابي إني عندي أنتريه في مصر شبه القماش ده ؟

ده جبردين .. صح ؟

طب تصدق ان خالتى عندها نفس الانتريه برضوه ونفس اللون

وانا علقت قبل كدا ان الانتريه مش عاجبنى لونه - لكن خلاص ما دام القذافى لبس نفس القماشة

يبقى انتريه زى الفل بس محتاج علاج نفسي - الانتريه مش القذافى - لان تحليلي المنطقى

هنا ان الانتريه محتاج علاج نفسي ومعنوى لانه لابس زى القذافى

هههههههههههههههههههههههههههههههه

طب يحط قماش اوبيسون حاجة قيمة

حد شاف الراجل اللي وراه

:closedeyes:

انا بعد كده حاتصور ورا الناس في الصورة عشان اظهر

[اغابي]

إصباح الخير يا أغابي ...

هنا بقى يا س س الطقم النبيتى اللى لابسه فى الصورة بقى

طقم تنجيد كراسي السفرة - لان لونه مش هيبقى على الانتريه مبلوع

على كل الاحوال الراجل داه محتاج علاج وعاجل جدا

[se_ Elsyed]

بعد إذن بنتنا أغابي..

تم نقل الموضوع إلى باب الصور الغريبة والطريفة ...

أنا عاوز نغير إسم الموضوع إلى

مثلاً

جاليري القذافي

او أتيلية كوكو

أو ترزي المناسبات السعيدة

او محلات مانيفاتورة القذافي وولده ابو سريع

أو ... الست سنيه شيكوريل الخياطة المتصيتة

[se_ Elsyed]

إصباح الخير يا أغابي ...

هنا بقى يا س س الطقم النبيتى اللى لابسه فى الصورة بقى

طقم تنجيد كراسي السفرة - لان لونه مش هيبقى على الانتريه مبلوع

على كل الاحوال الراجل داه محتاج علاج وعاجل جدا

بتقولي فيها ؟

طب والله العظيم أوضة السفرة عندي تنجيدها لونه نبيتي ...

بس شوفي .... لو السفرة لونها كده .. يبقى السجادة لازم تبقى لون تاني عشان تكسر حدة الألوان المتشابهه ... يعني ممكن نختار سجادة رصاصي مثلاً ..

بالنسبة للصالون ... عاوزين حاجه مديه على أخضر زيتي كده ... أو قلب خسايه ....

عندك بدلة اللون ده له ؟

[خالد شحاته]

والله القذافى ده غبي جداااا في رئيس يقفل التلفزيون طول الليل ويخلي حذائه فقط علي الشاشه في رئيس يعمل كدا طول الليل

الفلزيون بيعرض حزائه ان شاء الله هينضرب بيه قريب ان شاء الله علي المجاز الا عملها في الشعب الليبي

[dongol]

والله القذافى ده غبي جداااا في رئيس يقفل التلفزيون طول الليل ويخلي حذائه فقط علي الشاشه في رئيس يعمل كدا طول الليل

الفلزيون بيعرض حزائه ان شاء الله هينضرب بيه قريب ان شاء الله علي المجاز الا عملها في الشعب الليبي

الكلام ده حقيقي ولا هزار

[jasmin hamed]

الراجل ده باين عليه كان نفسه يبقى دزاينر

يعنى فى الخطاب الاخير سايب الدنيا تولع و يقولك الشباب يبقى لابس شريطه

خضرا و عليها كتابه بالاحمر

يطلعو يقتلو الجرزان

يا سلام

و ابنه يقولك نشيد جديد و علم جديد

شوف الدنيا

هو الهبل فى العيله ديه وراثه

على فكره انا متاكده ان الراجل ده مش مجنون و عايش اسعد ايام حياته عشان

العالم كله بيتكلم عليه

[pink rose]

عيشوا يا شباب

اعلان عن خطاب جديد له بعد شوية

تفتكروا هايكون ساعة و نص زي اللي فات و لا هايبقى 15 ثانية زي اللي قبله بتاع الشمسية و التوك توك؟

[عنبو]

القذافي مش بس بشهرته و جماهريته

القذافي بتوكتوكه و شمسيته

[المهندسه]

فور وصوله بمطار أديس أبابا في إثيوبيا بيناير 2007

القذافي خلال افتتاح قمة إفريقية بإثيوبيا عام 2009

العبيط اهو العبيط اهو